الفروق بين الأكورد الأمريكيه والخليجيه ( يا accord f15 تعال أدخل لاهنت )

بسم الله الرحمن الرحيم

أحبتي أعضاء وزوار هوندا أرابيا

السلام عليكم ورحمة الله وبركاته

أسعد الله مسائكم بكل خير

سبق وأن طرحت موضوع عن تجربة الهوندا بعد معاناه شديده وطلب مساعدات خرجيه في كتابة هالموضوع <<< بدوي مو عارف شئ:d


هنا الموضوع تعدت السياره 400.000 بالرحمن الرحيم :p

http://www.hondaarabia.com/club/t46454/


وأبشركم بآخذ هوندا 2013 والسنه الجايه أنزل لكم تقرير الــ 200.000 بإذن الله :a102:


واحد من الأعضاء رد علي في الموضوع وقال ((( الله يرزقك بهوندا 2013 ))) وقد إستجيبت دعوته بإذن الله


ياليتك يا accord f15 دعيت بالجنه <<< بيحسفك على دعوتك :p


يالربع محتار ماأدري وش قصة السيارات ولا أنا من المهتمين أو المتابعين لها << بإختصار السالفه عندكم وإلا نشتكيكم على قوقل يحذفكم :A6rb.Com_25:


أبشركم صرفت سيارتي الأكورد إلي نزلت لها تقرير على واحد من أخواني يحللها بعدي <<
واأبوي بيروح ضحية صيانتها لأن ماأتوقع فيها نفس تمشي :rolleyes:


وحقيقه عندي أخو صغير في المتوسط وحطيت عيني عليه بأستخدم الجديده 2013 وأصرفها عليه إذا إتخرج وعسى أبوي على القوه خخخخـ :A6rb.Com_67:


وماأدري وش الحل في السياره الجديده أكورد 2013 آخذ من أمريكا وإلا من السعوديه وهل ياترى الجوده في الأكورد مثل القديمه ؟؟؟ أو إختلفت مع إختلاف الصناعه

يالربع تراني أستخدم بلا رحمه يعني موتر من 5 إلى 6 سنوات وأقضي عليه << بس يا يوكوزونا :aa_dababa:


ياليت الأخوان المخضرمين في المنتدى يستنتجون الفروق لأن الإسبوع القادم ماخذها ماخذها الله لايعوق بشر


حسب مافهمت من المنتدى والأخوان الي فيه أن الفرق في الفل الأربعه سلندر بين الخليجي والأمريكي كمريتين في المرايا ( النقطه العمياء )


وأنا ماأشوف إنه فرق غير مجزي أبدآ << لأن العمى عمى القلوب للمتزوجين مثل حالتي <<< برىىىىىى يامفهي :o


ياأخوان دخيلكم أبي الفروق في المواصفات والأسعار


لأن زوجتي ملت مني وهي تكتب الموضوع ولا راح تنزل لي موضوع ثاني<< بإختصار بأتورط في المنتدى ماأدري وش السالفه :2:

لكم خالص ودي
ودمتم بود

وفي الختام أعتذر عن اللون الموف لأن الموضوع خارج عن سيطرتي ;)

الفرق بالكاميرا اللي على المرايا العلوية حقت تنبيه الخروج عن المسار وتنبيه الاقتراب من السيارة اللي امامك فقط هذا اللي ناقصنا

اللي يزيد عندنا عن امريكا هي التخشيب الفاخر والستارة الخلفية الكهربائية واضواء الليد الامامية والخلفية عندنا تجي في كل الفئات

توكل على الله واشتريها هي تستحق كل ريال الان خصوصا ان السعر ماهو زايد مثل قبل

مثل ما الأخ بلال تفضل وقال.

أحس أن كاميرا مراقبة المسار (Lane Departure Warning) يمكن تكون تعتبر عيب هنا لو نظرنا لطريقة القيادة، لأنه كل مرة راح تطلع من مسار بدون ما تستخدم الإشارة راح تزعجك.

http://www.youtube.com/watch?v=ASpaFMJezjc

كما أن كثير من السائقين هنا يلحموا في اللي قدامهم فراح يزعجهم نظام التحذير من التصادم، يمكن هذه بعض أسباب عدم وضع هذين النظامين (مع أن إمكانية إطفاءهما موجودة) :d

احتمال يكون في فرق في الكاميرا الخلفية، في أمريكا الكاميرا الخلفية قياسية في جميع الفئات ولكن في الفل 4 سلندر جلد وفئتي الـ6 سلندر تأتي الكاميرا مجهزة بزوايا متعددة للرؤية (ضيقة وعادية وواسعة)... بس ما أدري عن الوضع هنا لأن الكاميرا ستكون في الفئات العليا فقط على ما يبدو فلا أدري إذا كانت عادية أو متعددة الزوايا.