اهل الخبره في الزنون يدخلون

السلام عليكم ورحمة الله وبركاته

ناوي اركب زنون في الواطي بس احترت في انواع كثيره
ومدري وش النوع الممتاز و وش لون الزنون الحلو على اكورد 2007:cool:

وحبيت تعطوني تجاربكم
واهم شي ما يكون فيه ضرر على السياره

اخوي افضل لون لزينون اللون الثلجي يعني ازرق فاتح
مو تركب زنون ازرق فاقع :d
وركب الى موجود في السوق الالماني
ممتاز مره وما يضر السياره ان شاء الله
والله يوفقك
وتقبل مروري

^^^^^^^^^^^^^^

نفسوا كلام

بس رقم الزينون 6000 الي موجود في السوق وهو ابيض حاجه في الدنيا

وتلقاه بحدود 500 ريال مع ضمان على المحولات والشمعات لمدة سنه (فليبس)

الله يعطيكم العافيه ياشباب
مشكورين على مروركم

خذها نصيحة مني انا بجيب طلبيات زنون من المانية ولي سنه بتاجر فيها شوف مواضيعي في جدة بويز

الحين السوق صار كله زنون صيني و يعطيك عليه ضمان 6 شهور الي سنة بس تعال شوف الاضائة تعبانة و ينحرق بسرعة و لو اخذت زنون لون ازرق بعد فتره تلاقية قالب اخضر او ابيض يعني ابو اي كلام

خلك على شمعات بلدها افضل لك او استنى الين اجيب طلبية حلوه كذا و اقول لك تعال اشتري

و نصيحة خلها في بالك

الزنون الصيني سعره يبدا من 250 ريال و يقفل على 300 ريال مع التركيب

و تركيب الزنون مافية اي تقطيع للاسلاك و اي واحد يحاول يجرح لك سلك من اسلاك السيارة هذا واحد ما يفهم في التركيب

سلام

اخوي ملك مملكه جده
مشكور على مرورك الجميل والنصائح الاجمل
بس ابغى اسألك الطلبيات اللي تجيبها بكم تبيعها؟
وهل يوجد مثلها عندنا؟
لان اللي اعرفه السوق عندنا مليان اشكال وانواع(صيني-الماني-كوري)

شوف يا صاحبي

الالماني الموجود في السوق كله على 2000 ريال بس كم راح يخدم معاك ؟ سنتين بالكثييير ( بالميت )

الطلبيات الي اجيبها تخدم سنه ونص و كمان سعرها معقول جدا 500 ريال للفليبس و 600 ريال للبوش

و بالنسبة اذا فيه مثلها : و الله انا دورت في المحلات الي في الصناعية و كيلو2 بس مثل بضاعتي ما لقيت <<< بالامانة

و الصني و الكوري و ابو كلب كلها راح تنحرق بعد شهرين او بالكثييييير 6 شهور لا و مافي اضائة اصلا ؟ طيب انا ادفع 300 زيادة و اخذ شي اصلي

الالماني الي بالسوق يخوف لانه سعره غالي و ثاني شي تخاف تتنصب ؟ و بعدين بـ 2000 ريال و الله كثير بس ميزتة انه يتصلح لو خرب


ان شاء الله اكون افتك