شوارع الرياض .. ياااهي تحمي الكبــــــــــد !
مشكلتي الكبرى هنا الشارع والقياده ..
لامني مشيت بسيارتي في مشوار بعيد احس اني في بلد للاسف افي امل يتطور
لامن شفت سوء تربية الاجيال القادمه في قيادتهم في الطريق .. تحتار وش تزين معهم
يعني لو كل واحد اخطأ عليك قلت له اسفط يمين وتعطيه طراقين وتمشي كان قضى يومك وانت مضاربات مع ذا المبزرة !
هذا غير لو نزلت على واحد جثة وصرت انت المطروق مهوب هو ..
ومن المواقف المتكررة اللي تصير لي لامن جاك ذاك البزر اللي مابين منه الا كابه الملون ..
وانت واقف عند الاشارة اول واحد وبالنظام
الا هالبزر جايك من اقصى اليمين ولاف بسيارته لاقصى اليسار وقدامك يعرض موتره عليك
يعني لاتتعب عمرك .. انا امشي قبل همن انت ..
مثل هذا لو متربي صح حتى في بيتهم على النظام والاحترام ماسوا هالفعل ..
ومن كرهي لشوارع الرياض دراستي ودوامي الان اخترت اقرب مكان وماهمني اي تخصص بس الحمدلله توفقت بتخصص زين ..
والكلية اخترتها لانها الاقرب ..
كله عشان نفتك من الأمور ومع ذلك مانسلم ..
منول اقول متى اعرس عشان اطس للقصيم وافتك لكن من تالي صايره اردى ..
يالله تصبرنا
