اكورد كوبيه 2012

السلام عليكم و رحمة الله و بركاته

المهم و لله الحمد تم شراء اكورد كوبيه 2012 فل كامل

و ماشاء الله سياره ممتازه جدا الحمد الله ما تحذف مثل ما يقولون الاخوان انه الاكورد 2012 يحذف الطاره
و مافيها اصوات ديكورات مثل الاخوان يقولون اكورد 2012 فيها اصوات ديكورات
و صرفية البنزين ماشاء الله ممتازه مع العلم انها 6 سلندر و كانت معي اكورد 4 سلندر 2006 و كانت تصرف اكثر من هذي و هنا انا مستغرب

و مقارنه مع 2006 اشوف ان الهوندا ما تغيرت في جودتها

بس العيب الوحيد الكفرات مزعجه في الطرق الغير مسفلته و العزل نقول متوسط مب ممتاز ولا سيء

بس عندي سؤال وين القى برمجه و قطع تعديل للسياره مع العلم اني ساكن بشرقية

وودي اجرب مع اكورد 6 سلندر كوبيه او عادي و اشوف المستوى اذا كان بشرقيه يرسلي على الخاص

ما شاء الله تبارك والله يعطيك خيرها ويكفيك شرها بس انصحك تخليها شد بلد لان شكلها احلا اي اضافه يخرب شكلها تحياتي لك اخوي

الحمد الله سيارة الان عدت 15 الف كيلو بدون مشاكل

و جربت مع سيارات كثيرة بالقومات و مستواها كان جيد جدا


السيارات الي جربت معها

اوريون ستوك و طلعت عليه و فيه نشيط طلع علي
اوريون فل هوائيات و برمجة و مخفف و طلع علي و القومة مصورة
اوريون فلتر و طلع علي فرق بسيط

افالون الموديل القديم و الجديد و طلعت عليهم ستوكات فرق سيارة

كادينزا 2011 طلعت عليه

اكورد كوبيه القديم 2008 عليه انتيك و طلعت عليه بس كان معه وزن و ما توقعت مستواها كذا عادي

ازيرا 3.3 عليه انتيك و طلعت عليه

جينسيس 3.8 مجرب مع 3 اشخاص قروب و فيه وحده من القومات مصورة و طلعت عليهم بفرق الا المصورة كان مبرمج ماسك معي


كابرس 5.7 2003 اقزوز و طلعت عليه

مكسيما 3.0 قير عادي و طلعت عليه سيارتين او 3


و اغلب الي تقاومت معهم مستغربين مستوى الاكورد يقولون انه بطة خصوصا راعي المكسيما كان مهايطي شوي حتى يوم نتفته يقول انت مركب شي مستحيل ستوك

و راح انزل القومات حقتي في المنتدى و تسارع السيارة من 0-160