تجمع الرياض الثاني.......

السلام عليكم ورحمة الله وبركاته

كيفكم شباب ان شاء الله تمام

اعذروني والله على الغيبه لظروف خارجه عن ارادتي لكن ان شاء الله ماتتكرر :(

المهم جايب لكم موضوع تدورونه من زمااااااااااااااااااااان ;)

تجمع الرياض الثاني :cool:

بصراحه جاتني مكالمات ورسايل على الخاص وعلى الايميل يسألون اذا فيه تجمع واللا لا عشان كذا قلنا نسوي تجمع ونفلها فيه ان شاء الله

طبعا اتفقت مع كم واحد من الشباب عن اليوم والتاريخ وماشاء الله عليهم ولا واحد قال لا كلهم قالوا قدام

على العموم التجمع راح يكون ان شاء الله يوم الخميس 8/12/1427هـ قبل العيد بيومين صح انه مشوار لكن هذي اقرب فرصه بأكون متواجد فيها بالرياض ومنها ايضا على بال ماتجي سيارة دحومي قلبي واي واحد من الشباب يكون عنده مجال انه يفضي نفسه في هذا اليوم وايضا يكون فيه مجال نحدد الموقع والوقت بعد.

طبعا تم التأكيد على الموعد هذا بموافقة كل من :

1- الأخطبوط

2- accord 06

3- الماستر حنوم

4- ابو سعود

5- دحوم من عندي

المهم ياشباب باقي علينا شيئين عشان نتفق على التجمع

1- الموقع : ياليت كل واحد يقترح علينا موقع ويحطه في الموضوع هذا ( ياليت لو نشيل فكرة ان الموقع بعيد ومن ذا الكلام لاننا بالطريقه هذي ماراح نتفق على موقع زين وبعدين ياشباب تراه يوم في الشهر او السنه مايضر انك تدقها مشوار لعيوننا );) انا بأجي من الشرقيه لعيونكم :cool:

2- الوقت : بصراحه فيه ناس قالوا لي ودنا بالنهار يعني على العصر . ( عشان يضبط التصوير والحركات هذي):d

انا حاط تصويت على الوقت اللي تبون وان شاء الله مانختلف او كي ياحلوين :o

المهم ان التجمع بعد شهر من الأن نبي مساعدتكم بالوقت والموقع والأراء ايضا

واي إشكال :>>> على الارقام هذي

0503780604 *** 0555900766

المهم ياشباب

اللي موجود بالرياض ولا بيحضر >>>> بينقتل :p :d

وبالنسبه لأهل الشرقيه والغربيه ترى الدعوه عامه وان شاء الله نشوفكم في التجمع تعرفون التجمع بيكون في وقت اجازه >>> يعني اللي موجود بالرياض ولا بيحضر >>> بينقتل :d :mad:

دحوم- الاخطبوط - ه ل ن 818 - حياتي كلها اكورد - accord 06 - black.H.V6 - Dugarry - ابو فهد - M.A.M - H 4 Ever -Honda owner -صيانة هوندا -MeMo0o0 -لورد الأكورد - ابو عابد -الماستر حنوم - اكورد 2005 -تلميذي;) beckhaam - ه ا د 451 - A C C O R D هذولا اللي اذكر انهم بالرياض واذا فيه غيرهم حياكم الله جمييييييييييييييييييييييييييييييعا

اتش <<<< ارجوك تحضر عشان خاطري مو زي المره اللي راحت :( وانا مستعد اجيك اذا ودك تراني مانسيت عذرك المره الماضيه

محبكم

ن ك د

من عيوني اجي لو تبي للمريخ ..

اقتباس:

---

المشاركة الأصلية كتبت بواسطة beckhaam

من عيوني اجي لو تبي للمريخ ..

---

تسلملي العيون وراعي العيون بعد ياخلفهم :o :o

في الرياض ؟؟؟؟ ابعيد علي :confused:

سووه في البحرين احسن :d

يلا عليكم بالعافيه للي بيحضر التجمع ولا تنسون التصوير يا شباب ;)

تقبلو تحيات راعي الاكورد :cool:

يالله ياشباب نبي همتكم .. والله الله بالتصوير

وأنا والله أعلم ماأقدر أجي لأسباب يعلمها ن ك د

في أمان الله...

أنا بعيد عنكم، لكن من جهتي قمت بتثبيت الموضوع، نظراً لأن مراسلينا في إجازة :)

هالله هالله في الصور :)

:d ســـــــــــــــــــــلام :d


قـــــــــــــــــــدام حبيــــــــــــب البــي ن ك د :d

ان شــــــــــــاء اللــــــــــه حاظرين :cool:

من اليــــــــــــوم بـأغســــل اكوردتي بســــــتب الكــــــــــــــــفرات :d متحمس:p

تحيـــــــــــــــتي للجمـــــــــــيع ;)

أنا أول من يجي

انا ماني جاي >>>>> مخربها :eek:

ماني جاني الا بالاكورد الله لايعوق بشر :d

ولو حبيب ألبي اقدر استغني عن هالعوينات خيو >>>> مصدق انه لبناني :d

احسبلي واحد بيبسي معك ان الله احيانا >>> بس ان شاء الله المره ذي مافيه زواج :) ولا مطعم هرفي :d

اهم شي المكان يكون صح لانه المره الاولى الاضاءة كانت ضعيفه
بس الكاميرا اللي بجوال دحوم كانت توب >>>>>> افلقني ان اشتغل الجوال الحين :rolleyes:

نراكم على خير

ما عليكم بالليل و لا بالنهار ما تفرق

ان شاء الله بجيب معي كاميرا صح :cool:

اذا على الكاميرا معاااي وحدهـ تووووب 990 بكسل

ان شااااء الله اكوووون متواجد معكم
سلملم

بإذن الله تعالى أكـــون حاضر ومتواجد لعيوووووووووووووووووووونكم

بس تكفون شوفو مكان مناسب ولايضيع لأني بجي من الشرقيه

فوتكووووووووو بعافيه ,,,

بأذن الله جايك يالتجمع جايك ....

والله فكره كنا ننتظرها من زمان .....,

الأماكن ياليت كل واحد يقترح حتى نشوف افضل موقع ونتفق عليه ونروح له .....,

الاستاد ملك فهد

الفكرية

فيه على طريق الملك عبد الله عند مدارس الارقم اللي يعرفها ساحة كبيره والله يعني تصلح الا اذا كنتوا ناوين جلسة اذا كنتو ناوين جلسة انا أقول عند الاستاد الملك فهد هذا رأيي

وتراني مالي خبرة في الاماكن يعني اللي يدل خل يفيدنا بأسرع وقت تكفووون ....

ان الله يسر .. ومشت الامور تمام ..


بإذن الله أول الحاظرين ;) ..



ومشكور ع الجهد نكودي .. :rolleyes:

اااااااااااااااااخ يالقهر

يعني ماسويتو التجمع الا قبل العيد

<<مقهوووووووووور

انشاء الله على خير
انا عندي انتداب للحج

بس انشاء الله الحق عليكم <<زبط زبط ياعم الحاج
انا من الرياض

بالتوفيق
لاتنسون الصور

اقتباس:

---

المشاركة الأصلية كتبت بواسطة الاخطبوط

انا ماني جاي >>>>> مخربها :eek:

ماني جاني الا بالاكورد الله لايعوق بشر :d

ولو حبيب ألبي اقدر استغني عن هالعوينات خيو >>>> مصدق انه لبناني :d

احسبلي واحد بيبسي معك ان الله احيانا >>> بس ان شاء الله المره ذي مافيه زواج :) ولا مطعم هرفي :d

اهم شي المكان يكون صح لانه المره الاولى الاضاءة كانت ضعيفه
بس الكاميرا اللي بجوال دحوم كانت توب >>>>>> افلقني ان اشتغل الجوال الحين :rolleyes:

نراكم على خير

---

:d

ان شـاللهٍ نكـونٍ موجودينٍ وتستاهلٍ اخوي ن ك د

راعي الأكورد ابشر حبيب قلبي يبي لنا نسوي تجمع في البحرين <<< يبي له :cool:

Honda owner معذور حبيبي لكن حاول من الحين ضبط وضعك وان شاء الله نشوفك :rolleyes:

Honda يعطيك العافيه حبيب قلبي كان ودي تحضر لكن خيرها بغيرها حبيبي :)

BLK حاول تجي خلنا نشوفك تراك قريب بالشرقيه :o والصور ابشر ;)

ه ا د 451 اي تعجبني وانا من الحين بديت بالتضبيط على السياره :cool:

Juventus انت اهم واحد يجي تدري ليه ؟؟؟ <<< نسيت الدوره ;) حق كرسي الاعتراف :p <<< الا تعال وين اللي على الخاص :confused:

الأخطبوط والله لو ماتجي يصير كلام ثاني <<< ارجعك المستشفى :p والبيبسي مجهزه من الحين في درج السياره ومن ناحية الكاميرا موجوده

accord 06 اهم شي انك تجي <<< واخيرا :o

beckhaam تعجبني يا تلميذي

ناويها نيه والاكورد لؤلؤي هلا واللللللللللللللللله بصراحه ماتوقعتك ترد......... خلاص بعد التجمع نقلبها هجوله <<<<< ههههههههههاي;)

accord 4 ever كنت ناوي اكلمك على الموضوع هذا اذا موجود بالرياض تحضر فاهم تراك على البال

اكورد 7 حياك حبيبي في اي وقت اذا الله احيانا


A C C O R D والله مواقعك حلوه لكن الخوف من الشباب يقولون بعيده واللا من ذا الكلام ويعطيك العافيه على المجهود والبدايه المشجعه :cool:

Royale V8 ان شاء الله الأمور تمام ونشوفك يابعدهم

accord 2002 يعني لازم الانتداب ؟؟؟ اسحب على جدهم بس :d

اقتباس:

---

المشاركة الأصلية كتبت بواسطة الجارح

ان شـاللهٍ نكـونٍ موجودينٍ وتستاهلٍ اخوي ن ك د

---

حياك ياجارحنا :o فض نفسك من الحين :cool:

بسم الله


اولادي فلذات كبدي


مشكورين على الموضوع اللي مثل العسل



وانا اقترح العصر والموقع عند استاذ الملك فهد






وانا جاي جاي الله لايعوقب شر لو ان التجمع بـــــ روما لاكن ابي اخش عليكم والكورد تاكي تاكي هههههههههههههه



على احلى تكبيس <<<<<<<<<<<<<<<<<<<<<<< عاد بلا مقس زايد





انا اقترح الاستاذ وش رايكم وعشان التصوير بحيث يكون الاستاذ خلفيه للاكوردات فكروا بها

فيه مكان حلووووو مره بس خوفك من زحمة السوق لأن التجمع قبل العيد بكم يوم ...,

المكان الأول اللي هو عند مواقف سوق غرناطة اللي على الدائري الشرقي كبيره مره وتصلح والله ما عليها كلام

المكان الثاني مواقف بنده وسوق الرمال اللي عند مخرج 16 برضو نفس الفكره كبيره وما عليها كلام


اللي عنده خبره يفيدنا .......,

حياتي كلها اكورد<<< يعجبني اللي زي تفكيري انا معاك 100% نبغى خلفيه حلوه للتصوير :cool:

والله اني من اليوم قاعد افكر في مكان حق التصوير ;)


A C C O R D والله مثل ماقلت انها بتصير زحمه لكن خلنا ندور غيرها ونخليها آخر شي ومشكور على حماسك <<<< اي تعجبني :cool:

اقتباس:

---

المشاركة الأصلية كتبت بواسطة ن ك د السـعــــوديه 3 5 7

BLK حاول تجي هلنا نشوفك تراك قريب بالشرقيه :o والصور ابشر ;)

---

ابي اعرف المعنى

من الفضاوه <<متصيد لك

من عاشر قوم اربعين يوم صار منهم

ياستاذ نكد انت المدرس والظاهر خربت اللغه العربيه<<خخخخخ

واما الانتداب الى الحين صاير فيه تشت
ماندري متى نروح ولازم احضر في اول شهر 12
وسلملم

تم تعديل النص بواسطة ن ك د وذلك بعد وقوعه بالمصيده بعد ساعتين تقريبا :p


كفشنااااااااااااااااااااااااااااااااااك يا نكوووووووودي:cool:

خلاص اوكية انشاء الله جاي

بس يالايت تحددون المكان والوقت

ويعطيكم العافية

طبعا بما اني ذكي اشكر رايك يا نكد




ومني تتعلمون..................:d

انت حددو المكان انا ان شاء الله نحضضر بإذن الله

أنا أشوف أحسن مكان هو إستاد الملك فهد

بعيد عن التفاتيش والقلق ,ساحه كبيره

وبعدين كلها أقل من ساعه وإنت وآصل .. ومع أجواء الأيام هاذي يعطييك:cool:

عساكم على القوة شباب ..

والله اني كنت انتظر اللقاء هذا .. على احر من الجمر بس صراحة الموعد ماهو ضاااااااااابط معي بالمرررررررررررة .. لاني ماصدق على الله تجي عطلة .. عشان اروح للاهل ..

لكن ان شاء الله بالمرات الجاية باكون حاااااااااااااااااااضر 100%



تمنياتي بالتوفيق للجميــــــــــع .. ولا تنسون الصور ..

السلام عليكم جميعا
اول شي اعتذر عن التأخير بالرد اسف نكود
المهم

بالنسبه لاقتراح استاد الملك فهد اول شي بعبد وماراح يسمحون
انا اقول نفس المكان الاول عند بلاك هاوس
ومعليش للي صوتو انه يكون بالليل ماينفع برد
خلوها العصر على شان التصوير والجو بعد
ونبي نعرف من الي يبي يجي على شان نشوف العدد
تحياتي

نكودي أنا آآآآآآآآآسف على التأخير وأعتذر منك ومن الشباب على الإنقطاع لبعض الظروف الطارئه والحمدلله عدت على خير..

والتجمع جاء في وقته لأن من جد إشتقت للشباب..
وأنا معاكم كان تبون حتى التجمع الفجر:d .

بس!!! أنا أضم صوتي لماستر حنوم وأقول إنه جدا منطقي...

وأنتو فصلو وإحنا نلبس..

نكودي ميرسي على إتصالك وصديقك الحمدلله بألف صحه وعافيه..

ان شاء الله اكون من ضمن الحضور

رايكم !!!

بعد التجمع نمشي سوى على طريق الملك فهد او الدائري ( موكب ) ؟؟؟

اقتباس:

---

المشاركة الأصلية كتبت بواسطة هونـ2006ـدا

ان شاء الله اكون من ضمن الحضور

رايكم !!!

بعد التجمع نمشي سوى على طريق الملك فهد او الدائري ( موكب ) ؟؟؟

---

وين عزيزي بالتجمع الاول الدوريات استقعدو يالله اقناعهم اننا ماراح نسوي موكب

اقتباس:

---

نكودي أنا آآآآآآآآآسف على التأخير وأعتذر منك ومن الشباب على الإنقطاع لبعض الظروف الطارئه والحمدلله عدت على خير..

والتجمع جاء في وقته لأن من جد إشتقت للشباب..
وأنا معاكم كان تبون حتى التجمع الفجر:d .

بس!!! أنا أضم صوتي لماستر حنوم وأقول إنه جدا منطقي...

وأنتو فصلو وإحنا نلبس..

نكودي ميرسي على إتصالك وصديقك الحمدلله بألف صحه وعافيه..

---

هلا بك بلاكي والله اشتقنا لك
مع اني بالتجمع الاول ماسولفت معك مره ههههههـ
ومشكور على تأيدك لاقتراحي

اقتباس:

---

المشاركة الأصلية كتبت بواسطة هونـ2006ـدا

ان شاء الله اكون من ضمن الحضور

رايكم !!!

بعد التجمع نمشي سوى على طريق الملك فهد او الدائري ( موكب ) ؟؟؟

---

ايييييييه ..


عشان يصير ورانا موكب دوريات ..



بس ما راح يطردونا ..



لا ... مجرد حماية :d

اقتباس:

---

المشاركة الأصلية كتبت بواسطة ROYALE V8

ايييييييه ..


عشان يصير ورانا موكب دوريات ..



بس ما راح يطردونا ..



لا ... مجرد حماية :d

---

طيب وراك مصغرها
كنت احسبها نمله على الشاشه هههههههه

صراحه اعجبتني فكرة الموكب

نسوي موكب صغير بعدين ناخذ فره في التحيله اذا كان التجمع عن بلاك هاوس خذ لفه وتعال عرض على ا لرصيف اللي عند موبايلي ونتعشى في مطعم ولما ترجع من العشا راح تحصل ناس يصورون السيارات
<<مثل القصيم مسوين تجمع سيارات هوندا اكورد 2005 و 2004 حوالي 15 سياره والتصوير كان بسرعه واللي مصور كان يمشي بالسياره<<توه مستلم جوال



التجمع بيكون فيه تصوير واخراج كويس وبعدين واحناعلى الموكب يكون تصوير زين

وكمان نظبط الاخراج واسم الموقع ويتم ارساله على البللولوووث <يعني بلوتوث

وكذا نكسب شهر واي واحد يوصل له العرض وهبال الموكب راح يروح سيده يسجل معنا

وانتو وش رايكم

اليوم 29/11/2006 الخميس
شفت موكب خمس سيارات 2 كامري 2 النتر 1ماكسيما
على طريق الملك فهد
بس ابداع في التظبيط كلها اوكيييييييييييييييييييييييه
تهبيط قوي جنوط حلوه 18 و 17 نيكل هلوز داخل السياره شاشات
واللي شد انتباهي النترا دعس وطلع من الشكمان نار هذي ابداع

واسف على الاطاله
وسلملم

accord 2002 والله ياخوي تعرف لازم يوم ليك ويوم عليييييييييك بس حاول انك تزبن من الانتداب ;)

bechaam تتشمت انت ووجهك ترى جايك الدور :p

algaith ان شاء الله اول مانتفق بنكتب الموقع هنا بس اهم شي تجي :o

حياتي كلها اكورد اما نتعلم منك ؟؟؟ وش نتعلم منك ؟؟؟ ماعندك الا الخراط :p

ابو فهد حياك حبيبي ولاتنسى صورتك اللي على الماسنجر جبها معاك ;)

Honda owner والله حلو مكان الاستاد لكن الخوف من كلمة بعيد :(

no more والله كان ودنا بحضورك لكن شوفة الاهل اهم وان شاء الله الجايات اكثر :cool:

الماستر حنوم والله شوف مكان بلاك هاوس اوكي بس في النهار اما بالليل والله مايجي بريال والى الحين ماحددنا ليل واللا نهار لكن بنشوف ان شاء الله ونقرر

black.H.V6 مافيه مشكله يالغالي خذ راحتك ودام خويي بخير هذا اهم شي وان شاء الله نشوفك المهم سلم لي عليه

هونـ2006 ــدا والله شكلنا بعد التجمع بنروح القسم لكن لعيونكم يوم واحد بالقسم مو شي :d

Royale V8 اماحمايه ايه هين اكيد حمايه الييييييييييييين نوصل القسم بعدين ينزلونا :p

accord 2002 لعيونك قدام نسوي موكب بس انت تعال وماعليك :d