السلام عليكم ورحمة الله وبركاته
اخواني اعضاء هذا الموقع الرائع
احييكم وامسيكم بالخير جميعاً
أولا الحمد لله على كل حال .. حصل لي موقف بسيط وحادث بسيط وهو اني ضربت بالكفر الخلفي يسار رصيف دوار وحصل تلفيات بالسيارة
الهوب انكسر ويبي تغيير مع العده كامله والرمان والاذرعة
ومدري وش بعد
كل الاغراض اخذتها من الورشة على شان اشري مثلها
والله يستر من سعر قطع الاغيار
انا افكر اروح بكرى للتشليح ...
هل سعر التشليح يفرق كثير عن الوكاله ..؟
او من يعرف شيء يعطيني خبر
واشكركم كثير الشكر
اذكر اني خذيت اللي تقولة كاااامل ..
تقريباً 4 او 5 اذرعة ... مع المساعد والياي وكرسي الياي والعفش كلة كلة ... تقريباً بـ 600 ريال من التشليح .. (( باقي بس احط الكفر والجنط )) ..
السعر اكيد يفرق كثير كثير ,, من الوكالة للتشليح ...
لكن اسمع نصيحتي زين ..
حاول تاخذ من نفس الموديل ..
ولا تاخذ من شي مفكوك وجاهز .. (( يعني خلة يفكها قدام عينك من اكورد مصدومة من قدام عشان تضمن الخلفي كلة سليم )) ..
واهم حاجة ... اذا اكوردك قير اوتو .. خذ من سيارة قير اوتو .. لا تاخد شي حق اكورد قير عادي .. اسئل مجرب .. خذيت كليفر امامي حق اكورد قير عادي .. ركبت عندي بس المقاسات تختلف شي بسيط وصار فية احتكاك بسيط مع الهوب .. الفرق شي بسيط ولكنة فرق ...
ولا تاخذ من محل كلة اكوردات ومتخصص فيها سعرة بيكون قريب من سعر الوكالة ..
ولما تاخذ اي قطعة .. خل يعطيك ضمان اقل شي اسبوع .. عشان تركب وتجرب واذا فية مشكلة رجعها ..
والله الموفق ..
اي خدمة ثانية ؟؟
هذا عيب الهوندا الوكاله قطعها نار والوكاله ماترحم
يازين التويوتا كله من الوكاله واسعار حلوه
الله يعينك في مشكلتك
^^^^^
انت ناظرت الموضوع من جهة الاسعار ..
لكن ناظرة من جهة الجودة ..
وبتشوف ان قطع الهوندا معقولة بالسعر ..
قطع الهوندا مصنوعة باليايان ..
قطع التويوتا مصنوعة وين ؟؟
^^^
تبيهم نفس السعر ؟؟؟
اسلام عليكم
اول شي الحمدلله على السلامه
هذا رقم جوال في التشليح اسم مركز اخصائي هوندا 0554117907اسمه عبدالاله
الله يوفق اي اسؤل علي الخاص
حياكاقتباس:
قطع الهوندا مصنوعة باليايان ..
قطع التويوتا مصنوعة وين ؟؟
^^^
تبيهم نفس السعر ؟؟؟
ادري انها مصنوعه بالصين وتايلاند وكمان ماليزيا
لكن ياخي التويوتا في هذي الحاله تمتاز عن الهوندا في القطع يعني ممكن تروح الوكاله وتاكسر في السعر خارج الوكاله وفي منه تجاري ,, انا اتكلم عن القطع حق البدي يعني بالله في احد ياخد مقص من التشليح ؟ معقوله ؟ ليش ماياخده من الوكاله ! عشانه غالي ؟ طيب ليش كذا اسعارها غاليه ؟ اشياء كثيره تدور في راسي قبل ماشتري هوندا او اني اشتري تويوتا وبالي مرتاح وقت الحوادث لا سمح الله واسعارها مناسبه ومتوفر منها اللي يمشي الحال ولا تقلي اصلي يعيش معاك انا في جده ساكن والله لا يوريك الشوارع كل سنه تغير عفش السياره من تحت لا اصلي بيعش معاك ولا تجاري ,,
سلام
^^^
تتم هذه وجهة نظرك ...
ورجاءً من المشرف والعضو الي فووقي انهو الساالفه ولا تغيرو الموضووع ....
وكل وااحد مقتنع بوحهة نظره ... وانا اقوول انه اللكزس مالها دخل بالفخامه ... :)
تقبلو تحيااتي
والحمدله على سلامتك يا رااعي الموضووع
والله يوفقك بشرااء القطع ... واهم شي الضمااان !!!
تحيااتي مره اخرى ..
الله يسلمكم جميعاً
والحمد لله جت سليمه
اليومين الي راحت بالتشليح .. حوسه ودوسه
والحمد لله لقيت الي ابي وشريته
اخذت فلنجه واذرعه ( مقصات ) وكليبر ( مع فحمات ) بسعر 800 ريال ..،
واخذت هوب جديد من الوكالة بسعر 366 ريال
والله يوفق يارب
لكن المشكله لمت الـ ABS مازالت والعه
وبعد لمه التوازن اضغط الزر لكن مازالت والعه اللمه ؟
والسياره بتخلص اليوم بالليل
نظام الـ ABS والـ VSA مرتبطة ببعض ..اقتباس:
لكن المشكله لمت الـ ABS مازالت والعه
وبعد لمه التوازن اضغط الزر لكن مازالت والعه اللمه ؟
والسياره بتخلص اليوم بالليل
واللي اظنة ان عندك احد اسلاك الـ ABS تأثر مع الحادث .. شيك مع الورشة اللي تصلح فيها ..
اذا قال لك انة سليم ..
فالـABS والـ VSA بحاجة الى اعادة برمجة بـ 150 ريال في الصناعية القديمة في المركز الدولي لصيانة السيارات - شارع بلقيس بجوار مخرطة وفاء للجنوط ..
اقتباس:
المشاركة الأصلية كتبت بواسطة كوكو كورد
اشكرك اخووووي على ردك
والله يحميكم جميع من كل شر