عرض للطباعة
لي كم يوم من طلعت الموتر .. ما أدري أحسها أول ما تمشي تحن بشكل يحسسني كأنها ددسن (عذراً يا أكورد) بس بصراحة مو لايق هالصوت على السيارة ، يا ترى هل هي مشكله بموتري .. ولا هي مشكله عامه بالأكورد الجديد كله ولا بالأكورد قديمه جديده!!
وهل هذي الحنه تضر السيارة .. تقصر من عمرها .. ولا مجرد صوت (يفشل) وبس؟!
وهل له حل نهائي .. ولا من هالحين لازم أكيف نفسي معاه وأتعود عليه .. :(
بليز ردوو علي بسرعه قبل لا تنبط تسبدي (95 ألف على سيارة تحن :mad:)
والله اول ماطلعتها زيك :d
عندي واحد من الشباب يقول هذا صوت السيارة ؟؟؟
ماتوقعها صراحه
لكن حسيت ان الصوت خف شوي
يممكن لاني تعودت عليه ههههههههههه
لكن هذا مو عيب اقولك ليش
لان اللي جنب العداد على اليسار مدري شسمه ( حق عدد دورات المحرك )
المهم هذا يكون مرتفع كانك ضاغط على البنزين فهمتني ؟ <<< اتحداك فهم
يعني عندك سيارة مثلا الجمس << حقنا يكون على 1ونص اول ماتشغل الموتر
اما الاكورد يكون على 2 اول ماتشغله
هذا يفيد بان السيارة تحتمي بسرعه
كلامي الغاز ادري
بس هذا اللي عندي
اتمنى ماطولت عليك
واتمنى باني افدتك لو بشيء بسيط
اذا موترك 4 سلندر
شي طبيعي انك تسمع حنة المكينة :)
أخوي m6565
أنا قرأت في أحد المنتديات ان هالصوت موجود بعدة سيارات منها الأفالون واللكزس فئة الـ es و(الأكورد) ، ويقولون ان هذا حماية للقير حتى يحافظ على التروس ما تتكسر (ضروسها خخخ) ، وبمجرد الواحد يوزن دعسته ويعطي السيارة الدعسه المناسبه لها (بعد ما يتعود عليها) ما راح يسمع الصوت هذا مره ثانيه ، طبعا ذاك المنتدى ركز عالأفالون بس إذا كان هالكلام صحيح أعتقد انه ينطبق على ملكتنا ، وللأمانه تراني ما كنت أبحث عن الأفالون ولا اللكزس كنت أبحث في قوقل عن "حل مشكلة حنة الأكورد" وطلع لي هالموضوع ، يعني أنا صج صج عاشق للأكورد بس تحطمت شوي لمني عرفت ان فيها هالصوت ، فإذا كان هالكلام صحيح ما بحس ان فلوسي راحت هدر ، لكن إذا طلع كلام تصريفه بجد أحس السيارة مبالغ كثير بسعرها!!
بمنتدى أجنبي كان يتكلم عن هالحنه هذي بس في حالات معينه وهي لمن تكون السيارة بارده ، فهالصوت يكون صوت البلوف لأنها ما تسخن ، وكان يتكلم عن أحد موديلات السيفيك وذكر ان الهوندا في هالسيارة وما ندري ان كانت كل سياراتها كذا .. مافيها نظام وزن البلوف التلقائي ، وعشان كذا لابد ناخذ السيارة للوكاله يوزنون بلوفها!! طبعا انا مادري ما أعتقد ينطبق هالكلام بتاتاً ، لأن ما أتصور في مكينه هالأيام ما توزن بلوفها لحالها ، حتى تاتا الهنديه يمكن فيها هالخاصيه خخخ ..
عموماً .. أنتظر بقية الردود .. وان شاء الله ما عليك شر يالملكه .. ويا رب يطلع الراي الأول فعلاً صحيح وان هالصوت حمايه للقير ..
أخوي http://hondaarabia.com/club/image.ph...ine=1148332087 اتــشـــــ
أظنك فاهم الموضوع خطأ .. أنا عارف صوت 4 سلندر ( <<< كانت عنده تيرسل ) والصوت اللي أتكلم عنه ما يطلع إلا مع الممشى يعني شي له علاقه بالمكينه والقير مع بعض ، والسيارة واقفه لو دعست البنزين ما يطلع هالصوت!! وترى المكينه وهي واقفه هاديه مره ما شاء الله وما كأنها 4 سلندر ، ما أقول عنها إلا أم 8 سلندر خخخ أشوفها أهدأ من الكابرس :)
عادي جدا جدا في أي سيارة جديدة وكالة خاصة 4 سلندر أنه مكينتها فيها صوت حنة .... والسبب هو أن المكينة جديييييدة ولسة ما تمرنت وتعودت وتكون كاتمة ودايما الضغط يرتفع ....ابن خالي اشترى اكورد2008 ولاحظت الحة فيها أول ما أخذناها من الوكالة لكن ألحين بعد ما مشت سيارته أكثر من 8 آلاف الصوت صار معدوم تقريبا والضغط صار أقل من قبل وأتوقع هذا اللي عندك
شباب شوفو هذا الموضوع عن الأفالون واللكزس وتفهمون شالسالفه .. وأنا شبه اقتنعت بهالكلام .. لأن الأكورد فيها نفس الخاصيه بالقير وأنا قرأت عنها في موقع أكورد نفسه (بس طبعاً ما كان في ذكر للحنه!!!)
هلا والله اخوي مــــــــــدري
انا في احد المشاركات ذكرت اني رحت للوكاله ورجعت اسوء !!
في هالزياره غيرولي الحساس وصارت السياره من اسوء ما يكون..
وانا لا ازال في مواقف الوكاله حنت حنه ما هي طبيعيه وبعدين شبك القير فجأه انا قلت اكيد فيه غلط
ولكن الامر من خلال روحاتي وجياتي للوكاله حللته كما يلي :
المشكله في التقنيه الجديده المستخدمه في القير والتى تسمى بالـ ECTS وموجوده في الاوريون والافلون 2008
Electronic Controlled Transmission System وتعني التحكم الالكتروني بتغييرات القير
وهي تقنية مستحدثه ولم تكن موجوده في الموديل السابق 2006 وما قبل وهي السبب وراء هذي المشكله.
وهذا يعني ان القير يحاول انه يتنبأ بخطوتك التاليه فيقوم بالتغيير حسب ما هو مسجل عنده في ذاكرة الرحله
لذا تجده بعد رحله طويله على سرعه ثابته تظهر عليه مثل هذي الملاحظات ..
وحسب كلام مدير صيانة لكزس يقول :
"ظروف التشغيل البارد كما يسمي (اي بعد فترة توقف تفوق الأربع ساعات) تؤثر على قدرة الحساسات الموجوده في القير على القيام بالتعرف على الوقت الصحيح والمناسب للقيام بالتغييرات وهذا يعود الى كون القير لا يزال في طور الاستعداد للعمل وليس جاهز بشكل كامل والحل هو ترك السياره في حالة التحميه لأكثر من 10 دقائق" ! ...
طبعاً انا لا يمكن ان اقتنع بهذا الرد لأن القير لأي شخص جرب يسوق توماتيك بيحس ان فيه غلط
اما الملاحظه الثانيه والخطيره هي انه في حالة الاضطرار الى التسارع المفاجئي ( في حالة تجاوز مثلاً )
القير لا يستجيب الا بعد مرور ثانيتين تقريباً وهذا امر خطير جداً جداً لأنه قد يعرض الشخص لخطر التعرض لحادث لا قدر الله
وكل من جرب السفر في طريق اتجاهين وجرب التجاوز سيقدر حجم المخاطره
كذلك قد تحتاجها في حالة الاضطرار الى السرعه الفجائيه للحاق بمخرج سهى الواحد عنه
..التأخر بالثواني هذا قد يؤدي الى شطفك للرصيف لأن السياره ما تسارعت بالشكل المطلوب..
منقول من أحد المنتديات الأخرى