"ساهر"سيشمل كافة الطرق خلال الفترة المقبلة

سيشمل كافة الطرق خلال الفترة المقبلة

"ساهر" يتمدد على الطرق بين الرياض - مكة - القصيم - جدة - الساحل - المدينة

http://www.sabq.org/sabq/misc/get?op...256&height=176

متابعة ـ ظلم: كشف قائد القوات الخاصة لأمن الطرق العميد خالد بن نشاط القحطاني، عن بدء تطبيق نظام ساهر على عدد من الطرق السريعة في المناطق الوسطى والغربية أخيرا، مشيرا إلى أن عملية التطبيق شملت أجزاء من طريق الرياض ــ الحجاز، الرياض ــ القصيم، مكة ــ جدة، طريق المدينة، وطريق الساحل.

ووفقا لتقرير أعده الزميل عبد الله المقاطي ونشرته "عكاظ"، أوضح العميد القحطاني بأن التطبيق شمل الأجزاء القريبة من المناطق التي بدأت في تطبيق نظام ساهر في وقت سابق، مؤكداً بأن النظام سيشمل كافة الطرق خلال الفترة المقبلة.

وأكد العميد القحطاني بأن الهدف من نظام ساهر يعود للضبط المروري والحد من الحوادث والمخالفات المرورية، مشيراً إلى أنه ثبت من خلال الإحصاءات أن السرعة الزائدة من أهم أسباب الحوادث، مضيفا إذا التزم قائد المركبة بالسرعة المحددة نظاماً أمكننا بمشيئة الله تلافي الأسباب الأخرى سواء أكانت أسبابا تتعلق بالمركبة أو الطريق أو غيره.

يذكر أن نظام (ساهر) يعد أحد الأنظمة الإلكترونية الحديثة لضبط وإدارة حركة المرور آليا ورصد مخالفات المركبات عن طريق شبكة من الكاميرات الرقمية المتصلة بمركز المعلومات الوطني التابع لوزارة الداخلية، ويهدف إلى تحسين مستوى السلامة المرورية، توظيف أحدث التقنيات المتقدمة في مجال النقل الذكي لإيجاد بيئة مرورية آمنة، رفع كفاءة شبكة الطرق المتوافرة حاليا، تدعيم الأمن العام باستخدام أحدث أنظمة المراقبة، والعمل على تنفيذ أنظمة المرور بدقة واستمرارية.

منقول من جريدة سبق الالكترونية ...

وهذا رابط الإخبارية
http://www.sabq.org/sabq/user/news.do?section=5&id=14245

والله قريت الخبر في الجريده ,,,كانت بتجيني سكته قلبيه ...مو كفايه وسط المدينه كمان ع الخطوط السريعه ,,,تسلم ع الخبر الفظييع

أحسن خلينا نتأدب

بس الله يعين عالمشوار بين جده ويبنع خخخ

والله خط ممل جدا

اما امشي 120 والله بطق هههه

الله يسهلها

:)

يعمى عدلو شوارعكم المكسره الى كلها حفر وتحويلات بعدين ركبو ساحر مدرى ساهر

اقتباس:

---

المشاركة الأصلية كتبت بواسطة حميد

يعمى عدلو شوارعكم المكسره الى كلها حفر وتحويلات بعدين ركبو ساحر مدرى ساهر

---

والله إن كلامك عدل كلها الدمام طرق مكسره :mad:وزحمه ... وبعد يبو يركبو نظاااااام ساااااااااهر

بسيــطه


شيل اللووحه الامامية واحلى زرَه :d

^

^

^

طيب يا شباب التغبيره الي يحطوها المسافرين تنفع
واذا تنفع امن الطرق يقول شي ....حتى اللوحه الخلفيه

اقتباس:

---

المشاركة الأصلية كتبت بواسطة pink dream

والله قريت الخبر في الجريده ,,,كانت بتجيني سكته قلبيه ...مو كفايه وسط المدينه كمان ع الخطوط السريعه ,,,تسلم ع الخبر الفظييع

---

الله يستر بس والمشكلة أنا أرحامي في جدة يعني طالع نازل

الله يستر من القسايم اللي باكلها

اقتباس:

---

المشاركة الأصلية كتبت بواسطة memories

أحسن خلينا نتأدب

بس الله يعين عالمشوار بين جده ويبنع خخخ

والله خط ممل جدا

اما امشي 120 والله بطق هههه

الله يسهلها

:)

---

بالذات خط الساحل فاضي وممل جدا وما فيه ابن يومين

اقتباس:

---

المشاركة الأصلية كتبت بواسطة حميد

يعمى عدلو شوارعكم المكسره الى كلها حفر وتحويلات بعدين ركبو ساحر مدرى ساهر

---

الله المستعان بس

اقتباس:

---

المشاركة الأصلية كتبت بواسطة كونآآآن.....)

بسيــطه

شيل اللووحه الامامية واحلى زرَه :d

^

^

^

---

ولمن يحشكك أمن الطرق هيا بالآخر فيها قسيمة

اقتباس:

---

المشاركة الأصلية كتبت بواسطة عيونك دنيتي

طيب يا شباب التغبيره الي يحطوها المسافرين تنفع
واذا تنفع امن الطرق يقول شي ....حتى اللوحه الخلفيه

---

التغبيرة كويسة بس أمن الطرق بيبتلشك لو كانت التغبيرة تشمل اللوحة وطامسة معالمها ومعلوماتها

ما نقول حسبي الله على الظالم

نجلس في بيوتنا احسن

قريبآ ساهر للسياكل والدبابات :)

يا الله سترك
يعني طريق جدة - ينبع بيكون مراقب
يوووووووووووه والله كثييير 300 كيلو و تمشي 120
الله يعزك يا المانيا و يافرحت قلبي لا شفت كلمه free zone

اقتباس:

---

المشاركة الأصلية كتبت بواسطة مجوودي كوول

يا الله سترك
يعني طريق جدة - ينبع بيكون مراقب
يوووووووووووه والله كثييير 300 كيلو و تمشي 120
الله يعزك يا المانيا و يافرحت قلبي لا شفت كلمه free zone

---

بس لا تنىسى إنه في الدول المتقدمة مثل ألمانيا وغيرها بياخدو منك كل كم كيلو متر مقطوعة تعرفة لاستخدامك للطرق

عشان كدة تشوف شوارعهم لا طاح عليها ايس كريم بتاخذه وتكمله وانت متطمن ...

قاعدين يصرفو على الهاي واي ويصونوه

هنا اسفلت فوق اسفلت وكل واحد أخرب من اللي قبله

عندنا أهم شي فرشة سودة تمشي عليها كفرات

تاكيدا لكلام الجريدة

انا يوم الثلاثاء الماضي صادني ساهر واناماشي180 على طريق الرياض
بعد محطو ساسكوا اللي في الوسيع مكان الباص بعد كوبري منتزة سعد
(قبل الرياض بحوالي 100 كيلو)


حسبي الله عليهم

شبآب فيه سآهر في آول محطه ع طريق الخرج

والسرعـه فيهآآآآ 90

الله يعينا بس على ساهر
بس قولو للي اخترع ساهر ان كانه رجال يصيدني اصيده قبل لا يصيدني
ههههههههههههههههههههههههههههههههههههه


قوه أكورد

اقتباس:

---

المشاركة الأصلية كتبت بواسطة accord790

تاكيدا لكلام الجريدة

انا يوم الثلاثاء الماضي صادني ساهر واناماشي180 على طريق الرياض
بعد محطو ساسكوا اللي في الوسيع مكان الباص بعد كوبري منتزة سعد
(قبل الرياض بحوالي 100 كيلو)

حسبي الله عليهم

---

الله يعينك على السداد

النظام نظام وضريبة السرعة الضرر

الله يعينك وقت السداد

اقتباس:

---

المشاركة الأصلية كتبت بواسطة حبيب هنادي

شبآب فيه سآهر في آول محطه ع طريق الخرج

والسرعـه فيهآآآآ 90

---

شاكر مرورك

اقتباس:

---

المشاركة الأصلية كتبت بواسطة قوه أكورد

الله يعينا بس على ساهر

بس قولو للي اخترع ساهر ان كانه رجال يصيدني اصيده قبل لا يصيدني
ههههههههههههههههههههههههههههههههههههه



قوه أكورد

---

مو انت لو مشيت بشويش راح تصيده وما يصيدك من الاساس

يعطيك العافية

هالنظاام سرقة بسرقه

طبعا جده رحمة جنب مكه

هنااك طريق سريع السرعه 90بالله في اي قانون هذه

ولاجنب الحرم 30:d

الله يعيننا على نظاام السرقه المريح

بالنسبة اللي يقول ساهر

امس راجع من الرياض الى الدمام

ومثبت على 190

مريت على 3 تفاتيش ولا فيه اي مخالفة

والباص حق ساهر غير متوفر

وكان وقت السفر الساعة 11 صباحا

ماظنتي ان الموظف بيجلس في عز الشمس :d

وبالنسبة لمكان الباص عند مفرق سعد

فهو كلام صحيح

جاني مقطع فيديو

اول 60 كيلو +160كيلو+320كيلو

يعني البداية والوسط والنهاية

الباصات تكون متواجدة

الواحد كل اللي عليه يشغل عيونه في الخط عشان ماينقفط:d

اقتباس:

---

المشاركة الأصلية كتبت بواسطة م ج رد حلم

هالنظاام سرقة بسرقه

طبعا جده رحمة جنب مكه

هنااك طريق سريع السرعه 90بالله في اي قانون هذه

ولاجنب الحرم 30:d

الله يعيننا على نظاام السرقه المريح

---

لو إنك في أمريكا وعايش فيها وتشوف كيف لمن تاخذ قسيمة وتروح محكمة والقاضي يحكم عليك حكم غير القسيمة اللي انت ماخذها ديك الساعة تقول ساهر أرحم

والنظام نظام في النهاية

اقتباس:

---

المشاركة الأصلية كتبت بواسطة o-k-r

بالنسبة اللي يقول ساهر

امس راجع من الرياض الى الدمام

ومثبت على 190

مريت على 3 تفاتيش ولا فيه اي مخالفة

والباص حق ساهر غير متوفر

وكان وقت السفر الساعة 11 صباحا

ماظنتي ان الموظف بيجلس في عز الشمس :d

وبالنسبة لمكان الباص عند مفرق سعد

فهو كلام صحيح

جاني مقطع فيديو

اول 60 كيلو +160كيلو+320كيلو

يعني البداية والوسط والنهاية

الباصات تكون متواجدة

الواحد كل اللي عليه يشغل عيونه في الخط عشان ماينقفط:d

---

عاد جات من حظك

أنا خالي نزل من الرياض للقصيم وفي نص الخط أخذله صورة وهو مشخص

اقتباس:

---

المشاركة الأصلية كتبت بواسطة الأســـيـــر

ما نقول حسبي الله على الظالم

نجلس في بيوتنا احسن

قريبآ ساهر للسياكل والدبابات :)

---

وش ظلم فيه ؟؟
لا تسرع ولا تخالف محد يقولك شي .
أنا مؤيد وبقوة لنظام ساهر مع العلم بأنهم معطيني مخالفة سرعة 82 / 70 وبالعكس ما انتقدتهم في شي

المفروض قبل أن يكون هناك نظام نموذجي لمراقبة الطرق يكون قبله

طرق نموذجية أصلا وطرق صالحة لتنقل الناس بسياراتهم وليست

على شاكلة الطرق اللي عندنا واللي الكل بدون أستثناء يعاني منها

مانقول الا حسبنا الله ونعم الوكيل

يعني ما كان ناقصنا ألا نظام ( سارق ) غلاق الناقص

الله المستعان

اقتباس:

---

المشاركة الأصلية كتبت بواسطة م هـ ى 700

لو إنك في أمريكا وعايش فيها وتشوف كيف لمن تاخذ قسيمة وتروح محكمة والقاضي يحكم عليك حكم غير القسيمة اللي انت ماخذها ديك الساعة تقول ساهر أرحم

والنظام نظام في النهاية

---

لو تبي تقلد امريكا قلدها في كل شي مو تجيني في نظاام سااهر وتقولي والله زي امريكا

وبعدين تبي تقنعني ان هدف الي حط هالنظاام سلامتنا ؟؟!!!

ياشيخ نظااام هدفه مااااادي وواضح هالشي ولعلمك في ناس الى الان ماتدري وش هو نظاام ساهر

المفروض يكون في توعيه قبل لايشتغل النظاام مو كذا من الباب للطاقة والنااس في غفله تحط نظااام صااارم زي هذا

وتجمع فلوس الخلق (اول مره اشوف خط سريع تمشي فيه 90 كم حتى في امريكا ماصارت:d)

اقتباس:

---

المشاركة الأصلية كتبت بواسطة م ج رد حلم

لو تبي تقلد امريكا قلدها في كل شي مو تجيني في نظاام سااهر وتقولي والله زي امريكا

وبعدين تبي تقنعني ان هدف الي حط هالنظاام سلامتنا ؟؟!!!

ياشيخ نظااام هدفه مااااادي وواضح هالشي ولعلمك في ناس الى الان ماتدري وش هو نظاام ساهر

المفروض يكون في توعيه قبل لايشتغل النظاام مو كذا من الباب للطاقة والنااس في غفله تحط نظااام صااارم زي هذا

وتجمع فلوس الخلق (اول مره اشوف خط سريع تمشي فيه 90 كم حتى في امريكا ماصارت:d)

---

أولا لست أنا من أقلد أمريكا في بعض أو في كل شيء
ونظام ساهر جزء بسيط من الأنظمة الأمنية الموجودة في الدول المتقدمة

وتمت التوعية بنظام ساهر بفترة طويلة قبل تفعيله في المدن والمحافظات التي تم تفعيل النظام بها في الشوارع وعلى السيارات الأمنية وفي الصحف المحلية والانترنت
وتم أيضا صدور أخبار بتفعيل نظام ساهر في الصحف المحلية في المدن المقصودة

وإنت ترى أن نظام ساهر نظام مادي في نظرك ونظر البعض إلا أنه ساهم بشكل كبير بخفض نسبة الحوادث
والدليل أن نسبة الحوادث في مدينة الرياض قلت بنسبه 40%

وأنا من مؤيدين النظام والانضباط

وإن لم تعجبك سرعة 90 كلم في الساعة في بعض الطرق السريعة ففارق الوقت ليس بالكثير أن تصل للمكان المقصود

أنا من سكان المدينة المنورة وهناك بعض الطرق الرئيسية السريعة حددت سرعتها الآن 70 كلم في الساعة ..

اقتباس:

---

المشاركة الأصلية كتبت بواسطة ashraf rashid

المفروض قبل أن يكون هناك نظام نموذجي لمراقبة الطرق يكون قبله

طرق نموذجية أصلا وطرق صالحة لتنقل الناس بسياراتهم وليست

على شاكلة الطرق اللي عندنا واللي الكل بدون أستثناء يعاني منها

مانقول الا حسبنا الله ونعم الوكيل

يعني ما كان ناقصنا ألا نظام ( سارق ) غلاق الناقص

الله المستعان

---

لكل نظرته

شاكر مرورك

تنبيه جديد

على كل المسافرين القادمين من جدة ومكه والطائف اخذ الحيطة والحذر
وذلك لوجود باص ابيض يحمل كميرت ساهر <<< حسبي الله عليه خلصت الفحمات وانا اهدي عشان لا يصورني:d
ومكان تواجده قبل الرياض بحولي 150 كيلو

على كل السائقين الالتزام بالسرعة المحددة وربط الحزام او انك تشخص:p


وسنوافيكم بالاخبار اولا باول
اخوكم المسافر دائما / accord790حياة الشقى

اقتباس:

---

المشاركة الأصلية كتبت بواسطة accord790

تنبيه جديد

على كل المسافرين القادمين من جدة ومكه والطائف اخذ الحيطة والحذر
وذلك لوجود باص ابيض يحمل كميرت ساهر <<< حسبي الله عليه خلصت الفحمات وانا اهدي عشان لا يصورني:d
ومكان تواجده قبل الرياض بحولي 150 كيلو

على كل السائقين الالتزام بالسرعة المحددة وربط الحزام او انك تشخص:p

وسنوافيكم بالاخبار اولا باول
اخوكم المسافر دائما / accord790حياة الشقى

---

هذا صار موضوع تحديد مواقع كاميرات ساهر خخخخخخخخخـ

مشكور على الاخبارية

70 وش70 هذا سرقه واضحه للاعمئ انها سرقه في عز النهار حسبي الله ونعم الوكيل

اقتباس:

---

المشاركة الأصلية كتبت بواسطة accord790

تاكيدا لكلام الجريدة

انا يوم الثلاثاء الماضي صادني ساهر واناماشي180 على طريق الرياض
بعد محطو ساسكوا اللي في الوسيع مكان الباص بعد كوبري منتزة سعد
(قبل الرياض بحوالي 100 كيلو)

حسبي الله عليهم

---

وانا بعد اليوم في نفس المكاان قبل الرياض ب80 كيلو صادني الباص الابيض انتبهوا يا اخواان :eek:

اخر التطورات

اليوم ولله الحمد وصلت الدمام وكان فيه باص بعد 70كيلوا من الرياض ولكن الحمدلله ما صادني لاني توقعته يكون موجود باي لحظة

مكانه بعد اول نقطه تفتيش ب20 كيلو باتجاه الدمام


اخوي FiReFiGhTeR الله يعينك انا الى الان ما نزلت لي المخالفة لا على السيارة ولا على الجوال
اتمنى اذا جاتك رسالة منهم تعطيني خبر

حتى انا جالس اشيك على المخالفات و ما نزل شي
بس يا كامرتهم عليها فلاش ((( اجهاااار))) >>>> احسن حاجه ان تاخذ مخالفه وانت مرسم خخخخخخخ :cool:

هنا إستعلم عن المخالفات المسجلة لديك لدى نظام ساهر ..

http://www.hondaarabia.com/club/t39626/



سؤالين أتمنى أحد يجاوب عليهم بالنسبة لهذا النظام

اذا كنت داخل المدينة وعند أشارة وتبي تروح يمين هل ضروري توقف ثانيتين قبل خط المشات ولا تاخذ مخالفة

هل هذي المعلومة صحيحة ..؟؟؟



السؤال الثاني اذا كانت السرعة المفروضة 70 ومشيت انا 72 هل أأخذ مخالفة ..؟

ولا يكون مثلآ السرعة المفروضة 70 يعني 75 كا حد أقصى ..؟

أتمنى الإجابة منكم وياليت إذا فيه معلومات اخرى عن هذا النظام تعلموننا فيها

اقتباس:

---

السؤال الثاني اذا كانت السرعة المفروضة 70 ومشيت انا 72 هل أأخذ مخالفة ..؟

ولا يكون مثلآ السرعة المفروضة 70 يعني 75 كا حد أقصى ..؟

أتمنى الإجابة منكم وياليت إذا فيه معلومات اخرى عن هذا النظام تعلموننا فيها

---

والله ياغالي اعرف نااس مشوا91 والسرعه المحدده 90

واخذوا مخالفااات

الافضل تستخدم المثبت لانه بعض الاحيان الواااحد يسرح وهو يسوق ومايدري الا جيته المخالفه

أنتبهو يا شباب من السرعة

الآن صارو يحطو كاميرات ساهر المتنقلة على الأرصفة يبان شكلها زي برميل النفايات بلون فاتح وبحجم متوسط الطول

بالأمس في المدينة المنورة أنا شفت كمرتين موضوعة على رصيف شارع الملك عبد العزيز باتجاه الدوار

وواحدة أخرى على نفس امتداد الشارع بعد الدوار

ليلة 28 من شهر رضان انظلقت الى مكة .. وبعد الرياض بـ 130 كيلو كاشف الرادار عطاني انذار الليزر << حق ساهر ، قلت وش ذا النصاب ساهر هنا !! ابد ثانتين فقط واحلى فلاش << وانقفط ،،

قبل شوي رجعت من جدة وقبل الرياض بـ 130 كيلو ايضاً .. انقفطت مرة اخرى .. والسبب ،، مدى الليزر ضعيف مو زي مدى الرادار ،،

اقتباس:

---

المشاركة الأصلية كتبت بواسطة b useful

ليلة 28 من شهر رضان انظلقت الى مكة .. وبعد الرياض بـ 130 كيلو كاشف الرادار عطاني انذار الليزر << حق ساهر ، قلت وش ذا النصاب ساهر هنا !! ابد ثانتين فقط واحلى فلاش << وانقفط ،،

قبل شوي رجعت من جدة وقبل الرياض بـ 130 كيلو ايضاً .. انقفطت مرة اخرى .. والسبب ،، مدى الليزر ضعيف مو زي مدى الرادار ،،

---

هذي دية اللي ما يصدق كاشف الرادار :d

والله مشكلة بالفعل أنا من الناس اللي أسافر كثير ودايم سرعتي ما بين 140-160 كم في أغلب السفرات

الحين بمشي محترم لأني مني ناقص أدفع في صور فوتوغرافية وأنا مني مرسم فيها ..

اليوم وانا ماشي من الرياض للشرقية


اخذت لي صورة مع الاهل بكاميرا ساهر

باص نيسان ابيض واقف على يمين طريق الدمام قبل منطقة سعد
بعد اول نقطة تفتيش لأمن الطرق الساعة 2 بالليل

اللي قاهرني ان في واحد كان ماشي قدامي بمسافة وكان ينبهني بدعس متكرر عالفرامل
وشفت الباص بعد ما نبهني بس كنت ماشي 180 وحتى لو هديت مارح يمديني اوصل 120
فما حبيت اني اعدم الفرامل حقي عشان مخالفة
وقلت لاهلي ابتسموا للصورة ومريت عليه وانا ماشي 160
وعطاني فلاش مرتب :p

حسبي الله عليهم

داخل المدينة وفهمنا بس عالخطوط ليش !!

طيب داهم ما يبونا نسرع المفروض يتفقوا مع مصانع السيارات انها ما تسمح بسرعة اكثر من 120

وخلص

تحيتي لك

^^ تعيش وتاكل غيرها

هدو السرعة يا شباب

اقتباس:

---

بسيــطه


شيل اللووحه الامامية واحلى زرَه :d

---

واذا تبيها بلفه بعد
فصل لك برقع وخل مكان اللوحه البلاستك مربع ولوحتك تكون طويله بيروح اول حرف ونص الثاني يمكن مع الرقم :cool:

على فكره / في باص وانت رايح من الحجاز للرياض قبل القويعيه بعد لوحة 192 كم

اقتباس:

---

المشاركة الأصلية كتبت بواسطة لو بكيت

وش ظلم فيه ؟؟
لا تسرع ولا تخالف محد يقولك شي .
أنا مؤيد وبقوة لنظام ساهر مع العلم بأنهم معطيني مخالفة سرعة 82 / 70 وبالعكس ما انتقدتهم في شي

---

بصراحه ردك مبالغ فيه مععقوله راضي بانك تمشي 70 تدري وش معناته 70 يعني انت واتريله سوا على الطريق

ومعطينك مخالفه ومع ذالك مؤيدهم والله رد مبالغ :confused::eek::eek:

اقتباس:

---

المشاركة الأصلية كتبت بواسطة FARES__KSA

واذا تبيها بلفه بعد
فصل لك برقع وخل مكان اللوحه البلاستك مربع ولوحتك تكون طويله بيروح اول حرف ونص الثاني يمكن مع الرقم :cool:

على فكره / في باص وانت رايح من الحجاز للرياض قبل القويعيه بعد لوحة 192 كم

---

يحبيبي ماتدري توني واصلني خبر انا نظام ساهر بأستطاعته قراءه الوحه الخلفيه :eek::eek:

يعني مافي امل تفكر بشي صايدينك صايدينك :d

حسبي الله ونعم الوكيل :(