صدقـــــــــــــــــــ او لا تـــــــــــــــــــصدقــــــــــــــ

بسم الله الرحمن الرحيم











السلام عليكم ورحمة الله وبركاته وبــــــــــــــــــعد.............

اخواناي اعضاء المنتدى الرائع والاكثر من رائع إليكم قصة الهنادي بتاعتي والموستنج بتاعت خويي
البارح قابلت خويي اللي توه شاري موستنجV8 قير عادي وكان مزعجنا بالمقاومات يقول إن الموستنج تقوم على السيارات مثل الSS وووووووو غيرها من السيارات الرياضيه
المهم قابلته امس وقلتله شرايك نتقاوم انا وياك قال ياولد بعد انت والياباني حقتك قلت عادي انا سيارتي بايخه لكن ابي اقاومك قال بس بشرط قلت وش قال مانتقاوم وحنا واقفين لازم نقون نمشي 30 الى اربعين ثم نتقاوم قلت اوكي (طبعآ يقول كذا لان سيارته تبي تفح مكانها لكن لو مشت شوي وبعدين دعس بتخف الفحطه ) المهم مشينا 30 وعدينا للــ3 ودزينا والله ياشباب ماشاء الله تبارك الله رحت عليه بفرق سيارتين الى 3سيارات يوم وصلت 100 تعداني الولد انجن قال والله سيارتك موطبيعيه انت اتوماتيك وانا عادي وثمانيه سلندر وتروح علي والله غريبه المهم تفرقنا طلعت انا والشباب للثمامه جانا صاحب الموستنج تعشينا يوم بغينا نتفرق علمت الشباب اني رحت عليه اليوم ظحكوا عليه قال انا معطيك جوك ومدري ايش قلت خلاص انا راضي بمقاومه ثانيه قال خلاص تقاومت انا وياه قدام الشباب مره ثانيه ورحت عليه شف عاد الضحك من العيال عليه المهم الولد انهبل قال والله سيارتك مهي صاحيه مشيت انا شوي علق معاي النور العالي يعني اطفي النور والسياره والنور العالي معلق حاولت حاولت مانفع وقفت يمين وفصلت فيوزات النور العالي من العلبه مشيت شوي يوم وصلت عند الدورات حقت عويضه ويحدني طال عمركم ددسن مكسر لين لزني على الرصيف واشيلك الرصيف وانا اللي تقفل اخلاقي والطاره مالت والجنط الامامي يتمخش والحاله حاله.........

""لكن سؤالي هل قومت الاكورد على الموستنج شي طبيعي ولاشي غريب؟

واذا ماكنتو مصدقين انا مستعد اقاومه مره 3 واصوره وانزله لكم

مــــــــــــــــــــــــــــــاشـــــــــــــــــ ــــــــــــــــــــاء الله عــــــلى الــــــهــــــــنــــــــــادي

انا مصـــــــــــــــــــــــــــــــــــــدق

صارت معي قبل يومين على العليا واحد عنده موستنج وماشي انا وياه وهو كان طالب حرش ( مسوى عنده موتر ولا هو شايف الناس) وشد وشديت طلعت عليه الى 100 وبعدين انا هديت ودخلت الحاره (حكومه تفتيش ) بس الزبده اني كسرة راسة ,,,,,,,,

والله ما فيه شي غريب في المقاومات

القومه تعتمد على السواق وترى الموستنق بهب ذيك العزم يعني اتوقع شي طبيعي تقوم عليه

والحمد الله على السلامه

طبيعي جداً .........................
أنا قبل يومين كسرت راعي كابرس 2008 على طريق المللك عبدالله يوم وصلت 140 جابني وتعداني .........................

مهب عريبه على الهناادي ...بس شكله صكك عييين محترمه

والله من ناحيت عين فهي حين في الصميم لكن ولله الحمد انها في الجنط والنور مو فالرديتر
وعلى فكره ترى الرجال كانت معه التيما سته سلندر وصدم عليها تشليح وكانت تقوم عليه موستنج بس قال والله بعد الالتيما ما اشتري الا موستنج قلت ليش قال مابي احد يقوم علي:p والبارح كسرت كلمته طبعآ الهنادي ماقصرت:cool: ماشاء الله عليها
الله يعافيكم على الترفيع بالحلوه.:cool:

اقتباس:

---

المشاركة الأصلية كتبت بواسطة عاشق Accord

قال والله سيارتك مهي صاحيه مشيت انا شوي علق معاي النور العالي يعني اطفي النور والسياره والنور العالي معلق حاولت حاولت مانفع وقفت يمين وفصلت فيوزات النور العالي من العلبه مشيت شوي يوم وصلت عند الدورات حقت عويضه ويحدني طال عمركم ددسن مكسر لين لزني على الرصيف واشيلك الرصيف وانا اللي تقفل اخلاقي والطاره مالت والجنط الامامي يتمخش والحاله حاله.........

---

^^^^^^^
من الكلام اللي فوق شكله الرجال صكك عين قوية :eek: يغالك تأخذ من وضوءه :d

ماشاء الله تبارك الله

سيارتك اخوي 4 سلندر ولا 6 وترى موغريبة على الهوندا والفتيك يشوف شغله ;)

والله يالغالي انا سيارتي 4سلندر لكن التوفيق من الله :d
موكل من زادت سلندراته صار قوي لا القوه في التمرين

ردد ............ لا إله إلا الله محمدآ رسول الله..................

أخوي لا أشكك في مصداقيتكـ

ولكن يبقى الاربعه سلندر اربعه سلندر والثمانيه يعني فرق كبير

وبعد قير عادي وقير توماتيك تفرق

ويبقى الياباني ياباني والامريكي امريكــــــــــي;)

وفي النهايه تبقى القومه على السواق طبعا القير عادي

تحياتي,,

اقوول بسم الله ما شاء الله الله يوفقك وياليت تسمي قبل ماتقاوم

يلوموني في الكوكوات >>>ما ادري تجي؟؟ بكيفكم :d

مشالله تبارك الله هي مهي غريبه على الهوندا انها تقوم على الموستنج لان الهوندا معروف انها تعطيك في الخط ولكن قومتها ثقيله شويه عشان كذا تسمع من بعض الناس يقولو خذ من الهوندا خط ومايحتاج امدح في السياره من ناحيه القوه ودمتم سالمين

مشكورين وانا احب اصحح معلومه لك يا هوندا بوي
خذ من الهوندا ______________((( قـــــــــــــــــــــــــومـــــــــــــــــــــه و خــــــــــــــــــــــــــــــط)))___________

كفو و الله :cool:

إلا تراكم أشغلتونا قير عادي قير أتوماتيك مافيه فرق

عندك بالأكورد من D1 إلى D3 و فيه D عندك D1 هي رقم 1 بالقير العادي ما فيه فررررررق :mad:

ولو يالغالي ترى الكلتش وطريقت التحكم فيه لها دور في القومه يعني القير الاوتوماتيك ماتتحكم في رفع الكلتش اللهم انك تغير النمره هذا حسب معرفتي .

يارجال ياليتك ماتشوفوني في شارع المقاومة طريق الملك عبدالعزيز انواع الإبداع . (بصراحة محتاج مصور مرافق) لأن فيه إبداع في طريق الملك عبدالعزيز في الـــweek End ، وحرام مايتصور وفرصة ماتعوض لتصوير قوة V6 .

يادحوم انا مستعد اصير مرافق بس اصبر لين اخلص من تعديل موتري....

مشكور اخوي على الموضوع
وكن ابي اقاوم معاك تقاوم وختار المكان الي تبيه ولك من الصفر الى 260

الله لايضر سيارتك .. ماشاء الله ..

طيب فيه أحد يتجرا ويقاوم هايلكس ..

بالقومة فقط لاغـــــــــــــيــر ..

حبيبي والله

اكيد بنصدق ونقول كلام كثير

بس اذا تبي الجد

لازم تصوووووووييييييييييير
وتوثيق

علشان يتاكدون الاعضاء

على فكره ترا شفنا مقاومات كثييييييييره على شارع المقاومات

بس ماكان فيه الكاميرا علشان التصوير

من بيصدق ان اكورد 2002 قامت على لومينا ال اس 6 سلندر 2002
قومه الى 160

مافيه احد بيصدق بس انا الي قمت على الرجال

بس لما تجيب التصوير وحصري

هنا بنقول ياكويس

برضو الشروط لما تتوفر يكون افضل علشان يتعادل الطرفين

يعني اوتو اوتو

عادي عادي
8 سلندر 8 سلندر
6 سلندر 6 سلندر
4 سلندر 4سلندر

وماعندك مشكله لما نتجمع في مكان ونتقاوم ونطلع بتصوير كويس
(بدون لوحات)

الميدان ياحميدان

0000000000
انت يابو عزوز اما تقولي الجرأه انك تقاوم هايلكس

ياعمي هذا دفع خلفي والهنادي امامي
ومكينه وقير وديكو ومع الباب
وهنا مكينه وقير وكمبيوتر وخرابيط كثير وتقنيه اكثر

فكيف تقارنها

طيب والي يقولك قدامي كوريلا قامت على فكتوريا

قطعت قرطاسه تقوم كييف

حبيبي انت ويااااااااااااااه

الميدان ياحميداااااااااااااااااااان

قارن بالمقارنه>>>طلعت بالغلط خخخخ

انا صراحة قريت الموضوع وما مريت على الردود بس للمعلومية ....... الجيربوكس حق الهوندا اقوى خيربوكس في السيارات اليابانية ........

محبكم امير الهنادي

ماقول الى كفو يالهوندا زهذا والله العشم

accord

اولاً
ما شااء الله
الله يحفظلك سياارتك وبالنسبه للجنط رووح لمحلاات الخراااطه وعلى الاغلب يسوونك اياها
ذا اذا ما ماكاانت على ضماان رووح وسوييلك مشكله وقوولهم انه من حكه بسييطه هيك صاار
وكثر بالكلااام شوي وبالصرااخ كثير يمكن يعطوك جنط جديييد ;)
اما بالنسبه للموستانغ
انا بالموستانغ مالت اخووي مقااوم باجيررو مع العلم انه سياارت اخووي
6 سلندر وقير اوتو خخخ وشلييت اهل اهل اهل اهله
وانا مستعد للمقااومه مع اي اكوورد 6 سلندر مو مستوااي اقااوم الاربعه :eek::rolleyes:
لا يزعلوون مني رااعين الاربع >> كلهم على رااسي :)

وتقبلو تحيااتي

اذا كنت تقول ان الاربعه مو من مستواك وانت سيارت اخوك 6 سلندر فأنا اساسآ ما اتوقع ان الهنادي تبي تقبل تجاكر موستنج 6سلندر لأنها تقول الامريكي مو من مستواي :p
واحب اقول لأخوي اللي يقول روح غير الجنط على الضمان ان موتر متعدي الضمان ماشي 100الف يعني تبطي عظم:p

واللي وده يقاوم الميدان يا حميدان
وانا بحاول اصور المقاومه مع ان الرجال حاليآ في الشرقيه يدرس في جامعة البترول والمعادن فيبيلي وقت علشان اصور على مايرجع للرياض بعد اسبوع هذا اذا رضى بالتصوير لانه متعصب جدآ جدآ للموستنج وما يرضى بالتصوير.

شوف ...

اطلع من رااااااااااااااااااااااااااااااسي

قال اكورد تطلع على موستنق ؟!

يا ابوي الموستنق تطلع على اللومينا قومة و خط ؟! وش فيك انت ؟!

ياخي شفت مقطع فيديو في الريس وي accord v6 ضد كرولا xli و الله الكرولا اعطي الاكورد فرق عامودين ؟!

شكله خويك اصلا ما يعرف يسوق علشان كذا شخطة

سلام

بـلآ تعصب يآشبإب وزعـــل .. كـل مافي الحكاية (القومات) عالم آخر من الإستغراب .. يعني عاادي تشوف لـك اليوم سيارة الفلانيه قامت على ذيك الفلانيه .. من بكرا تلقى العكس .. لآتستغرب من شيء وقد يكون إنها قامت الأكورد .. أضربوا حسااب إنها دفع أمامي وأضربوا حسااب إن الموستنق جالس يحفرر بالزفلت .. لاتستغربوا من شيء .. وحبيت أنوه على كلام أخوي إن الكورلا (xli) قامت على أكورد v6 أنا معك إن كانت الكورلا ملغومة لليـل .. لاتجلس تقاارن لي سياارة ملغومة بسيارة ستوك من وكالتها مافيه وجه مقاارنه .. لأنك ماراح تصدقني لو أقول لـك على شهرة اللومينا ss كورلا قامت عليها ..؟؟؟؟ طبعاً (ملغـــــومه) :)

وبنهاية المطااف الله يعطيك خيرها ويكفيك شر موترك وأنا أخوك يارأعي الأكورد 4 سلنـــدر .. :o