المشاكل التي واجهتها مع الاكورد 2006 من طلوعها للمعرض حتى الان

السلام عليكم ... كيف الحال اما بعد

حبيت اشاركم اهم المشاكل التي واجهتها مع سيارتي منذ طلوعها من المعرض حتى الان يعني 7 سنوات وماشية 155 الف حتى الان

طبعا من يوم ما اشتريتها مادخلتها صيانة بس اغير القطع الاستهلاكية

نبدا اول شي انا استخدامي سئ للسيارة حفر ومطبات وسرعة

اهم المشاكل الي واجهتها وهي متكررة معاي

كراسي المكينة ... خرط الهوبات .... ماصورة الدركسون او لي الدركسون .....علبة الدركسون .... رجه بالدركسون

غيرها لم اجد ولله الحمد


س1 هل تجد فيما سبق ان المشاكل كثير بالنسبة للمشى وهل تنصح باقتناء سيارة افضل من الاكورد لانيي على وشك البيع وابي اغير وماهي ؟

اقتباس:

---

المشاركة الأصلية كتبت بواسطة اكورد 2006 وبس

السلام عليكم ... كيف الحال اما بعد

حبيت اشاركم اهم المشاكل التي واجهتها مع سيارتي منذ طلوعها من المعرض حتى الان يعني 7 سنوات وماشية 155 الف حتى الان

طبعا من يوم ما اشتريتها مادخلتها صيانة بس اغير القطع الاستهلاكية

نبدا اول شي انا استخدامي سئ للسيارة حفر ومطبات وسرعة

اهم المشاكل الي واجهتها وهي متكررة معاي

كراسي المكينة ... خرط الهوبات .... ماصورة الدركسون او لي الدركسون .....علبة الدركسون .... رجه بالدركسون

غيرها لم اجد ولله الحمد

س1 هل تجد فيما سبق ان المشاكل كثير بالنسبة للمشى وهل تنصح باقتناء سيارة افضل من الاكورد لانيي على وشك البيع وابي اغير وماهي ؟

---

وعليكم السلام ورحمة الله وبركاته

الحمد لله بخير وأنت كيف حالك عساك بخير ؟

أي سياره تستخدمها إستخدام سيء حفر ومطبات وسرعه والخ... طبيعي انك بتواجه مشاكل

وترى هي مو بس على ممشى السياره ؛ هي على الإستخدام وعلى الحفر والمطبات والخ...

شوارع جده سيئه جدا جدا ومليانه حفر ومطبات .. وحتى القصيم عندنا نفس الشيء

# كراسي المكينه قطع إستهلاكيه .. إذا أنت راعي قومات كثيره و رجلك حاره دايما و تدعس بقوه عند الإشارات و تاكل حفر ومطبات ... طبيعي بيقل عمرها بكل السيارات ... سعر طقم الكراسي الأصليه بمحلات قطع الغيار بـ 1000 ريال تقريبا
و طقم كراسي القير اذا ماني غلطان بـ 400 ريال

# خرط الهوبات .. غير الفحمات قبل تخلص و توصل للحديده عشان ما يصير إحتكاك حديد × حديد ... ولا يجيها ماء و الهوبات حاره

لأن الأشياء اللي تخرب الهوبات أو يخليها تحتاج خرط .. شيئين :

1- يجيها ماء بارد مقارنه بالحرارة العاليه في الهوبات خصوصا بعد المشاوير الطويله ومسك الفرامل العنيف والقوي .. اذا جاها ماء وهي حاره يصير فيها رجه وتحتاج خرط .. طبيعي بكل السيارات

2- اذا أهملت الفحمات وأنتهت ووصلت الحديده وصار إحتكاك حديد الفحمات بالهوبات .. بيخرب الهوب

# رجة الدركسون :

شيك على الكفرات يمكن فيها تحبيل بسبب الحفر
سو ترصيص لاصق للكفرات بـ 60 ريال ( بس مشكلة الترصيص الاصق ينفك بعد فتره من الحرارة والسرعة و كثرة الغسل بالماء المضغوط )
شيك على ضغط هواء الكفرات

# علبة الدركسون :

لا تستخدم إلا زيت دركسون هوندا الأصلي تلقاه بالوكاله سعر العلبه بـ 50 ريال تقريبا .. ويجيبونه من خارج السعوديه من تايلاند مصنوع للهوندا

واللي عند محلات قطع الغيار ارخص شوي لكن مصنوع في سنغافوره ويجيبونه من الإمارات جبل علي

الزيت الأحمر حق القير الأوتوماتيك يعدم ويخرب طرمبة ودودة الدركسون وغير مناسب للهوندا ..

http://store2.up-00.com/Nov12/J3J66445.jpg

http://www9.0zz0.com/2011/03/02/11/698493953.jpg

و اذا فيها تهريب او تندية زيت أو صوت من طرمبة الدركسون تقدر تركب لها طقم إصلاح ( طقم ربلات + رمان بيرنق ) بـ 180 ريال تقريبا من محلات قطع الغيار

ولازم تضبط كمية وعيار الزيت .. يعني ما يكون ناقص ولا يكون زايد

شف موضوعي هذا


اصلاح طرمبة دركسون الهوندا .. معلومات وصور مفيده وكيف تحافظ على طرمبة ودودة الدركسون