السلام عليكم ورحمة الله وبركاته
كيف حالكم شباب
ونبدأ البيات معاكم ....احم احم:d
حبيبتي تشرب على الريـق بيبسـي
واليا تعشّت ماكلـت غيـر كتكـات
حبيبتي حطّت علـى العيـن ورْسـي
وماتلبس الا مــن جديـد الموديـلات
نحـيـفــة( ن ) عـن كـل عــذرا تنّسـي
في حسنها قـد كلْبشتْنـي كلبشـات
احبهـا بـس الـعـرب ماتحـسّـي
والله يعيـن المبتلـي بالطـويـلات
ياونتّـي ونّـات سـوّاق تكـسـي
زل النهـار وماحصـل لـه ريـالات
والا مريضـ ( ـن) علّتـه شـي نفسـي
مافاد بـه كـي العـرب والقـراءات
لاشفتها كنّـي مصـابـ ( ـن ) ابمسّـي
مثل المهبّـل قمـت اقطّـع إشـارات
وليا حكت كنّي من النـاس خرسـي
أطرش .. خرس .. لو دوّسنّه تريلات
فيها حلا الأسبان وعطـر الفرنسـي
وفيها دلـع لبنـان وعـز الإمـارات
حلوه مثل طعم الكـرز والجالكسـي
مخلوط بالسكّر معه خمـس تمـرات
لوما تزوج ( عجرم ) وجاب ( نانسـي )
يحق لي أتـزوج ( أبـله عطيّـات)
لاقلت : شكراً ، قالت البنت : مرسي
بنت الأفندي ناظـرت لـي بغمـزات
يجلدني الاستـاذ لااهملـت درسـي
مايـدري أنـي واقـعـ ( ـن ) بالبنيّـات
ابكي واقول ان البلا كـان ضرسـي
يااستـاذ تكفـى لاتنقّـص علامـات
انا وقعت اليوم مـن فـوق كرسـي
ولاحصل لي مـن حبيبـي زيـارات
قالت: أنا ليلى , وبسمّيـك : قيسـي
عطني شعر واعطيك ضحكه وبسمات
قالت: تجي لابـوي ثـمّـ ( ـن) تمسّـي
بس المهر تاقـف عليّـا خفـارات!
قلت: اسمحي لي واعلني بـالـ mbc
تلقيـن غيـري يابنيّـه حـثـالات
يشهد على ماقـول بيتـر وعبسـي
ونحّول ونامق بالرسـم والحراكـات
اليا حضرتوا يالربـع يـوم عرسـي
عانيّتـي منكـم كراتيـن كتـكـات
وسلامتكم
اهداء على مجموعة الزراديه:d
