السلام عليكم ورحمة الله وبركاته
حبايب قلبي انا ودي اغير نوع زيت المكينه وهو سوبر ماجنتيك
لانه اول شيء مب دايم احصله لو كنت مسافر وابي اغير الزيت على الخط مثلا لان اكثر سفرياتي تجي شطحه :d
او اني اشتريه من الجمله بـ 23 ريال واروح لحقين الزيوت ويكرشوني يقولون اشتري من عندنا اما تجيب من برا مانركب لك وبالقوه القالي واحد يوافق ويقول اغير لك ب 50 او 60 ؟!
ومره اتذكر على طريق الدمام غيرته العلبه بعد المهاوش ب 50 كان يقول ب 55 !!!
فـ ابي نوع ممتاز ويكون سعره معقول ويمشي 5 الاف عادي بس مانقطع ويوهقني مثل ماجنتيك ويكون متوفر بكل محل
وثانيا بالنسبه لزيت القير بعد اخر مره غيرته نسيت كم كان ماشي الموتر فالحين مادري انا متاكد اني مشيت عليه من 40 الى 50 الف ماتعدتها فايش رايكم اغيره او اتركه بس ؟!
وثالثا بالنسبه للجلد انا مركب جلد عند الاسماعيل جاهز مو تفصيل لاني كنت مستعجل ووراي سفريهه وابي شيء على الدزه
والجلد حق الباب مو خياطه لا بالباتكس ملزقينه حط شطرطون فوق المخمل بعدين باتكس ولزق الجلد حق الباب عاد الحين ابي افككه كله والمع الداخليه كامله هل مراكز التلميع يفكون الجلد ويلمعون المخمل او لازم الاسماعيل يفك الجلد وبعدين اروح للتلميع ؟!!
وثالثا انا مسافر لمدة شهرين ومعي سياره غير الاكورد طبعا اكوردتي بتكون واقفه عند الباب هل الوقفه الطويله تضرها او عادي ؟!!
بانتظار ارائكم وتجاربكم :d
