معرض ركن السماوي للسيارات

يا أخوان اليوم رحت اليوم ركن السماوي نحجز اكورد 2012 بس المشكله قال جبها كاش افضل لك واطلع لك الموتر بكره !!

واذا بتجيب شيك اكتبه باسمي ( كلام الموظف ) لان المدير مهوب موجود على مااحول الشيك تستلم السياره يوم السبت لان الشيك يتأخر

اللي انا خايف منه وش يضمن لي حقي لاعطيته كاش او شيك وباسمه بعد !!!

وهل اجراءه سليم ؟ لانه يقول اعطيك وصل باستلام المبلغ (كاش) والموتر تشيك عليه قبل توقع على ورقة استلام السياره

اللي تعامل مع المعرض ياليت يعطيني خبر او يعلمني هل اجراءاته قانونيه ولالا ؟ لاني رحت لمعرض ثاني ويقول لي كلامه صحيح ومافيه شيء

انتبه انتبه انتبه لا تكتب له شيء ترا في بعض الموظفين يكون على وشكل الرحيل ويدور تحويشه ويهج انتبه وين يابو حولها على حسابه مجنون انت !!

بكره يقول الموظف ما اعرفك او من انت ؟
لازم تحول على حساب المعرض وليس ( الموظف ) او حساب صاحب المحل ولازم يعطيك ورقة استلام مبلغ كذا للسيارة مثلا تكتب فيها اكورد فل كامل بدون شاشة ابيض 2012 جديدة مثلا

وانت اسئل 3 او 4 اشخاص ثقات ولهم خبرة في المعارض


لازم تقابل صاحب المحل وتتأكد من ملكية المحل واسم صاحب المحل

بعدين وش الاكورد الي حصلتها وش نوعها عنده وكم سعرها ولونها ؟؟

لان اسعار الاكورد في تقلب واذا صامل علمني سعره واشوف اذا كان سعرهم عالي دليتك على واحد يبيع بسعار زينة ومضمون شغله

بس ما تحس ان الاكورد 2012 بتتغير وفيه بدائل و2012 لها عيوب وانت ابخص

انا والله ماعجبني اني اكتب الشيك باسمه لكن بعطيك ورقه وصل اني استلمت منك المبلغ لسيارة أكورد

المبالغ : اكورد سبيشل 89700

والفل كامل مخمل 97700

عليها عرض رمضان قبل كان فيه زيادة 3 الاف على كل نوع

الاكورد مهيب لي لاخوي ونصحته لكنه صامل ولا يهمه الشكل

اقتباس:

---

المشاركة الأصلية كتبت بواسطة تألمت بس تعلمت

انا والله ماعجبني اني اكتب الشيك باسمه لكن بعطيك ورقه وصل اني استلمت منك المبلغ لسيارة أكورد

المبالغ : اكورد سبيشل 89700

والفل كامل مخمل 97700

عليها عرض رمضان قبل كان فيه زيادة 3 الاف على كل نوع

الاكورد مهيب لي لاخوي ونصحته لكنه صامل ولا يهمه الشكل

---

شيك على السيارة من الف ل ياء وعلى الكفرات وكل شيء

انا على وقتي كانت الاكورد سبيشل تجيك من مستودع الوكالة وبالوان ابيض او بني محروق ب 91500 ريال جاهزة باسمك مع اللوح والتأمين ضد الغير الكلام هذا قبل 5-6 شهور


الفل جلد بدون شاشة بـ 102600 ريال بدون تامين وبدون لوحه ( وكانت تجي معاها كوبون تركيب حساسات خلفية مجانا )

باللوح وبالتأمين 103500


مو مشكلة الف ولا الفين ريال بس اهم شيء تكون السيارة نظيفة ولا بها عيوب

لان بعض السيارات المصدمة او المحكوكة او فيها مشكلة اثناء تحميل وتنزيل السيارة فانتبه من هالشغلة


_______________________________________________

وكيل هوندا اكبر جشع من ع جميل

يعني السيارة تكاليفها التصنيعية اقل وموديل 2012 راح يتغير قريبا ياخي السوق الحين فيه سيارات 2013 ولا ارتفعت سعرها

هذا والسيارات موجودة هنا يرفع سعرها

والله مدري وين يبي يوصل هالعبدالله هاشم ووشلة الوكلاء الي معاه

يعني اذكر وصلت الاكورد السوح 86 او 85 يعني على كذا سنة بيوصل السوح 100

فقد تكون بداية النهاية للاكورد

الناس ذبحتها الاقساط الله يعين الجميع وويسر امورهم

انتبه وانا اخوك النصابين ذي الايام كثير
وانا اشوف من رائ تغير لا تاخذ اكورد خذ اي سياره ثانيه افضل 89 الف تجيب لك موتر فل كامل سوناتا اي سياره من فئه الاكورد لان الوكيل حق الاكورد صار نصاب اخذت الاكورد عام 2009 سبيشل ب 83500 ريال
هذا السعر الحين ما يجيب لك سياحيه
غير غير هوندا خل ابو هاشم يخزن المواتر عنده بدل ما يكسب زباين يطيرهم باسعاره الخياليه اسعار القطع كانك راكب لكزس مو اكورد فيه نوع من اللكزس قيمتها الان 172 الف ريال حلوه وحجمها اكبر من الاكورد وقطعها اكيد نفس الاكورد اذا فيه زياده فهي شي بسيط

اقتباس:

---

المشاركة الأصلية كتبت بواسطة majood AL-azwari

انتبه وانا اخوك النصابين ذي الايام كثير
وانا اشوف من رائ تغير لا تاخذ اكورد خذ اي سياره ثانيه افضل 89 الف تجيب لك موتر فل كامل سوناتا اي سياره من فئه الاكورد لان الوكيل حق الاكورد صار نصاب اخذت الاكورد عام 2009 سبيشل ب 83500 ريال
هذا السعر الحين ما يجيب لك سياحيه
غير غير هوندا خل ابو هاشم يخزن المواتر عنده بدل ما يكسب زباين يطيرهم باسعاره الخياليه اسعار القطع كانك راكب لكزس مو اكورد فيه نوع من اللكزس قيمتها الان 172 الف ريال حلوه وحجمها اكبر من الاكورد وقطعها اكيد نفس الاكورد اذا فيه زياده فهي شي بسيط

---

كل الوكلاء ارتفعت اسعارهم شوف مثلا الكورلا الفل كانت ب 72 والحين ب 83 ونفس الشكل القديم ولاتغير ولا مسمار

ماوقفت على عبدالله هاشم انا مو مع ارتفاع الاسعار لكن ماتوصل لمرحلة العناد على شيء عام واورط نفسي بسياره سيئه

ع العموم ياصاحب الموضوع اتوقع انك تملك اكورد وعارف جودتها وامانها من بعد الله

بالنسبه للمعرض انتبه لانه يقدر يسحب عليك انت معطيه شيك بأسمه شخصيا وهو لايمت للمعرض بأي صله الا انه موظف اطلب انك تتواصل مع صاحب المعرض ولو تجيبها له كاش وتسجل الاستماره بنفس الوقت يكون افضل وطبعا شيك على السياره قبل لاتستلمها اذا كانت ليمتد فا السياره قريب طالعه من الوكاله

الله يعطيكم العافية يااخوان

طيب والكاش ؟ عادي ؟

اما الاسعار هذي عروض رمضان

والسياره لاخوي .. ومايبي غير الاكورد ويبي سبيشل واحاول اقنعه بالفل يقول ماعجبتني !!!

الكاش انت لما تعطيه المبلغ خذ بنفس اللحظه وصل من المعرض + البطاقه الجمركيه

الشيك مشكلته مايعطيك شيء الا لما يحصل الشيك وهذي الفتره يقدر يسحب ويهرب وانت ماتدري عنه

بالنسبه للفئه ممتازه الاسبيشل مواصفات الامان وكل شيء نفس الفل الفروقات اكسسوارات واذا كانت ليتمد فا السبيشل كويسه جدا يجي معها كشافات اصليه وجناح وازياج جانبيه واماميه وخلفيه

والله انا افضل الكاش وفعلا هو قال بعطيك وصل باستلام المبلغ + موزع معتمد من الوكاله وانا متأكد من هالشيء

الفئة اللي بناخذها بدون اكسسورات لانها مقبحه شكل السياره

وانا بحاول اقنع اخوي ياخذ فل كامل لان سعرها اعتقد حلو 97700 خصوصا ان السبيشل في الوكاله بـ 93200 فرق حوالي 4 الاف حرام اخذ فيها سبيشل

يعطيك العافية اخوي ماقصرت ومالنا الا السبت ولا كان مفروض السياره نستلمها اليوم بس قدر الله وماشاء الله فعل :(

أخوي تألمت بس تعلمت إن شاء الله يكون لك من اسمك نصيب .

أفضل طريقة إنك تخلي المبلغ كاش معاك وتاخذ الموتر اللي يعجبك أكورد والا غيرها وتستلم وتسلم يد بيد .

أحيانا فيه موظفين مجبورة المعارض على توظيفهم وهم ماهم ثقات وإلا كيف يطلب من انك تحط الشيك باسمه وهو موظف عادي !!!
الرجال بيلهطكم شوي ويشغل المبلغ شوي بسيارات وبعد شكاوي يرجع لك راس المال بعد ما يغثكم !!

قول لأخوك ما يمديك تغير عن الاكورد ونشوف لك لكزس 350es من موديل 2008 أو 2009 تقريبا بنفس السعر !!

والله وانا اخوك الرجال يقول ان المدير مهوب موجود وانا راح اودي الشيك بنفسي للوكاله واطلع لك الموتر من بكره باللوح والاستماره وكل شيء

والله انا مثلك افضل الكاش ويعطيك وصل مثل ماقال اخونا ميشو والامور طيبه

بخصوص اللكزس اخوي يبي موتر اصفار على يده