الزجاج الامامي للسياره .. فيه كسر .. وش الحل ..؟

السلام عليكم ..

مسهم الله بالخير .. اخباركم ..؟

اليوم واحد من الوغادين .. يكرمون السامعين ..والقارين ..

نطل كم نطله قدام موتري ع الدايري ..

وطير علي الغبار والحصى ..

وما حسيت الا ذيك الحصاة ع قزازة موتري اللي قدام ..

شطبها من اليمين ومن النص بعد الله يشطب راسه ..

ليته الشطب جاي من فوق .. والا مبتدي من تحت ..

من قدام علين الراكب وماشي لي انا ..

يعني يبي ينصف القزازه بعد كم مده من الزمن << وش رايمك بالاسلوب .. :rolleyes:

وانا بحايل .. وماعندك احد بالعربي بسوالف القزاز ..

وش رايكم وش الحل ..

بالعربي غثتني السالفه ..؟

انت بحايل اممممم وماعندك احد
اجل قشر بصل والا ازرع نعناع >امزح
اقل الحلول


طيب حط على الكسر لزاق علشان مايدخل التراب بين الكسور وثم تاكل هوا وتغير الزجاج كله
على الاقل العوض ولا القطيعه ههههههه



وبعدين رووووووووح لاقرب محل حق الزجاج
يمكن عندكم فروع لدكتور الزجاج والا طبيب الزجاج والا محلات متخصصه في الزجاج

وهذا الي اقدر افيدك

ولو انك بالرياض كان طلعت معاك للمحل ونضبط موترك *_^

والله يا عزوتي ماعندك احد ..

فيه واحد يقول احفر القزاز ومدري وش يخرب ..

والمشكله يقول مادري اضبطها صح والا لا ..

وربي اجيك بالرياض يا عزووتي ..

بس تشووف لي حل ,,..؟

تعال قبل تروح ,,,,,

بس وانا خوك ممكن صورة والا شي

لان بعض الكسور ماتتصلح او ماترجع زي اول بنسبة 80 بالميه

اذا شعر او كسور بسيطه
بتتصلح ان شاء الله

موترك كم موديله وممكن صورة للزجاج

2007 ..

وزي ما تقوول شطب تقريبا شبر .. وعليه شوي ..

والحين بتابع مسلسل سنوات الضياع ..

واصور لك الموتر .. بعد ما تخلص المسلسل ..

<< نسى خراب موتره يووم شاف لميس خانوووم .. :$:

^^^^ :d شكلك نسيت السياره ياولد

القزاز الامامي يجيك طبقتين اتوقع اذا الشعره اللي بالقزاز بالطبقه اللي برا ممكن تتصلح اما اذا كان بالطبقتين فالتحليه ابخص بهالموضوع >>>> التحليه = accord2002

انت المس القزاز من داخل السيارة وشوف اذا بتحس بالكسر >>> من برا السيارة اكيد بتحس فيه لانه جهة الكسر

على فكرة القزاز الأمامي من الوكالة قيمته 798 ريال ينطح ريال غير قيمة الربر والتركيب

ما اقول الا معوض بإذن الله

من برا احس فيه ..

:d

من داخل ..

لا ولله الحمد:cool:

زين من داخل السياره ماتحس فيه

اهم شي انك تحط لزاق شفاف او ريالات >>بس جب العريض (لتوصيل المعلومه)

وبعدين انتظر لين يفرجها ربك وتصلحها >>بحايل مافيه الا سواليف

واذا تبي الجد
>>هذا كلام الفني يقول حط اللزاق علشان مايدخل التراب وبعدين ماتتصلح تبقى مشطوبه

انا جربتها على افالون وكنت امشي 150 وجت الضربه عند شاشة الحساس بالضبط
وصلحتها عن واحد حي الله
ولما رحت محل كار كير صدقني شفت الشغل النضيف تمنيت اني مصلح عنده

بس عداك العيب ياشنب>>مالها دخل

والراي لك وناخوك وممكن بالقصيم اقرب لك يمكن فيه محلات تصلح الزجاج
علشان توفر عليك 300 كيلو وفيها

هذي الصوره وان شاء الله تطلع واضحه ..؟

http://www.vb-l.com/up/view.php?file=e1796fec6c

طولها ممكن 30 سم

http://www.vb-l.com/up/uploads/image...e1796fec6c.jpg

بس اهم شي انك تحط عليها لزاق لين تتيسر امورك وتصلحها

لو تخليها على كذا بعدين بيجيك كم واحد ويتفلسف عليك ويقول ماتتصلح
اضمنها من الاول قبل مايضيع الوقت عليك

وشوف اهل القصيم يمكن عندهم محل كويس حق الزجاج
علشان ماتطق مشوار للرياض ويكون موجود بالقصيم محل موثوق فيه

اخوي اكورد شف فيه محل بالصناعية اسمه الحماد الظاهر متخصص بالقزاز و السوالف هذي



اذا انت تخبر المكان اللي فيه السطحات موقفين 24 ..
المهم انهم بنفس الشارع على اليسار
بعد المبنى اللي خبري خبرك:d





انا مثلك مره على الدايري و صار لي حول سالفتك و رحت للمحل هذا و ضبط الوضع
بس بقى آثار بسيطة جدا ..

ارمز
الحل عنده
انا مصلح عنده اكثر من سياره ويعطيك عليها ضمان
يعني شغل نظيف:d

اكووورد ..

انا سويت اللي قلتلي عليه ..

وان شاء الله بجي الرياض وقبل ارووح ابي اعطيك خبر ..

بس ان شاء الله ما ارجع وما ضبط الوضع

جريح ..

انا اليووم عنده ..

وربي من جنبه ..

يقووول ما اقدر اسوي لك شي ابد ..

شكلك متعود ع الحجز ..

ههههههههههههههههههههههههه ..

هوندا قوه الاحلام ..

الف شكر لك ع الرد ..

وان شاء الله بشووف وضعي ..

صارت لي مره

ورحت لمحل القزاز وحفر نهايه الشق بالدرل وحط عليها غرى قزاز وحط عليها نور ليزر خمس دقايق وقالي عليها ضمان وهذا كله ب15 والحمد الله الشق لحد الان ماتحرك ولا سانتي وومكن الشق هذا يسبب لك مشكله وقت الفحص الدوري لو كان اطول من 100 سانتي وممكن تقدر ترجعه في محلات القزاز يجلس يعبي الشق غرى شفاف عشان مايبان انه مكسور ويرجع زي ماكان لكن غالي ممكن ياخد عليك 100 ريال عشان يصلح لك الشق كامل من البدايه للنهايه

سلام

على فكره قبل لاتطق المشوار
اقولك السعر علشان ماتنصدم وتكسر الزجاجه بعلبة السفن وتعصب علينا *_^

سعرها اقل من 200 ريال

وشوف القريب وبعدين اذا ماصلح لك طق مشوار للبعيد

لاخذ الحيطه والحذر>>>بيطبق الكلام *_^

الشباب ماقصروا

بس حبيت اشاركك الخقخقه مع الست لميس :d

ههههههههههههه ..

والله مدري وش السوات ..

طيب ما احد يعرف محل بالقصيم ..؟

وااذا طقينا المشوار ..

ما هي حسافه ع شوفتكم وخصوصاًَ اكوور 2002 :d

اخوي شوف محل اسمة دكتور الزجاج في الصناعية القديمة جربتة ممتاز مررررررررررررة