أول موضوع لي , كذا استفسار .. اكورد 2004 ( فلتر القير )

السلام عليكم ورحمة الله .. الله يبارك في من جمعنا بها المكان ..
عندي استفسار , و أرجو القى اجابة واضحة ممن لديهم خبرة ..

هوندا اكورد 2004 , 4 سلندر اشتريتها قبل سنة و كان ممشاها 240 ألف ..
و من ذاك اليوم الى هاليوم و لله الحمد ما عانيت من اي مشكلة لا من ناحية مكينة أو قير ..
اليوم طالعت في عداد السيارة لقييتها وصلت الى 380 ألف .. و في هالفترة ما غيرت فلتر + زيت القير ..

- سؤالي : هل تغيير فلتر + زيت القير يؤثر على القير ؟! خصوصا ان فيه اكثر من شخص يقول لي
اذا غيرت الفلتر و انت ماشي اكثر من 100 الف بدون تغيير ممكن ان الزيت احترق اكثر من اللازم و يخرب الصوف و الجلد
و ما اعرف ايش !! , في حال ان تغييرها لا يضر - مثل ما يقال لي - كم تكلفة تغيير فلتر و زيت القير فقط !


المشكلة الثانية و اللي محيرتني علبة الدركسون ما تنقص و قبل فترة مغير للأكورد طرمبة و الدودة ايضا مغيرها و كلفتني
كثير , و بعدها و الامور تمام و ما في اي مشاكل , الفترة الاخيرة حسيت بثقل في الدركسون لكن مع اللفات ! و الثقل هذا
يروح و يرجع فترة و فترة !

- سؤالي : هل للأذرعة و المقصات تأثير على ثقل الدركسون ! و اعذروني ان كان سؤالي غبي او غريب بعض الشيء !
خصوصا و اي قبل اسبوعين تفاجأت ب مطبين و انا امشي على سرعة 160 ! على طريق الرياض وادي الدواسر ..

اتمنى اني وصلت المعلومة ب شكل كامل , و اتمنى القى حل لها السؤالين .. و شكرا مقدما ..

وعليكم السلام

بالنسبه للفلتر القير انا غيرته مره في سيارتي السابقه واختلف القير وسارت تبديلاته غير صحيحه

وسار اهتزاز في المركبه اثناء التبديل من نمره للنمره المقصد ان القير صار اي كلام وبعنى السيارة وهي بحالتها لم نجد لها علاج ...

وهاذي تجربتي في تغير الفلتر ويفيدونك الشباب انشاء الله

بالنسبه للثقل الدركسون وانت توك مسوي الطارة وأكلت مطبين على سرعه عاليه احتمال يكون جلد العكس انقطع وصار
يسببلك ثقل بين فتره وفتره اكشف عليها عند اي بنشري او ميزان راح يشوف اذا فيها عطل او لا وحتى يشوفلك العلبه معاه

ويفيدونك الشباب أفاده افضل