زيت الفرامل انخلط بمويه !! ولمبة القير الـ d تولع وتطفي والقير ما بينمّر ويرتج بقوة !

السلام عليكم ورحمة الله وبركاته ..

يالغالين .. الله يسعد أوقاتكم بكل خير يارب .. وكل عام والجميع بخير ..

قدر الله علي وصار لي حادث بسيط في واجهة السيارة .. الصدمة ماكانت قوية أبداً ولله الحمد .. واللديتر كان يحتاج إصلاح فقط لأن بعض الليات إنعوجت وصار ما يوصل الموية !!
المهم .. السيارة حتى بعد الحادث كانت تمشي والمكيف شغال وكل شي الفرامل والقير كله تمام التمام .. لكن كانت تسخن سريع بحكم اللديتر يبغاله تعديل !!

الآن .. بعد ما اخذت السيارة من الورشة بعد السمكرة .. لمبة الـ D تولع وتطفي .. ولمبة (فحص المكينه) شغاله .. والقير مع تشغيل السيارة وهي باردة وأول تعشيقه ينفض نفضه قوية ويرج السيارة كلها .. وفوق كذا السيارة ما تنمر (تبدل قير) معلقة ع القير الأول أو الثاني والله أعلم والمكيف صاير كأنه دفاية !!
وبعد هذا كله عشان أزيد الطين بله .. أمس وديت السيارة عند مغسلة ويوم فك الكبوت ورش موية من الداخل .. اتضح إن غطاء زيت الفرامل كان ماهو راكب زين وانفك وقت فتح الكبوت وطاح ع الأرض .. فعلبة زيت الفرامل غرقت موية والحين ماصار زيت صافي !!

أخوكم في الله في حالة توهان .. وقرأت هذا الموضوع : http://www.hondaarabia.com/club/t31295/

وتقريباً إستنتجت إن مشكلة القير ووميض مؤشر الـ D وعدم التبديل هي كلها مشكلة حساس .. مع إنس أستغرب وش اللي خرب الحساس فجأة ؟
بس اللي ما قدرت أفهمه حكاية النفضة اللي وقت أول تعشيق مع تشغيل السيارة .. كأني قرأت في نهاية الموضوع إن هذا يصير بسبب قاعدة الشكمان .. صراحة مافهمت !!
وإيش تتوقعوا سبب مشكلة حرارة هواء المكيف ؟؟ فريون فقط ؟؟ مع العلم انه بعد الحادث كان شغال تمام !!
وأخيراً .. موضوع زيت الفرامل الحين كيف أسوي فيه ؟ هل الموضوع خطير مرة ؟


أتمنى ما أكون كثرت عليكم بالأسئلة .. وربي يوفقكم ان شاء الله ..







دمـــ بخير ـــتم

اخوي اول شي الف سلامه عليك وان شاء الله اخر الاحزان
ولازم تسوي فحص كمبيوتر شامل وتشيك على جميع الحساسات
بالنسبه للعلبة الفرامله تقدر تشيل المويه عن طريق ادخال اسفنج وتنشيفها وتعبئتها من جديد

وعليكم السلام ورحمة الله وبركاته

الحمد لله على السلامة

و الله يعينك ويعوضك

بالنسبة لزيت الفرامل .. نعم خطير

زيت الفرامل يمتص الرطوبه ويتأثر اذا ما كان الغطاء راكب زين أو مفتوح , وش عاد اذا جاه ماء !!

لكن على العموم

افضل طريقة للشفط ( الإبره ) بحيث انها ما تترك شوائب وتشفط الزيت بسهوله


تشفطه بإبرة كبيره تلقاها بأقرب صيدليه , ( لازم تشيل الجزء الحاد من الإبرة )

لأن لو الجزء الحاد من الابره فتحلك علبة زيت الفرامل , سلملي عليها
لازم تغيرها

http://img.alibaba.com/photo/3744434...cal_needle.jpg

وبعدين تشيل فلتر زيت الفرامل وتشفط الزيت

واذا انتهيت منها وعبيت زيت جديد .. لا تستخدمها مره ثانيه لأن الزيت المتبقي يمتص الرطوبه

لكن اذا شفطته كثير ( مستوى الزيت بعلبة زيت الفرامل ) يمكن يدخل هواء ويسبب لك مشاكل بالفرامل

اذا خايف تتوهق ويدخل هواء بنظام الفرامل , اشفطه إلى LOW , وعب زيت جديد إلى MAX ... سو الطريقة هذي اكثر من مرة على فترات متباعده شوي , يعني انتظر لين يختلط الزيت الجديد مع القديم

زيت الفرامل انصحك بهذا

http://www.hondaarabia.com/club/atta...-brake-oil-jpg

لكن انتبه ترى فيه نوعين يتشابهن , نوع أصلي أغلى شوي , ونوع تقليد ارخص
لا تستخدم الا الأصلي

لا تنسى تنظف غطاء علبة زيت الفرامل بمنديل وتسكرها زين , عشان ما يمتص زيت الفرامل الرطوبه والخ... وتسبب لك مشاكل بالفرامل


بالنسبة للقير

شيك على حالة زيت القير و مستواه , يمكن انخلط زيت القير مع ماء الراديتر

افحص كمبيوتر


نصيحة لا تغسل المكينة بالماء ( عشان ما تتأثر المكينه وكهرباء السياره والخ... , أو لا سمح الله تلتمس وتحترق )

يضر المكينه والخ... + احتمال كبير يسبب لك مشاكل بالكهرباء


( نفخ الغبار يكفي )

افحص بالكمبيوتر وغريبه اول مرة تمر على نفس مشكلتك

اقتباس:

---

المشاركة الأصلية كتبت بواسطة ملك قوقل

اخوي اول شي الف سلامه عليك وان شاء الله اخر الاحزان
ولازم تسوي فحص كمبيوتر شامل وتشيك على جميع الحساسات
بالنسبه للعلبة الفرامله تقدر تشيل المويه عن طريق ادخال اسفنج وتنشيفها وتعبئتها من جديد

---

الله يسلمكـ ويسعدكـ إن شاء الله يا غالي ..
بإذن الله فحص الكمبيوتر بأسويه اليوم إذا أراد ربي .. بس عندكـ خلفيه عن التكلفة ؟ ووين أفضل مكان أقدر أسويه في جده ؟
بالنسبة لعلبة الفرامل إن شاء الله راح أمشي مع إقتراح الأخ The silver accord ..

تسلم أخوي ..

اقتباس:

---

المشاركة الأصلية كتبت بواسطة THE SILVER ACCORD

وعليكم السلام ورحمة الله وبركاته

الحمد لله على السلامة

و الله يعينك ويعوضك

بالنسبة لزيت الفرامل .. نعم خطير

زيت الفرامل يمتص الرطوبه ويتأثر اذا ما كان الغطاء راكب زين أو مفتوح , وش عاد اذا جاه ماء !!

لكن على العموم

افضل طريقة للشفط ( الإبره ) بحيث انها ما تترك شوائب وتشفط الزيت بسهوله


تشفطه بإبرة كبيره تلقاها بأقرب صيدليه , ( لازم تشيل الجزء الحاد من الإبرة )

لأن لو الجزء الحاد من الابره فتحلك علبة زيت الفرامل , سلملي عليها
لازم تغيرها

http://img.alibaba.com/photo/3744434...cal_needle.jpg

وبعدين تشيل فلتر زيت الفرامل وتشفط الزيت

واذا انتهيت منها وعبيت زيت جديد .. لا تستخدمها مره ثانيه لأن الزيت المتبقي يمتص الرطوبه

لكن اذا شفطته كثير ( مستوى الزيت بعلبة زيت الفرامل ) يمكن يدخل هواء ويسبب لك مشاكل بالفرامل

اذا خايف تتوهق ويدخل هواء بنظام الفرامل , اشفطه إلى LOW , وعب زيت جديد إلى MAX ... سو الطريقة هذي اكثر من مرة على فترات متباعده شوي , يعني انتظر لين يختلط الزيت الجديد مع القديم

زيت الفرامل انصحك بهذا

http://www.hondaarabia.com/club/atta...-brake-oil-jpg

لكن انتبه ترى فيه نوعين يتشابهن , نوع أصلي أغلى شوي , ونوع تقليد ارخص
لا تستخدم الا الأصلي

لا تنسى تنظف غطاء علبة زيت الفرامل بمنديل وتسكرها زين , عشان ما يمتص زيت الفرامل الرطوبه والخ... وتسبب لك مشاكل بالفرامل


بالنسبة للقير

شيك على حالة زيت القير و مستواه , يمكن انخلط زيت القير مع ماء الراديتر

افحص كمبيوتر


نصيحة لا تغسل المكينة بالماء ( عشان ما تتأثر المكينه وكهرباء السياره والخ... , أو لا سمح الله تلتمس وتحترق )

يضر المكينه والخ... + احتمال كبير يسبب لك مشاكل بالكهرباء


( نفخ الغبار يكفي )

---

الله يسلمكـ ويسعدكـ .. وتسلملي على ردكـ الوافي يالغلا ..

الفرامل عندي ضعفت بنسبة 50% إذا تبغي الصدق .. وصارت إستجابتها بطيئة جداً .. أنا يوم سألت خطيرة ولا لا بصراحه كان مقصدي على قطع السيارة .. هل الموية فيها ضرر على القطع في السيارة أو لا ؟؟
هاليومين ماشي على أقل من مهلي مجبور .. عشان الفرامل أولاً .. ولأني مرتبط بالقير الأول أو الثاني .. حدي 60 وإذا مشيت أكثر من كذا الـ RBM يشطح فوق الـ 4 !!

أشكركـ على إقتراحاتكـ .. وبصراحه مافهمت وش موضوع الـ Low والـ Max لكن راح أشفط الزيت عند أي بنشري وأعبيه من جديد والله المستعان ..

بخصوص القير .. ما أظن إنها مشكلة زيت أبداً .. لكن للحرص فقط شكلي بأشفط حتى زيت القير وأرجع أعبيه من أول وجديد إذا شاء المولى !!

وبخصوص غسيل المكينه .. ماهي من عوايدي أغسلها بمويه لكن للأسف السيارة طلعت من الورشة ماخذه حمام غبار .. كل شي مغبر فاستسهلنا موضوع الموية وقت الغسيل !!

عموماً.. تسلم على ردكـ الله يسعدكـ ان شاء الله ..

اقتباس:

---

المشاركة الأصلية كتبت بواسطة هاي الشرقية

افحص بالكمبيوتر وغريبه اول مرة تمر على نفس مشكلتك

---

مافي غريب إلا الشيطان .. هذي ضريبة دخول الكمبيوتر في كل حاجة .. بالإضافة إلى "إهمال" من ناحيتي إذا تبغا الصدق !!
الحمدلله على كل حال .. وبإذن الله بأسوي الفحص وربنا يسهل ..

تسلموا ع مشاركاتكم ..

افحص كمبيوتر في الوكاله ب 180 ريال للمكينه و السياره كامله ب 350 ريال تقريبا

اقتباس:

---

المشاركة الأصلية كتبت بواسطة MyStErIoUs-87

الله يسلمكـ ويسعدكـ .. وتسلملي على ردكـ الوافي يالغلا ..

الفرامل عندي ضعفت بنسبة 50% إذا تبغي الصدق .. وصارت إستجابتها بطيئة جداً .. أنا يوم سألت خطيرة ولا لا بصراحه كان مقصدي على قطع السيارة .. هل الموية فيها ضرر على القطع في السيارة أو لا ؟؟
هاليومين ماشي على أقل من مهلي مجبور .. عشان الفرامل أولاً .. ولأني مرتبط بالقير الأول أو الثاني .. حدي 60 وإذا مشيت أكثر من كذا الـ RBM يشطح فوق الـ 4 !!

أشكركـ على إقتراحاتكـ .. وبصراحه مافهمت وش موضوع الـ Low والـ Max لكن راح أشفط الزيت عند أي بنشري وأعبيه من جديد والله المستعان ..

بخصوص القير .. ما أظن إنها مشكلة زيت أبداً .. لكن للحرص فقط شكلي بأشفط حتى زيت القير وأرجع أعبيه من أول وجديد إذا شاء المولى !!

وبخصوص غسيل المكينه .. ماهي من عوايدي أغسلها بمويه لكن للأسف السيارة طلعت من الورشة ماخذه حمام غبار .. كل شي مغبر فاستسهلنا موضوع الموية وقت الغسيل !!

عموماً.. تسلم على ردكـ الله يسعدكـ ان شاء الله ..

---

آمين وياك ان شاء الله

ايه نعم خطيره من كل الناحيتين :

1) تأثر كثير بشكل سلبي على الفرامل ( يضعف الأداء .. " وممكن تنكبك اذا احتجتها خصوصا اذا احتر الفرامل " ) .
2) ممكن تسبب صدأ .
والله أعلم

الـ LOW والـ MAX .. هي علامتين تكون على علبة زيت الفرامل

يعني زيت الفرامل لااااااااااازم ما يقل عن الـ LOW ولا يزيد عن الـ MAX

لو تشفط زيت الفرامل ( بإبره ) احسن و انظف وافضل .. وانت اكيد بتكون احرص وبتهتم بسيارتك اكثر من البنشر

لأن يمكن تكون اللي تشفط زيت بالبنشر متوسخه , وتترك بقايا بعلبة الفرامل وتسبب لك مشاكل

وطريقة الشفط بالإبره سهله جدا .. تحتاج ابره وكأس .. تشفط زيت الفرامل بالإبره وتصبه بالكاس ( للاحتياط لا تشفط اقل من الـ LOW )

يعني اذا وصل مستوى الزيت لعلامة LOW .. وقف لا تشفط الزيت .. عب زيت إلى قبل MAX بشوي واستخدم السياره فتره

وكرر الطريقه اكثر من مره .. الين تحس ان الفرامل ممتاز والزيت صار نظيف وخالي من الشوائب

الطريقه هذي تسمى تغيير الزيت التدريجي :d ( للاحتياط )

لأنك لو تشفط كل الزيت اللي بالعلبه ممكن يدخل هواء بنظام الفرامل .. ويسبب لك مشاكل و يصير الفرامل سيئ جدا


بالنسبه لزيت القير ( لا تشفطه ! لا تستعجل )

أولا \ الزيت ممكن تكون حالته ممتازه وما يحتاج تغيير , يمكن الزيت ناقص و يحتاج فقط زيادة زيت , أو يمكن الزيت زايد عن الحد الأعلى لعيار الزيت ويحتاج شفط

كم ماشي على زيت القير ؟

ثانيا \ الشفط للمكينه والقير .. ما انصح فيه ,, لأن لها صره ولو فكيت الصرة وفرغت الزيت بالكامل ما راح تواجه اي مشكلة

لأنه موب مثل نظام الفرامل ونظام الكلتش اذا دخل فيها هواء .. تواجه مشاكل

ثالثا \ صرة زيت القير بها مغناطيس , يحتاج للتنظيف بقطعة قماش عند تغيير الزيت

رابعا \ لا تستخدم الا زيت قير الوكالة .. عشان ما تواجه مشاكل

خامسا \ لا تخلط زيت ثاني مع زيت قير هوندا ( يعني بالعربي لا تستخدم الا زيت قير هوندا )

سادسا \ زيت القير غالي شوي

# تقدر تغير ( الفلتر الخارجي ) للقير .. بالوكاله

الفلتر الداخلي ما يتغير الا مع التوضيب


لكن اتوقع المشكله من احد الحساسات

غريبه المشاكل اللي طلعت لك بعد ما اخذت سيارتك من ورشة السمكره , انا انصحك ترجع لهم وتتفاهم معاهم

لأن شغلتهم سمكره , وشلون طلعت المشاكل هذي بعد ما اخذتها منهم

الله يستر لا يكونون اخذوا بعض قطع سيارتك وركبوا لك مستعمله وخربانه

ويمكن صدفه .. الله أعلم

انصحك تصلح سيارتك بأسرع وقت علشان ما تأثر على سيارتك لا سمح الله
واذا ما قدرت تصلحها الحين , أبدأ بالأشياء السهلة والرخيصة إلى الاصعب والأغلى

يعني مثل شفط زيت الفرامل سهل ورخيص
تشيك على مستوى ولون زيت القير ( تعاير الزيت وتشوف لونه )
تشيك على أفياش الحساسات يمكن مفصوله
تفصل البطاريه وتشبكها بعد كم دقيقه

اذا جيت تفك أسلاك البطاريه .. افصل السلك الاسود ثم الاحمر
واذا جيت تشبك اسلاك البطاريه .. اشبك السلك الاحمر ثم الاسود<< هذا الكلام من كتيب صيانة هوندا

اذا ما نفع مالك إلا .. تفحص كمبيوتر
اذا ما ضبط الفرامل مالك إلا .. تغيره بالوكاله أضمن ( وضروري يسوون تنسيم لنظام الفرامل .. يعني يخلون الفقاعات الهوائيه تطلع من نظام الفرامل )

ومكان التنسيم عند كل كليبر فرامل .. والسياره فيها 4 كليبرات .. بكل هوب متصل فيه كليبر .. يعني 4 اماكن .. لكن تحتاج خبره

http://www.popularmechanics.com/cm/p...eed-a-0407.jpg


الله يعينك
بالتوفيق ان شاء الله