ياعيال تكفون الفزعةة شداد السير والدودة

السلام عليكم ورحمة الله وبركاتةة ..


اولا انا مالي خبرةة ابد في الهوندا .

عندي تهريب بالسيارة بسيط رحت لورشة بالصناعية بالطائف قالي ذي صوفة علبة الدركسون ويبغالها تغير :)

قلتلهه مهمه والى لا قالي بس ينقص عندك الزيت ويبيلك تزيدة كل شوي المهم ماقتنعت بكلامة ورحت لورشة النفيعي موزع هوندا بالطائف

قالولي المشكلة هي الدووودة ويبغالها تغير كامل :eek:

قلتله طيب شف الشداد يهز هزةة بسيطه كل ماحن الكمبرسور واذا المكيف مو شغال ما يهز :confused:

قلي يبغاله تغيرر مع سير المهم انا ناظرتة كذا :)

تكفون افيدوني سوالي هو

الدودة ماتتصلح والى لازم تتغير ؟؟

واذا تتصلح وش يبيلي عشان اصلحها ؟؟

وهل في اعراض مستقبلا ؟؟

الشداد هزتة عاديةة والى لازم اغيره ؟؟

وهل في اعراض مستقبلا للشداد او يخرب فجااة ؟؟

وبكم اسعارها ؟


والى سارتلهه المشكلة يفيدني بالحل لاهنتو

سيارتي هي اكورد 2006

وعليكم السلام
تغيير السير كل 100الف واعرف واحد وصل ل200الف ولا انقطع شوف اذا السير مومشدود غيره افضل ...وبالنسبه للدوده اعمل لها اصلاح بالاول وان شاء الله تنحل المشكله..

كان معي هوندا أكورد 2007 وخربت علي دودة الدركسون وكان فيها تهريب والدركسون مع اللفات يطلع صوت وسويت لها طقم إصلاح أذكر أخذته بحدود 350 اللي هو طقم الأصلاح وشغل اليد 200 ريال وضبطت السيارة وبعتها وهي ماشاء الله .. وخرب علي شداد السير قام يطلع صوت خصوصا لما أشغل المكيف ولا السيارة تطون واقفة وهي على الدي ورجلي على الفرامل وغيرت شداد السير في ورشة متخصصة لهوندا في الرياض اللي هي ورشة الجنوب وكلفني مع الشداد تقريبا 400 ريال وكذلك ضبط ومثل ماقال لك أخوي اللي قبلي شداد السير لابد يتغير كل 100 ألف وفي بعضهم يجلس معه 300 ألف وماصار فيه شئ وتوافيق ومن عيوب هوندا سابقا تهريب دودة الدركسون + طرنبة الدركسون هذي مشاكلها في هوندا واجد ولكن كل شئ لها منه طقم أصلاح ركب وأنتهى الموضوع