السلام عليكم
وتحياتي للجميع
في موضوع دايم وهو في بالي قلت اكتبه لكم علشان تتطلعون عليه
القصة وما فيها :
انا كان لي زميل قديم ( زميل دراسة ) كان شغال في وكالة هوندا في طريق خريص بالرياض . المهم مرة جالسين انا وهو ونسولف وقال لي ان جاه عميل وأشترى سيارة MR-V كان وقتها موديل 2005 ،،، المهم كان المفروض التسليم يوم أربعاء العصر ،،، يوم الاربعاء الصبح سيارة العميل هذا انصدمت وهم يدخلونها في المواقف الى تحت في الوكالة من عند الرفرف الخلفي يمين والصدمة وااااااااااااضحة ،،،، صديقي كلم الادارة في وقتها وقالهم السالفة ،،، تتوقعون وش كان الرد ؟؟؟؟ قالو له كلم سمكري الورشة يسمكرة بأسرع وقت وبدو شغل على طووول ،،، العميل وصل العصر قالو له السيارة باقي ما جهزت علشان أخذناها ل V-COOL علشان التضليل وتخلص يوم الخميس وهذا التضليل هدية من الوكالة ( التضليل يعطون العميل خصم فقط ) ،،، وبعدين كلموه الخميس على الجوال وتعذرو له من التأخير وقالو له السبت تعال أستلم السيارة ،،، وفعلاً حضر العميل السبت وأستلم السيارة وكان مبسوووط بالتضليلة .
السؤال :
وش ذنب عميل يشتري سيارة وكالة وبعدين يلعبون عليه ويبيعونه سيارة مسمكرة ؟؟؟؟؟
وين الامانة في التعامل مع العميل ؟؟؟؟؟؟
هل كان بيضر عبدالله هاشم اذا اعترف للعميل و غير السيارة بسيارة جديدة وحول السيارة المسمكرة الى سيارة أختبار ؟؟؟؟؟
لكن ما نقول الا حسبي الله ونعم الوكيل
تحياتي واسف للتطويل
ملاحظة : القصة حصلت بدون اي تحريف
اخوكم فيصل
