زيت الوكالة 15w40 هل يمشي السيارة 10 الف كم ؟

السلام عليكم
بعد ماواضبت على صيانة الوكالة إلى 45 الف كم خلال 8 شهور وخسرت خلالها مبالغ كبيرة على سعر كل صيانة
قررت أسحب على صيانة الوكالة وأغير زيت عند بترومين وأغير الأشياء الإستهلاكية عند أي ورشة محترمة

الحين يوم رحت أسأل بترومين عن سعر زيت بترومين الترا سفن 15W40 قال هذا الزيت يمشي 10 الف كم وسعر تغييره بدون سيفون 140 ريال
وقال مافي منه يمشي 5000 كم ؟

الحين في الوكالة كانوا يغيرون للسيارة زيت بترومين الترا سفن 15W40 على أساس إنه يمشي 5000 كم
وبترومين يقول يمشي 10 الف كم

1- هل فيه نوعين من هذا الزيت واحد يمشي 5000 كم والثاني 10 الف كم ؟

2- كيف تعرف إنه الزيت ذا منتهي والا باقي فيه عمر يعني مثلا زيت الوكالة Petromin Ultra 7 15W40 بعد ممشى 5 الف كيلو أعاير الزيت ألاقيه مانقص واللزوجة أيضا مانقصت . هل يعني إنه لازال صالح للإستخدام ؟

تقريبا الجالون نفس اللي في الصورة بس الكتابة بالانقلش

http://www.assayyarat.com/myimages/J...car_iLwXcJ.jpg

وعليكم السلام
اذا الزيت تخليقي اونص تخليقي بيمشيك 10الاف
بس ماسالت كم سعر العلبه ولو تحصل انك تشتري كرتون اوفر
او عندك بدائل مثل كاسترول ماجناتيك 15w40نص تخليقي ويمشيك 10الاف
الكرتون 12 علبه ب255ريال
وسعر العلبه 21.25ريال
1- هل فيه نوعين من هذا الزيت واحد يمشي 5000 كم والثاني 10 الف كم ؟

بالنسبه لزيت الترا سفن يجي منه نوعين ولكن الواضح بالصوره هذا تخليقي ويوصل الى 10الاف

2- كيف تعرف إنه الزيت ذا منتهي والا باقي فيه عمر يعني مثلا زيت الوكالة Petromin Ultra 7 15W40 بعد ممشى 5 الف كيلو أعاير الزيت ألاقيه مانقص واللزوجة أيضا مانقصت . هل يعني إنه لازال صالح للإستخدام ؟


الزيت اذا فقد لزوجته اعتبره منتهي وايضا اذا لاحظت الزيت بني ذهبي بعد قطع مسافات طويله معناته انه قايم بواجبه في الحفاظ على المحرك

اهم شيء يضبطون لك عيار الزيت ::: المشكلة اني رحت بترومين وقالوا لي الفلتر ( السيفون ) حق الزيت من عندهم طيب وش يضمن لي أنه اصلي ؟؟؟ لان الفلبيني يقول لي ان سعره 15 ريال وسعر التغيير كامل يكلف 215 ريال شامل ( الزيت ابو 10 الاف والسيفون ) والخدمات الاخرى انا انصحك اذا تأكدت ان فلتر الزيت اصلي اعمل الصيانة لكن :
اذا تبي تتأكد اشتر لي سيفون زيت اصلي وحطه بالشنطة وطلعه قدامهم واقعد قارن بينه وبين الي عندهم ركز ودقق اذا طلع مثله توكل على الله ..

لو كان تجاري بيمشي الحال لكن انت بتغير لحد 10 الاف يعني راح يطول الفلتر فلذلك تاكد انه اصلي

زيت الدركسون والقير لا تخليهم يجونها لان الزيوت المستخدمة يحطونها لاي سيارة لكن الاكورد تحتاج زيوت خاصة فيها كالقير والدركسون نقطة .

النقطة الاخرى : الزيت بعد 3- 4 الاف كيلو عايره وبعد الـ 5 الاف كل الف عايره سوا لزوجة او مستوى

(4.2 لتر لـ محرك 4 سلندر بالسيفون + لاتنسى تأخذ باقي العلبة الخامسة وهي قرابة 0.8 لتر وتقفلها كويس وتحطها في كيس وعلى الشنطة عشان لو لو نقص الزيت تزيده من هالعلبة ... ( لا تخليها لابو فلبن )

:d

اهم شيء تاكد ان صرة الزيت مغلقة بشكل جيد ، والسيفون اصلي ، عاير الزيت اليوم الثاني قبل لا تشغل السيارة :




اهم شيء بعد الـ 5 الاف لاتشد على السيارة كثير:d

نبه حقين بترومين يعايرون لك ضغط الكفرات + يعبون لك ماء المساحات + زيت الفرامل + ماء الراديتر الاحتياطي يعبونه بماء مقطر فقط لين يوصل الحد الاعلى ماء مقطر distilled water

فيه فرق بين

بترومين الترا سفن 15W40 يتغير كل 5 آلاف كيلو .. سعر العلبه بـ 14 ريال

وبين

بترومين سوبر سينثتيك 15W40 .. ما أدري كم سعره لكن أكيد أغلى من الزيوت العاديه


وما دامك بتستخدم زيوت تخليقيه جرّب شل هيلكس الترا 5W40 تخليقي بالكامل


تبي شيء أرخص وأفضل من بترومين ؟

خذ 5 علب زيت مكينه من محلات بيع الزيوت بالتفرقه اللي تكون جنب محلات الجمله
أو
خذ كرتون من محلات الجمله راح يكون سعر العلبه أرخص

والسيفون خذ أصلي من الوكاله بـ 19.20 ريال بعد الخصم

وشغل اليد عند البنشري :

تغيير زيت فقط بدون سيفون بـ 10 ريال
تغيير زيت وسيفون بـ 15 ريال



طبعا ( البنشري - بترومين اكسبرس - فوكس ون ستوب - الخ... ) لا يقرب زيت الدركسون !! لأنهم يحطون شيء غير مناسب أو يزيدونه فوق الحد المناسب .. وراح تهرب سيارتك زيت دركسون والخ...

دركسون الهوندا له زيت خاص لونه ذهبي وثقيل بالوكاله ؛ يختلف عن زيت القير الأوتوماتيك ( الزيت الأحمر )

http://store2.up-00.com/Nov12/J3J66445.jpg

http://www9.0zz0.com/2011/03/02/11/698493953.jpg

شكرا لكم جميعا على التوضيح
طيب الحين وين ألقى زيت بترومين الترا سفن 15w40 لأن بترومين اكسيبريس ماعندهم هذا الزيت وأنا ودي أغير الزيت في مركز معتمد مثل بترومين وغيرها ؟

اقتباس:

---

المشاركة الأصلية كتبت بواسطة سلطان2020

شكرا لكم جميعا على التوضيح
طيب الحين وين ألقى زيت بترومين الترا سفن 15w40 لأن بترومين اكسيبريس ماعندهم هذا الزيت وأنا ودي أغير الزيت في مركز معتمد مثل بترومين وغيرها ؟

---

عفوا

غريبه ما عندهم 15W40 طيب مافيه 10W40 ؟

لأن 20W50 راح تكون أعلى من اللزوجه الموصى بها بكتالوج السياره .. وممكن لو يصير شيء بالمستقبل للمكينه ؛ يقولون لك لأنك تستخدم 20W50

http://store2.up-00.com/Nov12/pgQ83781.jpg

http://www.google.com.sa/url?sa=i&so...71114541188160


10W30 حلو وممتاز بالشتاء لكن أخاف يكون خفيف بالصيف


وترى يمكن تختلف اللزوجه المناسبه للأكورد 2013

أنا ما حصلت الزيت حق البنزين15w40 اللي حصلته حق السيارات الديزل

ياشباب اللي يحصله يقول لنا المكان

اقتباس:

---

المشاركة الأصلية كتبت بواسطة THE SILVER ACCORD

عفوا

غريبه ما عندهم 15W40 طيب مافيه 10W40 ؟

لأن 20W50 راح تكون أعلى من اللزوجه الموصى بها بكتالوج السياره .. وممكن لو يصير شيء بالمستقبل للمكينه ؛ يقولون لك لأنك تستخدم 20W50






10W30 حلو وممتاز بالشتاء لكن أخاف يكون خفيف بالصيف


وترى يمكن تختلف اللزوجه المناسبه للأكورد 2013

---

فعلا ماعندهم الترا سفن 15w40
اللي موجود عندهم الترا سفن 20w50
والباقي زيوت أبو 10 الف كم
وعندهم زيت موبيل 15w40 يمشي 5 الف كم

افكر استخدم زيت بترومين سوبر سينستك 15w40 بس مدري ليش ماني مقتنع بزيت 10 الف لأنه بعد ممشى 5 الف يكون الزيت شبه متشبع من أوساخ المكينة ونتائج الإحتراق الداخلي

يا اخوان ..
انا الزيت اللي اغيره * زيت هوندا وسعره غالي يتراوح مابين 35 - 40 العلبة الوحده
يطلع علي اربع علب 140 ، وخمس علب مع السيفون 200 يمشيني اكثر من 10000 الاف

ناوي ابدله لزيت ارخص منه لانه غالي ..

ابي اغيره الا التراا سفن - او كاسترول ، بس مافيه ضرر مستقبلا للمكينه
لاني غيرت من زيت لزيت !! ؟

اقتباس:

---

المشاركة الأصلية كتبت بواسطة * أكورد

يا اخوان ..
انا الزيت اللي اغيره * زيت هوندا وسعره غالي يتراوح مابين 35 - 40 العلبة الوحده
يطلع علي اربع علب 140 ، وخمس علب مع السيفون 200 يمشيني اكثر من 10000 الاف

ناوي ابدله لزيت ارخص منه لانه غالي ..

ابي اغيره الا التراا سفن - او كاسترول ، بس مافيه ضرر مستقبلا للمكينه
لاني غيرت من زيت لزيت !! ؟

---

هلا فيك اخوي
بنسبة للزيت هوندا عندك البديل عنه كاسترول ماجناتيك 10w40 يمشيك 10 الف كيلو طبعا هذا الزيت نصف تخليقي
والافضل تاخذ من الموزعين الزيوت الكرتون فيه 12 علبة يطلع عليك 21 ريال يعني يطلع عليك الكرتون 269 ريال توفر
تقريبا عن الوكالة 40 ريال ولاتنسى ان تغير الزيت في الوكالة ابو 5000 الف كيلو 175 ريال شفت النصب كيف عيني عينك .