عرض للطباعة
اولا
احب ان اهني جميع العاملين على هذا الموقع الجميل
وعلى جميع باقي الاعضاء
لدي استفسار واسئله بسيطه بمعناها..ارجــو ان اجد جوابا لها باسرع وقت...وانتم الوحيدين القادرين عليها
انا باذن الله باشتري اكورد 2007 بعد كم من يوم ان ربي وفقني
والسياره جديده:)..توها بسم الله عليها
السؤال ابغا اعرف كيف طريقة التمرين للسياره وش الاشياء اللي اسويها اول ما اخذها ..يعني كم امشي فيها لمده كم يوم ..ومتى امرنها على خط وووو
الله يرضى عليكم ابغا الجواب.. منكم اخواني... والله يعطيك العافيه
اخوكم...
والله بصراحة من ناحية التمرين
خدمة 1000كم توديها الوكالة وتكون مجانية
وثم خدمة 5000 كم تكون قيمتها اظن 450
وثم 10.000 كم والله اعلم كم القيمة
للأن سيارتي بعد هي ما توصل 10.000
ويقولوا ان السيارة في السنة تكون ماشيه 25.000 مره كـويس يعني هذا طبيعي ( كلام الوكالة)
وعادي لو اختها ورحت بها خطوط ما فيش اي مشاكل ولكن الأفضل انك ما تتعدى 140
واي سؤال ثاني
انا حاضر
وتقبل تحياتي
الشكر كل الشكر لك عزيزي
لاكن السؤال لم يتم الاجابه عليه بالشكل اللي ابغااه مع انك كفيت و وفيت يالغالي
لاكن انا ابغا اعرف اول ما اخذ السياره كم المفروض امشي فيها
وبعدين متى امرنها على خط طويل ,,بعد كم من يوم من شريتها
مثل ما قلت لك
امشي فيها سرعة معقولة اي لا تتعدى 140
وعند خروجها من التمرين 1000
تقدر تمرنها على خطوط
ان شاء الله اني افدك;)
تسلم يالغالي
يعني بعد 1000 كلش طبيعي
في طريقة بنت كلب على قولتهم
بس ما طبقتها لان ما عندي خلفية
في البداية الله يوفققك في الأختيار
ام بالنسبة للتمرين
من 0 الى 1000 تمشي اعلى سرعة 100 اوكي
و توديها الوكالة
ومن 1000 الى 5000
ما تتعدى 140 او 150 وطبعا بالسحب مو تكتم للموتر الله يهديك
ثم من 5000 الى 10000 بين كل فترة وفترة تجيب طبلونها او انك على 140 تعطيها ثلاث اربعاع الدعسة الين 210
وطول الوقت خل عداد الضغط فوق 2.5 او 3 علشان تتعود اليسارة على الدعسة بس الله يحفظك مو بالحارة على الشوارع الطويلة
وفي طريقة ثانية اتبعتها على طول فرقت معي ثانية ونصف
انك تمشي 100 عشر دقايق و120 عشر دقايق و140 و160 و180 و200 ربع ساعة كثير بس ملك الا خط القصيم والله انا بموتري 2006 اكورد تماتيك طارح اكورد نفسي وبقوة وفرق عمود من التمرين
بس لازم هالتمين بدون 200 وربع ساعة كل 3 اسابيع
والله يقويك؛؛خخخخخخخخخخخخ
ياعيني عليك وعلا تعليقاتك العسل..تسلم لي يالغالي...وان بغيت شي رااح ارجع واسالك ياخوي..الله يقويك
:d
يا شباب اركدو ولا تخلون الرجال يتهور
التمرين يالغالي كالتالي :
لا تتعدى 100 حتى الف كيلو .. بعدين توديها الوكاله تشييك مجاني
بعد الف كيلو لا تصفط طبلونها بيوم وليله خلها بالتدريج عشان تعيش معك وقت طويل بدون ما تطلب
حاول اول 300 كيلو ما تدوس بقوه (ما يتعدى الضغط 2,5) ولا تهدي بقوه لان الموتر لسى جديد
اي سؤال ثاني انا حاضر
الله يسلمك يالغالي وانصحك تسمع بنصيحة اخونا المسافر جرب الي 10000;) وبعدين عطها المقسوم:d:dاقتباس:
المشاركة الأصلية كتبت بواسطة baby112
لان انا ترى متهور في هالأشياء :p
اخوي اسمع الكلام اللي يجمد على الشارب
من 0 الى 1000 لايتعدى الامبير 2 والسرعه لاتكون فوق 110 وسعر الصيانه عند 5000 بـ200 ريال فقط
تحياتي
الله يعطيك العافيه اخواني
طيب عندي سؤال مهم
بالنسبه للامبير حق الحراره ودي اعرف الطبيعي وين بيكون ياليت يكون تقرير مصور من احد الاخوان يصور الامبير حق الحراره بعد مايخذ مشوار ويرجع ويصورها ويحطه لي هنا ..عشان ما اوسوس
وشكرا اخواني..على التجاوب...لاعدمناكم
الى 1000 لا تعدى السرعه 100 كم
وبعدين لازم تدخلها تشييك 1000 كم
ولا تشغل المكيف وانت تمشي :mad::mad:
ومن ناحية الصيانة وجهة نظري اذا كان الموتر استعمالك يكفي تشييك 1000 كيلو لأنك تعرف استعمالك صح ولا لا رد لا تسكت :d:d
وواضب على تغيير الزيت ونصيحتي لك سوبر بترومين الأبيض 10\30:cool::cool: تغيره كل 5000 مع السيفون
وزيت القير وفلتر الهوا كل 40000 كم
اتمنى اني افدتك :)
لايوجد هناك نظام معين لتمرين السيارة لكن ينصح بالاتي لأول 1000 كيلومتر:
إستخدم السيارة بشكل طبيعي جدا
لا تتعدى سرعة السيارة 100 كيلومتر بالساعه
عدم التسارع المفاجئ أو الفرمله المفاجئة
ومبروك عليك الأكورد الله يعطيك من خيرها ويكفيك من شرها ولاتنسى تدخلها صيانة الألف كيلو :)
والله الشباب ما قصروا ........... كلام وافي وشافي
تحياتي / امير
شوووف يا قلبي أنا والله ما ادري كيف بس هي مشت معي
الله يهنييييك ويطعمك من خيرها ويكفيك شرها <<< اذا الله وفقك وشريتها
ياخي 1000 كيلو هاذي تجربت السياره واختباره واي مشكله تظهر في السياره عشان الصيانه
اما لا تمشي الا 100 ومن ذ الكلام وس صدرك لاتسرع بس استخدمها طبيعي مو بتحفظ وتشدد لنك راح توسوس بعدين
يعني امش طبيعي ولا كنها جديده عشان تبن اي عيوب او مشكله
من نحيت السفر اعرف واحد طلع موتره وعلى طول مسك خط الجنوب
ولا اي مشكله
ماعليك منهم انا من اول يوم خذت السياره مسكت ابها خط الرياض وماشي عليها 220والموتر موديل 2002 وليومك مافيه شئ
والله وماقصرتم ياشباب...
اشكركم على المتابعه والردود الجميله ..ولكم مني كل الحب والتقدير