عرض للطباعة
بسم الله الرحمن الرحيم السلام عليكم ورحمه الله وبركاته
كيف الحال ياشباب انشاء الله الجميع بخير ونعمه
ندخل بالموضوع الي هو كم اشاعه سمعناه هل اليومين الي هي الاكورد الكوبيه 2008 الي سمعنا انها بتكون مع السيدان
و الاشاعه الثانيه الي هي اليجند الي اتمنى صراحه انها تكون موجوده للي يشككون بقدره هوندا بمجال السيارات الفاخره وذهبت للتاكد من صحه الخبريه فقالي الموظف بكل بساطه احمد ربك جت السيدان :d
فياليت الي عندى اي خبر عن السيارتين يفيدنا
وشكراااا
في كلام على انه الاكورد الكوبيه ستنزل ولكن ليس قبل 5 شهور ,,, لانها الى الان لم تنزل في امريكا بشكل رسمي ,,,
وهذا اسلوب الشركه ,, حيث انها لاتخرج اوراقها الرابحه مره واحده ,,, بل تتدرج
بدأت الان بالاكورد 4 سلندر ,,,
في 2008 ستبدأ بتنزيل V6
وستبدأ لاحقا بتنزيل الكوبيه ,,,
لكن بالسعوديه ,,, بصراحه اشك :d
اشكررررررررك على ردك الصاروخي واعتذر على الاخطاء الاملائيه تعرف مستانس توني جديد:d وشكررررررا بنتظار الردورد
الكوبيه اكيد بتنزل بمواصفات خليجيه لانها نازله بالكويت يعني نازله و هذا الكلام من مسؤول المبيعات بالكويت و قال انها بتتأخر فتره طويله شوي
لانه اذا جابها من الاول ... ماراح تمشي السيدان كثير
بالنسبه للجيند :
وكيل الكويت ماراح ينزلها لان سعرها عالي و اخر مره نزلها محد شراها :o
سعرها راح يكون قريب 13 الف دينار كويتي :(
و الدينار الكويتي 13 ريال و عليك باقي الحسبه
بس الكوبيه اكيييييييييييييييييد نازل :cool:
الله يعطيك العافيه على الرد وياليت الوكيل الي عندنا ينزلها مع ان سعرها غالي بس في ناس يعشقون الهوندا حتى شرى nsx ,وشكرااااا:d
up up up
يليت لو ينزلون سيفيك type r
ومشكور على الخبرية
حبايبي
اللي يبي سفك تايب ار و لا nsx يعرف يجي الكويت و يطلبها
لا تقعدون تقولون ليش عبدالله هاشم ما جابها
و اللي يقول لو ان عبدالله هاشم جابها كان شريتها <<< عذر اقبح من ذنب
اللي يحب الشي ... يتعب وراه
و لا روح البحرين و لا الامارات
يعني لا تلومون عبدالله هاشم انه ما جابها
يجيب 1000 سياره ما تنباع منها الا 100 و الـ 900 الباقي محسوبين عليه وين يوديهم ؟
انا ما ادافع عن عبدالله هاشم بس هذا رأيي انا...
صح كلامك معشي @@
الوكاله تشوف متطلبات السوق ,,, بس هل يعني ان كل سيارات هوندا لازم تكون موجوده ...
وتفكرون التايب ار والتايب ار اس او الميوجن رخيصه !!!!
تراها غاليه مرررره ... ومو موجوده بكثر .. هذا يعني ان الوكاله اذا جابتهم تكون قد المسؤوليه وتبيعهم ...
اقرب مثال الليجند ... تعدى السعر المطلوووب,,,,
ابو هاشم متأكد ان السوق تأثر خلاص ... منافسة الليجند ضعيفه بسبب سعرها ... فهل يخليه يخاطر يرز 20 سياره مثلا في وكاله الدمام ... وبدون ماحد يشتري @@
شوفو الفرق ... كم سيارة شحن مثل ماتفضلو الشباب للأكوووورد 2008 ,,,
لانها مضمونها نها تنباع واسعارها في متناول الشعب @@
فوتوووووكوو بعافيه
اعذروني على التاخير بس انا رحت البحرين مره لاحظت في انواع من هوندا
مب موجوده مثل s2000انقهرت:mad:بس لو تلاحظون ان هوندا سيارتها قليله
في المملكه بس مسويه ضجه:d
الكوبيه راح تنزل في 2008 و طبعا بمواصفات خليجية
الليجند انا شفتها بعيوني في وكالة البحرين وفي مرة كلمهم الوالد(عاشق هوندا مثلي وسيارته حاليا mr-v ) وسألهم عنها وطلع سعرها تقريبا 158 الف ريال غالي مرة وقليل من يدفع هالمبلغ في هوندا ولو كان غني الا من يعرف الليجند صح ويعرف انها تسوا
سلاااااام..