لأهل الخبرة ولمن واجه نفس المشكلة ( لمبة التحذير ولمبة الـ vsa )
السلام عليكم ورحمة الله وبركاته
نوع السيارة هوندا اكورد 2007 - 4 سلندر فل كامل
المشكلة قبل حوالي 4 اشهر ولعت لمبة التحذير مع لمبة الـ VSA مساعد ثبات المركبة
السيارة معتني فيها وصيانة الوكالة مافيها اي مشاكل والحمد لله
كشفت عليها كمبيوتر عند كهربائي يعمل في شركة هوندا ولديه نظام كمبيوتر الوكالة طلعت المشكلة في الكمبيوتر steering angle sensor على حسب كلام الكهربائي انه حساس مدموج داخل قطعة مجموعة النور والمساحات اللي خلف الدركسون بصراحة ما اقتنعت بكلامه وبحثت في قوقل عن الحساس طلعت كل المواضيع بالانجليزي وفيه كثير طلعت معاهم المشكلة لكن ما لقيت حل كلها اجتهادات فبحثت في قوقل صور عن شكل القطعة فطلعت شريحة البوري هي نفسها موجود فيها الحساس فرجعت للكهربائي ووريته شكل القطعة فقال لي هذي شريحة البوري ما تتدخل في الحساس فقلت ادخلها الوكالة مع الصيانة وبعد الكشف بلغوني انه العطل في منظم ABS فرجعت للكهربائي وبلغته فقال ما عليك من كلامهم وجيب قطعة مجموعة النور واشتريت القطعة وركبها وسوى فحص كمبيوتر ولازالت المشكلة فقال لي ممكن يكون كلام الوكالة صحيح ويكون المنظم عطلان
المشكلة يقول الكهربائي لو المنظم عطلان كان ظهر معاه في كشف الكمبيوتر ولكن الكمبيوتر يبين العطل في الـ steering angle sensor والقطعتين سعرها عالي المنظم وشريحة البوري حق الفل كامل واخاف اركب اي وحدة وما تطلع منها المشكلة
فياريت اللي واجه نفس المشكلة يفيدني الله يجزاكم خير
