عرض للطباعة
بسم الله الرحمن الرحيم
السلام عليكم ورحمه الله وبركته وبعد......
شباب محبوبتي في خطررر:( وانا دخل على الله ثم عليكم :o:
المشكله الاول:
عندي اهتزززز في النورررررررررررررررررر يعني اذ صارت على الدي ولا انا ماشي:mad:
المشكله الثانيه:
وانا رجع من القصيم علق معي النور الكباس ((العالي)) ومدري وش مشكلته حتى اذا طفيت السيارهـ يشتغل
تفكووون قولي وين اروح اصلحه وش المشكله لا تخلوني ترا في الرياض :o
تحياتي:
اكورد-4444
وعليكم السلام -- ياهلا بك
حتى انا تصير عندي يعني عادي :)اقتباس:
المشكله الاولى:
عندي اهتزززز في النورررررررررررررررررر يعني اذ صارت على الدي ولا انا ماشي
شيّك على الفيوز ،، او افصل البطاريه لمدة 4 دقائق ثم ارجع اشبكها ،،اقتباس:
المشكله الثانيه:
وانا رجع من القصيم علق معي النور الكباس ((العالي)) ومدري وش مشكلته حتى اذا طفيت السيارهـ يشتغل
حلها بسيط 650 ريال :dاقتباس:
المشكله الاولى:
عندي اهتزززز في النورررررررررررررررررر يعني اذ صارت على الدي ولا انا ماشي
االمشكله تكمن في قطعة وزن النوور ,, وهذي اذا اختربت يصير النور اهبل ويرجف ويرقص ولا يثبت ,, ويخليك تكره السيارة وبالتالي تبيعها وتروح تشتري كامري بدون وزن للنور :d
المهم اذا اانت اكلت مطبه بقوه ,, فهذا معناه انك كسرت القطعه ,, او انك شيك عليها ممكن انفكت او اي شي ,, اما اذا انكسرت فالله يعينك ....
بانتظار باقي الاعضاء :cool:
اهلين اخوي ولا تخاف مشكلتك بسيطه
مشكلتك الاولى عاديه وزن النور
المشكله الثاني صارت مع واحد مع الشباب قبل اسبوع علق الكباس معاه
يعني تصك السياره تشغلها النور العالي شغال على طول وما يدري وش المشكله
راح لكهربائي الكهربائي مايدري وش المشكله حاول حاول وما عرف والاكورد نضامها صعب شوي وحساس المهم فصل البطاريه وطفئ النور قال الحمدالله لما شبك البطاريه اشتغل النور مره ثانيه خخخخخخخ :d قهر ...
المهم قال مابه إلا اليبه راح للوكاله وراها حق الصيانه قال بسيطه هاذي علبه الفيوزات
قال اكيد قال المشرف ايه مو اول مررره تمر علينا ها الحاله
لازم نطلب لك القطعه ويبغالها يومين بالكثير علشان تجي وجت القطعه وركبها والحين السياره زي العسل مشاء الله
وصار المشكله فعلن من علبت الفيوز
وكلفه الشي هاذا 1350 ريال مع شغل الايد
ونت مر الوكاله احسنلك لا تروح لمحلات يخربون عليك السياره ويلعبن فيها :cool:
وشكرا........
ما ينكسر ديه الشي .. المشكلة ان ميزان النور فلت من مكانه ويحتاج اعادة وزنية ..اقتباس:
المشاركة الأصلية كتبت بواسطة عاشق هوندا اكورد
لازم تفك الميزان وتعيد وضعه في مكانه ..
اقتباس:
المشاركة الأصلية كتبت بواسطة الهادف
اخوي الهادف ليش ماتنزل موضوع وتوضح فيه وشلون نرجع الميزان لوضعه الطبيعي
أخوي راح افيدك في المشكلة الاولى لاني عانيت منها وهي اهتزاز النور على وضعية ال D والله وديتها الوكالة وشرحت لهم المشكلة وتركت السيارة عندهم ورجعت وصلحوها ولا اخذوا مني ولا ريال لانه طلبت منهم اعادة اصلاح بحكم اني توي مطلع السيارة من الصيانة الدورية
ان شاء الله في القريب العاجل .. نظراً لوجود كثير من الأعضاء يشتكون منها .. :)اقتباس:
المشاركة الأصلية كتبت بواسطة ل م س 3 3 4
ولله من جد يعيطكم العاااااافيه من اولكم الى اخركم :o
ولله من جد كفيتم ووفيتم مدري وش اسوي من جميلكم هذا
على العموما مشكلتي الثانيه فصلت فيزو العالي وطفى وانشاء الله ابرروح كهرببائي يكرب لي فيوز وعطيكم خبر :g010:
اما هززز النور ياليت يالغالي نشوف شرحك بسرع وقت وندعي لك بالزواج من 4 <<:cool:
سلامي:
اكورد-444:cool:
ننتظرك يالهادف:o
شباب مشكلتي تعليق النور غيرت الفيوز باعشر ريال وضبط مئة مئة :cool:
تحيااتي:
اكورد-444:cool:
يعني زال الخطر عن محبوبتك الاكورد وربي خوفتنا :d
ونشاء الله تدوم معك الاكورد وتكسرها بالعافيه :d
لا باقي الخطر الى الان :cry:
تسلم حبيب قلبي
اونتظر موضوع العضووو الغالي ...:rolleyes:
تحياتي:
اكورد-444
اخواني الاعزاء الارتجاج سهل حله جداً
والطريقة هي كتالي :
- اعكس الاوتماتك حق الانوار يعني اليمين خله يسار واليسار خله يمين
اذا ما صلح معك فيه طريه ثانيه
- اوزن النور على نمرة 2 ودوووم ابدى بالشمعه اليسرى طيب بتقول كيف انا اقول لك كيف
حبيبي نزل الاتوماتك من موقعه يعني انزعه لما تناظر بالاتماتك حق النور فيه محل سكروب يدخل فيه علشان توزن النور وفيه طريقه ثانيه اسهل وهي تقدر باصابعك ان تلفها وهي بتكون طالعه وواضحه بس انتبه لا تكون حاره حاول يكون الوزن والنور بارد علشان ما تحرك اصابعك المهم انت ونزل النور بوزنيه اصبعك يعني لف الوصله فيه وصله داخليه لونها ابيض حاول ان لا تكون بارزه مرة خلها وصط انت صدقني بتعرف بتقول كلامي صعب لاكن بالتجربه سهل وبعدين ركب الاتوماتك ونزل النور وارفعه مره ثانيه على نمره اثنين ؟؟؟
واذا واذا ما نفع انزع الاتوماتك وجب لك وصلة خشبه لا هي طويله ولا هي نحيله وحطها محل الاوتماتك وارفعها على فوق واربطها بسلك وريح نفسك وصلى الله على سيدنا محمد وسلامتكم وسلامت انواركم
باااااااااااااي
اقتباس:
المشاركة الأصلية كتبت بواسطة بوثين
احس طريقتك حلوه وسهله ،،،بس لو تحط صور تصير انت اطلق واحد
ركود ركود هههههههههههههه انشاء الله بحط مو صورة بس الى بحط روحي وعمري لكم ها امر بس وشكرا لك يا عسل
مشكووورين خووواني بس تقربيا ماعرفت وش يقصد اخونا :(
يليت شرح اكثر مع الصور
تحياتي:
سيف الهم