بإختصار وبحياديه ايهما افضل : اكـــــــورد او ازيــــــــرا

السلام عليكم ورحمة الله وبركاته


ابي مشورتكم ياشباب بين سيارتين احترت بينهم كثير

الاولى

هوندا اكورد 2008 فل اوبشن 4 سلندر 2.4 بـ 93 الف

الثانيه

هيونداي ازيرا 2008 فل اوبشن بدون شاشه 6 سلندر 3.3 بـ 88 الف


يهمني

ان تكون بها مواصفات معقوله تريحني من القيام ببعض المهمات داخل السياره

ان تكون آمنه وثابته وهل فعلاً الازيرا يتوفر بها 12 ايرباق كما اخبرني مندوب المبيعات في هيونداي؟؟

ان تكون ذات جوده تبقى معي من 5 الى 7 سنوات بدون متاعب كثيره

ان تكون بعزم وقوه معقوله


ان تكون مناسبه لي ( عمري 24 متزوج وعندي ولد )



شاكر ومقدر لكم مقدماً

والله بدون تحيز للاكورد
اذا تبي سيارة فخمه وذات جودة عالية خذ الاكورد وتعيش معك اكثر من 5 سنوات
اما الازيرا سيارة فخمه وتتفوق على الاكورد في مزاياها لكن جودتها اقل من الاكورد

الله يوفقك في اختيارك
ومبروك مقدما

ابو مهند هناك فرق

الاكورد 4 سلندر

الازيرا 6 سلندر

العزم اكيد الازيرا اقوى

الثبات والرساوه في الاكورد

الازيرا والله ماعندي علم فيها

وحبيت اقولك مبروك مقدما

والله اذا انت تحب الخطوط فالثنتين تمام

بس الأكورد تصبر واوفر تروح الرياض وانت تمشي 180 ب25 ريال بنزين ويبقى ربع التانكي
اما الأزيرا والله مدري
الأزيرا مريحة حتى الجلد اما الأكورد اذا انت ماتحب القساوة فالله يعينك عليها
الشكل يحسب للاكورد والأنسيابية فالخط

الأكورد ارسى اجمل اضمن بالبيع لا حول كيف افهمة الحين

الزبدة فكك

بسمه تعالى :

اقتباس:

---

والله بدون تحيز للاكورد
اذا تبي سيارة فخمه وذات جودة عالية خذ الاكورد وتعيش معك اكثر من 5 سنوات
اما الازيرا سيارة فخمه وتتفوق على الاكورد في مزاياها لكن جودتها اقل من الاكورد

---

خير الكلام ما قل ودل ^___^ أشكر أخي الملكـــــةاكـــــورد على رده الوافي و المختصر و من رأي شخصي الأكورد هي اللورد و ستبقى اللورد أو ذي رينغز أقصد Lord Of The Road

THE LORD OF THE ROAD

http://image.motortrend.com/f/car-of...nda-accord.jpg

والله الأكورد من ناحيتي افضل بكثير

الاستخاره ثم الاستخاره ثم الاستخاره ثم الاكورد

امممممممم والله خذ ازيرا بما انك متزوج

ولو تدر 3.8احلى واحلى خصوصا انو عليها عرض بالمجدوعي بالدمام ب91

نصيحه خذ ازيرا مع العلم اللي يكلمك معاه اكورد فل كامل 2008

صحيح أن الأزيرا فيها أشياء كثيرة حلوة وصحيح الكوري يلاحق التقنيات لكن الياباني أفضل بكثير وأصبر ............. وش تنفع التقنيات والسيارة كل شوي في ورشة وغير كذا الفحمات ما تمشي 10000 كيلو إلا مغيرها و رح اخرط الهوب و ألخ ....
خذ اكورد ونم ...................
نصيحة مجرب هونداي

ابعد عن الازيرا بطفشك بصيانه اكثر سياره تخش الصيانه بعد الكديلاك :)

خد اكورد وروح دبي وزودها وبتتفوق على الازيرا و شكرا على الموضوع

الرجال يقول معة عائلة = كيف يروج ويزودووووووو..........
يبي وكالة

خذلك أكورد .. يآباني 100% .. وش أحلى من كذا .. وتصبّر

خذ الاكورد وتوكل عى الله ومبروك مقدما

يا أبو مهند طع شوري وأنا أخوك...:mad:

أنا حول ماأشتري سيارة ووضعي الإجتماعي مثلك تماماً ...:d

من ناحية الأزيرا .. فخمة وستة سلندر ولا فيه أحلى من مواصفاتها .. بس ..

معلييييييييييييييييييش ماضنيت أني أبدفع دم قلبي على ذي الكورية .. دامك دافع دافع لا وأنا أخوك خذ لك شي يستاهل !!!:mad::mad::mad:

والله لو يكون بالأزيرا محرك طوربيدي حق الصواريخ والله ما أدفع عليها ريال !!!!!:mad::mad::p:mad::mad:

أنا احترت واااجد وأهم المواصفات عندي :

1- سيارة تعيش معي 10 سنوات ( ماضنتي يالأزيرا ):cool:
2- سيارة قطع غيارها متوفرة ( ماضنتي يالأزيرا ):cool:
3- سيارة (( تواجه )) عند البعض ( الأزيرا والأكسنت واااحد > كلهن كسرة كورية، والكامري سيارة تكاسي ومراهقين ) أما الأكورد والأوريون فيواجهون:cool:
4- سيارة تضف عيالي:cool:
5- سيارة إذا وقفت عند المدرسة انزل ولدي ما يستحي من زملاه ( آه ياراعي الكوري ) :cool:
6- سعرها معقول ( آه يالأوريون ):cool::mad:
7- فتحة سقف ( أبشر بالصرصرات بالأزيرا ):d
8- مثبت سرعة:cool:
9- جنوط:cool:
10- تفتح النفس:cool:
11- متقنة الصنع !!!! مهب أنواع التنسيم والطقطقات بالديكور ، ولا تشوف الجلب الي داخل الديكور بارزة من جوانب المكيف والمسجل، آخ يالأوريون والله يا أنتي معجبتني لكن حسبي الله عليكم يالأستراليين .. أتركوا السيارات عنكم .. حدكم الهمايط بهالأمواج ولا بهالأوبرا !!!:mad::d:cool:


وأنا أخوك طع شوري وسر مع الركب وخذ لك أكورد ، وأنصحك بالإسبشل ( جنوط 16 ، فتحة ، مثبت سرعة ) ب82 ألف ، ولا فل 4 سلندر مخمل ( مكيف إلكتروني، المسجل 6 سيديات ) ب 91 ألف

ولا أحد يلعب عليك ويقول لك خذلك أزرق أو ذهبي ولا رصاصي

طع شوري خذ لك أسود وستبقى كبيرة بعينك

وبالأخييييييييييير أقول لك بصصصصصصصصصصصصرك خذ الي يريحك !!!!!;)



والله يا أنا تعبت من الكتابة ...:d:d:d

أنا رأيي ابعد عن هونداي .. صح المكينه 6 بس صدقني ايكو تطوفها بالقومه زي السلام عليكم ..

عيب هونداي قيرها التوماتيك .. لو بتاخذ عادي يمكن يكون ماشي حالها .. بس مع ذلك في الثنتين القومه ضعيفه .. ومشاكل الكهرب فيها غير طبيعيه .. وخراباتها زي ما قالوا الشباب كثيرة نوعاً ما ..

ومن أكبر العيوب الشرعيه في هونداي .. على الخط إذا في هوى تحس السيارة تلوخ كثير وتحسسك كأنك راكب قوطي مو سيارة .. واذا مرت من جنبك سيارة مسرعه أو مريت من جنب شاحنه .. نفس الشي وأحيانا تحذف فيك برى الخط!!

انا أقول لك خذ ايكو ولا تاخذ أزيرا خخخخ

اذا تبي النصيحة .. خذ أكورد وانت مغمض .. سيارة بتعمر كثير عندك .. وتتحمل إلى ما شاء الله .. وحتى لو كانت قطعها غاليه .. بس القطعه تركبها وتنساها ..

طبعا أنا ما بعد أطلع الأكورد بتاعي .. بس أقول لك من خبرة زملاء لي عندهم أكورد .. أعرف واحد حتى بواجي الله وكيلك للحين ما غير لها من طلعها من قبل خمس سنوات!! ويقول لي ليش أغيرها السيارة عزمها وممشاها أوكي .. بس يغير لها زيت كل 5 إلى 6 آلاف كيلو!! حتى كفرات ما غيرها للحين ..

ومن تجربة كثيرين .. رساوتها جداً ممتازة .. تتفوق على الكامري واللومينا بشكل كبير ..

وانت اركب الأزيرا واركب الأكورد .. وبتحس بالفرق ..

الأكورد تحسسك بجو ممتع أثناء القيادة .. وتحس ودك دوم على الخطوط من حلاوتها ونعومة ممشاها ..

توكل على الله .. وخذلك ... أ ك و ر د

تحياتي

شف وانا اخوك كل واحد وله رايه:)
السياره الي داخله مزاجك وعاجبك سعرها
ماقول غير استخر وتوكل على الله
الله يكتب لك الي فيه الخير

شف .. الشباب نصحوك واجادوا النصيحه حقيقةً !

وعقب كل هالحتسي اعلاه .. ياويلك ياسواد ليلك تاخذ الازيرا ! :d