خبطت مكينة سيارتي

السلام عليكم

قدر الله علي وشريت اكورد 2006 وللأسف ماتوفقت فيها

شريتها امس وخبطت المكينه اليوم

السياره نظيفه ماشيه 115000 بس وكنت فاحصها قبل ما اشتريها وماقالو شي عن المكينه

امس بالليل طلعت مشوار للمطار وانا راجع جلدت السياره واول ماوصلت البيت طلع بالمكينه صوت طرررررر يبدأ من الاربي ام 2 ويستمر

كلمت خويي عنده ورشه وقال لي يمكن عمود الكرنك بس جيبها لي عشان اتأكد

مشيت فيها من الخبر الى الخضريه وأول مادخلت الخضريه زاد عندي الصوت وطاح عزم السياره واجد

قعدت امشي فيها شوي شوي لين وصلت الورشه واول ماوصلت انتبهت للحراره انها فل وبهاللحظه انفجر الرديتر

طفيتها ومن بعدها ما اشتغلت والميكانيكي حق الورشه يقول دخلت المويه براس المكينه هذا غير مشكلة عمود الكرنك

الحين السياره رجعتها بسطحه البيت ووقفتها بالكراج

طبعا تحتاج توضيب

ابي نصايحكم

هل توضيب كامل ولا اغير المكينه مع العلم اني ابي استخدمها يعني وش الافضل مو الارخص

اذا توضيب كم يكلفني تقريبا

هل اوضبها بورشة خويي مع العلم انها ورشه مختصه بالموستنقات ولا تعرفون ورشه ممتازه للهوندا بالخبر او الدمام

بإنتظاركم

الله يكون بعونك اخوي

انت ما جريت عليها اول ما ختها
طيب انت يوم فحصتها عند كنبيوتر صح والا مش حالك من حقين المعارض
غير مخصص لفحص الهوندا

علي العموم صار اللي صار مانبي نقلب عليك المواجع

انت تسال عن التوضيب او شراء مكينة
التوضيب :
شوف انت شغل التوضيب وقطع الغيار والاهم الورشه معتمده وموثوق بها بالتوضيف ماهوب
مش حالك والسعر ما يهم اهم شي الشغل احسب السعر وعاد الله يعينك علي التليين للمكينة بعد التوضيب بتستحمل ؟؟؟

شراء مكينة مستعمله يا عن طريق تشليح معتمد يعطيك ضمان اطول للمكينة وشوف السعر والتركيب والضمان
والسعر ومثل ما وضحت لك اهم شي الشغل

وقارن بالحالتين التكاليف واللي تقدر عليه وتوكل علي الله
والله يعينك واي خدمه حاضرين للطيبين

معوض خير حبيبي

اذا متأكد من المكينة



اطلب من الاخ محمد الروسان
آنــــ į ąɱ ــآ اشتريت منه مكينه اكورد 2005 بقيمه 4200 ريال واصله عِنـ.̷̷̸̷̐ـديّ


والمكينه نظيفه جدااااا والحمد لله

الله يجزاكم خير

انا بيني وبينكم خايف من اني اشتري مكينه واتوهق فيها بعد

يمكن انها كانت على سياره مكروفه وماشيه واجد او تكون المكينه موضبه اي كلام

مالي خبره بشراء المكاين مدري كيف اتأكد من نظافة المكينه لو بشتريها

اما التوضيب صحيح انه فيه فك حوسه بس على الأقل بكون متأكد من ان كل شي داخل المكينه جديد لكن بتكون المكينه موضبه ومفكوكه


وش تشورون علي

الله يعوضك يا اخوي


لكن ناس كثير يقولون ما يصلح التوضيب لمكائن الألمنيوم .. أغلب مكاين السيارات الجديده المنيوم .. هذا اذا ما كان كلها

واذا ضبط فتره وتخبط مره ثانيه .. حسب كلامهم

لكن ما عمري وضبت اي مكينه .. ما عندي خبره

اخاف توضب وتخبط عليك مره ثانيه .. ثم تشتري مكينه من التشليح

يعني بتخسر كثير

1) توضيب بمبلغ وقدره
2) تخبيط
3) شراء مكينه مستعمله من التشليح بمبلغ وقدره

اقتباس:

---

المشاركة الأصلية كتبت بواسطة جاكي2

اطلب من الاخ محمد الروسان

---

+1

وعلى ما اظن محمد الروسان بيقول خل مكينتك عندك
وخذ مكينه بدون رجيع بسعر مناسب .. وضمان نسيت كم لكن اتوقع شهر

يمدحونه الأعضاء .. لكن للأمانه ما جربت اشتري منه

نستطيع توفير قطع الاكورد اصليه وكالة مع الضمان واستخدام خفيف وباقل اسعار من التشاليح




كيف جلدت السياره وانت راجع من المطار ؟
ما اتوقع المشكلة من الجلد لأني دايما اجلد اكوردات ولا جاها شيء .. لكن يمكن الزيت عندك ناقص بقوه أو ماء الراديتر ناقص بقوه أو يمكن عين

وليتك شايلها بسطحه أول ما سمعت الصوت
اتوقع المشكلة كانت نقص بماء الراديتر عشان كذا ارتفعت الحراره او نقص بالزيت .. او كلها يعني نقص بالماء والزيت



الله يعوضك ويعينك