مشكله شاشه أستيل كول اكورد 2007

اولا اسعد الله اوقاتكم بكل خييرر

اليوم كنت بالغرابي وشفت شاشه اكورد 2007 خاصه بالاسبيشل المهم اني ملقوووف ولا انا عندي شاشه تحت بالدرج وشغاله تمام بس لقافه
المهم كلمت راعي المحل قالي خلاص نركبها لك ب 1700 قلت بس المكيف مافيه مشاكل ولاشي بجرب
لو المكيف مو تمام وحنا عند محلك فكها وعطني فلوسي والله يستر عليك قالي طيب
ركبناها واشتغلت تمام ولفيت بالسياره والشاشه تمام ..
وانا طالع من الغرابي المكيف طفى !!
شوي اشتغل ؟!
وجلس كل شوي يطفي ويشتغل لين وصلت البيت !!!

تكفون ياشباب :(
طبعا ركبها بدون ترهيم ولاشيء الفيش حق المكيف واحد لانها خاصه بالسياحي والاسبيشل
والله ضاق صدري لو اني جالس على القديمه ابرك لي
ونوع الشاشه ستيل كول الي فيها 3g وخرايط وكذا

وش الحل معها .!
والله خايف تخرب المكيف علي ولاحاجه ..

باعها لك برخص التراب لان الدفعه الاولى فيها مشاكل بالتكييف وسبق وجتني طلبات كثير وقلت لكم ياشباب شاشة السبيشل والسياحي المكيف حقها مو مضبوط والوكيل مشتري اكورد 2007 عشان يضبط الشاشه ويرسلونها للمصنع لاصدار دفعة جديده بدون مشاكل في التكييف

ومن الان اقول لكم اي شاشة ستيل كول حاليا بالسوق المكيف فيها مو مضبووط نهائيا الى اشعار اخر

الله يعطيكك الف عافيه

واسف لتأخري فالرد لاني مشغول اليوم مره
ولاكن شفت ردك من الجوال وعلى طول العصر رجعت للمحل والحمدلله بدون أي جدال قلت له الي صار معي وقالي ولايهمك وقف السياره الحين برسلك عامل وجاء العامل وفكها ورجع لي حق الوكاله
واخذت منه 1650 و 50 انا قلت له أخصمها وأعطها للعامل المسيكين يفكك ويركب فالحر وتعب معي ..
ويوم جيت اطلع منه قالي ان فيه شاشه جديده بدون عيوب بتنزل عنده خلال هالشهرين وقالي اذا تبي اركب لك ستيل كول حقت الفل كامل مافيها مشاكل المكيف بس بتوليف كهرباء وكذا
بس بصراحه انا خواف وقلت لا اذا نزلت الشاشه الجديده كلمني وتركت له رقمي
وننتظر الشاشه الجديده وللعلم شاشه استيل كول الي فيها عطل المكيف مليانه فالغرابي كثثثيرر وانتبهو منها ياشباب مو كل اصحاب المحلات كويسين وبيرجعونها لكم ويعطونكم فلوسكم بعضهم بس يبي يمشي بضاعته وخلاص واذا رجعت له قالك على الضمان بنسوي لها صيانه ويالله خش في بحر من المشاكل
وبالاخير الله يعطيك الف عافيه ميشوو على ردك الي جاء بوقته والله يرزقنا بشاشه حلوه وجميله ولا تقعد تستهبل علينا مع المكيف :d