هل يوجد مهندس محترف يركب كراسي المكينة

أحبتي الكرام السلام عليكم ورحمة الله وبركاته

غيرت قبل شهرين كراسي المكينة والقير بناء على الفحص السنوي لهوندا وكذلك لما لاحظته على سيارتي من رجة مستمرة عند التوقف وجهاز التكييف في وضع التشغيل.

كان التغيير في أحدى ورش الصناعية القديمة بالرياض ( هنوود وباكستانيين ) وما زالت الرجة إلى هذه اللحظة ، دخلتها الوكالة أمس طلع تقرير الصيانة بأن الكراسي متكسرة بالكامل :eek:

ناقشته بالموضوع قال متأكدين وبتكلف 2700 ريال

طبعا راح أغيرها خارج الوكالة ، فهل يوجد ورشة أو مهندس محترف يوزنها ويركبها عشان لا تتكسر مرة ثانيه بسبب هل الهنووود اللي ما عرفوا يركبونها .

أفيدوني بارك الله فيكم ( المدينة الرياض )

هل القطع اصليه ام لا ؟؟؟
وهل غيرتها بالكامل ام لا
هل كان تقرير الشركه السابق بانه واحد من الكراسي متضرر ام جميعهم ؟؟

سوال اخر هل تكلفه 2700 لتغير كراسي المكينه ال 3 وكرسي القير مع اجرة اليد ؟؟ ياريت التوضيح
سعر قيمه كراسي المكينه لوحدها بمحلات الوكاله او محلات قطع الغيار بس شرط يكون الاصلي وكرسي القير بعد الخصم
وبكم اجرة اليد خارج الوكاله ؟؟؟

اقتباس:

---

المشاركة الأصلية كتبت بواسطة متفائل23

هل القطع اصليه ام لا ؟؟؟
وهل غيرتها بالكامل ام لا
هل كان تقرير الشركه السابق بانه واحد من الكراسي متضرر ام جميعهم ؟؟

سوال اخر هل تكلفه 2700 لتغير كراسي المكينه ال 3 وكرسي القير مع اجرة اليد ؟؟ ياريت التوضيح
سعر قيمه كراسي المكينه لوحدها بمحلات الوكاله او محلات قطع الغيار بس شرط يكون الاصلي وكرسي القير بعد الخصم
وبكم اجرة اليد خارج الوكاله ؟؟؟

---

شكرا لتفاعلك
القطع أصلية
وبالكامل

وكلها متضررة بتقرير الوكالة.
2700 ريال قطع أصلية للمكينة فقط مع أجرة اليد.
1200 قطع اصلية خارج الوكالة و400 ريال أجرة .

اذا انتا بالرياض ورشة الجنوب بالصناعيه القديمه
شغلهم مرتب

هلا والله اخوي عاد تصدق توني مغيرها من يومين كلفتني مع شغ اليد 1270تقريب الكراسي ب950 وشغل اليد 270 عند ورشىة خاصة بالهوندا بس ت انتبه يقول الميكانيكي فه نوع صيني يعني ماتفرق بينه وبن الاصلي ترى التركيب مو صعب بس اهم شي تضمن انهها اصليه وترى ااصلي يجيك بكتون واحد مقسم ن

الكراسي اللي ركبتها مضروبه
والواحد ماياخذ كراسي الا من الوكاله اظمن وتكون مخزنه بشكل جيد لانها اذا يبست ماتنفع
لو واحد ولاثنين نقول معقوله بس كلهم صعبه
الكراسي قويه جدا واللي معاد تصنيعها افضل من اللي على السياره هذا الكلام سمعته لأنه كثير اشتكو من الكراسي
وموفق

اقتباس:

---

المشاركة الأصلية كتبت بواسطة مبارك عبدالله

اذا انتا بالرياض ورشة الجنوب بالصناعيه القديمه
شغلهم مرتب

---

شكرا لك يا الطيب ولو تعرف بصناعية أم الحمام أحد بلغني ،،،

اقتباس:

---

المشاركة الأصلية كتبت بواسطة هاي الشرقية

هلا والله اخوي عاد تصدق توني مغيرها من يومين كلفتني مع شغ اليد 1270تقريب الكراسي ب950 وشغل اليد 270 عند ورشىة خاصة بالهوندا بس ت انتبه يقول الميكانيكي فه نوع صيني يعني ماتفرق بينه وبن الاصلي ترى التركيب مو صعب بس اهم شي تضمن انهها اصليه وترى ااصلي يجيك بكتون واحد مقسم ن

---

الله يبارك لك ، سعر طيب .

اقتباس:

---

المشاركة الأصلية كتبت بواسطة S c O r P i O n

الكراسي اللي ركبتها مضروبه
والواحد ماياخذ كراسي الا من الوكاله اظمن وتكون مخزنه بشكل جيد لانها اذا يبست ماتنفع
لو واحد ولاثنين نقول معقوله بس كلهم صعبه
الكراسي قويه جدا واللي معاد تصنيعها افضل من اللي على السياره هذا الكلام سمعته لأنه كثير اشتكو من الكراسي
وموفق

---

الظاهر إنها مضروبة ، بس المفارقه العجيبة يوم طلعتها من فحص الوكالة أمس رحت على ورشة بالصناعية وقال لي يا رجال الكراسي مافيها شيء :mad: أدعى على الوكالة أو أصوووم واحتسب الأجر ؟؟

قال في ثلاث شغلات نسويها عشان نتأكد وكلها رخيصه هي :
1- تغيير بواجي = لي سنه من يوم غيرتها.
2- تغيير فلتر بنزين ( طرمبه) = ما أذكرها أصلا عشان أغيرها :o

بعدها نشووف

طبعا الثالثة قاعدة اللديتور فيها ضربة قديمة من رصيف نعدلها كمان إذا ما راحت الرجه ، مع أني أكدت له أن اللديتور ما يأثر والدليل ما في رجه قبل شهور والضربة موجودة.

تحياتي للجميع ،،،

عبدالله عزيزي انا ادكر ركبت كراسي مكينه ب 1000 ريال وشغل يد 250
الشي الثاني متى تحس بالرجه هل هي من بين ال 0 وال 60 وبعدها تختفي
وتحس الرجه تجيك من الخلف ولا رجه مستمرة
لانه انا صلحت كراسي اامكينه وكانت باقي فيه رجه مجننتني اخر شي طلع من رووس العكس غيرته والحمدلله اختفت كل انواع الرجه

اقتباس:

---

المشاركة الأصلية كتبت بواسطة متفائل23

عبدالله عزيزي انا ادكر ركبت كراسي مكينه ب 1000 ريال وشغل يد 250
الشي الثاني متى تحس بالرجه هل هي من بين ال 0 وال 60 وبعدها تختفي
وتحس الرجه تجيك من الخلف ولا رجه مستمرة
لانه انا صلحت كراسي اامكينه وكانت باقي فيه رجه مجننتني اخر شي طلع من رووس العكس غيرته والحمدلله اختفت كل انواع الرجه

---

الرجة تجي وانا وقف عند الاشارة ومشغل المكيف وحاطها على d
أمس غيرت بواجي 50 ريال صفاية بنزين 120 ريال شغل يد 70 ريال بصناعية أم الحمام

وأحسها هدئت شوي بس مو نفس الراحه اللي كانت عليها قبل ستة أشهر تقريباً
بعد العيد إن شاء الله راح أشيك على ضغط الهواء لأني حسيت المشكلة صارت تظهر لما أجي مسرع وأهدي عشان أوقف لإشارة أو مطب قبل لا أوقف وقوف تام تجي الرجة هذي زيها زي يوم يشتغل كمبوروسر المكيف ويوم يفصل تهدى الرجة وأنا واقف .

تحياتي لك ،،،

الرجه من التروثل بدي غير مستقر اوًنازل شوي ومسبب رجه
حاول تشوف الوكاله اذا يبرمجوه علي ضغط 750 دوره - 850 دوره فـ♡ـي الدقيقه وراح يضبط معاك وتنحل المشكله نهائيا