السلام عليكم ورحمة الله وبركاته
انا عضو جديد في المنتدى الراقي وانشالله افيد واستفيد
مالي بلمقدمات انا خلال السبوعين واح اشتري اكورد 2012 اذا الله احيانا وتمم علينا
بس ابي اعرف عيوبها لاني مابي اكشف عيوبها بعد ماشتريها ومشكورين:)
عرض للطباعة
السلام عليكم ورحمة الله وبركاته
انا عضو جديد في المنتدى الراقي وانشالله افيد واستفيد
مالي بلمقدمات انا خلال السبوعين واح اشتري اكورد 2012 اذا الله احيانا وتمم علينا
بس ابي اعرف عيوبها لاني مابي اكشف عيوبها بعد ماشتريها ومشكورين:)
1/ 2012 امريكية بنسبة 100% كل مسمار فيها امريكي ( لكن بمواصفات اليابانية عشان يوردونها للسعودية وكأنها 2011 )
2/ هواء تنسيم مزعج بعد الـ 100 يعني العزل الجانبي سيء سيء
3/ حذفة يسار بعد فترة ( اسبوعين + ) بتطلع لك وعن تجربة وكذا شخص صارت له
4/ رساوة اقل من 2011 وكفرات سيئة عن تجربة وقاسية وتطلع صوت
5/ ضعف في البدي مو قوي مثل 2011 و 2007 ( وبإمكانة ضرب البدي بيدك وتقارن بينهم )
6/ ضعف الانارة الامامية للأكورد _ حتى بالكشافات _
7/ جربت الفرامل ونظام الـ abs سيء في الاكورد بشكل عام امريكي او ياباني
8/ تعليق السيارة قاسي قاسي
9/ مراتب الاكورد سوا جلد او مخمل كلهم قاسيات مره ( جربها وشوف )
10/ حتى الفل كامل مافيها بصمه وتغشيل زر ومافيها تشغيل عن بعد
11 / مافيها حساسات امامية ( والخلفية ما تجي الا بتركيب هنا )
12 / صيانة مكلفة جدا صيانة 10 الاف كيلو بـ 475 اعطيك مثال اخر
13/ حتى بفئة الفل 4 سلندر كرسي الراكب يدوي !!!
14/ خلو الصيارة :d من المواصفات مثل مواصفات الرفاهية تبريد مقاعد تبريد طارة ، (( فقط تدفئة مقاعد في الجلد // ناقصين حر ))
15/ جلنط يدوي ( وابشرك حتى 2012 والعلم عند الله الجلنط يدوي ) ، صوت مزعج صادر من الشنطة عند المطبات ( يوجد له حل بفلوس طبعا )
16/ وكالة هوندا تجيب الهم في الصيانات الي فيها فك وتركيب لازم تبيت السيارة عندهم اكثر من يوم
17/ الاكورد 4 سلندر صوت محركها مزعج صحيح هي اقتصادية في الوقود نوعا ( ما ) ومحرك من عام 2003 ما تغير
18/ لا يوجد تيب ترونك للأكورد 4 سلندر
19/ سيارة معرضة للسرقة اكثر من غيرها وهي معشوقة المفحطين :d
20/ خلوها من مقياس ضغط الزيت ومقياس حق البطارية
21/ مافيها تقريب وابعاد الدواسات
22/ مشاكل مصنعية إلى يومك وهي طرمبة الدركسون بالاكورد
23/ الاكورد سيارة ما تتحمل مقاومات ابدا واذا قاومت فيها بتأكلك اكل بالصيانات وتصليح القيور (( وقومتها مره ثقيلة )) + عدم توفر القير العادي فيها
24 / الاكورد لا سمح الله بعد الحادث اذا كان مؤثر شوي ( تكلف تصليحها مرررره مكلف وتجلس فترات طويلة بالوكالة عشان تتصلح وما ترجع مثل اول ))
25/ الاكورد 6 سلندر غير مرغوبة في البيع ويطيح سعرها وبقوة ( تخيل واحد شاريها بـ 135 تقريبا ) ماشيه 23 الف ونظيفة والناس تسوم على 82 وحولك حواليك
+ قلة توفر قطع الاكورد 6 سلندر
26/ قرب ظهور الشكل الجديد بعد اشهر قريبة
يميز الاكورد 2012
6 ارباقات
تدفئة مقاعد للجلد
مثبت سرعه بكل الفئات وازار بالدركسون
مانع انزلاق VSA بكل الفئات ( تراه من جنبها )
فرامل abs
موزع فرامل EBD
سيارة صبورة وتعيش اذا اهتميت بصيانتها بشكل صحيح
السيارة تحمى بسرعة
مكيف للسائق ومكيف للراكب لفئة الفل سوا فل جلد او فل مخمل او فل جلد شاشة او فل جلد 6 سلندر بس انها من زمان وهي موجوده بالاكوردات يعني ما جابوا جديد
اتمنى ما اكون ظلمت الاكورد
لكن انا اعطيتك كل شيء ممكن تتخيله عن الكورد يعني عطيتك اسوء الاحتمالات مره
اقصد لما تجي تشغيل السيارة وتنتظر السيارة يحتر الزيت حقها يعني تحمية السيارة تحمى بسرعه
لما تشغل السيارة الصباح مثلا وانت رايح لشغلك تكون حرارة السيارة نازلة والزيت بارد ولما تمشي علي الزيت وهو بارد بعد فترة يضر المكينة
والهوندا فيها ميزة انها تحمى بسرعه من نفسها ( وتكون جاهزة للأنطلاق )
ههههههههههههههههههههه وش فيكم ما تحمون سيارتككم
التحمية مو انك تشغلها وتضغط على دواسة البنزين عشان الزيت لا شغلها واتركها لحالها تحمي نفسها بنفسها لين ينزل الضغط عن 1 بشوي ولما يثبت تكون جاهزة للأنطلاق
التحمية ضرورية خصوصا ايام الشتاء
^^
لالا قصده يعني اذا تبي تحميها أول ما تشغلها .
بسرعه دقيقه في الصيف و 3 دقايق في الشتاء
القطع ياباني والتركيب امريكي
نظام vsa ممتاز وله دور بثبات السياره
حديد السياره لايختلف عن السابق
نظام التعليق لايختلف في جميع الفئات من 2008 الى 2012 نفس الرساوه والقياده
اذا تريد سياره تخدمك في الزمن هذا وعن تجربة الاعضاء مالك الا اكورد
او انتظر 2013
^
القطع امريكي امريكي والتركيب امريكي
والبدي اقل ثقل من 2011
ما ازيد عن كلام اخوي هوندانا كل كلمة صح مافي شي خطاا ابدااا
وانا عندي 2012 تمنيت اخد 2011 جودتها احسن وارسى والحمدلله على كل حال
ودي اعرف كيف 2011 ارسى من 2012...؟!
لو كانت الكلام ذا صح ماكان سوقها ماجي في التفحيط (انا لااشجع التفحيط) لكن نادرا تشوف ان السيارة تهج على سرعات عالية 200 مثلا
استخير والله يكتب الي فية الخير..
اللي يقولك لك ان ال2011 افضل من 2012 خله يبيع سيارته ويشتري 2011 ويترك الفلسفه عنه ..
واللي كاتب لك 30 عيب بال 2012 خله يبيع سيارته ويشتري السيارة الخالية من العيوب بنفس سعر الأكورد ..
مميزات السيارة تغطي على كل عيوبها وهي أفضل سيارة في فئتها يعني افضل من الكامري والسوناتا والأوبتيما والألتيما وو
انا اشتريت اكورد لميتد لون جلكسي وليه اسبوعين ولما قريت رد هوندانا صصراحه كرهت السياره مدري ليش:confused:يعني ذكر عيوبها بس
كل هالعيوب فيها ويقول ماظلمتها :eek:
دور عيب منا ولا منا يمكن في شي ناسيه أنت :confused:
أطالب المشرف العام بحذف عضوية الأخ هوندانا نظرآ لكثرة التقطيع والتحطيم بالأكورد 2012 :(
ماتعرف قيمة النعمه لين تفقدها .. هات المفاتيح أنت وآياه .. أنتم كفو أكوردات أنتم .. :mad:
عربيات غااز وتخب عليكم :p
بصراحه مصختها :mad:
انت مش كفو هذا السياره
اقص يدي اذا انت سقت السياره او بالأصح اذا دقيت السلف
انا ما ادري وش فيكم عميان كذا
الرجال قال وش هي عيوب الاكورد 2012 ، وهذا منتدى ويحق لكل عضو كتابة ما عنده طبعا مع التحلي بالأخلاق ( السعودية ) .
اذا كنت منزعج من كتابتي ناقشني في العيوب الي كتبتها مب تفور عليها كلها .
للعلم كان معاي سيارة اطلق من الاكورد مليون مرة بس حسافة الظروف المؤقتة حدتني وخذتها .
أنت الوحيد المفتح وكلنا عميان ماشاء الله !!!!
نص العيوب اللي ذكرتها موجودة في سيارتك أنت بس ومو موجودة في الأكورد بشكل عام .. انا معي أكورد 2012 وكلامك اللي تكتبه هنا غير صحيح والحذفة اللي تتكلم عنها ومحددها بأسبوعين مو موجودة عندي ولله الحمد والسيارة لها سبع شهور معي . وال abs ممتاز معي والتوازن روعه وكفراتها ممتازة وتقدر تغيرها لأن هذا العيب ما للأكورد علاقة فيه وإنما الشركة المصنعة للكفرات
نتمنى أن ترجع وتاخذ السيارة الأطلق من الأكورد 2012 مليون مره وتريحنا من الأكاذيب اللي تكتبها من راسك عن الأكورد 2012
أجل بدي الأكورد 2011 ثقيل والأكورد 2012 خفيف هههههههههه هذي المجنون مايصدقها ,, وانت كذبتها وصدقتها للأسف الوزن واحد فكيف يكون البدي خفيف وثقيل ؟؟؟؟
مرة تتكلم عن الأكورد 2012 ومرة تتكلم عن الأكورد بشكل عام 4 سلندر و6 سلندر ومرة تتكلم عن هوندا بشكل عام . لازم كلامك يكون محصور في نوع معين وفئة معينه لأن ال4 سلندر فئة تختلف عن ال6
هونداتا انت مبالغ في كلامك
جيبلي افضل سياره بالعالم والله لطلعلك 20 عيب فيها
يا صااحب الموضوع .. اذا انت ناوي .. فدور لك افااالون .. والاكوورد اطلع منها .. لانها بعد 3 او اربع سنوات يخبط القير وبمعني صحيح بعد 250 الف .. والله حاصله معاي مشكله .. والتوضيب اقل شي ب 12000 ريااال ...
^
خف علينا يالخبير
اقوى قيور بالعالم قيور الهوندا على فكرة
والله يشهد علي بهالكلام اني طلعت سيارتي من الوكاله وماعمري بدلت دهن الجير والان ماشيه 350 الف واكثر بشوي
أول رد ماترك عيب والا وذكره .... بعد تجربتها انصح فيها وانت مغمض ..
هوندا ناا لو قالوا له وش رايك في البورش
بتقول قويه وراسيه وواطيه وهالشي يخليها تحك في المطبات
اجل من عيوبها مافيها بصمه هههههههههههههههههههههههههه
ياخوي هذه كماليات
المقصود بالعيوب هي العيوب الميكانيكة وكثره الاعطال
وهالشي مو موجود في الاكورد اطلاقا هالكلام بعد تجربه 4سنوات
اخوي صاحب الموضوع بما انه عندي اكورد 2009
فاناا انصحك بها وبقووووة ان كان مايهمك المواصفات والسرعه
عيوبها تعد على الاصابع
عزلها ماهو قد كذا سواء الارضي او الجانبي
عزمها مو قد كذا برضوا
طرمبه الدركسون بعد فترة طويلة من الاستخدام تهرب
الاقمشة كانت تنتهي كل 20الف لكن بعد الاستدعاء الي صار لتغيير الكليبرات اختفت هذه المشكلة نهائيا وانا حاليا ماشي على الاقمشة 40الف بدون اي مشاكل ولله الحمد
غير هذه العيوووب مافي
والله يكتب لك الي فيه الخير
ياشباب في اشخاص تابعين لوكالات اخرى وهدفهم تشويه السمعه
للمقارنه تستطيعون الدخول على الرابط الاول حق 2011 والثاني حق 2012 واللي عنده متصفح قوقل كروم يقدر يترجمه
http://www.carcomplaints.com/Honda/Accord/2011/
http://www.carcomplaints.com/Honda/Accord/2012/
وجميع السيارات موجوده وتستطيع ان تشاهد كل سياره ومديلها واكثرها عيوب
الموقع هذا فاشل معى احترامي للي ناقله
شوفو المقارنه ولكم الحكم
هذي الكامري 2007
http://www.carcomplaints.com/Toyota/Camry/2007/
كرايسلر 2006 هذا اللي صحكني :d
http://www.carcomplaints.com/Chrysler/300C/2006/
اكورد 2007 هنا المصيبة الكبرى
http://www.carcomplaints.com/Honda/Accord/2007/
واضح تعصب الموقع للسيارات الامريكيه وكلام فاضي وخرابيط
والعبره بالنهـــايه استعمل الهوندا كم سنه وشوف كم تصبر عليك