سيرفس 80000 اكورد 2010 ونصب الوكالة الوطنية بالبحرين!!
السلام عليكم ورحمة الله وبركاته
انا للأسف قبل فترة وديت سيارتي الوكالة لسيرفس ال80000 مع ان كنت مقتنع اقتناع تام ان مااوديها بس اضطريت اوديها عشان فيها شوية مشاكل واصوات وقالوا لي الكراجات مالك الا الوكالة
القهر لما وديتها الوكالة والله مااحس سووا فيها شي غير تبديل الايل والفلتر وفلتر الهوا وهذا اذا غيروا فلتر الهوا لان كان توه جديد ماصار له فترة؟؟
هو المفترض شنو الاشياء اللي يسوونها بهالسيرفس خصوصا انه ميجر سيرفس يعتبر؟؟؟،
تخيلوا ياجماعة حتى تغسيل للسيارة ماغسلوها تحججوا ان مافي وقت وبعدين قلت لهم بجي لكم بكرة باخذها لان عارف انهم جذابين
رحت للسيارة يوم ثاني وكنت اجوفها من بعيد واقفة التوايرتلمع قلت لا والله شكلهم منظفينها عدل، رحت الا منظفين فقط التايرات ويمكن بره ع خفيف ومن داخل ولالمسوا شي وعند المكينة ولرديتر والاجزاء الداخلية حتى مانظفوه!!
يعني السؤال ماخذين حدود 200 دينار من عندي على شنو فقط تبديل ايل وفلتر؟ والله نصب واحتيال قلت لهم الباب يطلع صوت ماسووه قلت لهم عن الهاند بريك يحتاج شوي ادجست لان مايرتفع بسهولة ولاسووه وقالوا لي ماعليه بنجوف الاشياء اللي تحتاج تعديل بنسويها والله ولاشي من هالاشياء سووها.. بالاضافة لذلك عندي صوت مزعج في الشنطة وطلعوا معي وسمعوا الصوت وقالوا يحتاج تصليح واخذوا عليي مبلغ للتصليح وللحين مازال الصوت موجود ماتغير
يعني غير الاصوات الثانية اللي بسمعها ومابعطيها اي اعتبار ، الثروتل اخذوا عليي مبلغ حدود 25 دينار على تنظيفه مع ان اتصور المفترض في الميجر سيرفس يكون من ضمن الخدمات تنظيف الثروتل، غير هذا القطع الصغيرة حاسبينها اللي على 150 فلس وهم ماسووا غير تبديل الايل والفلتر وفلتر الهوا والبنزين ، يعني لو اخذها اي كراج بره بيسويهم لي بربع السعر اللي دفعته وبركب كل شي اصلي..
ومتأذي من كذا شي بالسيارة لان قومتها ثقيلة ومبدل ليها فلتر الهوا والبنزين واصب فيها بنزين 95 ممتاز ومحافظ على الايل واللفتر وهالامور ، ثانيا مشكلة صوت الديكور وصوب الباب اللي عندي يطلع وقت ماافتح الباب
بالنهاية الاكورد خيبت ظني بكثر المشاكل والاصوات اللي فيها هذي سيارة تعتبر جديدة وجذي لو قديمة شنو بسوي؟
اتمنى نصيحتكم
عموما السيارة اللي عندي اخذتها مستخدمة وليس جديدة وهذا اول سيرفس اوديه واخر سيرفس
