سيارتي انصدمت داخل وكالة عبدالله هاشم .. ابي نصيحتكم

السلام عليكم اخواني

اني دخلت اليوم سيارتي اكورد 2013 للوكالة عشان اسوي لها صيانة 5000 كيلو

وقدر الله علي وصدم سيارتي واحد (الخطأ 100% عليه )وانا كنت جالس في الانتظار وسيارتي كان يسوقها احد مهندسي الوكالة

وتضرر الصدام والرفرف اليسار

المهم انهم كلموا نجم عشان التأمين وخلافه وكانوا الموظفين يبغون يحطون الحادث باني انا السواق ورفضت هالشي عشان مايروح حقي وحطيتها بااسم المهندس

لاني لي تجربه سابقة مع شركات التأمين ومماطلتهم لي وتصليح السيارة في الورشة مو في الوكالة وخايف انها تتكرر معي الان ويرفضون يصلحون سيارتي بالوكالة

ماادري الان وش اسوي واتمنى نصيحتكم

شاكر لكم مقدماً

اقتباس:

---

المشاركة الأصلية كتبت بواسطة عبدالعزيز منصور

السلام عليكم اخواني

اني دخلت اليوم سيارتي اكورد 2013 للوكالة عشان اسوي لها صيانة 5000 كيلو

وقدر الله علي وصدم سيارتي واحد (الخطأ 100% عليه )وانا كنت جالس في الانتظار وسيارتي كان يسوقها احد مهندسي الوكالة

وتضرر الصدام والرفرف اليسار

المهم انهم كلموا نجم عشان التأمين وخلافه وكانوا الموظفين يبغون يحطون الحادث باني انا السواق ورفضت هالشي عشان مايروح حقي وحطيتها بااسم المهندس

لاني لي تجربه سابقة مع شركات التأمين ومماطلتهم لي وتصليح السيارة في الورشة مو في الوكالة وخايف انها تتكرر معي الان ويرفضون يصلحون سيارتي بالوكالة

ماادري الان وش اسوي واتمنى نصيحتكم

شاكر لكم مقدماً

---

وعليكم السلام


الله يعوض عليك

انت كلم الي صدمك وقل له صلحها وكالة اذا رفض وقال على التأمين انتقل للـ

الخطوة الثانية


لا تسكت ابدا عن حقك مهما كلف الثمن عليك بالتالي : تقول للوكالة السيارة تحت قيادتكم وانا شخص حقاني والي كان يسوقها الفني حقكم المهم ان سيارتي تتصلح وكالة مسمار مسمار قل لهم : انا سلمتكم المفتاح يعني هي صارت عهده عندكم وسيارتي ترجع لي مثل ما كانت وتصليح وكالة )

خل المهندس حق الوكالة يتحمل الخطأ ولا تصير كذاب ترا كذب وانت أثم لو حطيت انك كنت السواق لا تسمع كلامهم

لا تكلم صغار الموظفين ادخل على اكبر مدير عندهم وحط يدك في عيونهم ولا يهمونك واذا قال لك تأمين ومدري ايش قل له يابوي التأمين بيخلوني اصلح ورش وانا سيارتي جديدة مب حرام وبعدين هذي غلطتكم مب غلطتي + اني راح اتمرمط في المرور والتأمين + راح اتمرمط في الورش + راح اغيب عن الدوام كذا يوم + التصليح راح يهبط من قيمة السيارة + انك انت ما كنت السواق وتتحمل خطأ غيرك + انك بتجلس عدة ايام بلا سيارة لان السيارة تكون في الورشة + يطيحون قيمة السيارة في التقدير وحقك يروح هدر


بالمختصر قل لهم سيارتي ترجع لي مثل ما هي ولا بيني وبينك الشرطة + اضمن شهودك ( اخاف يقولون بعد جايب لنا السيارة مصدومة )

هلا والله اخوي هوندانا

اول شي الرجال اللي صدم سيارتي تأمينه شامل ومعترف بخطأه لأنه بدل مايدعس فرامل دعس بنزين

ثاني شي مندوب نجم دخل جوا الوكالة وصور الحادث وسجل المهندس على انه السواق مع ان الوكالة حاولوا يقنعوني اسجل الحادث باسمي ورفضت هالشي

ثالث شي انا ماخليتهم قلت لهم السيارة كانت في عهدتكم وماعندي استعداد الاحق في شركة التأمين ومطالبات

وجا مدير الصيانه وقال خلاص حنا بنتابع لك الموضوع عاد انا بشوف باامر عليهم السبت ويصير خير ان شاء الله

ياحبيبي هذا مايبيلها تفسير ولا اختراع ،، هاوش وحقك معك ولا عليك من احد

ثاني شي عينك حاره معهم يصلحونها لك وكالة وكل شي يتغير وكالة ورح لمدير الصيانة والفرع

شي يقهر يقولك خلك انت السواق يضحك على مين هذا ..:confused:

ولا تترك حقك الغلط من المهندس هو يتحمل هو السائق .. ومعوض خير ان شاء الله

اقتباس:

---

المشاركة الأصلية كتبت بواسطة عبدالعزيز منصور

هلا والله اخوي هوندانا

اول شي الرجال اللي صدم سيارتي تأمينه شامل ومعترف بخطأه لأنه بدل مايدعس فرامل دعس بنزين

ثاني شي مندوب نجم دخل جوا الوكالة وصور الحادث وسجل المهندس على انه السواق مع ان الوكالة حاولوا يقنعوني اسجل الحادث باسمي ورفضت هالشي

ثالث شي انا ماخليتهم قلت لهم السيارة كانت في عهدتكم وماعندي استعداد الاحق في شركة التأمين ومطالبات

وجا مدير الصيانه وقال خلاص حنا بنتابع لك الموضوع عاد انا بشوف باامر عليهم السبت ويصير خير ان شاء الله

---

الي باللون الاحمر انتبه انتبه انتبه

ترى هذي حركات موظفين هوندا التصريف ثم التصريف حتى تصل لمرحلة التطفيش! وكالة قائمة على النصب والاحتيال

ارجع لهم السبت

وكلم الفرع الرئيسي لهوندا لعلى وعسى تطلع بشي

اقتباس:

---

شركة عبد اللة هاشم المحدودة - المقر الرئيسى

العنوان : جدة21411 , ص ب 44 ، المملكة العربية السعوديةهاتف : 6621500 (02)

---

حسبي الله ونعم الوكيل يعني المفروض اني ادخل سيارتي للوكالة عشان يهتمون فيها ارجع احصلها مصدومة !

المهم لا يخدرونك وكل يوم يقولون بكره بكره الين تطفش

والله يعوض عليك