تجربتي في تغيير الفحمات للأكورد 2013
السلام عليكم ورحمة الله وبركاته
اليوم بنقل لكم تجربتي في تغيير الفحمات للأكورد 2013
اول شي فحمات البلد
تقريبا مشت معاي سنه وشهرين زي الحلاوة لا اصوات ولا سواد ولا شي الا في اخر عمرها طلعت اصوات احتكاك وذا شيء عادي
ثاني شئ التغييره الأولى
خلصت على حق البلد وجيت بغير وكنت عازم اغير اصلي من الوكالة لاكن تكاسلت لان الوكالة بعيده عني شوي ف مريت محل
قطع غيار واشتريت فحمات يقول اصلي وانا شريتها وتوكلت على الله المهم ركبتها بدون خرط هوبات ولا شي ومشت معاي تمام الا في السرعات العاليه مع الضغط بقوه يطلع صوت احتكاك يعني فوق 160 كم بس اتوقع ذا شيء طبيعي لاني ما خرطت هوبات المهم مشت معي تقريبا مثل حق البلد سنه وشهرين وجاء وقت التغير
ثالث شي التغييره الثانية
قلت هالمره بغير من الوكالة المهم شريت الطقم خلفي وامامي ورحت للصناعيه خرطت هوبات وركبت الفحمات الجديدة
ومشت معاي تقريبا 4 شهور بس؟؟ وبدأت تطلع اصوت الاحتكاك استغربت الموضوع يهوه ماكملت خمس شهور وبتخلص!؟ المهم ماصدقت وتجاهلت الصوت وبعد فترة قصيرة زاد صوت الاحتكاك يعني خلاص غير يرحم امك المهم وصلت البيت وشيكت عليها طلع الفحمات الاماميه يسار مخلصه والباقي تقرييا فيه ربع عمر!؟ المهم قلت يمكن سايقينها على الوكاله وهالمره قلت برجع للمحل الي اول مره شريت من عنده المهم جبلي 3 انواع اصلي وكالة وياباني وكندي من شركة hardex شفت الكندي عجبني تغليفها وجودت ملمسها وجودة صناعتها رجع السياره خشيت النت وقريت عن الشركة وعن منتجاتها وكانت والاراء إيجابية عنها ف توكلت على الله واخذتها بأقل من نص سعر الفحمات الأصلي ورحت للورشة خرطت هوبات وركبتها ومشيت للبيت والأمور تمام .
و ان شاء الله بعد فتره من التجربة برجع للموضوع واشاركم تجربتي.
والسلام عليكم ورحمة الله وبركاته.
