أصوات غريبة طلعة بعد تركيب كرسي مكينة تجاري لاكورد موديل 2003
السلام عليكم أخواني,,
أنا عضو جديد معاكم وكمان مستخدم جديد للأكورد:d
ندخل في الموضوع أنا خذيت أكورد 2003 بصراحة اهو نظيف ومكينة وجير ماعليها كلام بس كانت في مشكلة وحدة وهي أني لما أدوس عالفرامل والسيارة مخلنها على D تبدأ تهز وتسوي صوت ترررررر هع
المهم حد قالي كراسي المكينة خربانة وحد قالي ميزانية سير,, ( يعني البيرنج إلي تحت السير خلف علبة الباور)
بعدين أخوكم كان متغلق شوي مشتري السيارة ومافي فلوس :( وخذيت كرسي مكينة تجاري ( ندمااان صدقوني ) عادي ورخيص جدا والأصل يكون هايدرولك وركبته في الأمام ,,,
في البداية لما شغلت السيارة السير كان يطلع دخان كثير ما أدري تحركت المكينة أو شو بالضبط لما ركبت الكرسي وطفيت السيارة والميكانيك عدل فيها شوي وراح الدخان بس الحين ,, لما تشغلها ، مقود السيارة بسوي رجة ونفظة وأيضا لما تخليها في D أو في R المقود يسوي رجة وتحسه بيضربك وأنت داعس الفرامل طبعا ! ولما تدوس الريس يطلع صوت كأنك تسوق شاحنة بمكينة ديزل أو داتسون موديل 87:eek: وديتها الميكانك وأيضا قالوا أن الكراسي خربانة حد قالي إلي عالجانب خربان وإلي في الخلف صاحي وحد قالي العكس تمام ويأكدلي الثاني صاحي تماما ياأخوان والله إحترت والحين متوكل على الله وأبي أغيرهم كلهم إلي خربان وإلي مو خربان والتجاري إلي عذبني أول واحد براوي ,,
غير هذا أنا ما مكبر السالفة وأمشي في السيارة 140 و 150 عادي :)
أيضا في أستفسار عندي زيت الباور يليك يعني ينقص وماعرفت من شو المشكلة هل العلبة أو الأنبوب بتاعها أو يمكن الكليب إلي ماسك الأنبوب ,,,, العلبة متلطخة من الجانب الخارجي يعني يمكن من الأنبوب ؟؟ اذا عندكم فكرة عطوني ,,, لما وديتها عند الميكانيك قال لازم تغسل السيارة في البداية ..
أيضا بخصوص المسجل طبعا كان مو شغال السيدي والسبب في أقراص عالقة الداخل وسويت نفسي أبو العريف والشجاعة وفكيت المسجل حبة حبة من الجير لحد المكيف وطلعت قرصين متكسرات وقرصين لا ,,, المشكلة أن الشغلة ما منها فايدة أستغرقت خمس ساعات وأكثر ورجعت ركبت المسجل ولا اشتغل يا حسافة ع الوقت الضايع بس المهم اني ما خربت شي:d
السؤال هل مسجل الموديلات الأحدث إلى 2007 نفس مسجل سيارتي ؟؟ أنا سيارتي تقريبا رقم واحد الفئة الثانية رقم 2 الفئة الأولى ما أدري بصراحة يعني بدون فتحة بس مثبت سرعة وتخشيب وكل شي أوتو وبيج من داخل ,,!
وهل تنصحوني أشتري مسجل مستعمل نفس مسجل الوكالة أو أركب شاشة مرة وحده ؟؟ وبكم أسعار الأثنين إذا عندكم خلفية ,,,؟
وشاكر لكم حسن تواصلكم أنا تابعت المنتدى من فترة وبصراحة تجمع جميل لمحبي الهوندا وسأكون معكم بإذن الله
