شباب رايكم.. اكورد فل ولا لكزس is ستاندر

السلام عليكم ورحمة الله وبركاته
شباب انا كنت ناوي اشتري الاكورد بالرغم من المغريات الي زي الااوريون والماكسيما والافالون
بس بعدين اكتشفت ان اللكزس is بـ 122 الف ريال والاكورد فل اربعه سلندر بشاشه بـ 118 الف تقريبا
اللكزس 6 سلندر طبعا بس زي ما قلت ستاندر يعني لا فتحة سقف ولا شاشه ولا كاميرا
وغير كذا ابغى اسالكم عن صيانه لكزس هل هي مكلفه مقارنة بالاكورد..؟؟
يعني الي يشتري لكزس لازم يكون كاااش عشان يتحمل صيانتها ولا عادي ...؟؟

وسؤال ثاني
هو اني افكر اشتري لكزس ES بس مستعمل يعني موديل 2008 مثلا ...ومن وكاله لكزس للسيارات المستعمله بس بشوف الاسعار , او ممكن اشتري الـ IS فل اوبشن بس مستعمل اتوقع ما يتعدى 130000 الف
رايكم يهمني

الله الله صارت الاكورد الاربعه قواطي تتقارن مع اللكزس خخخخخخخخخخـ

والله لو اللكزس طيس وقزاز هندل خخخخخخخخخـ

راح اخذ لكزس لعدة اسباب وليس انتقاصا من قيمة الاكورد ,,

1- اللكزس 6 سلندر << اهم سبب

2- دفع خلفي << اهم ثاني سبب

3- نظام صوتي افضل من الاكورد

4- نظام تعليق رياضي << اهم شي بالنسبة ليا

5- جودة داخليه ممتازه قد تتفوق ع الاكورد ,,

6- القزاز كله اوتو :d

ياخي كيف سمحتلك نفسك تقارن الاكورد بـ لكزس !!!

الاكورد تتفوق وتتميز بـ نظام النيفيقيشن وبعض الاشياء البسيطه الي ماتنقص من قيمة اللكزس

ياخي كيف سمحتلك نفسك تقارن الاكورد بـ لكزس !!!


لو قايل اكورد 6 سلندر كان فيها حيره شويا

والسيارات الي محتار فيها اغلبها من فئات اعلى وافضل من الاكورد

بس اعطيت حقين الاكورد امل مع اللكزس :p

تقبل مروري

:aa_emghater:

^^^^
بس تبقى الكورلا اوسع من Is من الداخل

ولك القرار يا صاحب الموضوع

ايه احس اني عطيت الاكورد جو
بس ياخي انا اتكلم عن الاسعار
ولا تنسى احتمال اني اشتري مستعمل
الا لو كانت اي اس ستاندر
يعني انا ميزانيتي تقريبا 120000
ادري انه لا مجال للمقارنه بس انا اتكلم عن اسعار
وغير كذا الصيانه وقطع الغيار شي مهم بالنسبه ليا

والله بالنسبه للسعة الداخليه
انا رجال لحالي مشاويري جامعتي ومشاويري العاديه
والاهل عندهم سيارة كبيرة
فـ السعة الداخليه مش مرة مهمه

الاكورد طبعا لان الكزس حتى بدون فتحة يعني الرفاهية الي تخليك تشتري لكزس غير موجودة
وغير كذا قطع غيار اللكزس غالية واذا انت ناوي عاللكزس is ومصر عليه خذلك اكورد ستة سلندر كوبية على الاقل اوسع منه

اقول خذلك سوناتا بانوراما مدامك وصلت لـ 120 الف ومنها توفر 15 الف تقريبا
فتحة بانوراما - ايرباقت وستائر جانبية - جنوط 18 - نظام صوتي من انفنتي - قير ست سرعات - جلد - هياتر اسيات " ماتحتاجها " - نظام الثبات esp - مراية تتصفط - ذاكرة لتخزين الاسيات - كاميرا خلفية - شاشة حلوة وشكلها جذاب - حساسات خلفية - زينون فارش في الارض - قير تبترونيك وتعشيق من خلف المقود - ضمان خمس سنوات او 100 الف كم - عزل هواء رائع - شكل جذاب وتوه نازل يعني تضمن ثلاث سنين نفس الشكل - لمبات خلفية ليد - جودة اقل من الهوندا صراحة بس السيارة بتكون على يدك وبتحافظ عليها - بصمة " تواكب التطور " - دخول بدوون مفتاح - مراية تعتيم
وانا اقولك رح الوكالة واركبها " الفل كامل " وشوفها والله انها سيارة واخوي توه شاري له وحدة صراحة موتر موتر موتر ويستاهل كل ريال فيه .. ويش مابغيت من مواصفة تلقاها تحت يدك

واتترك عنك الهوندا

ترا الكزس اكبد افضل من الاكورد
بس صيانتها غاليه صراحه
و قطعها اغلى من الاكورد

اما على الشاشه و الكاميرا في الكزس
امرهم سهل اذا شريت انت تركبها بعدين برا
و الفتحه ما يحتاج
بس صراحه حلتها الكزس بفتحه ههههه

اما اذا بتاخذ مستعمل
لاتستعجل خلك برواقه
عشان تلقى وحده نظيفه

و القرار الاخير لك يالخووي
شوف انت وش رغبتك و ميولك له اكثر و اشتر

لكزس
بدون فتحه؟؟
بدون شاشه؟؟
بدون تبريد اسيات؟
بدون هيتر اسيات؟؟
سي دي واحد؟؟
بدون شفت ترونك (تبترونك)؟؟
وين اللكزس؟؟:confused:

نسيت اقول جلد ولا مخمل؟؟

اقتباس:

---

لكزس ES بس مستعمل يعني موديل 2008 مثلا

---

:cool::cool:

تكفيك علامة اللكزس لكن اسال عن صيانتها في الوكاله هنا قليل اللي يعرفون عنها

وترى هنا بيقولون لك الاكورد احسن ولو تروح لمنتدى تويوتا بيقولون لك اللكزس احسن والقرد في عين امه غزال

استخر واسال وتوكل على الله

اذا اللكزس جديده والاكورد جديده انصحك تاخذ اللكزس ولكن اذا كانت اللكزس مستعمله والاكورد جديده انصحك بالاكورد ..
تقبل مروري...

لازم يكون عندنــا ثقافه

مقابل القيمه اللي عندي ايش أحصـل عليه في السياره ؟؟

يعني الاكورد ايش بتحصــل فيهـا بقيمه 118 الف !!!

اللكزس تويوتــا فخمه وصنعه أسم في الجوده وقله الاعطــآآل جعلها تقارن بالالمانيات وإلا في الاساس المفرضو ماتقارن معهم

انفنتي
أفضل من تويوتــا كفخامه وتقنيه وتكنولوجيــا وقوه واداء :cool:
ومبيعآآتهــا الآآن صآآرت تنافس بقوه اللكزس بحكم أن السيارات الالمانيه مو الكل بقدر ع اسعارهــا الفلكيه

مصمموا نيسآآن هم نفسهم مصممين الانفنتي
وسعرهــا ممتآآز مقابل القوه والفخامه وال .. << لاتنسى جوده نيسآآن تحسنت كثيير


الرآآي الاول والاخير لكـ
لاكــن لاتستعجل كثيير وحاول تسآآل في منتديآآت محايده ونآآس خبره
مو تروح مثلاً منتدى لكزس وتقول اشتري لكزس is او بي ام دبليو الفئه السابعه
اكيد بيقولون لكزس وهم واثقين :d


بالتوفيق

ولاتستعجــل ووسع خياراتكـ علشآآن تحصــل ع الافضــل :)

مايبي لها كلام اللكزس احسن بمليون مررره

غير ان هوندا قطعها ناار على ماادري ايش ؟؟

وجودة القطع المستعمله فيها لك عليها

بعدين يكفيك لا قالوا لكزس وياحبذا لو تكون is لانها شبابيه اكثر من الـ es << وش دخلك انت ياحبذا هااا :d

والقرار الاول والاخير لك

الله يسعدكم يا شباب على ردودكم
اخوي عبادي صراحه اللكزس is ستاندر احس مالها داعي بدون الي ذكرتهم
بس يا شباب انا رحت الوكاله اليوم ولقيت لكزس is 250 الي هي اقل فئه ( ستاندر ) بـ 144 الف .!.!!!
وفيه is 350 اعتقد بـ 154 الف بدون شاشه والي بشاشه بـ 165 الف

ولقيت ES 2009 ماشيه 13 الف نظيفه الصراحه بس ماهي بانوراما
بـ 130000 ريال

انتا صاحي

تقارن اكورد بلكزس

لايكون ماتعرف شي عن السيارات

وكفاية ان اللكزس اي اس مرة رووعة

والاكورد تحطمت معاها عزم زيرووووووووووووو

تـرا كــل الـي محيــرني مـاهو انـي منـي عـارف وش افضـل . .
ادري ان اللكـزس افضـل بكثـير
بس انـا سـؤالي هـل اشتـري لكـزس مستعمـل او اكـورد جديـد
+ هـل الصـيانه و قطـع الغيـار مكلـفه ..؟

يكفي انك اذا جيت تسوق تلقاء قدامك علامه لكزس


اااااااااخ بس

عاد انت قلتها بتاخذ لكزس خذ es وفوق وبصراحه الاكورد موتر ممتاز بس مو لدرجة اللكزس
فاذا تبي النصيحه اذا بتاخذ جديد و ما فيه الا هالخيارات فخذ اكورد لانه فيها مواصفات ولك والزمن اما اذا بتاخذ مستعمل فانصحك بالes

وانت استخر وترا اذا خذيت الis فكانك ماخذ سياره عاديه لا مواصفات ولا شي الاهم اسمها لكزس.

والله الموفق

والله كلام مقنع
بس المشكله الاهم يا شباب
الصيانه و قطع الغيار ...!!

ياخي كيف سمحتلك نفسك تقارن الاكورد بـ لكزس !!!

والله شوف يالغالي احنا فالبيت عندنا السيارتين اللكزس والاكورد حقتي فل كلهم 2009
واللكزس ستاندر بس بفتحه صراحه الاكورد ماتصف جتب اللكزس هذا وهي ستاندر
لا داخليا ولا خارجيا ولاعزل صوت ولا التصميم ولا الديكور اللكزس افضل بس يعيبها انها ضيقه وخصوصن الاسيات الخلفيه
لو انك قلت اكورد 6سلندر كان ممكن لان مكينتها 3,5 لترواللكزس 3 لتر
يعني السته يشفعلها انها اقوى من اللكزس
بس الاربعه لا ولا تنسى اللكزس الجديده صارت انوارها الاماميه ليد زي اودي ومرسيدس*

فكر باالافلون

ما خذه مواصفاات اللكزس ., و فيها قوه
وشكل حلو

لا تعليق اناافضل اللكزس اذا كان فل

اخوي عزيز 93 ابشرك ترا السوناتا بانوراما فل الفل ب85الف


بخصوص اللكزس كانك قدرت ع 120 الف اشتر ماكس فل الفل او افالون بدون شاشة والله يوفقك ونصيحححححة لاتاخذ اللكزس السياحي حراااام لكزس واخرتها بدون تبريد اسيات بدون شاشة بدون فتحة صغييرة جدا
بالتوفيق لك

شكل السوناتا ماعليه كلام لكن اذا على البانوراما:

ياريت اللي قال السوناتا يروح يجرب سوناتا 2011 حيضحك على كلامه اللي هو كاتبه

طيب اذا على البانوراما كيا بانوراما اللي هي الكادينزا وافضل من السوناتا بمليون مرة واذا بتقولي هذي كيا روح وقف السوناتا تحت حفرة زيت وشوف كل القطع مكتوب عليها كيا

والله اذا على البانوراما الجاز افضل من السوناتا برأيي

لكزس فل كامل

والله ياخوي انا انصحك باللكزس اذا بتاخذها من وكالة لكزس قسم المستعمل كلها سيارات مستبدله واغلبها نظيفه ومو ماشيه كثير
وانا قبل فترة كنت هناك صراحه شفت كثير سيارات من البدي شكلها نظيفه
واذا بتسال عن صيانتها شوي اغلى من الاكورد طبعا لكن والله تتحمل مثل الاكورد يكفي انهم شبهوها بالماني وانا اشهد وعن تجربه
انا ممكن افتكرلك سعر الفحمات حقها الي هي تتغير اكثر شي سعلاها الامامي 400 والخلفي مني فاكر كم بس في الحدود هذي
وبالتوفيق لك.

اخوي اكورد مودي
انا لقيت es المستعمل بالوكاله قسم السيارات المستبدله ماشية 30000 وبصراحه نظيفه
وسعرها يبدو لي جيد الي هو بـ 130000
بس هي المشكله الوحيده قطع الغيار
لو اعرف بس انها مش مكلفه بدرجه كبيرة رح اتوكل على الله واشتريها

افــــــــــــــالون جديدة بنظري أفضل من لكزس es مستعمل أو is جديدة فكر ولا تسعجل

اكيييد لكزس لو انه موديلها 80 كمان :p <<<اعشق السيارة هذه وخصوصا ال LS460L لبى قليبها يا شيخ

عموما انا ارجح اللكزس لانها تعتبر بمواصفات المانية وجودتها عالية جدا ..

بالنسبة للصيانة هيا ايه نعم اغلى من الاكورد بشوي بس مه مثل الاجرام الحاصل في مرسيدس وبي ام دبليو

عموما انت تقدر تطلع على صيانتهم وكيف الاسعار واساسا بتنبهر لمن تدخل الصالة حق الانتظار لحالها تكفي..:cool:

انت لا تنسى صلاة الاستخارة .. والي فيه خير ربنا بيكتبه لك ان شاء الله..

وعليكم السلام ورحمةُ الله وبركاتة ..

حياك الله اخي الكريم ..

بالنسبة للأكورد ، يكفي أنك اشتريت سيارة على يدك من الوكالة ..

واذا تبي نصيحتي ، خذ لك لكزس es 350 2008 بانوراما

انا اخذت مثلها وقطع غيارها مثل الافالون والاوريون واسعارهم كويسه ،،

توكل على الله والله يبارك لك ..

والله لو تصبر شوي و تجمع لك كم قرش و تاخذ الـ is احسن لك 100 مره .. اسمها لكسزس بس عيبها انها جدا جدا جدا صغيرة حتي الكرولا اكبر منها من الداخل .

اخوى اعانك الله على هاذه الردود هههههههههههه اخى الكريم اى شخص بيشترى سياره سواءا مستعمله او جديده لابد ان يراعى شغله اشوفها مهمه كلنا باذن الله نقدر نشترى سيارات باى طريقه البنوك مو مقصره بس السؤال اذا انت شريت السياره اى سياره كانت تقدر تسويلها السيرفس تبعها بمعنى تقدر تتحمل قطع غيارها هنا السؤال
فا الى انا اقوله يابعد عمرى اللكزس سياره ممتازه ولاعليها غبار بالنسبه للقطع ان اشوف انها مو بعيده عن الاكورد لانو بكل امانه اللكزس بجميع فئاتها لايوجد بها قطع استهلاكيه مثل الاكورد او اى سياره ثانيه , بالنسبه للاكورد سياره حلوه ولاكن ينقصها قليل من ظبط الجوده بمعنى يوجد بها عيوب من الامثله البريكات الى جننت العالم وتنسيم بسيط بالابواب صوت هواء
لاكن اخوى يوجد خيارات متعدده لك عندك السوناتا بصراحه سياره كسرت عين السيارات الاخرى بخامتها وكفاءتها ولا اخبر احد اشتكى منها من ناحيه البريكات وتنسيم الهواء عندك التورس الجديده وحش بكل معنى الوحوشيه عزم فخامه وجبلى سنه من السنوات ان فورد كان فيها مشاكل من تنسيم هوا ولى بريكات مافي لايذكر , فا اخوى انا عن نفسي لو يرجع التاريخ لورى ماشريت الاكورد بصراحه لانو مدرى اشلون هوندا لم تعد هوندا مثل ذى قبل وهاذا عن تجربه ومن ناحيه البراهين انا اعرفلى مسؤل كبير بهوندا تناقشت وياه عن مشكله البريكات قال يبن الحلال خلها على ربك الوضع الان مو مثل سنه 2002 وهى اخر اكورد نزلت بمعنى اكورد قوه ورجوله بالخط ووحش واحد من الشباب لااله الى الله الله لايضره عنده اكورد 2002 يحلف انو ماغير اقمشه الى بعد 3 سنوات وهاذا المفروض
فخلاصه الكلام صل واستخر والخيارات متعدده والله يوفقك

اقتباس:

---

المشاركة الأصلية كتبت بواسطة حميد

اخوى اعانك الله على هاذه الردود هههههههههههه اخى الكريم اى شخص بيشترى سياره سواءا مستعمله او جديده لابد ان يراعى شغله اشوفها مهمه كلنا باذن الله نقدر نشترى سيارات باى طريقه البنوك مو مقصره بس السؤال اذا انت شريت السياره اى سياره كانت تقدر تسويلها السيرفس تبعها بمعنى تقدر تتحمل قطع غيارها هنا السؤال
فا الى انا اقوله يابعد عمرى اللكزس سياره ممتازه ولاعليها غبار بالنسبه للقطع ان اشوف انها مو بعيده عن الاكورد لانو بكل امانه اللكزس بجميع فئاتها لايوجد بها قطع استهلاكيه مثل الاكورد او اى سياره ثانيه , بالنسبه للاكورد سياره حلوه ولاكن ينقصها قليل من ظبط الجوده بمعنى يوجد بها عيوب من الامثله البريكات الى جننت العالم وتنسيم بسيط بالابواب صوت هواء
لاكن اخوى يوجد خيارات متعدده لك عندك السوناتا بصراحه سياره كسرت عين السيارات الاخرى بخامتها وكفاءتها ولا اخبر احد اشتكى منها من ناحيه البريكات وتنسيم الهواء عندك التورس الجديده وحش بكل معنى الوحوشيه عزم فخامه وجبلى سنه من السنوات ان فورد كان فيها مشاكل من تنسيم هوا ولى بريكات مافي لايذكر , فا اخوى انا عن نفسي لو يرجع التاريخ لورى ماشريت الاكورد بصراحه لانو مدرى اشلون هوندا لم تعد هوندا مثل ذى قبل وهاذا عن تجربه ومن ناحيه البراهين انا اعرفلى مسؤل كبير بهوندا تناقشت وياه عن مشكله البريكات قال يبن الحلال خلها على ربك الوضع الان مو مثل سنه 2002 وهى اخر اكورد نزلت بمعنى اكورد قوه ورجوله بالخط ووحش واحد من الشباب لااله الى الله الله لايضره عنده اكورد 2002 يحلف انو ماغير اقمشه الى بعد 3 سنوات وهاذا المفروض
فخلاصه الكلام صل واستخر والخيارات متعدده والله يوفقك

---

الحين هوندا مافيه جودة:d

اخوي اكثر من 5 من اقربائي معهم هوندا 2005 و04وفيه 06 وفيه 07 وفيه واحد معه 08 الدفعة الاولى بعد يعني بين قوسين اغلب الموديلات الجديدة وكلهم والله الحمد والمنة ماشية معهم السيارة بأفضل مايكون مافيه خرابات ولا شيء الا اشياء خفيفة جدا
وبخصوص الفحمات الحمد لله لي سنة واربعة شهور ماغيرت الخلفي الا مره فقط لاغير ولله الحمد والامامي الى الان ماغيرتها ماشاء الله تبارك الله
صحيح فيه مشكلة بسيطة في الفحمات الخلفية منها الرجة اذا ضغطت ع الفرامل فوق ال140 لكن ان شاء الله انهم تفادوه بعد الفحمات الجديدة وتغيير الكليبر ع الضمان

اما انك تحكم ع جودة السيارة من فحمات معليييييييييييش
وبخصوص التنسيم اتمنى انك تركب في كامري او سوناتا الموديل القديم او اوريون او اي سيارة منافسة للأكورد والله بتعرف ان الاكورد من الافضل في عدم التنسيم بكثرة
ولا تنسى ترا معك اكورد مهب بي ام.

وبخصوص السوناتا الجديدة شكلك ماتعرف احد معه هالسيارة اغلب ملاكها يعااااانون منها تنسيم ع كيف كيفك خاصة من السقف البانوراما يطيح السنتر لوك خرب بعد اشهر بسيطة خرااااابات الين ماتقول بس
وطبعا السيارة لها سنة فقط يعني ماتقدر تحكم ع جودتها.

اقتباس:

---

المشاركة الأصلية كتبت بواسطة aziz93

اقول خذلك سوناتا بانوراما مدامك وصلت لـ 120 الف ومنها توفر 15 الف تقريبا
فتحة بانوراما - ايرباقت وستائر جانبية - جنوط 18 - نظام صوتي من انفنتي - قير ست سرعات - جلد - هياتر اسيات " ماتحتاجها " - نظام الثبات esp - مراية تتصفط - ذاكرة لتخزين الاسيات - كاميرا خلفية - شاشة حلوة وشكلها جذاب - حساسات خلفية - زينون فارش في الارض - قير تبترونيك وتعشيق من خلف المقود - ضمان خمس سنوات او 100 الف كم - عزل هواء رائع - شكل جذاب وتوه نازل يعني تضمن ثلاث سنين نفس الشكل - لمبات خلفية ليد - جودة اقل من الهوندا صراحة بس السيارة بتكون على يدك وبتحافظ عليها - بصمة " تواكب التطور " - دخول بدوون مفتاح - مراية تعتيم
وانا اقولك رح الوكالة واركبها " الفل كامل " وشوفها والله انها سيارة واخوي توه شاري له وحدة صراحة موتر موتر موتر ويستاهل كل ريال فيه .. ويش مابغيت من مواصفة تلقاها تحت يدك

واتترك عنك الهوندا

---

ههههههههههههههههههههههههههههههههههههههه

الله يرجك بس اجل سوناتا .. ياخي معروف الكوري فخامه بدون جوده ..
الرجال يبغى له جوده يعني اكورد لكزس صح .. اوووما تقارن السوناتا مع اللكزس ..
ترا والله الشركه بتجيك من اليابان وتكفخك .. اجل سوناتا هاااااه :p

ووش اللي اترك الهوندا .. الهوندا معروووفه بجودتها ما يحتاااج


اقول توكل ع الله وخذ لك لكزس .. يكفيك اسمها .. مع انه معي هوندا اكورد 2010 سبشل

والله يا خوي مدام الاخ ككاشي داخل بالموضوع هو الي راح يفيدك اكثر شي لان معاه لكزس es 2008
انا بس اعرف اسعار ال ls موديل 2005
الشمعات الامامية ب 4000
الاصطبات الخلفية القطعه الصغيرة الي مع الشنطه 450
الاقمشه الامامية 500
هذا الي فاكره الان بس من ناحية تتحمل انا اضمنلك السيارة انها تتحمل مثل الماني وترى قطعها الاستهلاكية ماهي غالية مرره
اذا اللكزس بانوراما وشاشة الي لقيتها اتوكل على الله والله يعطيك خيرها ويكفيك شرها.

اقتباس:

---

المشاركة الأصلية كتبت بواسطة فلم جامد

شكل السوناتا ماعليه كلام لكن اذا على البانوراما:

ياريت اللي قال السوناتا يروح يجرب سوناتا 2011 حيضحك على كلامه اللي هو كاتبه

طيب اذا على البانوراما كيا بانوراما اللي هي الكادينزا وافضل من السوناتا بمليون مرة واذا بتقولي هذي كيا روح وقف السوناتا تحت حفرة زيت وشوف كل القطع مكتوب عليها كيا

والله اذا على البانوراما الجاز افضل من السوناتا برأيي

---

حبيبي محدثك كان عنده اكورد 2005
والحين عندي فكتوريا 2004
واخوي توه شاري سوناتا 2011 وجاي ليي تفتي فيها معليش السوناتا افضل من الاكورد بمراحل كثير بس تفرق عنها الهوندا بالثبات القوي وهذا لايعني ان السوناتا مش ثابتة والجودة اعلى في الاكورد وهذا لايعني ان السوناتا مافيها جودة

~~~

والاخ الي يقول سعرها 85 فل الفل اقول له اذا مايعرف الاسعار لا يخترعها من مخه بارك الله فيه

انا شايف معظم الردود ترجح اني اشتري es مستعمل
ومبدئيا احس ان القطع والصيانه مش مكلفه بالدرجه الي كنت متوقعها
بس بالنسبه للاخوان الي يقولون افالون او سوناتا
الافالون سبحان الله ما دخلت مزاجي
والكوري ما ادااانيه بعيشة الله
وبصراحه فرق كبير بين الاكورد افالون سوناتا وبين اللكزس !!!
انا والله كنت مريض اكورد بكل مكان اكورد اكورد
ومرررة معجب بهالسيارة
بس حدي حطيت فكرة اللكزس es مستعمل
حسيت بالفرق !!!