السلام عليكم و رحمة الله و بركاتهـ
شحآلكم شبآب عسّـاكم طيبين ان شاء الله ؟؟
اليوم جهزّت لكم تقرير عن تركيـب اصطبات LED في سياراتي آمـس
رجآء خآص .. لا تنسـى تقول " مآ شآء الله " ترى العين حــق :o
][ | أولاً: شراء الاصطبآت | ][
في صبآح الأمس و بالتحديد الساعة 10:15 ص .. رحت لمحل " الأطلال لإكسسوارات السيارات " بالفجيرة ( المنطقة الشرقية من الإمارات ) بعد ما اتصل فيني صاحب المحل و خبرني بوصول الاصطبات اللي طلبتها من دبي ..
السعــر : 900 درهـم
هو كان عنده نوع نفس اللي ركبته بس مشكلته كان وايد داكن و حسيته نص دخاني :p و بايخ
http://img146.imageshack.us/img146/1143/led01.gif
طبعاً هاذي هي المعلومات على الكرتون مال الاصطبات و صناعة تايوانية !! :d
http://img146.imageshack.us/img146/9013/led02.gif
محتوى الكرتون .. الاصطبين محميين زين ما زين و محاط فيهم البوه الأبيض و قرطاس ابو فقاقيع ( اللي كنا زمان نقعد ننقع فيهم :d )
http://img37.imageshack.us/img37/5417/led03.gif
http://img204.imageshack.us/img204/2452/led04.gif
http://img266.imageshack.us/img266/2852/led05.gif
http://img216.imageshack.us/img216/2405/led06.gif
http://img19.imageshack.us/img19/896/led07.gif
هذا اثبات انه صناعة تايوانية
http://img216.imageshack.us/img216/6632/led08.gif
][ | ثـانيـاً: تركيب الاصطبات | ][
راعي المحل ما قصّر و خبرني بمكان ورشة يركب الاصطبات (فك و تركيب شرات الوكالة) .. طبعا رسم لي خريطة و وين مكانه بالضبط في الصناعية بالفجيرة ..
و آجي أنا و أسوق 5 كيلو/ساعة .. تدرون ليش :d ؟؟
عشان الحفر اللي ماليه الشارع فيه .. تخيل أروح يمين يسار فوق تحت << تقول داشين سباق نحن :eek:
زمن التركيب : ساعة و ربع
البدء : بعد صلاة العصـر
http://img81.imageshack.us/img81/8408/led09.gif
هاذي هي الورشـة و صاحبها خان اسمه " هـآيآت " << ما يذكركم بأخو كابامـارو ؟؟
طبعا عشان يركب الاصطب .. لازم يفك البمبر (الصدام) اللي ورى كليب كليب ..
عفكرة .. حسيت اني كنت في عملية جراحية .. تحس بـ غصّة في قلبك يوم تشوف حلالك ينفك جي :o
http://img407.imageshack.us/img407/7336/led10.gif
http://img93.imageshack.us/img93/2463/led11.gif
http://img444.imageshack.us/img444/522/led12.gif
الموتر بدون اصطب شكله غريب هههههه .. خاطري أعرف الرمل هذا كيف جا هناك :confused: ؟؟
http://img170.imageshack.us/img170/8503/led13.gif
بسم الله .. بدى هايات بتركيب الاصطب اليساري .. ترى لازم يراعي ميزانية الاصطب عسب يركب صح و ما يكون في فراغات ..
ملاحظة: لازم تمسك الاصطب و تشده "بقوة" لداخل و شخص ثاني مهته يسكر البراغي .. الخطوة هاذي مهمة عشان تركيب الصدام بشكل صحيح .. !!
http://img30.imageshack.us/img30/3637/led14.gif
http://img30.imageshack.us/img30/5672/led15.gif
و الحين رجع ركب الصدام بكل سهولة .. فقط " كـبـس " .. و تركيب الكليبـات و الحمدلله بدون مشاكل و ركبت زي ما كانت عليه في حالة الوكالة :) !!
لاحظ معي الحساسات .. لازم ترجع تتركب مثل ما كان ترتيبها بالأول .. و الشئ هذا مهم طبعا بعدين بذكر السبب !!
http://img8.imageshack.us/img8/8868/led16.gif
هآيات جالس ( او منسدح :d ) يركب آخر حساس ..
طبعـا هني خلصـنا التركيب و شكرنا " هآيآت " و قبل لا نروح قال لنا تعالوا اشربوا شاي آفغـاني .. قلته ما أبغي شاي .. مثل ما عطيت كاباماروا " شآومـن " ذاك اليوم بتعطيني الحينه :p < أسولف !
][ | ثـالثـاً: الحـواطــة ليلاً | ][
ترى من طلعت من الورشة و انا اقول ما بشغّل الليت الا بعد ما أغسل السيـارة ;)
و هذا و خلصنا غسيلها .. رحت على البحـيرة و آخذت صور للسيــارة و الاصطبات ..
(( مآ شآء الله ))
http://img266.imageshack.us/img266/5527/led17.gif
http://img19.imageshack.us/img19/1948/led18.gif
http://img146.imageshack.us/img146/2338/led19.gif
http://img38.imageshack.us/img38/1257/led20.gif
http://img266.imageshack.us/img266/4469/led21.gif
][ | رابعــاً: مشآكل و حلـول | ][
المشكلة الوحيدة اللي صارت ( ليست من الاصطب .. بل من التركيب ) هي الحساسات ..
صرت اذا برجع ريوَس R يعطيني صوت تنبيه انه فيه أحد موجود وراي مع العلم انه مافي احد و انا بروحي :rolleyes:
و أتصل " بهايات" .. و أقول له عن المشكلة .. و قال لي تعال لي الصبح الساعة 7:00 .. << :confused: ياخي اجازة الناس الحينه !!
المهم .. رحت له و طلعت المشكلة بس في اختلاف أماكن التركيب .. الحساس اللي بالجهة اليسرى صار يمين و العكس .. :d و كان اقول له جيب 10 ريال عشان المشكلة هاذي .. ( ما عطاني وجه و ضحك :p )
][ | خآمســاً: الانطبـآع | ][
تقيمي للاصطبات : 9.5/10
عاطية السيارة شكل حلو و حلّت مشكلة الشكل من خلف السيارة ..
حبيت الخطوط اللي تظهر على الطرف .. مسوية منظر و الكل يشوفها :)
هاذي نهاية تقريري البسيط .. و اتمنى اني افدتكم و لو بشوي لكل من يود تركيبها ..
التصوير باستخدام : كاميرا Nikon D300 و LG KC910 (أغلب الصور)
دمتم بحفظ الرحمن ..