السلام عليكم ورحمة الله وبركاته
الموضوع باين من عنوانه انا محتار بين اكورد فل كامل او سوناتا فل كامل مستعمل
يا ريت تساعدوني انا بعد رمضان ابي اشتري باذن الله
وابي سياره تعيش معي 5 سنين
ميزانيتي 65 الف او بالكثير 70
وسلامتكم
عرض للطباعة
السلام عليكم ورحمة الله وبركاته
الموضوع باين من عنوانه انا محتار بين اكورد فل كامل او سوناتا فل كامل مستعمل
يا ريت تساعدوني انا بعد رمضان ابي اشتري باذن الله
وابي سياره تعيش معي 5 سنين
ميزانيتي 65 الف او بالكثير 70
وسلامتكم
دامك تبيها 5 سنين فخذ لك موتر جديد وكاله
ياالنترا .. ياكوريلا .. ياالتيما سوح تلقيها بهالقيمه تقريبا موديل 2012
اما من خياراتك المذكوره ارشح لك اكورد
تبغى سيارة كرف وتتدوم معك 10 سنوات خذ لك أكورد
اما اذا انت من الناس التي تميل الى الرفاهية خذ لك ازيرا مديل 2010
بحدود 65 وخمسة في الجيبه تستفيد منها
والله يرزققك با الموتر الذي يناسبك
تحياتي لك
خذلك أكورد 2010 فل
أحسن لك
وبعد 5 سنين تبيعها وماتخسر فيها
الاكورد تمسك سعرها ...
يعيطكم الف الف عافيه وان شاء الله بشتري اكوورد
شكرا لمساعدتكم
الله يوفقك ويعطيك خيرها ويكفيك شرها
بس ترا العزل الخارجي والارضي زفت واسوء شيء في الاكورد
اهم شيء قبل تشتري اسئل راعيها عن طرمبة الدركسون و زيت القير هل كان يغيرها في الوكالة ام لا ؟
والحاجات التي تغيرت في السيارة مثل فلتر البنزين - زيت القير
دور النظيف حتى لو اقدم بموديل
سبيشل 2009 - 2010
^^^^^^^^^
صاحب الموضوع يطلب رأي الأعضاء في السيارتين ماطلب كذب وكلام غير صحيح تألفه من راسك..
وبعدين كل السيارات المستعملة فيها مشاكل ..
والشي الثاني ليش ماطلبت من لو أخذ سوناتا يسأل راعيها الول عن زيت القير وفلتر البنزين وهل غيره بالوكالة ؟؟ هذا دليل على سوء نيتك وأنك تنشر الأكاذيب هنا للإساءة للهوندا والأكورد
ليش ياخي ها الكلام هذا ؟؟ الرجال قالك اسأل راعي السيارة القديم عن اهم الحاجات في الاكورد .. مثل ما قال طرمبة الدركسون وزيت القير .. كل سيارة مستعملة لازم تسأل راعيها القديم عنها وعن صيانتها .. بالنسبة للأكورد في اسئلة تختص فيها وهي الا ذكرها الرجال ..لاتدخل في نية الرجال الله يهديك بس ..اقتباس:
المشاركة الأصلية كتبت بواسطة أبوفيصل 22
بالفعل اخي الكريم الاكورد تمسك سعرها بعكس السوناتااقتباس:
المشاركة الأصلية كتبت بواسطة .AcCoRd
انا والله ماقد ركبت لا السوناتا الجديدة ولا الاكورد... لكن الاكورد حقها فيها وتمسك سعرها عكس السوناتا. وكل السيارتين معروفاتان ومايحتاج الواحد يمدح فيهم. بس لو كان الخيار لي رحت مع الاكورد
اقتباس:
المشاركة الأصلية كتبت بواسطة الهادف
طيب وليش ماقال كانك أخذت سوناتا إسأل راعيها الأول ؟؟ ليش بس الأكورد اللي تسأل عنها !!
صاحب هذا المعرف كل مشاركاته السابقة بمعظم المواضيع سيئة وهدفها الإساءة لهوندا بشكل عام والأكورد بشكل خاص .
اخوي ابو فيصل الرجال صاحب الموضوع يسأل عن الاكورد والسوناتا
والعضو هوندانا رد عليه واعطاه رأيه الشخصي عن الاكورد بحكم انه يملك سيارة اكورد وليس سوناتا وفي نفس الوقت العضو هوندانا نصح الرجال انه يسأل راعيها عن بعض الاشياء فيها
وانا من رأيي ان الرجال ماقال شي غلط ...واتمنى ان يكون تفكيرك أرقى من كذا وان تتقبل الواقع والحقيقة بصدر رحب
وانا اوافق اخوي هوندانا في ان عزل الاكورد سيئ .. وافتح الرابط هذا وتأكد بنفسك ان الجميع متفق على ان عزل الاكورد سيئ
http://www.hondaarabia.com/club/t56389/
اقتباس:
المشاركة الأصلية كتبت بواسطة با اشواق
حياك الله أخوي وأنا احترمك وأحترم كلامك ..لكن الرجال صاحب الموضوع يسأل عن الأفضل بين السيارتين ماسأل عن ملاحظات أو عيوب أو
غيرها .
ليش بكل موضوع يحاول يجبر الأعضاء على رايه وكأنه هو الوحيد الذي يملك السيارة ؟! السوناتا فيها عيوب ليش ماذكرها ووضحها لصاحب
الموضوع ؟؟ وإذا مايعرف عيوب السوناتا كيف يقول الأكورد افضل إذا!!!
انا اتقبل الواقع واعرف أن عزل الأكورد ضعيف نسيباً لكن أيضا فيها الكثير من المميزات ليش مايذكرها وليش يردد رأيه في كل موضوع بمناسبة او بدون مناسبة
يجب أن نكون عقلانيين ومانقعد في كل موضوع نردد نفس الكلام بقصد التقليل .
وأهلا وسهلا بك
اقتباس:
المشاركة الأصلية كتبت بواسطة أبوفيصل 22
الرجال أخبر بالأكورد .. وجاوب حسب معرفته بالأكورد ومشاكلها .. ما تكلم عن السوناتا ابداً ..
امتلاكنا سيارات هوندا و وجودنا في منتدى محبي هوندا لا يعني ان نهاجم المخالفين بغض النظر عن الرجال ورايه في السيارة ومشاركاته السابقة ..
أنا ما أفضل المستعمل بهاذي القيمة مهما تكون السيارة ممتازة
يا انك تصبر و تجمع لك فلوس زود أو تاخذ لك سيارة جديدة تقسيط و تخلي هذا المبلغ دفعة اولى و بتكون الفوائد بسيطة
المستعمل مهما تكون نظافته ما تضمنه بعطيك عدة خيارات بحدود فلوسك
1- ماليبوا 2013 الشكل الجديد ستاندر بـ68000 ريال
2- سوناتا 2013 ستاندر حدود 68000 ريال
3- ألنترا 2013 فل كامل 66000 ريال
4- اوبتيما 2013 ستاندر أعتقد بـ68000 ريال
5- كورولا 2013 نص فل 67000 ريال
أنا أرشح لك سيارتين (ماليبو - اوبتيما)
أو إذا بتاخذ سيارة حدود 90 ألف ريال
1- أكورد 2012 نص فل 93000 ريال
2- كادينزا 2013 نص فل 95000 ريال
3-ماليبو 2013 تحت الفل بدرجة 90000 ريال
4- كامري 2012 فل كامل 94000 ريال
5- ازيرا 2013 نص فل بحدود 95000 ريال
أنا أرشح لك 3 سيارات (أكورد - كادينزا - أزيرا)
بالتوفيق لك..
صاحب الموضوع لم يسأل عن المشاكل بل المقارنة بين السيارتين ( أيهما أفضل ) إن لم يكن لديه الخبرة او المعرفة فليس من الضروري أن يكتب شيئا خلاف المطلوب لمجرد المشاركة والإساءة للأكورد كما هي عادته في كل مشاركاته السابقة ..اقتباس:
المشاركة الأصلية كتبت بواسطة الهادف
ولايعني ايضا أن نلزم الآخرين برأينا في كل موضوع من غير دليل كما يقوم بذلك .. وجودنا في المنتدى ليس الهدف منه الدعاية للسيارات الأخرى كما يقوم هو بذلك .
وجودنا في المنتدى الهدف منه الإستفادة من تجارب البعض والمساعدة في حل مايواجهنا من مشاكل وملاحظات وغيرها وليس الهدف منه الإنتقاص من سياراتنا وذكر بعض العيوب وتضخيمها وعدم ذكر المميزات كما هو حاله
يا جماعة الخير طولو بالكو.
انا الحين املك كورلا 2011
صغيره جدا من الخلف ومافيهع رساوه
وانا قررت اشتري اكورد باذن الله
بس حاب اسأل عن الرجه اذا وقفت وللقير ع الدي
لان اخوي معه الموديل الي قبل وفيها رجه
ويا ريت نتناقش بشكل محترم
يعطيكم العافيه
وبالنسبه للعزل الارضي هل اقدر احل المشكله
حبيبي الرجه طبيعيه انت حاط القير على دي !!! يعني الموتر يمشي وانت جالس تمنعه بالفرامل عادي جدا بأي موتر تصير
بس اللي اعرفه الموديل اللي قبل هذا كان في عيب مصنعي بكراسي الماكينه وتسبب رجه وانت واقف
تبي نصيحة جرب استاجر السياراتين او رح وكالات السياراتين على انك تبي تجرب ويمكن تشتري جرب وقارن بينهماقتباس:
المشاركة الأصلية كتبت بواسطة عبود وبس
العزل الارضي ممكن تخفف من اثر العيب هذا بتركيب كفرات هادية ولينة وكفرات صامته مثل هانكوك ، توتو كفراتها تميل لليونة
لكن انت شف وقارن اذا والله ما عاب الاكورد بوجهة نظرك الا العزل الخارجي ف توكل على الله ودور الاكورد النظيفة
السوناتا فيها مواصفات ورفاهية لكن ما اعلم عن عيوبها ومشاكلها لكن على خبري من فترة النص فل 75 الاف من الوعلان الي في الدائري الشمالي في الرياض لكن ربما ارتفعت الاسعار
عموما الاكورد تتفوق بتوفر وسائل السلامة والامان من اقل فئة إلى اعلى فئة
اذا رجة بسيطة عادي من مسك الفرامل لان قير الاكورد قوي ويدف السيارةاقتباس:
المشاركة الأصلية كتبت بواسطة عبود وبس
، لكن اذا رجة واهتزاز هذي اكيد فيها مشكلة اما كراسي قير او مكينة
الطريقة الصحيحة عند الوقوف عند الاشارة
1/ الوقوف التام
2/ القير على n
3/ سحب الجلنط إلى ان تثبت السيارة ( خصوصا لو كانت على طلعة )
لان الضغط على الفرامل والقير على d يؤذي الكراسي والقير
صراحة اقنعتوني فيها
باذن الله سوف اشتريها بعد العيد
وعلى فكره انا انشات موضوع في منتدى سوناتا ونصحوني في الاكورد عشان ما يكون هناك تحيز لسيارة ماا
ما خاب من استشاركم
يعطيكم الف عافيه.
ممكن رابط موضوعك في منتدى السوناتا ؟
ههههههههههههههههههه يااخي انت قدييييييم يابوفيصل 22 ، ياخوي وانت ايش محرق رزك ، الاكورد شينة او الاكورد زينة انت ايش دخلك ، موترك واقف عند باب بيتك صح ؟ ها خلك في حالك وخلك في موترك ولاتشغل المسلمين . الحين اللي يسمعك يقول انك صاحب الشركة والا لك اسهم بالشركة ، والا لا يكون اسمك ابو فيصل ال هوندا هههههههه ذي قوية ، اللي اقصده يا اخي الفاضل ان هذا الكلام لا يعنينا ابدا تدري ليش ؟ لاننا من اسوء شعوب الارض ، شعب همجي لايصنع ولا شي ويجي يتشرط ويركب الموتر اللي يزين له والمشكلة يتعصب لبعض مصانع السيارات اللي فالاساس هادمين مساجد وبانين ذا المصانع فوقها ، الزبدة : اذا شركة هوندا لاتملكها انت ولا يملكها ابوك ولاتحمل اسم عائلتك فرجاء خاص فكنا من هالتعصب السامج . وبعدين ترا لو شوهوا سمعتها لها فوايد اخرى منها يقل الطلب عليها فراح تظطر الشركة الى الاعتراف بالعيوب اللي فيها بالاضافة الى تخفيض قيمة السيارة وجعل عليها عروض موسمية وعروض صيانة وراح تنخفظ اسعار قطع الغيار على اساس يكسبون ثقة العميل ، اقسم لك بالله قبل الاكورد كان معي اكسنت 2004 اشتريتها ب21000 وكان سعر البواجي 18 ريال والمساعد الوكالة ب100 ريال الان قسم بالله البواجي اشتريتها شهر 7 ب 30 ريال والمساعد ب 225 ريال كللله بسبب انتشارها مع الناس وسمعتها الطيبة فقط يعني اكلت هواء انا فالحالة هذي فهمت ! فكر فيها ياشنب !!!!!اقتباس:
المشاركة الأصلية كتبت بواسطة أبوفيصل 22
هاذا الرابط للطلبو
بعد اذن الاداره
http://www.koreanbeast.com/koreanbeast44309