والله غريييبه !!!

السلام عليكم ياشباب /

بصراحه انا صارتلي مشكله غريبه الي هي
كنت امشي عادي مشغل المسجل وفجأه طفت السيارت وشتغلت في اقل
من ثانيه يعني فصل الكهرب وشبك بسرعه وتصيرلي هلحركه إذا شغلت مثلاً المسجل او رصيت فرامل او كبس بالنور
بالعربي إذا انسحب كهرب من السياره المهم
رحت لورشت الجنوب وقالي ان الدينمو حق الكهرب عندك خربان وغيرته 2700:mad:
والحمدلله كلش تمام بس اليوم ونا طالع مشوار صارلي نفس الحركه فصل الكهرب وشبك بسرعه:mad::mad: ورحت لزفت نفسه راعي الورشه وقالي رح للوكاله وشيك على الكهرب والله مدري وش السوات:confused:

مريت قبل شوي ابو يمن وقلتله شيك على البطاريه والدينمو
قالي الدينمو مضبوط والبطاريه مقبله يعني بتنتهي
السؤال هل تتوقعون يا أهل الخبره ان البطاريه هي السبب!!
والشي الغريب يوم فصل البطاريه ماطفت السياره معناتها الدينمو مضبوط بس يوم كبست النور طفت:mad: انواع اللحسه>>>>:( تكفون ابي الحل وش اسوي
ومعليش على كثرت البربره:o

أنا شخصياً استغربت كلامك وأول مره أسمع هالمشكله

طيب ليه ماتغير البطاريه وترتاح ..

عااااااااااااد اذا رجعت المشكله نفسها

مالك الا صيانة أبو الهش ..

والله يعينك ..

تحياتي

احسن شي تروح الوكاله ولا تخلي اي احد يلعب في السيارة وشوف يمكن سلك مفصول حساس يبيله تغيير يمكن تكون المشكله بسييييييييييييطه ترى ........ الله يسهل عليك

تحياتي امير الهنادي

اذا ما كنت مغير البطارية قريب غيرها وان شاء الله تزين امورك

والله يخوي ذكرتني صارلي نفس الي عندك مع الاكورد 2007

وصرلي هاذا الشي والسياره كانت توها ماشيه 1000 كم بس

صرتلي هاذي المشكله يمكن 4 او5 مرات بعدها ماصارلي اي

شي والسياره ماشيه الحين 40000 كم والحمد الله ماعندي اي

مشكله

انت اصبر على السياره اسبوع اذا ماراحت ذيك الساعه راجع الوكاله

الله يعطيكم العافيه ياشباب
انا ابغير البطاريه بس انا ابسال هل إذا فصلت البطاريه طبعا والسياره شغاله تطفا السياره اكيد بتقولون لا طيب ليه يوم كبست بنور وانا فاصل البطاريه ضعف الكهرب وطفت السياره!!!!!:confused::confused:

المفروض انها ماتطفى وإلا لا ؟؟؟؟

والله أول مرة أسمع هـذي المشكلة ... لكـن لازم تروووح للوكـالـة أحسـن لكـ ...

تحيـاتـي لكـ . . .

السلام عيكم
يالغالي البطاريه مالها شغل لان البطاريه وظيفتها انها تعطي كهرباء لبدايهه التشغيل وتنتهي وظيفتها بعد التشغيل
السبب في هالمشكله في اعتقادي وحسب الخبره (ادري الفلسفه زايده عندي):)
ان الدينمو فيه خلل
وانصحك نصيحه اخو انك توديها للوكاله احسن

<_ جاكم المسعف


صارت معي الحركه هذي اول مشاريت السياره بيوم


وتم اكتشاف انه احد اصابع البطريه مرتخي


شد الصبع وانشاء الله امورك زينه

كفو ياولد شمر هذا الحل

شوف ياعزيزي ..
انا صارتلي زي مشكلتك بالضبط
وغيرت صفاية البنزين
شريتها من الوكاله وغيرتها عند الجنوب وخليت بنزيني 95 وربطت اصابع البطارية زين لانه يمكن منها يفصل ويرجع وضبطت
وراحت ولله الحمد
ومايشوف شر موترك << لي داخله شي :p

اقتباس:

---

المشاركة الأصلية كتبت بواسطة فهد الشمري

<_ جاكم المسعف


صارت معي الحركه هذي اول مشاريت السياره بيوم


وتم اكتشاف انه احد اصابع البطريه مرتخي


شد الصبع وانشاء الله امورك زينه

---

مثل ما قال اخوي فهد,شد الاصبع.انا صارتلي الاسبوع الماضي ولما شيكت على البطاريه طلع الاصبع مرتخي

المشكله من البطاريه انا صارت لي قبل شهر تقريبا



قوه أكورد

الله يعطيكم العافيه ياشباب وبصراحه ماقصرتوا...,

لو تدرون وش المشكله:mad: صار اصبع البطاريه عليه مثل الملح مدري وشلون اوصفه لكم

ووديتها لورشة للجنوب وفك الاصبع وغسله بالمويه وركبه وماشاء الله الحمد لله زبطت:d:d:d:d >>> تراني مستانس

وبالنسبه للحركه إلي إذا فكيت الاصباع والسياره شغاله وكبست بالنور تطفى السياره صارت في كل الاكوردات جربت ثلاث اكوردات نفس الشي >> غريبه صح بس مايهمني اهم شي انها طبيعيه:d

يعني تم تحليل المشكله وحلها بنجااااح :cool:

أخوي هنادي والناس تنادي شي طبيعي ان السياره تطفى عقب ماكبست بالكهرب لأن البطاريه مفصوله والسياره تشتغل ماهيب بحاجه للبطاريه مادام مافيه نور شغال ولا اي احتياجه للكهرب والله يوفقك ويحل ازمتك قل امين
أخوك الاصغر
شايل الظبي

اقتباس:

---

رحت لورشت الجنوب وقالي ان الدينمو حق الكهرب عندك خربان وغيرته 2700:mad:

---

:(

اقتباس:

---

المشاركة الأصلية كتبت بواسطة فهد الشمري

يعني تم تحليل المشكله وحلها بنجااااح :cool:

---

الحمد لله بعد عناً طوييييل >>> متعوب عليها

بعدين حرام عليك وشذا الون احولت عيوني :6m:

اقتباس:

---

المشاركة الأصلية كتبت بواسطة شايل الظبي

أخوي هنادي والناس تنادي شي طبيعي ان السياره تطفى عقب ماكبست بالكهرب لأن البطاريه مفصوله والسياره تشتغل ماهيب بحاجه للبطاريه مادام مافيه نور شغال ولا اي احتياجه للكهرب والله يوفقك ويحل ازمتك قل امين
أخوك الاصغر
شايل الظبي

---

اخوي المشكله اني جربت بسيارات ثانيه ولا طفت لاكن الحمد لله انها انحلت ,,,
والله يرفع قدرك ياشايل الظبي

اقتباس:

---

المشاركة الأصلية كتبت بواسطة just 4 u

:(

---

وش تبيني اسوي :047:

الحمد لله انها زانت الحمد لله

اقتباس:

---

المشاركة الأصلية كتبت بواسطة هنادي والناس تنادي

وش تبيني اسوي :047:

---

أنا تـعلمت من اللي صار لك وودّي إن الكـل يتعـلم من هالموقف ..

رجع الدينمو لقطع الغيار

تأثرت :cry:
صارت لي فالسفكّه وراحت

انا صارت لي نفس المشكلة بالضبط ورحت لورشة قالوا لي البطارية ورحت غيرت البطارية وضبطت معاي