عرض للطباعة
سلام عليكم
اخوكم معه هوندا اكورد 2006
غيرت زيت و نظف فلتر الهواء
بعد 5 ايام سافرت عليها عبيت بنزين فل وكان فيه النص ومشيت
بعد 30 كيلو فصلت السيارة وظهرت لمبة المكينة الصفراء
ماقدر ادعس بنزين ابد ماتمشي
تمشي فقط 30 الي هو شاد عليه البنص
اذا حطيتها بال n يشد البنص الين 2
اذا حطيتها بالd تمشي بسرعة 30 ودعسة البنزين ماتمشي ابد
والسيارة شغاله مافيها اي مشكلة غير هذي
مريت مكانيكي وكهربائي على عجالة ماعطوني علم بين
الي يقول حساسات او برمجة
اسعفونا
اذا فيه احد عنده علم ياليت يساعدنا
وشكرا
نفس مشكلتي بالظبط عندي اكورد 2006 وكانت العدادات تطفى وتشتغل والمسجل برضه يطفى ويشتغل بسرعه من دون ما احد يلاحظها وبرضه كان فيه تفتفه خفيفه لما امشي بسرعه ثابته وبعد هالامور اشتغلت علي لمبة المكينه وصارت السيارت ثقيله ولما ادعس للاخير يادوب تمشي السياره ولما احطها على الان وادعس للاخير يادوب يوصل الظغط الى الثلاثه
طبعا اتوقع المشكله بسيطه ان شاء الله بس ياليت الي مرت عليه يفيدنا عشان نقدر نتلافاها من بدري مع باقي الشباب
واسف عبى الاطاله ومشكورين مقدما
انا صارت معاي اكورد 2008 واشتغلت لمبة المكينه اذا شغلتها من اول مره ماتدعس بنزين واذا عشقت بالار تنتع بقوه ،، يعني لازم افتح السلف لين تولع لنبات الطبلون واطفيه واشغلها مره ثانيه .. فحص الكمبيوتر طلع لي حساس الشكمان بس ولاادري منه او لا
انحلت معي المشكلة شاكر لكم
المشكلة مضحكه مبكيه ولالها علاقة ميكانيكية او كهربائية
الله يبشرك بالخير بس المفروض تعلمنا وش الحل صار لنا شهر نسأل ونحاول نعرف المشكله عشان نصلحها في سياراتنا وننهي الموضوع
نتظر جوابك بابو ريم والشكر لله اولا ثم لكل من شارك في حل هالمشكله
انا قد صارتلي نفس المشكلة بس بالنترا قبل الاكورد وطلعت المشكلة واحد من الكويلات ما يشتغل غيرته مع بواجي ماكلفتني 400-550 ريال وجع الوضع طبيعي
لا بتفشلني يابوسلمان قلت لك مالها علاقة لاميكانيكة ولاكهربائية :( طيب ماعليه ابشر اقولك
طال عمرك رحت لميكانكي في مدينة اكبر سوري ( بس يلعب بشعره مستشوره)
وقعد يتفحص السيارة شوي ويطالع ويقول مستحيل مو معقول ماهي حساسات ولا بخاخات ولا شيء من هالقبيل
وينادي هندي عنده قال فك القربه حقة الهواء
بعد مافكها وانا اشوف الا طال عمرك فيه شماغ بداخله ههههههههه ساد الهواء لايروح للمكينة
بعد ماشفته تخالطت عندي المشاعر مادري انا ابكي او افرح او اعصب
تذكرت اني مغير الزيت قبل 5 ايام وقلت للعامل ينظف فلتر الهواء
اثري العامل فتح القربه واجتهد بينظفها من داخل مادري حاطها عشان مايدخل تراب لداخل المكينة
المهم اني عطيته 50 واخذت السياره وامشي 200 لين ماوصلت للبنشري ووريته الشماغ ومادري صراحه وش اسوي فيه
الي تخسرت يمكن 400 ريال سطحه وتصليح
قلت له دق على كفيلك انت تدفعها شوي الا يبكي العامل قلت انت عرفت غلطك وثاني مره انتبه
وسامحته لوجه الله سبحانه وتعالى
والسلام مسك الختام