استفسارات بخصوص تلبيس الجلد ياجماعة الخير؟؟

أولاً السلام عليكم
هذي أول مشاركه لي بهالمنتدى الرائع بصراحه
اتمنى أني اقدر أفيد وأستفيد ان شاء الله
عندي بعض الاستفسارات بخصوص تلبيس الجلد للأخوان اللي ملبسين جلد أو اللي عندهم خبره
بالموضوع لايبخلون علينا بمعرفتهم,,
أنا معي أكورد 2006 وأبي ألبسها جلد
هل فيه أنواع كثيره والا نوع واحد بس؟؟
كم تكلفته؟؟واذا فيه انواع ياليت أعرف تكلفتها؟؟
أفضل محل يضبط التلبيسه بشغل نظيف؟؟وعنوانه؟؟
هل بالفعل الجلد مثل مانسمع أنه بالصيف يكون حار جداً ووالعكس صحيح مع الشتاء؟؟
هل هو يتعرض للإتساخ بسرعه ويحتاج تنظيف بين فتره وأخرى؟؟
وجزاكم الله خير

شوف اخوي
اذا انت بالشرقية اقدر افيدك
راسلني على الخاص

اقتباس:

---

المشاركة الأصلية كتبت بواسطة o-k-r

شوف اخوي
اذا انت بالشرقية اقدر افيدك
راسلني على الخاص

---

لا والله وأنا أخوك انا بالرياض
أشكرك على اهتمامك

فرصة ثانية


وبالتوفيق

شوف ياغالي رح لشارع الغرابي ،،عندك محلات السماعيل شغلهم حلو وسعرهم احلا،،،فيه نوعيه من الجلد يسمونها بالغرابي(هيلوز) اسئل المحل عنها وخذ نفس لون الوكاله وقيمتها تتراوح بين 300-350 RS على حسب مكاسرك،،،واذا بغيت بالابواب راح تزيد عليك 100 RS
،،،اتمنى اني افدتكـ

اقتباس:

---

المشاركة الأصلية كتبت بواسطة ل م س 3 3 4

شوف ياغالي رح لشارع الغرابي ،،عندك محلات السماعيل شغلهم حلو وسعرهم احلا،،،فيه نوعيه من الجلد يسمونها بالغرابي(هيلوز) اسئل المحل عنها وخذ نفس لون الوكاله وقيمتها تتراوح بين 300-350 RS على حسب مكاسرك،،،واذا بغيت بالابواب راح تزيد عليك 100 RS
،،،اتمنى اني افدتكـ

---

الله يطول بعمرك أخوي ماقصرت
بس حبيت أسألك اذا انت ملبس جلد هل هو مريح؟؟
او مثل مانسمع عن حرارته بالصيف وبردوته بالشتاء بشكل لايطاق؟؟

ولا تنسى الافضل انه يكون خياطة

احسن من مسامير الحديد <<<<<< بعد فتره بتخرب عليك المراتب

طيب اللي يبي المقاعد مريحة بالجلسه زي الفورد ....
كيف يسوي؟


السماعيل ما اتوقع انها حتتغير معاك في الراحه :mad:
لانه مراتبنا ماشاء الله زي الصخر :(

فهل من حل سوا كان تفصيل او تغيير حشوه ووين افضل مكان بجده؟

ووو:o كم سعره

وووو خلاص:)

اخوي بلا سماعيل بلاه هم راسلني خاص وانا اعطيك الزبده الا اذا كانك دراهمك محدوده

انا برياض

اقتباس:

---

المحل عنها وخذ نفس لون الوكاله وقيمتها تتراوح بين 300-350 RS

---

النوعية هذي سامجة وما تطول معك اكثر من8 اشهر الا وتشوفها معفطة مقطعة رايحة فيها ...

فية محل بالغرابي اسمة الكثيري على ما اظن ... بــ 1800 يطلعها لك نفس خياطة الوكالة بالضبط 100% خياطة احترافية جداً ... جلد مريح وكويس ويعطيك ضمان بحدود 3 سنوات على ما اظن ..

ب1800 حراااااام ،،،على كذا اروح للتشليح واخذ مراتب فل كامل (بعدين حط ببالك مهما كان المحل ماراح يضبط زي الوكاله )

اما اللي ب300 سعرها معقول ،،،صح انها على قولتك تتقطع بس جلد الوكاله بكبره يتقطع ،،واعرف واحد مركب جلد ابو300 له حدود الاربع سنوات وماشي معه

أشكركم كلكم على تفاعلكم معي

اقتباس:

---

المشاركة الأصلية كتبت بواسطة كوكو كورد

النوعية هذي سامجة وما تطول معك اكثر من8 اشهر الا وتشوفها معفطة مقطعة رايحة فيها ...فية محل بالغرابي اسمة الكثيري على ما اظن ... بــ 1800 يطلعها لك نفس خياطة الوكالة بالضبط 100% خياطة احترافية جداً ... جلد مريح وكويس ويعطيك ضمان بحدود 3 سنوات على ما اظن ..

---

طيب أخوي هالمحل تلبسيته تفرق كثير عن السماعيل؟؟
مو مهم السعر المهم الجلد المريح العملي بنفس الوقت
هل هو جاهز القاه والا لازم اطلب ويفصل؟؟
وكم ياخذ وقت التلبيس؟؟

نفس ما قال اخوي كوكو كورد

تبي جلد صح زي الوكاله بظبط رح للكثيري بتلقى عنده مرتبة اكورد مركب عليها جلد شفها واحكم... وترى ضمانه 4 سنوات إذا تغير اللون او تقطع الجلد او ارتخي رح لهم ويغيره لك
وانا اخبر واحد من اخوياي مركب جلد عنده وما شاء الله نفس الوكاله100%,,,,
حتى ترى يجيب جلد الكابرس او اللومينا الوكاله,,,,

اقتباس:

---

المشاركة الأصلية كتبت بواسطة كوكو كورد

النوعية هذي سامجة وما تطول معك اكثر من8 اشهر الا وتشوفها معفطة مقطعة رايحة فيها ...فية محل بالغرابي اسمة الكثيري على ما اظن ... بــ 1800 يطلعها لك نفس خياطة الوكالة بالضبط 100% خياطة احترافية جداً ... جلد مريح وكويس ويعطيك ضمان بحدود 3 سنوات على ما اظن ..

---

الكثيري معروف ونا مجربه :cool: شغله اخو الوكاله

اقتباس:

---

ب1800 حراااااام ،،،على كذا اروح للتشليح واخذ مراتب فل كامل (بعدين حط ببالك مهما كان المحل ماراح يضبط زي الوكاله )

---

لو حقت الوكالة قيمتها بالتشليح 1800 ريال ... كان كل الشعب السعودي مطلع سياحي ولا فل مخمل وسنتر بالتشليح ... قيمتها غالية اكثر من 1800

اقتباس:

---

طيب أخوي هالمحل تلبسيته تفرق كثير عن السماعيل؟؟
مو مهم السعر المهم الجلد المريح العملي بنفس الوقت
هل هو جاهز القاه والا لازم اطلب ويفصل؟؟
وكم ياخذ وقت التلبيس؟؟

---

فرق كبييير كبييير جدا جدا جدا ...

انت روح يم محل الكثيري وشوف كيف الجلد حقة وشوف شغلة ... صدقني نفس حق الوكالة ... خياطة محترفة لمساند الرأس ... ومنطقة الابواب ....

اسمع سالفتي كيف عرفت محل الكثيري ...

واحد من اخوياي ... رحت لأستراحتهم وكانو فية كم واحد جايين .... قال خويي اركب هالاكورد ...

ركبت ورا ... جلد نفس حق الوكالة ... شغل وكالة ... المساند والابواب وكاالة ... خلاص جا في بالي انها فل كامل .... اناظر في المسجل سي دي واحد ولمحة على الطارة !!!! مافيها مثبت سرعة ... انلخمت .... طلعت سياحي ,.., بس شغل الجلد متعوب علية ...وسألت من صاحب السيارة نفسها ... قال محل الكثيري ..

روح شوف محل الكثيري ومنت خسران .,..


وشهد شاهد من اهلها :

هنادي والناس تنادي
يامطنش

هل فيه فرع للكثيري في جدة؟؟؟؟


وكم الاسعار

ألف شكر لكم أخواني على تفاعلكم
والله ماقصرتوا وقدمتوا لي ولغيري الفايده الكبيره
جزاكم الله خير

يا اخوان ما احد رد

فيه فرع للكثيري بجده؟

والله انا رحت الوكالة ابغى اركب جلد :d

قوليلي طلبيه ..

وبـ 9 الاف ريال :d

علطوول سحبت عليهم :d

الله يرحم والديكم :(

والله انا انسان مسكين وصار عليه حادث وامي تعبان وبابا تعبان وما فيه سوي كربان

واحد سوي ردو اليه

فيه محل للكثيري في جده والا لا
واذا ما فيه اش افضل محل في جدة

^
^
والله حتى انا مستني ردكم يا جماعة الخير