عرض للطباعة
السلام عليكم
كل سنه وانتم طيبين ان شاء الله
عام 2011 صار في تهريب بالبور حق الدركسون وصبرنا وجمعنا كم قرش واشتريته بـ3500 ريال وركبته بنفس سنة 2011
قبل شهرين اسمع في ونه وكانه بالبور يعني كل سنه بغير بـ3500 هل هذا معقول؟
من فحصي على البور مافيه تهريب بس فيه صوت وننننه مزعج وخاصة بقومة السياره
وش الحل ؟
وعليكم السلام ورحمة الله وبركاته
كل سنه وأنت طيب ان شاء الله
هل أنت تستخدم زيت دركسون الوكاله الذهبي ؛ أو زيت قير أوتوماتيك أحمر ؟
زيت الدركسون يختلف عن زيت القير الأوتوماتيك ( الزيت الأحمر )
و زيت دركسون الوكاله لونه ذهبي شفاف شوي وأثقل من الزيت الأحمر ( زيت القير الأوتوماتيك ) ؛ وتركيبته الزيت ومكوناته تختلف
اذا استخدمت زيت قير أحمر في الدركسون بيسبب لك مشاكل وتهريب
ومستوى الزيت بعلبة زيت الدركسون لازم يكون بالوسط بين الحد الأدنى والأعلى .. والسياره بارده
لأن الزيت يتمدد شوي مع الحراره
صور زيت دركسون الهوندا
http://store2.up-00.com/Nov12/J3J66445.jpg
http://www9.0zz0.com/2011/03/02/11/698493953.jpg
الونه ممكن تكون بسبب إستخدام زيت غير مناسب ؛ أو الزيت يكون ناقص عن الـ LOW أو زايد عن الـ MAX
أو من ربلات الطرمبه أو ربلات اللّيات المشبوكه بالطرمبه
https://www.youtube.com/watch?v=GR5QN3A3rJ4
الربلات رخيصه
وترى الطرمبه لها طقم قطع إصلاح بحدود 150 أو 200 ريال مع رمان ؛ لو أنت مجرب الإصلاح قبل تغير الطرمبه كان وفرت مبلغ كبير
* نصبوا عليك لأن الطرمبه أرخص بكثير من 3500 ريال
+ فيه خصم 20% على القطع بالوكاله ؛ لكن أحيانا ما يخصمون لك إلا اذا قلت لهم
يعطيك الف عافيه ياملك على الرد الوافي
واستفدت من الفيديو وعندي نفس الصوت المزعج وانشاء الله بسوي الطريقه بكره :) وبنشوف شنو يصير