السلام عليكم..
شريت هوندا اكورد 2007 السيارة ماشية 130
حاب اغير زيوت السيارة ؟؟ وش الزيوت اللي اغيرها ؟ وبكم تكلف عشان لا يلعبون علي:p:p
وش تصحوني بالزيوت و بكم اسعارها؟؟
اول ما شريت السيارة شفت زيت الماكينة وقال اليمني انه مليان ..’
عرض للطباعة
السلام عليكم..
شريت هوندا اكورد 2007 السيارة ماشية 130
حاب اغير زيوت السيارة ؟؟ وش الزيوت اللي اغيرها ؟ وبكم تكلف عشان لا يلعبون علي:p:p
وش تصحوني بالزيوت و بكم اسعارها؟؟
اول ما شريت السيارة شفت زيت الماكينة وقال اليمني انه مليان ..’
وعليكم السلام انا مانصحك تغير زيت القير اسأل مالكها السابق وشوف هل غير زيت القير ؟!وشوف الصيانه الدوريه اللي عملها..
لان اول تغييره للزيت كل60الف بعدين كل 40الف ولاتنسى زيت القير زيت هوندا الاصلي
البواجي من 2003 الى 2007 تتغير كل 40 الف وعندك ايضا فلتر البنزين كل 80 الف
طيب لو حاب اغيرها كلها بكم تكلف ؟؟؟اقتباس:
المشاركة الأصلية كتبت بواسطة مبارك عبدالله
وعليكم السلام ورحمة الله وبركاته
ألف مبروك :):d:cool:الله يعطيك خيرها ويكفيك شرها
# مستوى زيت المكينه :
وقف سيارتك على أرض مستويه تماما .. وخلها تبرد لساعات .. ثم عاير الزيت ( اسحب العيار وامسحه ثم دخله كله واصبر شوي ثواني ثم اسحبه .. اذا الزيت زايد عن الحد العلوي .. الله يعينك يمكن تنفقع الصوف بسبب زيادة الزيت .. أشفط الزيت أو غيرّ الزيت بأسرع وقت ممكن )
عيار الأكورد فيه فتحتين :
الفتحه العلويه = الحد الأقصى للزيت لازم ما تتعداها
والفتحه السفليه = الحد الأدنى للزيت
اذا كان الزيت عند أو قريب من الفتحه العلويه .. اهم شيء ما تتعداه = وضعك سليم ومن أحسن ما يكون
صوره من الانترنت لتوضيح شكل العيار
http://www.paulstravelpictures.com/H...-Guide-022.JPG
خذ حبة سيفون من الوكاله بـ 19.20 ريال بعد الخصم
وغيّر الزيت بالبنشر
4 علب زيت ( بدون تغيير السيفون )
4 علب وربع علبه ( مع تغيير السيفون )
لأن الزيت اذا كان زايد يفقع الصوف وتبدأ تهرب
تغيير الزيت كل 5 الآف .. مع معايره(فحص) مستوى الزيت كل فتره وفتره للاحتياط
تغيير السيفون كل 10 الآف
أنا عن نفسي بديت استخدم 10W30 بالشتاء ومرتاح جدا معه حتى صوت المكينه صارت أهدأ وأريح .. أحسن من 20W50 ثقييييييييييل ولا يتوزع الزيت بسرعه بالشتاء
الزيت يثقل مع البرود ويسيح مع الحراره .. يعني 20W50 بالشتاء اثقل من 20W50 بالصيف
لكن إذا استخدمت 10W30 وبدا شكمان سيارتك يدخن .. ارجع للزيت الثقيل
انا مجرب 10W30 ممتاز بالشتاء ( لكن اذا سيارتك ماشيه كثير جدا أو حالتها سيئه أو متعوده على الزيت الثقيل .. يمكن ما ينفع معها الزيت الخفيف ) .. انا كنت ما استخدم الا 20W50 وغيرت إلى 10W30 .. و الحمد لله ما دخن الشكمان ولا شيء ( ترى ما أقصد البخار اللي بالشتاء عند التحميه لأنه طبيعي بكل السيارات ... لا لا اللي اقصده دخان مثل السيارات اللي مكاينها فيها مشكله )
وبالصيف ان شاء الله بجرب 15W40 بدل 20W50 ( لكن تعبت وعجزت ألقى زيت 15W40 .. كل الزيوت اللي بالبناشر 20W50 و 10W30 )
15W40 + 10W40 + 10W30 + 5W40 + 5W30= كلها مناسبه للأكورد
واذا مالقيتها تقدر تستخدم 20W50 بالصيف
بالنسبه لأسعار زيت المكينه
بترومين الترا سفن 20W50 العلبه بـ 14 ريال
بترومين سوبر 10W30 العلبه بـ 14 ريال
وأغلبها بـ 14 أو 15 ريال بالكثير
زيت القير حاول تسأل راعيها الأول .. متى آخر مره غيرّ زيت القير ؟ وكل كم يغيره ؟
اذا راعيها الأول ما عمره غير زيت القير وماشي عليه 130 ألف .. اذا غيرته ممكن يخبط عليك القير << معروف بكل السيارات اللي قيرها أوتوماتيك .. اذا مشيت كثييييييييييير على الزيت بدون تغييره وأهملته .. اذا غيرته يخبط
لكن تقدر تشفط زيت بمقدار علبه وتعبي علبه زيت جديد .. وتمشي عليه فتره ثم تسوي الطريقه مره ثانيه .. يعني تغيير الزيت بالتدريج
ثم تغيره كله مع الفلتر الخارجي .. لكن ممكن يخبط القير بسبب إهمال تغيير الزيت
واذا راعيها الأول محافظ عليها ويغير زيت القير كل 60 ألف أو 40 ألف ... توكّل على الله وغير الزيت بالوكاله مع تغيير الفلتر الخارجي حق زيت القير
زيت الدركسون لا تستخدم إلا زيت دركسون مخصص لـ هوندا موجود بالوكاله
ولا تنسى تنظّف فلتر المكيف .. عشان يكون هواء المكيف نظيف وقوي ومافيه ريحه من الأوساخ اللي بالفلتر
تغيير البواجي كل 40 ألف وسعرها رخيص ( أكورد 2006 و 2007 )
تغيير فلتر البنزين كل 80 ألف
تغيير فلتر الهواء .. اذا حسيت انه مكروف غيره
ضغط هواء الكفرات :
30 للكفرات الخلفيه و 32 للكفرات الأماميه
واذا ما أعجبك
30 لكل الكفرات
وترى فيه دائما خصم 20% على قطع الغيار وخصوصا الإستهلاكيه .. يعني اذا ما خصمو لك .. خلهم يخصمون لك 20% لكل قطعه غيار
اقتباس:
المشاركة الأصلية كتبت بواسطة THE SILVER ACCORD
يــاخي تصير صديقي مشاء الله علييك...لو في جائزة نوبل للهوندا كان اخذتها ع طول مشاء الله عليك
شفت زين الماكينة ع شرحك الحمد الله كويس :rolleyes:..لازم اغير زيت الماكينة او اخليه نفس ماهو لين ينقص؟
اما زيت القير راح اكلم صاحبها لاني المستخدم الثالث ..