مشكلة و ابي حل لا هنتوا

السلام عليكم

كيف الحال اخواني ؟

اليوم جاي لكم وابي حل لمشكلة عجزت وانا ابحث عن الحل :(


عندي هوندا اكورد 6 سلندر امريكي .. السيارة جديدة المفروض و ممشاها قليل .. المهم ان عزمها مو عاجبني و كمان تسارعها سيء

التسارع الطبيعي 6.5 او اقل .. سيارتي تجيب 8.6 مرة اقل مرة اكثر و افضل تسارع للحين 7.9 :eek: بالكيلو مو بالميل يعني مو حاسبه غلط

المهم بحثت عن المشاكل الممكنة .. الفلاتر بدلتها .. و الكفرات مو سيئة .. و حاليا اقرب مشكلة هي القير :mad:

قارنت تسارعها بالتسارع الطبيعي .. التعشيقة الاولى من 0-60 كم طبيعي .. التعشيقة الثانية بدل ماتكون في 3 ثواني تطلع 5

اذا كانت عندكم حلول للقير كان بها .. مافي حلول و مافي احتمال غير انه خلل مصنعي امري لله ..

ملاحظة : شيكت ع زيت القير .. سليم

بانتظار ردودكم

كم موديل سيارتك

2010

نوع البنزين والممشى وهل سبق غيرت زيت قير او بواجي ؟

البنزين اعبي 95 .. الممشى اكثر من 22500 بشوي .. لا ما غيرت .. انا ماخذها مستعملة و اتوقع ماتحتاج بواجي .. اما زيت اللقير شيكته و قالو لي سليم

46 مشاهدة و ولا احد يعرف ؟ :confused:

غير بواجي لأنه مهم في العزم
+
افحصها كمبيوتر

انا اشوف مافي مشكله في السياره والهوندا موب سيارة سباق نهائيا
وما انضحك تضغط ع الدعسة كثيير مع الوقت يعدك لك الكشتات في السياره ويطيح عزمها من جد

انشالله .. يعطيك العافية

بخصوص الضغط ع الدعسة انا اسمع العكس .. ينشط السيارة .. بس انشالله:)

الاكورد مب سيارة دعس ابدا ابدا

صح تتحمل الدعس فترة لكن عقبها تنفض جيبك نفض

^^
اختصرها لك
الاكورد لو ما تحافظ عليها وقسم نتدم عليها وغير تبيعها ما تقدر ع قطعها .

السالفة مو دعس يا شباب :) بس ابي عزم السيارة طبيعي فقط

مين قالك عزم المكينه ما ينزل مع الوقت ولا يمدي الكابرس الـ 90 للحين يطارح

بينزل لو كان مديلها 90 مو 2010 ياخوي ..

2010 و ممشاها اقل من 23 الف بدون خلل مصنعي مستحيل عزمها يضعف

اخوي طيب ممكن انت ع طريق مرتفع ..؟
بدل البواجي وشوف الفرق

انشاء الله

فيه اشياء في السيارة لابد ان تتغير بحساب الزمن وليس عدد الكيلو مترات ...

وأظن ان زيت القير يحتاج تغيير ( 3 سنوات وزيادة )

غير نوع الزيت الي تستخدمة لزيت افضل

فلتر الهواء غيره بجديد اصلي

فلتر البنزين غيره ( بحكم ان السيارة في امريكا كانت متعودة على بنزين معين )

فلتر زيت القير الخارجي غيره في الوكالة

شيك ع البخاخات

استخدم منظف البنزين ( دور نوعية جيدة وحطه في تانكي البنزين )

البواجي غيرها ببواجي اصلية واحتفظ بالقديمة

تأكد من عدم وجود تسريبات او تشققات في المواصير وعدم وجود كسر او فتحات في علبة فلتر الهواء

تأكد ايضا ان المكينة مو موظبة او مجددة لان المكينة الموظبة او المجددة ما ترجع زي ما كانت

انت ابدأ اعمل الي قلت لك عليه بشكل تدريجي من الاقل تكلفة للأعلى بدأ بتغيير البواجي ومنظف تانكي البنزين وفلتر الهواء

ولا يمنع من انك تفحصه فحص كامل كمبيوتر