السلام عليكم ورحمة الله وبركاته
ياشباب ابي شخص يعرف في قير الاوتوماتيك والاستخدام الصحيح له
يعني مثلا انا وقفت عند اشارة هل اخليه على d واضغط فرامل ولا احوله على n
واذا جيت ابي اوقف السيارة كيف الطريقة الصحيحة فيه شخص يقول لاتحوله على r مافهمت قصده ممكن احد يوضح لي هالاشياء واكون شاكر له
إذا بتوقف عند الإشاره >> يفضل تحطه على الـ n
و إذا بتوقف لفتره طويله يعني بتطفي الموتر >> يفضل تحطه على p
و إذا الموتر تعدا ممشاه 80 الف >> يفضل تغير زيت القير بأقرب بنجري او الوكالة
لاوقفت عند اشاره خله على n
لاجيت توقف السياره وتطفي اسحب الجلنط اول ثم حطه على p
لاتوقف السياره في رفاعه لان الموتر يكون واقف على القير ولا احتديت انك توقف في رفعه اسحب الجلنط لاخره
اقتباس:
المشاركة الأصلية كتبت بواسطة عزآه
اول تغيير زيت على 60 الف
بعدها كل 40 الف يغير
هناك عدة نقاط تقلل من العمر الإفتراضي للقير وهي :
1- عدم تغيير زيت القير في قته
2- كثرة المقاومة والتسارع للسيارة ( تأثر على القير والمكينة على حد سواء )
3- وقوف السيارة على القير يعني لاجيت بتطفي السيارة وتوقفها على أرض مائلة أولا تضغط الفرامل ثم تنقل القير إلى n وانت مستمر على ضغطة الفرامل ثم ترفع الجلنط ثم تشيل رجلك عن الفرامل عشان توقف السيارة على الجلنط ثم تدعس فرامل وتنقل القير إلى p
في نقطة محما جدآ وانا حبيت اذكرها لان الكثير يجهل فيها وانا اولكم
وقوف السياره وهي شغاله لا تكون على b تكون على n
اكيد الكل بيسال السياره وهي شغاله في دفع هوا قوي من جهت الحذاف على القير وفي حالت السياره على b تضغط على القير اما لو كانت السياره على n ما راح ياثر عليها
في تجربه بسيطه على شان الكل يتاكد من الكلام رح عند اي بنشري وارفع السياره من قدام بشرط الكفري مو كفر واحد
وحط السياره على b الكفرات بتكون ثابته لاكن حط السياره على n بتحصل الكفرات تدور
اتمنى المعلومه تكون اوصلت
1) تغيير زيت القير والفلتر الخارجي كل 40 ألف .. له دور كبير بالمحافظه على القير
* لازم الزيت ما يكون ناقص ولا يتعدى الحد الأقصى ( أقرأ كتالوج سيارتك عشان تعرف الطريقة الصحيحة لفحص زيت القير + لازم تكون السياره واقفه على أرضه مستويه ومستقيمه تماما عشان يكون العيار دقيق وصحيح )
2) تسخين وتحمية السياره شوي .. يعني لا تدق سلف وتمشي على طووول
حاول تخليها تسخن شوي
وترى زيت القير الأوتوماتيك يسخن مع تسخين المكينه ؛ ما أدري اذا الأوتوماتيك له مبرد خارجي .. أو فيه مبرد للقير في راديتر السياره
3) حاول تتجنب المقاومات وكثرة الدعس المفاجئ
اذا جيت توقف السياره :
1) حط القير على n ثم أمسك فرامل وأسحب الجلنط
2) أترك الفرامل العادي وخل ثقل السياره على الجلنط
3) حط القير على p
واذا جيت تعشق من الـ d إلى r .. أو العكس
لازم تكون السياره واقفه تماما
حتى القير العادي لازم السياره تكون واقفه تماماً .. اذا جيت تعشق من الـ r إلى 1 أو أي ترس يمشي السياره للأمام .. عشان تحافظ على القير
أما بالنسبة لتعشيق القير على n أو تركه على d عند الإشاره .. ما أدري بصراحه ما أحب أفتي بشيء ما أعرفه
سيارتي قير عادي