عرض للطباعة
السلام عليكم
سيارتي ماشية 7500 كيلو وأبغى صيانة 10000 كيلو لأني ناوي أسافر تقريبا 4000 كيلو
وش رأيكم أغير الزيت والفلتر فقط وأسافر
وإذا رجعت من السفر راح تكون كملة 11500 كيلو تقريبا
وبعدين أدخلها صيانة 10000 كيلو
الزيت كم يمشي السيارة 5000 كيلو أو أكثر ؟؟؟
الصيانات السابقة 1000 و 5000 كيلو كلها بالوكالة
ما هي صيانة 10000 كيلو
وعليكم السلام
غير زيت وسيفون فقط ثم اذا جيت سوي صيانة 10 الاف عادي حتى لو طوفت عليها
الزيت المعدني أو النصف التخليقي اللي يغيرونه في الوكالة يمشيك خمسة الاف على الأقل حسب المتداول
لكن يمشيك أكثر عادي حسب كتلوج السيارة الزيت العادي يتم تغييره عند 10 الاف عند القيادة العادية وخمسة الاف عند القيادة الشاقة
نصيحتي أخي الكريم اترك صيانة الوكالة لإنه شفط فلوس على الفاضي الفلوس أنت أولى بها
صيانة 10 الف تكلفك تقريبا 560 ريال ماراح يسوون لك شيء غير تغيير زيت وسيفون راح يقولون لك شيكنا وسوينا تربيط ... يعني بالعقل سيارة ماشيء 10 الف وش بيصير فيها يعني !!!
وتقدر تسوي جدول صيانة لنفسك عند أي محل معروف وتاخذ الفواتير ولو حصل شيء للسيارة غصبا عن الوكالة تدخلك في الضمان
يعني عند 30 الف تغير فلتر الهواء
وعند 60 الف تغير فلتر الهواء وزيت القير
وعند 80 الف تغير فلتر البنزين
وعند 90 الف تغير فلتر الهواء
وعند 100 الف تغير زيت القير والبواجي وهكذا
وبالنسبة لزيت المكينة تغيره كل 5 الف أو 10 الف حسب الزيت هل هو تخليقي بالكامل أم نصف تخليقي
وإذا مصر تستمر في صيانة الوكالة فاحرص على معايرة زيت المكينة عند استلام السيارة لأنه اربع مرات غيروا لي الزيت زائد
الله يعطيك العافية أخوي سلطان كفيت ووفيت بالرد