رجه في الطاره

السلام عليكم جميعاً
تكفون عندي رجه في السياره ماطلعتلي الا من قريب على سرعة 80 الى120 رصصت عادي-ارضي-لصق
مانفع
غيرت كفر وجنوط ومانفع تكفون يالربع وش الحال
شحمت العكوس ومانفع
سيارتي اكورد2005

الرجه طول الوقت ؟ و لا مع البريك ؟

مشكور اخوي العمري على الموضوع اللي كتبته

والمشكلة صايره معي وسيارتي أكورد 2007 والرجفه عندي بسيطه عند 115 و 120

ارجو من الاعضاء اللي عنده خبره التكرم بالرد وشكراً

اقتباس:

---

المشاركة الأصلية كتبت بواسطة BLACK_ACCORD

الرجه طول الوقت ؟ و لا مع البريك ؟

---

علشان نعرف المشكله من وين ان شاء الله

88888
انا يا الغالي حالياً عندي مثل الي عندك لاترصص ولاشي انا مريت ورشة عندنا في الخميس وقلتله السيارة فيها رجه تقريباً مثلك 80 الى 120 والمشكلة يبيلها خرط هوبات ولا خرطتها لاني مافضيت انزل السيارة
وعلى فكرة مريت الوكالة بعد قالو يبيلك خرط هوبات وان شا الله اذا وصلت 120.000 راح اوديها للصيانه ...

وسلامتك اتمنى اني افدتك يا الغالي

اولا الله يمسي الجميع بالخير
اخوي العمري انا عندي اكورد 2005 وبعد سنه لاحظت مسحيه في الكفرات الأماميه وقمت بتبديلها مع الخلفيه لانها انظف منها شويه بحكم الدفع الأمامي يمسح اسرع في الجلات الأماميه وبعد سنه من التبديل طلع لي انحراف في الطاره ورجه في البدايه على سرعة 120 وبعد تقريبا ثلاثه شهور صارت الرجه حتى على سرعة 20 و30 وانت طالع00 وتركتها قلت لما تنتهي العجلات اوزن مره وارصص ولكن بصراحه مقلقتني شويه وخصوصا انحراف الطاره ولو تركت الطاره تخرج السياره من الطريق دخلت على صاحب وزن ممتاز معرف لدي ومن سنين وانا اوزن عنده وقلت له المشكله على طول قلي على كم بترج السياره قلت على 20 وفال فيه انحراف في الطاره قلت نعم سالني على اية اتجاه قلت على اليمين مجرد ماحط يده على الكفر الأمامي اليمين قال لاتمشي على هذا الكفر ولو يوم واحد لانه ممكن يظرب في اي لحظة 000الكفر محبل وبالفعل قمت بالتبديل مع الأستبنى والحمد لله راحت الرجه والأنحراف 000 لكن الشغله يبلها واحد متخصص وله خبره في ها الأشياء شوف حاول مره تبدل الكفرات وانشاء الله تنحل المشكله وآسف على الأطاله 0

والله من جد و انا صار معاي نفس الكلام و زي ماقالوا الشباب


تحياتي

انا اليوم الصباح دخلت سيارتي الوكالة للصيانة الدوريه وفيها نفس المشكله

اول ما تخلص وتطلع ابقولكم وش اللي صار ووش الحلول بعد

تحياتي

برب

أمير الهنادي

الله يعطيكم العافيه جميعاً ..........والظاهر انها الهوبات لانه مابقى شئ الا وغيرته راح اخرطها ونشووووووووووووووووووووووووووف واعطيكم خبر
وعلى فكره تراني من الرياض

اخوي العمري اخرط الهوبات ولا تستعجل روح للوكاله وشيك عليه من الصدام للصدام كلها ولا تصلح عندهم وده لورشه أنا موتري 2002 يعني أكل وشرب عليه الدهر دخلته الوكاله تشيك اب وبيطلع السبت انشاء الله أخذ قطع الغيار المهمة واصلح عندهم طل بوديه ورشه واتناقش معهم على كاسة شاي ومارلبورو .


تحياتي لك

يا اخوي العمري قبل لازم تتأكد ان الهوب اذا صار ملمسة ناعم اعرف انه مافيه شي

والعكس واذا صار انك بتخرط لا تنسا تقوله ينسم شوي من زيت الفرامل عشان تتطابق ولا تصير فحمه اقرب من الثانيه وهذي شرحها صعب شوي.

وانشالله اني افدتك . .

والله يالطيب هذي من الهوبات بس تأكد اذا كان الهوب مو مستوي ترى المشكله منه لان انا عندي المشكله الحين وعلى فكره ترى هوبات الاكورد خيااااااااااااااااااااااااااااس يعني مع السرعه العاليه تمسك بريك انواع الشكشكه في الخط وغير ان الفرامل مايكون بقوته الاوليه .

السلام عليكم ............ اسف ع التأخير في الرد

اخذت سيارتي من الوكاله وكل شي تمام وكان سبب الرجه ترصيص رصصوها لي وطلعت عسوووووووووله

وبالتوفيق يا خوي العمري

تحياتي امير الهنادي

ممكن يكون في كفر محبل معقوله ؟

اشكركم جميعا
وتراني خارط الهوبات ونفس المشكله
وودي اروح الوكاله لكن تدرون الزحمه وموعد بعد اسبوع ياخوان انا ماقدر ارتبط بموعد وادري انكم بتقولون هذه مشكلتك حتى مواعيدي انا ماقدر التزمبها مابقى الا الموتر اوديه موعده
ويااخوان تراني ( مرصص (لصق-ارضي-عادي)- مشحم العكوس- مغير طقم كفر- مغير طقم جنوط- والحين خارط الهوبات ) وعليكم بالحساب خسائر فلوس ولحسة مخ
الصدق اني فكرت جدياً لبيع الموتر
على العموم الله يعطيكم الف عافيه على الافاده ...............اخوكم العمري

صارت المشكلة مع واحد من العيال معه اكورد 2007 وخرط الهوبات وضبطت

اليوم انا سويت خرط للهوبات في صناعية ام الحمام
ورش خاص بالهوندا 100 ريال مع شغال اليد
معي اكورد2005

يمكن رمان واذا تبي الحل ارفع السياره وعشقها وامش 100 بتبان الرجه من وين وترا يمكن كراسي مكينه او قير يعني يبيلها روقان