ضروووووووري جدا جدا

السلام عليكم شباب

اول حاجه احب اهنيكم على هالمنتدى الرائع وأهني المنتدى بأعضائه المميزين ... :cool:

ثاني حاجه انا ان شاءالله هالاسبوع بطلع اكورد 2009م فل كامل بس محتار في اشياء وابي لها اجابات واتمنى من الاعضاء التجاوب على استفساراتي ..:)


اول استفساراتي

1- انا ابي اعرف هل هناك فرق بين مواصفات الجلد ومواصفات المخمل في الفل الكامل او فقط مجرد جلد ومخمل؟؟ لإني سمعت ان المواصفات تختلف


وياليت تقولون لي وش الافضل الجلد او المخمل؟؟




2- ابغى اعرف عن mp3 هل هو يشتغل في الفل كامل والا مايشتغل؟؟




3- ابغى اعرف بعد كيف طريقة تركيب شنطة السيديات (12 سيديMP3) وتوصيلها بـمنفذ الـAUX الموجود اسفل التكايه وياليت اللي مركب السيديات يفيدنا بالطريقه؟؟ ولو فيه صورللإيضاح يكون افضل :d




4- انا محتار بين 3 الوان وابي تساعدوني باختيار اللون المناسب
الالوان هي : اللؤلؤي .. والذهبي ... والأسود
وش افضل لون بينهم؟




واشكركم على سعة صدوركم ويعطيكم العافيه :)

وعليكم السلام أخوي ... وحياك في مجتمعك وناديك ..
1- أنا خبري أن المواصفات هي هي في الفل مخمل أو الفل جلد ..
2-بالطيع يشتفل في الفل كامل .. وأبشرك الفل تراها 6 سيديهات وكلها mp3
3-أنا ما عندي فكرة عن هالشغلة ..لكن بصراحة أنا ما أنصحك تركب .. لأن ترى صدقني مالها داعي خاصة أن يصير عندك 6 سيديها وكلها mp3 يعني ما أحس لها لزمة أبد ..
4-الأسود طبعا ملك الألوان .. لكن يحتاج عناية كبيرة .. واذا انت من النوع المهمل للتلميع والغسيل المستمر .. خذ لك ذهبي حلو وما يبان الوسخ والغبار عليه ... الأبيض رائع وجميل .. لكنه منتشر زيااااااادة عن اللزوم وما فيه أي ذرة من التميز على الاكورد السيدان ..

سلام ..

مبروووووك الف مبروك يعطيك من خيرها ويكفيك شرها مقدما
.
.
جــ1 - ابد مافي فرق الجلد تجي اسياتها جلد والمخمل تجي اسياتها مخمل وتكون جلد ع الابواب والتكايه
وطبعا يختلف المخمل في الفل عن مخمل الاسبيشل والسياحي احلى منهم والاحلى طبعا الجلد والفرق في السعر 4000 ريال
وإذا حاس ان الفرق كبير في السعر خذ مخمل ونجد جلد لاحقا عند الكثيري بما انك بالرياض (شغل وكاله) وبيكلفك من 1500-2000
وأسأل الاخ كوكو كورد عنه ..
جــ2 - ايه يشتغل ال mp3 في جميع الفئات ..
جــ3 - عندك ست سيديات mp3 وتبي تركب بوكس بالمره مايصلح وليه تتعب حالك ومدخل aux موجود بالاكورد
في اختراع اسمه i pod مره حلو من شركه ابل ماكنتوش جهاز روعه راح يغنيك عن السيديات ..
جــ4 - كل اللي اقدر افيدك بالنسبه لسؤالك عن اللون هو انت وذوقك اللون اللي يعجبك خذه على قوله المثل اللي توني مألفه
اختار لون سيارتك البس اللي يعجبك كل ماتحب افعل ماتريد حياتك ملكك انت
بالنسبه لي احلى ألوان الاكورد الفيراني الموديل الجديد وبالنسبه للخيارات اللي انت حطيتهم بالترتيب
1- الاسود ويعيبه انه يبيله اهتمام ومحافظه بس كلون انما ايه باختصار ملك الالوان
2- الذهبي ماشاء الله لون رزه ورسمي ع الاكورد الجديده بعكس القديمه صار فخم وحلو
3- لون سيارتي (لون التكاسي) حليو رايق لو تغسله كل اسبوع مره عادي ويعيبه كثره الانتشار تاكسي بالعربي
وانت واللي يريحك
موفق يالغالي ..

جاوبوا الشباب ع الأسئله ماقصروا


اللي اعرفه ان الـ6 سلندر يجي مخمل
والــ4 سلندر يجي جلد

اتكلم عن الفل طبعا

ونت لاتفكر بغير الفل والله تنقهر لو تاخذ سبشل


وعلى اللون انا عن نفسي قبل شهر شريت السياره وأخذت ذهبي عن قناعه تامه

الأبيض منتشر بشكل كبيييير

والأسود بيغثك لأبعد درجه

وبالأخير هي أذواق والله يوفقك ويعطيك خيرها ويكفيك شرها

:cool:

:d
اي صح

الأفضل الجلد بالنسبه لي

وعتقد شي معروف كل العالم لاخذوا المخمل راحوا ركبوا جلد

اقتباس:

---

المشاركة الأصلية كتبت بواسطة محجوب

وعليكم السلام أخوي ... وحياك في مجتمعك وناديك ..

1- أنا خبري أن المواصفات هي هي في الفل مخمل أو الفل جلد ..
2-بالطيع يشتفل في الفل كامل .. وأبشرك الفل تراها 6 سيديهات وكلها mp3
3-أنا ما عندي فكرة عن هالشغلة ..لكن بصراحة أنا ما أنصحك تركب .. لأن ترى صدقني مالها داعي خاصة أن يصير عندك 6 سيديها وكلها mp3 يعني ما أحس لها لزمة أبد ..
4-الأسود طبعا ملك الألوان .. لكن يحتاج عناية كبيرة .. واذا انت من النوع المهمل للتلميع والغسيل المستمر .. خذ لك ذهبي حلو وما يبان الوسخ والغبار عليه ... الأبيض رائع وجميل .. لكنه منتشر زيااااااادة عن اللزوم وما فيه أي ذرة من التميز على الاكورد السيدان ..

سلام ..

---

يعطيك الف الف عافيه اخوي محجوب بصراحه كفيت ووفيت :cool:

بس بالنسبه للون الأسود مقصورته الداخليه تجي لون بيج وتخشيب بني والا يجي رمادي وتخشيب فضي؟؟:confused:

اقتباس:

---

المشاركة الأصلية كتبت بواسطة lambo

مبروووووك الف مبروك يعطيك من خيرها ويكفيك شرها مقدما

.
.
جــ1 - ابد مافي فرق الجلد تجي اسياتها جلد والمخمل تجي اسياتها مخمل وتكون جلد ع الابواب والتكايه
وطبعا يختلف المخمل في الفل عن مخمل الاسبيشل والسياحي احلى منهم والاحلى طبعا الجلد والفرق في السعر 4000 ريال
وإذا حاس ان الفرق كبير في السعر خذ مخمل ونجد جلد لاحقا عند الكثيري بما انك بالرياض (شغل وكاله) وبيكلفك من 1500-2000
وأسأل الاخ كوكو كورد عنه ..
جــ2 - ايه يشتغل ال mp3 في جميع الفئات ..
جــ3 - عندك ست سيديات mp3 وتبي تركب بوكس بالمره مايصلح وليه تتعب حالك ومدخل aux موجود بالاكورد
في اختراع اسمه i pod مره حلو من شركه ابل ماكنتوش جهاز روعه راح يغنيك عن السيديات ..
جــ4 - كل اللي اقدر افيدك بالنسبه لسؤالك عن اللون هو انت وذوقك اللون اللي يعجبك خذه على قوله المثل اللي توني مألفه
اختار لون سيارتك البس اللي يعجبك كل ماتحب افعل ماتريد حياتك ملكك انت
بالنسبه لي احلى ألوان الاكورد الفيراني الموديل الجديد وبالنسبه للخيارات اللي انت حطيتهم بالترتيب
1- الاسود ويعيبه انه يبيله اهتمام ومحافظه بس كلون انما ايه باختصار ملك الالوان
2- الذهبي ماشاء الله لون رزه ورسمي ع الاكورد الجديده بعكس القديمه صار فخم وحلو
3- لون سيارتي (لون التكاسي) حليو رايق لو تغسله كل اسبوع مره عادي ويعيبه كثره الانتشار تاكسي بالعربي
وانت واللي يريحك

موفق يالغالي ..

---

الله يبارك فيك ويجزاك خير يالغالي ويعطيك العافيه وماقصرت :cool:

اقتباس:

---

المشاركة الأصلية كتبت بواسطة K.H.A.L.I.D

جاوبوا الشباب ع الأسئله ماقصروا

اللي اعرفه ان الـ6 سلندر يجي مخمل
والــ4 سلندر يجي جلد

اتكلم عن الفل طبعا

ونت لاتفكر بغير الفل والله تنقهر لو تاخذ سبشل

وعلى اللون انا عن نفسي قبل شهر شريت السياره وأخذت ذهبي عن قناعه تامه

الأبيض منتشر بشكل كبيييير

والأسود بيغثك لأبعد درجه

وبالأخير هي أذواق والله يوفقك ويعطيك خيرها ويكفيك شرها

:cool:

---

بس انت الحين خوفتني من اللون الاسود تقول يغث؟؟ :confused:

على فكره فيه اللون العنابي الجديد محد تطرق له .. ليش؟؟ لايكون اللون بايخ ؟؟ :confused:

الله يوفق الجميع ياخالد .. على فكره اللون الذهبي حلو بس المشكله انا سيارتي لونها سموك سلفر يعني ابي اغير عن الفضي والذهبي بس الحمدلله الحين لقيت ان الاسود مناسب وحلو بس المشكله اني مهمل شوي بس لعيون الهنادي المعها كل يوم :p


ويعطيك العافيه اخوي خالد على مرورك :)

اقتباس:

---

المشاركة الأصلية كتبت بواسطة FANTASTIC MAN

بس انت الحين خوفتني من اللون الاسود تقول يغث؟؟ :confused:

على فكره فيه اللون العنابي الجديد محد تطرق له .. ليش؟؟ لايكون اللون بايخ ؟؟ :confused:

الله يوفق الجميع ياخالد .. على فكره اللون الذهبي حلو بس المشكله انا سيارتي لونها سموك سلفر يعني ابي اغير عن الفضي والذهبي بس الحمدلله الحين لقيت ان الاسود مناسب وحلو بس المشكله اني مهمل شوي بس لعيون الهنادي المعها كل يوم :p


ويعطيك العافيه اخوي خالد على مرورك :)

---

اللون الأسود قليلة عليه كلمة غثيث وخاصة في الأكورد :(... يحتاج تلميع باستمرار لأن الدوائر تبين عليه ببساطة .. واذا اهملته وما لمعته يصير ماله داعي وما يتطالع :p ... لكن اذا يتلمع يطلع روووعة وملك على باقي الالوان :cool: ..

بالنسبة للون العنابي .. محد تتطرق له لأنك قلت أنك محتار بين 3 الوان وما ذكرت العنابي معاهم :confused:... والا انا بالنسبة لي العنابي هو أحلى لووووون على الأكورد 2009 با منافس خاصة وهو على الفل منظرة مع الجنوط ومقابض الابواب الكروم روووووعة بجد :rolleyes:... اذا العنابي من ضمن خياراتك ;).. أنصحك به بقسوة :o ..

ومبروووك مقدما أخوي ..

حبيبي
كل أنواع 2009 فيها mp3
والجلد مواصفاته إنه يكون تحريكه بالكهرباء
أما المخمل يكون تحريكه يدوي

أما الألوان عن جد أنا أحس اللون الأبيض حلو بس منتشر وااااااااااجد
والأسود مرررررره روعه بس راح يطفشك مع الغسيل ويمسك الأتربة
وجهة نظر مني وش رايك تفكر في اللون العوووووووودي
وتقبل مروري

اقتباس:

---

المشاركة الأصلية كتبت بواسطة محجوب

اللون الأسود قليلة عليه كلمة غثيث وخاصة في الأكورد :(... يحتاج تلميع باستمرار لأن الدوائر تبين عليه ببساطة .. واذا اهملته وما لمعته يصير ماله داعي وما يتطالع :p ... لكن اذا يتلمع يطلع روووعة وملك على باقي الالوان :cool: ..

بالنسبة للون العنابي .. محد تتطرق له لأنك قلت أنك محتار بين 3 الوان وما ذكرت العنابي معاهم :confused:... والا انا بالنسبة لي العنابي هو أحلى لووووون على الأكورد 2009 با منافس خاصة وهو على الفل منظرة مع الجنوط ومقابض الابواب الكروم روووووعة بجد :rolleyes:... اذا العنابي من ضمن خياراتك ;).. أنصحك به بقسوة :o ..

ومبروووك مقدما أخوي ..

---

محجوب انت الحين زودت حيرتي حيرتين :( تهي تهي تهي :cry:

يعني اشيل فكرة الاسود من راسي ؟؟ :eek:

بالنسبه للعنابي او بالاصح العودي انا كنت اقصد محد تطرق له في المنتدى ككل :d

يعطيك العافيه محجوب على هيك معلومات :cool:

اقتباس:

---

المشاركة الأصلية كتبت بواسطة أغـار يا هـوندا

حبيبي
كل أنواع 2009 فيها mp3
والجلد مواصفاته إنه يكون تحريكه بالكهرباء
أما المخمل يكون تحريكه يدوي

أما الألوان عن جد أنا أحس اللون الأبيض حلو بس منتشر وااااااااااجد
والأسود مرررررره روعه بس راح يطفشك مع الغسيل ويمسك الأتربة
وجهة نظر مني وش رايك تفكر في اللون العوووووووودي
وتقبل مروري

---

التحريك بالكهرباء للجلد فقط توني ادري عنه هذي معلومه جديده >>>>>>> اجل خلني على الجلد :d

اللون العودي بصراحه بالصور طالع روووعه بس بالشارع مدري ماشفته :confused:

تقبلنا مرورك وشرطتك واسعافك :d

ويعطيك العافيه اغار ياهوندا على مرورك ومشكووووووووووووووووووووووور وما قصرت يالغلا :7bteen:

السلام عليكم
اخوووي انصحك باللون العناابي اذا كنت بتأخذ فل بس برضو يبي اهتمام مثل الاسود لانها كلها الوان غاامقه بس الفرق ان هذا لون جديد على الاكورد وطاالع روعه
ونقولك مبرووك من الحين على السياره الله يعطيك خيرها ويكفيك شرها
ــ
واذا على اللون خذ اللي معجبك ودااخل مزاجك على شان ما تتحسف اذا شريت

انا انصحك باللون الذهبي لانه من اجمل الالوان اللي نزلت للأكورد
وفي الاخير القرار راجع لك ومبروك مقدما ويعطيك خيرها ويكفيك شرها

أخوي FANTASTIC MAN ... أنا طبعا مو قصدي أحيرك بل بالعكس أنا أحاول أساعدك في اختيارك ... اكن مساعدتي لك أكيد أنها راح تكون برأيي وقناعاتي وتجاربي الشخصية ... أنا شفت الأسود على الأكورد من 2003 الى 2009 ... لوووون صح وحلو ورووووعة وملكي وكشخة ورزة من جد .. لكن هالكلام اذا هو نظيف وبس .. الأسود لازم له عناية خاصة مو مثل باقي الالوان حتى لو كانت الوان غامقة ... اذا انت من النوع اللي مطنش لهالشي.. أو أنك أصلا مقتنع بالأسود خلاص ... خذ الاسود وما عليك من حد .. لكن أنا أقول لو انك مثلا زيي تهتم بلمعة السيارة والدوائر اللي على البوية .. نصييييييحة أبعد عن الأسود لأنه راح يخليك تقرف من الأكورد من كثر العناية اللي يحتاجها..

أنصحك باللون العودي (العنابي) لروعته على الاكورد .. صح انه يحتاج تنظيف لكن أقل من الأسود بمليون ترليون مرة ويكفيك هالصورة هذي :cool:
http://www.7ammil.com/data/13161/132..._inspire04.jpg

بالتوفيق ..

اقتباس:

---

المشاركة الأصلية كتبت بواسطة ا ا ب السعوديه 6 6 5 5

السلام عليكم
اخوووي انصحك باللون العناابي اذا كنت بتأخذ فل بس برضو يبي اهتمام مثل الاسود لانها كلها الوان غاامقه بس الفرق ان هذا لون جديد على الاكورد وطاالع روعه
ونقولك مبرووك من الحين على السياره الله يعطيك خيرها ويكفيك شرها
ــ
واذا على اللون خذ اللي معجبك ودااخل مزاجك على شان ما تتحسف اذا شريت

---

الله يبارك فيك ويجزاك خير :)

بالنسبه للعنابي جاري دراسة الموضوع :d

ويعطيك العافيه ا ا ب على مرورك وابداء رأيك :cool:

اذا ناوي لون غامق .. أنصحك بالعنابي .. لون مميز جدا خصوصا مع المساكات النيكل واطار القزاز ..:cool:

اقتباس:

---

المشاركة الأصلية كتبت بواسطة اللقماني

انا انصحك باللون الذهبي لانه من اجمل الالوان اللي نزلت للأكورد
وفي الاخير القرار راجع لك ومبروك مقدما ويعطيك خيرها ويكفيك شرها

---

الله يبارك فيك ويجزاك خير :)

اللون الذهبي حلو وعاجبني بس اخوي معه سيفيك ذهبي وصعبه اني باخذ ذهبي مثله لازم اغير بس برضوه مايمنع ان اللون الذهبي يكون تحت الدراسه ;)

ويعطيك العافيه اخوي اللقماني :cool: وشاكر مرورك :cool:

اقتباس:

---

المشاركة الأصلية كتبت بواسطة محجوب

أخوي FANTASTIC MAN ... أنا طبعا مو قصدي أحيرك بل بالعكس أنا أحاول أساعدك في اختيارك ... اكن مساعدتي لك أكيد أنها راح تكون برأيي وقناعاتي وتجاربي الشخصية ... أنا شفت الأسود على الأكورد من 2003 الى 2009 ... لوووون صح وحلو ورووووعة وملكي وكشخة ورزة من جد .. لكن هالكلام اذا هو نظيف وبس .. الأسود لازم له عناية خاصة مو مثل باقي الالوان حتى لو كانت الوان غامقة ... اذا انت من النوع اللي مطنش لهالشي.. أو أنك أصلا مقتنع بالأسود خلاص ... خذ الاسود وما عليك من حد .. لكن أنا أقول لو انك مثلا زيي تهتم بلمعة السيارة والدوائر اللي على البوية .. نصييييييحة أبعد عن الأسود لأنه راح يخليك تقرف من الأكورد من كثر العناية اللي يحتاجها..

أنصحك باللون العودي (العنابي) لروعته على الاكورد .. صح انه يحتاج تنظيف لكن أقل من الأسود بمليون ترليون مرة ويكفيك هالصورة هذي :cool:
http://www.7ammil.com/data/13161/132..._inspire04.jpg

بالتوفيق ..

---

اخوي محجوب انا كنت اقصد انك حيرتني من باب الدعابه وبالعكس انا اشكرك على مساعدتك لي والله يكتب اللي فيه الخير :d


بالنسبه للون العنابي مثل ماقلت لك انه بالصوووور لونه روووووووعه بس بالشارع مدري كيف بيكون شكله :eek: عشان كذا اتمنى اشوفه بالشارع :) عشان اقتنع :(


بس تعال تعال تعال وش قصة الدواير اللي من اليوم وانت تطريها :d وش قصدك فيها ؟؟ :confused:


ومشكوووووووور اخوي محجوب على تفاعلك المميز مع الموضوع :cool:

اقتباس:

---

المشاركة الأصلية كتبت بواسطة أكورداوي

اذا ناوي لون غامق .. أنصحك بالعنابي .. لون مميز جدا خصوصا مع المساكات النيكل واطار القزاز ..:cool:

---

والله تبي الصراحه هو حلو بس للحين ماشفته بالشارع :(

واخاف اخذه واتوهق فيه بعدين ولاتنسى انه جديد واخاف يكون مو مرغوب فيه هاللون ثم اكلها انا واقعد اصيح واندب حظي :d


بس بحاول اهجول بالحارات والشوارع الين اشوف العنابي :) مع ان الوقت مايسمح لي اني اهجول لاني لازم احدد اللون بكره بس بحاول:a035:


ومشكوووووووور اكورداوي على مرورك وتفاعلك وتنويرك لموضوعي :d ويعطيك العافيه :cool:

والله انا افضل اللون الاسود ثم العنابي:)

وانت لا يمهونك الناس خذ اللون الي يريحك:d

عنابي ... يع وش هالقرف... بس عشانه لون جديد...شفته بالشارع وبالوكاله فل اوبشن..
اللون عادي جدا واقل من العادي...مافيه اي شي حلو ولا زود...وانصحك فيه اذا الوكاله رايحين
ينقصولك من سعر السياره اقل شي 3000 خذه ....احس ان اللون كذا طايح بكبودهم...
طيب فكر (بالفيراني) أحلى لون ع الأكورد الجديده:cool:

اقتباس:

---

المشاركة الأصلية كتبت بواسطة @اكورد وبس@

والله انا افضل اللون الاسود ثم العنابي:)

وانت لا يمهونك الناس خذ اللون الي يريحك:d

---

يسلموووووووووو اكورد وبس على مرورك :cool:

وابشرك شفت العنابي وشفت الأسود وخلاص اسهم الاسود بدت ترتفع عندي :)

بصراحه شكله مرررررررررررررره رزهـ وفله وفخامه ;)

اقتباس:

---

المشاركة الأصلية كتبت بواسطة lambo

عنابي ... يع وش هالقرف... بس عشانه لون جديد...شفته بالشارع وبالوكاله فل اوبشن..

اللون عادي جدا واقل من العادي...مافيه اي شي حلو ولا زود...وانصحك فيه اذا الوكاله رايحين
ينقصولك من سعر السياره اقل شي 3000 خذه ....احس ان اللون كذا طايح بكبودهم...
طيب فكر (بالفيراني) أحلى لون ع الأكورد الجديده:cool:

---

هههههههههههههههههههههه عاد مو يععععععع لهالدرجه :d هو صح انه حليو بس بصراحه مو ذاك الزود بس الاسود بدت اسهمه ترتفع عندي ;)


اوما الوكاله ينقصون 3000 ريال هههههههههههههههههه تبيهم يخسرون عشان ينجلطون :d


بالنسبه للون الفيراني انا شايله من بالي من الاساس لأن عندنا تريل بليزر لونه فيراني وانا بصراحه من النوع اللي ما احب تكرار الالوان >>>>>>>>>>>> وش عندهـ الاتكيت ههههههههههه :d


يعطيك العافيه اخوي lambo على مرورك وابداء رأيك ويسلمووووووووووووووو :cool:

الاسود روووووعة وكشخة مو طبيعية ... أهنيك على ختيارك وما اوصيك بالاهتمام بالنظافة ضروري جدا .. وخاصة التلميع باستمرار كل مدة ;)

الأسود مع مرور الوقت في السيارات الياباني تروح لمعته ويبغى باهت بعكس الماني الي يفضل بلمعته لسنين طويله

انا افضل اللون اللولوي والفيراني

اقتباس:

---

المشاركة الأصلية كتبت بواسطة محجوب

الاسود روووووعة وكشخة مو طبيعية ... أهنيك على ختيارك وما اوصيك بالاهتمام بالنظافة ضروري جدا .. وخاصة التلميع باستمرار كل مدة ;)

---

تسلم يالغالي وماقصرت ولولا الله ثم انتو ماكان اللون الاسود هو اختياري ;)

بالنسبه للتلميع ان شاءالله بحاول قد ما اقدر اني ادلع الهنادي اخر دلع :d

اقتباس:

---

المشاركة الأصلية كتبت بواسطة Aoccrd 2009 v6

الأسود مع مرور الوقت في السيارات الياباني تروح لمعته ويبغى باهت بعكس الماني الي يفضل بلمعته لسنين طويله

انا افضل اللون اللولوي والفيراني

---

يكفي ان الاسود يبرز معالم ومفاتن الهنادي ;)

وبالنسبه للمعه ماهي مشكله كل 6 شهور اوديها لأقرب محل تلميع وتطلع زي الفل :cool:


Aoccrd 2009 v6 يعطيك العافيه ومشكوووووور على مرورك :)

بس اللي قهرني اليوم وفي نفس اليوم صدمني ان اسعار الهوندا ارتفعت :eek:

الفل كامل صار بـ 99 الف ريال :mad:

والظاهر ان الاسعار راح تزيد اكثر :(

والله بلشه ماعرفنا لهالسوق مره تنزل الاسعار ومره ترتفع :rolleyes:

اخوي لا تاخذ الا اللؤلؤي معطيها شكل اكبر

و صايره احلى من اللكزس

والله يوفقك

فيه فرق بين الجلد والمخمل اللي هو ان الدركسون ومسكت القير(ناقل الحركة) الجلد مخيطينه أما المخمل فهو عادي :( ونصيحتي لك عليك بالجلد والله روعه
مبرووووك والله يعطيك خيرها ويكفيك شرها

والله ياأخوي لاتتعدى اللؤلؤي هو اللون المرغوب..
ولون صراحة نصبة شكلة وإذا فكرت تبيع ماراح تبلش..
معك إنه منتشر لكنة سيد ألون الاكورد صراحة..
ويبقى الراي رأيك وشف الي يعجبك أنت..
والي أنت تقتنع فيه..
والله يطعمك من خيرة ويكفيك شرة..

طيب دامك بتاخذ 4 فل زود شوية المبلغ وخذ سته وربي مارح تندم :cool: حتى لو تاخذ LX المخمل الباقي كله اكسسوارات اهم شي تمتلك مكينه قوية بعكس الاربعه فيه فرق كبير وانت حر بالاخير خذ الي يريحك والله يوفقك بالسياره الي تبغها ومبروك مقدما

ياشين اللي يكتب خذ لولوي لاجيت تبيع مرغوب ((لااقصد عضو بعينه لكن الاحظ الظاهره عند ربع اعضاء المنتدى ))

الرجال شاري موتر يونس نفسه واهنيك على الاختيار فل اسود 4نفس موتري بالظبط

الاسود ملك الالوااااااااااااااااااااااان

اقتباس:

---

المشاركة الأصلية كتبت بواسطة ASEER

اخوي لا تاخذ الا اللؤلؤي معطيها شكل اكبر

و صايره احلى من اللكزس

والله يوفقك

---

انا معاك ان اللؤلؤي حلو بس لما يكون منتشر زياده عن اللزوم ومايكون ملفت للنظر ويكون منظره عادي مثل اي سياره بس لما تتميز بلون احلى ولون يبين لك مفاتن ومظهر السياره يكون احسن واكشخ والشي الثاني راح يكون من باب التغيير

اخوي ASEER يعطيك العافيه على مرورك :cool:

اقتباس:

---

المشاركة الأصلية كتبت بواسطة الجنوبيvip

فيه فرق بين الجلد والمخمل اللي هو ان الدركسون ومسكت القير(ناقل الحركة) الجلد مخيطينه أما المخمل فهو عادي :( ونصيحتي لك عليك بالجلد والله روعه


مبرووووك والله يعطيك خيرها ويكفيك شرها

---

الدركسون والقير مخيطين هذي معلومه جديده تضاف الى المعلومات الاخرى :d

اللون ماراح اتراجع عنه الا في حالة اني غيرت سياره ثانيه غير الهوندا (الله لايقوله) امين :)

والله يبارك فيك اخوي الجنوبي ويجزاك خير وشاكر لك مرورك العطر :cool:

اقتباس:

---

المشاركة الأصلية كتبت بواسطة الاكورد عشقي

والله ياأخوي لاتتعدى اللؤلؤي هو اللون المرغوب..

ولون صراحة نصبة شكلة وإذا فكرت تبيع ماراح تبلش..
معك إنه منتشر لكنة سيد ألون الاكورد صراحة..
ويبقى الراي رأيك وشف الي يعجبك أنت..
والي أنت تقتنع فيه..

والله يطعمك من خيرة ويكفيك شرة..

---

كلامك سليم 100 % بس المشكله اني انا من النوع اللي ما احب اكرر الشي يعني احب اكون متميز شوي ومستقل عن غيري يعني بصريح العباره مو اتبع الناس بكل شي :d

بالنسبه للرأي فكل اراء الاعضاء ورأيك تهمني باتخاذ قراري :o

ويعطيك العافيه اخوي الاكورد عشقي ويسلمووووووووو على مرورك :cool:

اقتباس:

---

المشاركة الأصلية كتبت بواسطة Aoccrd 2009 v6

طيب دامك بتاخذ 4 فل زود شوية المبلغ وخذ سته وربي مارح تندم :cool: حتى لو تاخذ LX المخمل الباقي كله اكسسوارات اهم شي تمتلك مكينه قوية بعكس الاربعه فيه فرق كبير وانت حر بالاخير خذ الي يريحك والله يوفقك بالسياره الي تبغها ومبروك مقدما

---

والله ودي اخذ 6سلندر بس اول حاجه المبلغ مرتفع يعني 120 الف ريال صعبه شوي وثاني حاجه لو جيت تبيعها راح تتعب الين تلاقي مشتري يشتريها

الله يوفق الجميع يارب والله يبارك فيك ومشكووووووووووور اخوي Aoccrd 2009 v6 على طرحك ورأيك السلس :cool:

اقتباس:

---

المشاركة الأصلية كتبت بواسطة momo

ياشين اللي يكتب خذ لولوي لاجيت تبيع مرغوب ((لااقصد عضو بعينه لكن الاحظ الظاهره عند ربع اعضاء المنتدى ))

الرجال شاري موتر يونس نفسه واهنيك على الاختيار فل اسود 4نفس موتري بالظبط

الاسود ملك الالوااااااااااااااااااااااان

---

ههههههههههههههههههههه momo بس كل واحد وذوقه يعني يمكن نص الاعضاء اذواقهم وحده وابداء الري لايفسد للود قضيه :d

بس تصدق انا مستانس لقيت صقيق معه نفس الموتر اللي بشتريه ;)

مشكووووووووور momo على مرورك ودفاعك عن اللون الاسود >>>>>>>>>> بيسوي حزب الوان :d

يعطيك العافيه momo :cool:

اقتباس:

---

المشاركة الأصلية كتبت بواسطة FANTASTIC MAN

والله ودي اخذ 6سلندر بس اول حاجه المبلغ مرتفع يعني 120 الف ريال صعبه شوي وثاني حاجه لو جيت تبيعها راح تتعب الين تلاقي مشتري يشتريها

---

للأسف كلامك مو صحيح شرايين الأكورد ال6 سلندر موجودين وبكثره
بس ياحب الشريطيه للتجمهر حولها واقناع راعي ال6 انها ماتسوى وتصرف بنزين وغير مرغوبه وال 4سلندر
هي المطلوبه في السوق ويبخسون حقها ولا منه وقفها بالمعرض يرص رص بالسعر
ويقولك لا هذي غير هذي سته وش جاب لا جاب فرق الثرى عن الثريا والكلام من واقع تجربه
اذا حصلت ياأخ فانتاستك 6 سلندر 2008 مسوين عليها خصم فكر فيها
موتري اربعه سلندر اسبيشل ركبت الفل ال4 قلت اوف ليتني ماخذ فل
بس اذا جربت السته سلندر احسك راح تقول سياحي سبيشل فل 4 بدون لون بلون مايفرق :)
هذا رأيي ولا تنسى الاستخاره الرأي رايك اللي تشوفه اتبع رغبتك لاتخلي احد يفرض عليك رأيه (حتى انا)
بعدين ماكأنك طولت يلا اخلص بسرعه نبي نباركلك:d
موفق يارب انشاء الله