بطارية السياره ......استفسار

السلام عليكم ياشباب

اني عندي اكورد اربع سلندر 2011

اليوم حاولت اشغل السياره لكن بدون فايده يطلع صوت طقطقه وقت ماشغل السياره


هل المشكله من البطاريه؟؟؟؟

وش نوع البطاريه المناسبه؟؟؟؟؟ لسيارتي

وشكرا لكم

أبدأ من الأسهل والأرخص إلى الأصعب والأغلى

يعني :

1) نظف اصابع البطارية وشدّها زين ( شدّها بقوة لكن موب لدرجة ان اصبع البطارية ينكسر )

اذا ما نفع عطها اشتراك
اذا اشتغلت السيارة بدون مشاكل .. فالمشكلة من البطاريه

لكن ترى بعض أسلاك الإشتراك خرطي وتوصيلها سيء جدا .. وبعض الأسلاك ممتازه وعلى طول تشتغل السياره
يعني حاول جرّب اكثر من اشتراك

واذا ما اشتغلت بصراحه ما ادري يمكن السلف أو شيء ثاني


حاول تنتظر شوي بين كل دقة سلف



وش نوع البطارية الحالية في سيارتك ؟
اسي ديلكو أو شركة ثانيه ؟

و على نفس البطارية مكتوب .. كم أمبير ؟


المحلات ينصبون و يلعبون على خلق الله

مثلا يقولون هذي بطارية 60 أمبير .. وهي في الحقيقة والواقع 45 أمبير ( مكتوب على نفس البطارية )

وكان عندي نفس البطارية ومتأكد أنها 45 أمبير

http://www.hondaarabia.com/club/atta...5581-jpg?stc=1


بحاول أرفع لك صوره وأوريك 45 أمبير مكتوبه على بطاريتي القديمة .. نفس البطارية اللي بالصورة فوق

http://oi48.tinypic.com/f4pl3a.jpg


ملاحظه :

انا سيارتي 2006 .. يعني يمكن الموديلات الجديدة تحتاج بطارية بأمبير أعلى من 2006


افتح دليل المالك أو دليل المستخدم ( موجود بدرج السياره ) .. وشف كم تحتاج امبير

المشكله من البطاريه ومتأكد بنسبه كبيره



غير نوع اسمه اكسايد ممتاز
عليه ضمان استبدال 18 شهر.


اخذتها حول 250. ريال الظاهر 55 امبير او 60 ماني متذكر

الاخ

the silver accord

مشكور حبيب قلبي ماقصرت

اخذت بطاريه اسمها ياسا صناعة تايون ضمان سنه
وعلى كلام راعي المحل يقول انها 60 امبير
رغم ان المسجل عليها 46b

اشكرك

الاخ

جاكي2

ِ
بالفعل المشكله من البطاريه

اشكرك