{ .. ذهبي or لؤلؤي ~

السلام عليكم

الموضوع باين من عنوانه :)
أرجو التصويت والرد ،،

بغض النظر عن انتشار اللؤلؤي مو مشكلة .. مع العلم v6 ،،

اللؤلؤي من كثر انتشارة صار عاادي جداً ، خذ لك لو تتميز فية دامها v6 كيف العنابي الجديد ؟

انا اشوف لولوي لوتبغى تغير عندك الفيراني

الفيراني مرة كويس وداخليتة متناسقة جداً من برا لين داخل ،،
برا فيراني ومقابض نيكل وداخل رمادي غامق وتخشيبة فضية ،،،


وعندك اللون الفضي مرة كويس ، داخليتة مرة روعة <<< شفتها في البحرين رمادي فاتح <<<< الوصف ما ينفع شفة على الطبيعة اصرف ومدري كانة نزل عندنا ولا لا !!

مشكورين ..

بس يا شباب انا محدد لكم خياراتي ..

يا ذهبي يا لؤلؤي

صوت للؤلؤي :cool:

ولو كان فيه مجال للون الاسود كان اخترته:cool:

الؤلؤي مدون نقاش بغض النظر عن الانتشار

من رائي المتواضع اشوف ان اللؤلؤي روعه مع تظليل اسود خفيف على الزينون:cool:

^^ واذا صرت فاضي حط فوقة taxi واستمتع بحياتك مع الآخرين مثل التكاسي بكثرتة ^^

الكثيرة لسيت دليل للجودة او لأنة الافضل ،،

تم التصويت من بداية الموضوع للذهبي ،،

وفي النهاية والاخير القرار قرارك والسيارة لك وانت اللي بتركبها موب حنا ،، طلبت المشورة وعطيناك الشور :)

بصـررااحه انا اشووف الذهبي على 2009 بطــل
بصراحه لو ماكان شريت 2007 6سلندر كان خذت 2008 ذهبي
بصراحه بطـل بقووى :cool:

انا الحمد لله لون سيارتي ذهبي فل ابشن وعال العال اللون حلو ولطيف وهاديء وما تبين فيه ضربات او خدوش وبارد ما يجمع حرارة الشمس و متناسق طبعا ادا كانت فل خد دهبي اما ادا كانت عاديه خد لؤلؤي

طبعا الذهبي انا اشوفه من احلى الالوان وانذرها وعملي واجد وبارد في الشمس يعني اصوت للذهبي

بس طبعا لما تجي بتبيع اتوقع اللؤلؤي ارغب

معليش انا اشوف الفيراني حلو من برا لكن من داخل رصاصي<---مزاج عبيد:d

الأبيض حلو بس عاااااااااااادي حاليا
يعني منتشر بشكل كبير

انصحك بالعسلي ولاتقول عليه ذهبي

اسمووه عسلي يااااااااااابعدي
من داخل بيييج روووووووووعه
:d

نصيحه ذهبي تميز ورووووعه اللون والله مجنووووووووووون على الاكورد الجديده

نصيحه ذهبي وتوكل اللون غريب مره مره

والله ياخوان غير الؤلؤي ما يصلح الؤلؤي ما تبلش اذا بعت اما الاسود والالوان الثانيه بطق روح محد شاري

ياخي تميز لو بريال واحد
خذ ياذهبي أو العنابي الجديد خليك رومنسي مره بحياتك
آسف إذا جرحتك بس اللؤلؤي منتشر زياده عن اللزوم

الذهبي احسن من اللؤلؤي
اللؤلؤي وين ماتمشي تشوف لؤلؤي

شباب بالنسبة للبيع مو المشكلة ،،


المشكلة بالشكل بس .. وللحين محتار :(

انا لو اللؤلؤي مو منتشر كان ما احترت .. يعجبني اللؤلؤي اكثر لكن مشكلته الانتشار ،،

ذهبي ذهبي ذهبي ...

صوتي للذهبي ..

والقرار الاول و الاخير لك اخوي ..

اخي العزيز تم التصويت للؤلؤي ولو في مجال تعيد النظر بالالوان خذ فيراني انا عن نفسي املك اكورد لؤلؤي وكان ودي بلون فيراني بس السيارتين اللي قبل الاكورد كانت فضي وقلت في نفسي من فضي الى رصاصي كلهم عيال عم قلت اغير للون جديد لا اتعقد من اللون بسرعه فما لقيت الا اللؤلؤي صح منتشر بس عاجبني طبعا وقتها ماكان فيه لون عنابي لموديل 2008 ولا كان اخذته بدون تردد نظرا لانتشار اللون اللؤلؤي<<<<<< وش يبي ذا قلنا رائيك ماقلنا قصه من حياتك
وبالنسبه للون الذهبي انا اطلب من معجبيه انهم يعيدوا النظر بالسياره بعد زوال ماده اللكر طبعا اللي تديه لمعه بيطلع من جنبها :)
على العموم القرار الاول والاخير لك انت
تحياتي للكل

ذهــبي <<< شايب خخخخ
ذهبي<<< عمره ما يكون نظيف ,,, و حتى لين لمعته من اليوم لـ بكره
ذهبي<<< ولا شي يركب عـليه حـلو

اذا اللؤلؤي و الخيار راجع لـك :cool:

ذهبي ذهبي وبس
الـــــــــــــــــــــــــذهب لهل الــــــــــــــذهب

والله انصحك بالذهبي وبقوة يعطي السيارة فخامة وهيبة

اناا اقول لك ادا انت تبع تنظيف وعناية خد لك لؤلؤي والسبب الؤلؤي بدون عناية يصييررر مثل الصبغ العادي تقول كانك صابغنها برولة
اماا الدهبي بكون في الحلاتين رووعة :cool:

راسي انتفخ من الحيره !!

شباب بغض النظر عن الانتشار والعناية و كل شي .. وش أكشخ ؟ وش أهيب ؟ وش احسن شكل ؟

انا عن نفسي اللون الاحمر الجديد بصراحه روعه

و اذا بين الذهبي و اللؤلي

لا اللؤلي احلى

الؤلؤي روووووووعه

بلا تكسي بلا هم

انتشار الؤلؤي دليلي على نجاحه :p:p

تبي تميز ضيف كم شغله واتميز بالؤلؤي

والله لؤلؤي حلوه يعطيك جمال في السياره لؤلؤي

والله لا ابيض ولا ذهبي رغم اني مصوت على اللؤلؤي الشكل القديم 03-07 والله اللونين كلهم حلوات عليهن
لكن الشكل الجديد 08-09 عاجبني لون لقيته في مواقف الجامعة والله قوي عنابي
وصراحة الالوان الغوامق ابعد عنها اي غبار يبين فيها الاسود والازرق والفيراني وماشابهها
اما الالوان الفواتح الفضي الذهبي الابيض الماسي والابيض اللؤلؤي وما شابهها ((فكر لبعيد))
والخيار الاول والاخير لك واعذروني لللاطالة
والله يعطيك خيرها ويكفيك شرها مقدماَ

الذهبي وبسسسسسسسسسسسسسسسسسسسسسسسسسسسسسسسسسسسسسسس

ذهبي ذهبي ذهبي ذهبي

حبيبي اذا انت راعي كرف وروحات وجيات كثيرة واكشخ على قولتك .. بدووون منازعاات اللؤلؤي ... ولا اغلط مع اخواني الاعضاء .... الرجال يقول ابي سيارة منظر + كشخة + يصلح عليها التظبيط ،،، وهو قال بغض النظر عن الإنتشااااااااااااااااااااار ،،،، اللون الذهبي نعم حلو ورزة ،،، لكن خالف شروطه إلي هو يبيها في سيارته ،،،،، وبعدين هو الرجال شرواكم يتكلم عن V6 :eek: مو L4 ...

انا انصحك نصيحة لاااااااااا تتورط وتقول ياليت ،،،،، شوف انت إلي عاجبك وإلي قلبك مرتاح له والمايل اكثر له ،،،،

التصويت للؤلؤي ،،:)

والله يابعدي عشان ماتتحسف بعدين خذ لك لؤلؤي صحيح منتشر..
بس خل عنك روعة وشكل ويركب عليه التضبيط..
وأهم شي قناعتك أنت لايهمك أحد لو معجبك اللون ألاصفر رح أطلبة
ولا تشاور أحد أهم شي يكون المزاج مبسوووووووووط..
والله يطعمك من خيره ويكفيك شرة..

اذا انت عايش في منطقه جوها حار خذ لؤلؤي
واذا انت عايش في منطقه بارده خذ ذهبي
اللؤلؤي صح انه منتشر بكثره بس لاتزال له هيبته في كل الاوقات صباح ومساء
ولاتهم لتنظيف اللؤلؤي او شيء الغبار مايبان عليه الا وييييين ووييييييييين

وبالنسبه لسؤالك
وش أكشخ ؟
لؤلؤي
وش أهيب ؟
اسود
وش احسن شكل ؟
ذهبي لؤلؤي اسود فضي عنابي :d
زادة الحيره:d

الاسوووود وبس,,,

أخوي أذا أنت محتار بين الذهبي ولؤلؤي بغض النظر عن الي منتشر وعن الي موب منتشر خذ الأبيض (( لؤلؤي )) وذا ودك تتميز وتاخذ بعين الأعتبار الي منتشر وموب منتشر خذ الذهبي وبقووووه بعد

وبقولك نصيحه ألي أنت مقتنع فيه خذه أنشاء الله لو الون تفاحي <<< يلمح على الكامري :d
وفي مثل يقولك (( لو لا أختلاف الأراء لبارة السلع ))
الخيار الأول والأخير لك

انا يوم جيت اشتري الاكورد ما احترت ولا في لون غير الؤلؤي

على طول اول ماصدر القرار اني اشتري اكورد مافكرت في اي لون غير الؤلؤي

ولا فكرت في انتشار

بعدين الاكورد لاتدور عليها غير الؤلؤي

والرأي الاول والاخير لك ..

اكيد لؤلؤي بتقول ليه بقولك لانه حلوو <<<< لا ياشيخ

لاوالله اللؤلؤي افخم

ولو لاحضت ان الانوار الاماميه للأكورد مكحله فيها سواد ومع اللؤلؤي تطلع فله

لاكن الذهبي لون طافي وبعد كم سنه اذا راحت منه اللمعه يطلع كنه جدار مضروب بوية



لايزعلون اخواني الي معاهم الذهبي

انا انصحك بالذهبي بالفل كامل مرره روعة
انا طلعت الاسبوع الماضي لون ذهبي فل ماشاء الله حلو
انا كنت محتار زيك بين بين هذه اللونين بس فكرت
الابيض يبن اي شي فيه الحكات والغبره
اما الذهبي غير وانت اللي تختار

والله لو ترووح وتجي لاتدور غير اللؤلؤي ..

ترا الذهبي يمكن تشووفه باوقات حلوو وأوقات لا ..

بس اللؤلؤي (قلب1) .. يالباا هاللون بس ..

بعدين بتشوف اللؤلؤي وتبي تقوول ياليتني أخذت لؤلؤي .. عهذا الأكورد 2007 و 2006 اذكر أول مانزلت العآالم على ألوان غير اللؤلؤي .. والحين دور واحدة منها غير اللؤلؤي .. كله لؤلؤي ..

انتبه لاتندم ..

والله يعينك على الأختيار ~

ذهبي ذهبي ذهبي ذهبي ذهبي ذهبي ذهبي ذهبي
والله واحد من اخوياي معه اكورد 2008 لؤلؤي يقوول ياليتني ماخذيت لون لؤلؤي هو وده بفيراني
واللؤلؤي منتشر مره
والفيراني حلووووو يمكن احلى من الذهبي وشبابي
اما الذهبي ماشاء الله رسمي وكل شي<<<<ههههههه
ولا تنسى تظلل من نفس الوكاله بنفس لون السياره ذهبي<<<<<<<وش لقفك ياملقووف
خذ الذهبي وتوكل على الله ويعطيك خيرها ويكفيك شرها