coupe 3.5 VS caprice 6.0L

بسم الله الرحمن الرحيم

السلام عليكم ورحمة الله وبركاته

زي ما هوا واضح :)

طريحي على قولة بعض الناس :p:p ههههههههههههههههه

بين
اكورد كوبيه v6 موديل 2009((سيارتي:cool:))
و
كابرس اس اس v8 موديل 2009

الهرجة سارت في جدة وفي طريق الملك بالزبط :)
طبعا هذا مو اول اس اس طبعا لا لومينا ولا كابرس

طبعا اكيد كثير حينكر ويكذب :)
بس ترى الاكورد معدلة :) ومو تعديل محل .. تعديل شغل بييييييييت :) كلو شغل يدي
عليها حاجات :P
المهم للي مو متأكد اخر مره جربت مع اكورد كوبيه 6 سلندر اعطيتو 4 عواميد قبل ما نوصل 160

المهم هذا احد الضحايا .. والفيديو فيه حركة نخولة:d .. لانو وقفنا في نص طريق الملك وانا شفت حق الكابرس معاه شغل بنزيييييين وفرامل وتحفييرر .. حتى تلاحظو اخر دقتين بورين دقيتها بسرعة بعد ما انتبهت ههههههههه

المهم لا يكثر الكلام :) شوفو الفيديو واحكمو وترى الفرق مره كبير :)
واذكرو الله وقولو مــــاشـــاء الله :) ترى العين حق

واحنا ما قلنا شئ غلط :)

[ame]http://www.youtube.com/watch?v=8edPt07qHkc[/ame]

مــــاشـــاء الله تبارك الله

ماشاء الله تبارك الله ,,

تمام عليك والله في القومه طلعت عليه طلعه حلووه بس لو كملت كان جابك على الـ 190 او 200 :aa_news:

في الاخير بدأ يقرب ويسحب ...

ع قول صاحبك " ياعمي بدا يقرب " :d

بصراحه اعتبره انجااز للكوبيه ماشاء الله عليك

يلا شد حيلك وكمل التعديلات ونبغاك تقطع كل الـ الاوريونات والالتيمات وال اس اسات << جمع اس اس :closed:

الله يحفظلك سيارتك وانتبه من المرور السري ترى مايتفاهموا ,,



تقبل مروري

^
^
هلا واللللللله بالغالي :)

والله ممكن على 200 يبدأ يقرب مني شوية لكن ما اعتقد يعديني :d وخاصة بدأنا من صفر وانا ما قومّت السياراة زي الناس
لانو تحفر اكثر من كدا بس الظاهر مع السيسبينش تختلف قحصة السيارة :s لانو مسكين ركبت السيبينشن وفي نفس اليوم لقيتو وجربت معاه

وعلى طاري الاوريونات والألتيمات .. ترى كلمة عواميييييييييييييييد كفاية :) مره كفاية
وازود الطينة بلة :) ميتشوبيشي ماجنا 3.5 قير عادي مسك معايا شوية قومة .. وبعدها شوووف العواااامييييد
وجربنا دحدرة 40 .. والله كأني اطارح مع 4 سلندر ماشاء الله تبارك الله

وجربت مع الاوريون .. والله وانا محمل اثنين وهوا لحالو .. ودحدرة 40 .. والله عماني بالعالي ههههههههه وانا كل شوية افرد عنو

والألتميات جربت الى الان مع 2005 واعطيتو نفس فرق الاكورد الكوبيه اللي جربت معاه بس فرق كبير طبعا اوتوماتيك

من اقوى السيارات اللي جربت معاها .. مازدا 6 سلندر 3.7
جربت معاها اول شئ من 40 وبعدين من 60 وبعدين من زيروووو ((قومة ارض))

من 60 ما اكل عيش لانو نزلت القير على الاول والفيتيك شغااال وشوف العواميد :p
40 ماشاء عليه حفر كثييييييير ومسك معايا شوية بس بعدها ماشاء الله ما شاف الا هواااا

ومن صفر .. كأني اطارحت مع 4 سلندر :d والرجال ما يعرفني وانا طالع عليه 4 عواميد مدري 5 واكبسلو فرامل ههههههههههههه انفجع يفكر في سرّي والا شئ

ويعطيك الف عافية على الرد يا غالي :) وان شاء الله القااادم اكثر :)

ما شاء الله تبارك الرحمن

الله يعطيك خيرها ويكفيك شرها

وان شاء الله اشوفها على الطبيعة في طريق الملك:cool:

^
^
امين يا رب ويعطيك خير سيارتك ويكفيك شرها ان شاء الله :)
وان شاء الله تشوفها في طريق الملك ليش لا :) افتكر كم واحد راكبين سيفيك بيضة شافوني طالع على اس اس 2005 جلسو يصفقو ويقولو اصلي يا هونداااا .. هوندا تلعب والشفر يتعب هههههههههههههههههههههه والله عجبوني :d
قلتلهم خدو اليوتيرن وصورو لاني كنت بجرب مع حق الاس اس ثاني :)

والفترة هذي عندي اختبارات ادعولي بس :) وفترة الاختبارات بحاول اخلص كم شغلة برضو في السياراة ربنا يعديها على خير :d وان شاء الله تزبط .. واول خميس بيجي ان شاء الله ليا نزلة في طريق الملك :)

الله يديك خيرها ويكفيك شرها
شـــي يرفع الــــراس
تحيـاتــي

بطل بمعنى الكلمه
حسستني انها اكله شغل بيت :d ... بس ما شاء الله ماشاء الله شغل مضبوووط
الله يعطيك خيرها
تحيااتي

مشااء الله تباارك الرحمن تعرف بااقيلك جنسس كوبيه
وتسير في الالف

رووووح ياووحش مشالله عليك تبارك الله
االله يعطيك خيرها ويكفيك شرهاا
وننتضر جديدك

هههههههههههههههههههههههههههه
امااا شغل بيت :d

ماشاءالله تباركـ الله مستوى جبار
الله يعطيكـ خيرها يارب
تحياتي لكـ

اول شيء ماشاء الله تبارك الله .

بس انا ابغى اشوف قومة الكوبيه بالطبيعة متى نازل طريق الملك يلفه الهرجه عشان اجرب معاه :d

طيب عندي كابريس رويال 6.0 أبغا اجرب معاك مع اني ما عمري طلعت قومة مع احد والسيارة استخدام الوالد يعني ماله ومال القومات يوم الخميس
بس في اي طريق غير طريق الملك عندي عقده نفسية منه
ويا ليت تكون القومة ودية:)

حبيبي انا عندي كابرس رويال 2007 وكل خميس في خط الملك لونه عودي وتعال جرب وشوف ودايم يوقف عند الجميح وانزل معاك من دون باور عشان لاتقول مبرمج ! _ عموماً انا ماكذبك بس ابي اشوف قدامي اللي بتسويه استحاله اكورد 6 سلندر يوصل للكابرس الـ 8 الجديد حتى لو فل هوايات ومبرمج !!! عزيزي مشوارك طويل عشان توصل للـ 8 _ انا سيارتي اكورد ترى وعندي انتماء لهوندا بشكل مو طبيعي بس لو تفكر في عزم غلطان لو تاخد اكورد ___ الزبده لاتحط راسك بالكابرس 6.0

اقتباس:

---

المشاركة الأصلية كتبت بواسطة Accord07

حبيبي انا عندي كابرس رويال 2007 وكل خميس في خط الملك لونه عودي وتعال جرب وشوف ودايم يوقف عند الجميح وانزل معاك من دون باور عشان لاتقول مبرمج ! _ عموماً انا ماكذبك بس ابي اشوف قدامي اللي بتسويه استحاله اكورد 6 سلندر يوصل للكابرس الـ 8 الجديد حتى لو فل هوايات ومبرمج !!! عزيزي مشوارك طويل عشان توصل للـ 8 _ انا سيارتي اكورد ترى وعندي انتماء لهوندا بشكل مو طبيعي بس لو تفكر في عزم غلطان لو تاخد اكورد ___ الزبده لاتحط راسك بالكابرس 6.0

---

صدقت يالغالي

ياحبيبي لو اكورد فل هوائيات وبكرات وبرمجة

ماتمشي معا الكابرس الجديد 6,0

صاحبي عنده واحد وممشاه بطل ^_^ ألتيمات الرياض معدلين وتعبو معاه ^_^

واذا كنت تبي كابرس قولي وانا اكلم القروب اللي عندي موجودين في جدة واهم شي لايصيدونك:d

والدعوة وناسة يالغالي:cool:

والى الأمام

ألف مبروك القومة يا اتاليان بوي .. بصراحة أثرت فضولي أبي أعرف شـ التعديلات اللي ضايفها :rolleyes: ..

وبالنسبة للشباب أقول لهم لا تستهينوا بعزم الاكورد .. صح أن أكثرها عزمها عادي بس اذا جاك أكورد نشيط ترى يحط راسه براس الأوريون ومستواه جدا قريب اذا الاثنين ستوك <<< أتكلم من واقع تجربة صاحبي اللي أنا معاه أغلب الوقت ..

ثاني شي ترى الهوندا مواتر تفرق واجد اذا تعدلت وانت يا اوكر (على سبيل المثال) فاهم قصدي زين .. غير ان الاخ اتاليان بوي ما ذكر التعديلات اللي على سيارته علشان تحكموا انها هوائيات وبكرة ! :confused:

اقتباس:

---

المشاركة الأصلية كتبت بواسطة محجوب

ألف مبروك القومة يا اتاليان بوي .. بصراحة أثرت فضولي أبي أعرف شـ التعديلات اللي ضايفها :rolleyes: ..

وبالنسبة للشباب أقول لهم لا تستهينوا بعزم الاكورد .. صح أن أكثرها عزمها عادي بس اذا جاك أكورد نشيط ترى يحط راسه براس الأوريون ومستواه جدا قريب اذا الاثنين ستوك <<< أتكلم من واقع تجربة صاحبي اللي أنا معاه أغلب الوقت ..

ثاني شي ترى الهوندا مواتر تفرق واجد اذا تعدلت وانت يا اوكر (على سبيل المثال) فاهم قصدي زين .. غير ان الاخ اتاليان بوي ما ذكر التعديلات اللي على سيارته علشان تحكموا انها هوائيات وبكرة ! :confused:

---

انا اقصد يا محجوب

اكورد هوائيات وبكرات ماتمشي معا كابرس الجديد

وانا ماأدري شنوعلى سيارته

ولاتنسى كل سيارة اذا طاحت بيد سواق تصير ماشالله بطلة بمعنى الكلمة

واهم شي الواحد لايستهين بالخصم

ترى مو كل ss يمشي :d

و مو كل اكورد تمشي:d

يعطيكم الف عافية يا شباب على الردود ..
ويعطيكم خير سياراتكم ويكفيكم شرها ان شاء الله

وبالنسبة للاثنين اللي في بالي :d احب اقول لواحد فيهم (( اللي ما يطول العنب .. الخ )) :d
والثاني الصراحة ما ادري ايش اقلو
ومحجوووووووووووووب رد عليكم وبزيادة ..
وانتا يا اوكر اشوفك غيرت ردك بعد ما رد عليك محجوب ؟؟؟ ههههههههههههههه ترى الهرجة ونااااسة :d
وبالنسبة للاخ الثاني .. اللي يقلي عند الجميح ومني عارف ايش .. :d ياخي يا حبي لكم تتحمسو وتستهزئو في الواحد وتاكلوها على راسكم بعدين ههههههههههههههه ابغى اسألك كم سؤال :d اول سؤال
انتا تقول لا تحط راسك بـ راس كابرس .. !! اللي هيا سيارة الشيبان المعروف عندنا واللومينا هي السيارة الرياضية البحته ..
طيب اجل اللي جايبو في الفيديو هذا ايش ؟؟؟ كابرس والا افيو وانا مني شايف ؟؟
وترى كوابرس 2005 و 2006 ستوكات ما اكلت معايا عيش

ما علينا السؤال يقول .. ((انتا تقول صعب توصل 6 سلندر لـ مستوى 8 سلندر )) طيب تدري تسارع اكورد كوبيه 6 سلندر قير عادي من 0 - 100 في كم ثانية ؟؟؟؟؟؟؟؟؟؟؟ وهيا ستوووووووووك .. فما بالك لو اتعدلت ؟؟؟؟؟؟؟
والله لو عرفت الرقم انك ما ترجع تكتب في الموضوع ثاني ولا تتكلم عن حكاية 6 سلندر و 8

في سؤال ثاني !! ليش اخدتها رويال ما اخدتها اس اس !! ههههههههههههههههههههههههه لا تجاوب .. الاجابة عارفها في بالي :d

شركة هوندا تعتبر الرائدة في الاستجابة للتعديل في مكاينها ..
كثير نسمع سيارات هوندا 4 سلندر معدلة وصلت 500 والا 600 حصان .. وهيا 4 سلندر
بس عمرنا ما سمعنا كابرس والا لومينا حتى وهيا 8 سلندر ما وصلت 600 حصان هههههههههههههههه اقنعتك صح ؟؟؟

بعدين يا حبيب ألبي .. انا صارف على السيارة حدود 12 الف تعديل وقطع
عشان تجي تقلي هوايات و6 ما توصل لـ 8 ههههههههههههههههههههههههههههههههههههههه
والله انك طيب :d بعدين احب اقلك شئ .. شغل البكرات وما بكرات على الهوندات ما تفرق ترى .. اللي تفرق كثير في الامريكي حقكم وخاصة مكاين ls1
يعني لو سمعت هوندا مركب بكرة .. لا تخاف ترى ما بتنصرع السيارة :p كأنك سمعت انو مغير بواجي بس :d
بعدين يا حبيبي لا تتكلم على البرمجة وانتا ما تعرف ايش هيا وايش هيا بالنسبة للهوندات !!!!!!!!!
تدري انا لو خليت الفيتيك يفك من ار بي ام ما بين 2 والا 3 وربي يا شيخ اقفل طبلون قبلك بألف مرة

البرمجة لحد يتكلم عنننننننها اذا ما كان يعرف ايش هيا .. واكبر دليل يا ابو رويال ان البرمجة شئ جبار .. اوكر صاحبك :d اللي جالس يختملك في الرد حقك هههههههه سحب كلمة (( برمجة )) في الرد اللي بعد محجوووووب :d

بس ياخي يعجبني حماسك الزايد ههههههههههههههههه روح شوف مقاطع اليوتيوب .. ألتيمات ستوك شوف لمن تكون قير عادي وتجرب مع الاس اس ايش تسوي فيه .. فما بالك اكورد كوبيه بنفس مستوى الألتميا وتكون معدلة ؟؟؟

والهرررررجة ونااااااااسة وحبّي يا شباب :d

يا شباب عندي صاحبي عنده كابرس اس اس 09 طلع مع هوندا سيفك موديل قديم يعني من 92 الى 95 و عطا الكابرس مسافة 3 عواميد تقريباً

السلام عليكم ..... ما شاء الله على موترك و كلشي ممكن ليه لا :)

بس أحب اعلق على كلامك بخصوص البرمجه لا تعتقد ان الفرق اللي راح يجيك من البرمجه مثل الشقر


لان البرمجه بالأكورد رفع شراره + توزين فيول <---الفرق الي يجي منهم سياره وانه السياره تكون موزونه


الشفر يفرق كثير لأن فيه التوركـ منجمنت حق المكينه ينلغي وهذا لحاله يعطي فرق كبير والتورك منجمنت حق القير يتخفف وهذا يفرق بعدين ينرفع شراره وينوزن البنزين عشان كذا تشوف فرق كبير



بعدين عندي استفسار اخير انت تقول في بدايت الموضوع انك معدل تعديل يد شغل في البيت :d <<< ما شاء الله عليك

بعدين قلت ان التعديل و القطع كلفك 12 اللف :cool: << ما شاء الله

السؤال انت شريت قطع بقيمت 12 أللف و ركبتها في البيت ؟؟ اذا كان كذا انا انصحك تفتح ورشه ما شاء الله عليك الله لا يضرك

واااصل و الى الامام :)

ليا تعقيييب لكلامك ان شالله !!

اقتباس:

---

المشاركة الأصلية كتبت بواسطة italian-boy

يعطيكم الف عافية يا شباب على الردود ..

ويعطيكم خير سياراتكم ويكفيكم شرها ان شاء الله

وبالنسبة للاثنين اللي في بالي :d احب اقول لواحد فيهم (( اللي ما يطول العنب .. الخ )) :d
والثاني الصراحة ما ادري ايش اقلو
ومحجوووووووووووووب رد عليكم وبزيادة ..
وانتا يا اوكر اشوفك غيرت ردك بعد ما رد عليك محجوب ؟؟؟ ههههههههههههههه ترى الهرجة ونااااسة :d
وبالنسبة للاخ الثاني .. اللي يقلي عند الجميح ومني عارف ايش .. :d ياخي يا حبي لكم تتحمسو وتستهزئو في الواحد وتاكلوها على راسكم بعدين ههههههههههههههه ابغى اسألك كم سؤال :d اول سؤال
انتا تقول لا تحط راسك بـ راس كابرس .. !! اللي هيا سيارة الشيبان المعروف عندنا واللومينا هي السيارة الرياضية البحته ..
طيب اجل اللي جايبو في الفيديو هذا ايش ؟؟؟ كابرس والا افيو وانا مني شايف ؟؟
وترى كوابرس 2005 و 2006 ستوكات ما اكلت معايا عيش

ما علينا السؤال يقول .. ((انتا تقول صعب توصل 6 سلندر لـ مستوى 8 سلندر )) طيب تدري تسارع اكورد كوبيه 6 سلندر قير عادي من 0 - 100 في كم ثانية ؟؟؟؟؟؟؟؟؟؟؟ وهيا ستوووووووووك .. فما بالك لو اتعدلت ؟؟؟؟؟؟؟
والله لو عرفت الرقم انك ما ترجع تكتب في الموضوع ثاني ولا تتكلم عن حكاية 6 سلندر و 8

في سؤال ثاني !! ليش اخدتها رويال ما اخدتها اس اس !! ههههههههههههههههههههههههه لا تجاوب .. الاجابة عارفها في بالي :d

شركة هوندا تعتبر الرائدة في الاستجابة للتعديل في مكاينها ..
كثير نسمع سيارات هوندا 4 سلندر معدلة وصلت 500 والا 600 حصان .. وهيا 4 سلندر
بس عمرنا ما سمعنا كابرس والا لومينا حتى وهيا 8 سلندر ما وصلت 600 حصان هههههههههههههههه اقنعتك صح ؟؟؟

بعدين يا حبيب ألبي .. انا صارف على السيارة حدود 12 الف تعديل وقطع
عشان تجي تقلي هوايات و6 ما توصل لـ 8 ههههههههههههههههههههههههههههههههههههههه
والله انك طيب :d بعدين احب اقلك شئ .. شغل البكرات وما بكرات على الهوندات ما تفرق ترى .. اللي تفرق كثير في الامريكي حقكم وخاصة مكاين ls1
يعني لو سمعت هوندا مركب بكرة .. لا تخاف ترى ما بتنصرع السيارة :p كأنك سمعت انو مغير بواجي بس :d
بعدين يا حبيبي لا تتكلم على البرمجة وانتا ما تعرف ايش هيا وايش هيا بالنسبة للهوندات !!!!!!!!!
تدري انا لو خليت الفيتيك يفك من ار بي ام ما بين 2 والا 3 وربي يا شيخ اقفل طبلون قبلك بألف مرة

البرمجة لحد يتكلم عنننننننها اذا ما كان يعرف ايش هيا .. واكبر دليل يا ابو رويال ان البرمجة شئ جبار .. اوكر صاحبك :d اللي جالس يختملك في الرد حقك هههههههه سحب كلمة (( برمجة )) في الرد اللي بعد محجوووووب :d

بس ياخي يعجبني حماسك الزايد ههههههههههههههههه روح شوف مقاطع اليوتيوب .. ألتيمات ستوك شوف لمن تكون قير عادي وتجرب مع الاس اس ايش تسوي فيه .. فما بالك اكورد كوبيه بنفس مستوى الألتميا وتكون معدلة ؟؟؟

والهرررررجة ونااااااااسة وحبّي يا شباب :d

---

عزيزي اول شي نحنا حبي بنتكلم لاتحقير ولاشي وعندي هوندا اكورد واحترم السياره هذي واحسن من الكابرس في حاجات جداً كثييير بس يوووم تجي تتكلم عن عزم حبيبي ترى والله الاكورد الموديلات الاخيره مالها اسم في الخط يعني يادوب تلعب مع اللي قدها _ لو قلت سيفيك انا معك مايحتااااج السيفيك تربببي وحوووش _ ولو الكابرس سيارة شيبان خلها سيارة شيبان اهم شي 6.0 !!! صدقني لو تشبك انبوبه ماتوصل للكابرس !!_ وترى مايحتاج تعلمني في الهوندات!! وبالنسبة لو اخدت كابرس اس اس ولا رويال ياخي مادخلك هذي مسأله شخصيه!!!_ ترى الكابرس بمستواه الستوك حتى 6.0 انا اعترف مو هالقد انفينيتي g37 يتعبه في النمر الاولى _ بس اكووورد ترى جداً قووويه _ يعني اشبك انبوبه وتعال ويادوب توصل_ياحبيبي تكلم بالعقل لاتتهيأ وتغالط نفسك ! يالطيف ترى انا ماعمري شفت عنصريه اكثر من كذا _ انا ترررى معيي اكووورد وعندي ولااااء لهوندددا بس صدقننني كعزم والله الاكورد على قددددها على سيارات من مستواها فقط !!طيب انا اقولك شي من دون زيادة كلام ومهايطه ويجلس كل واحد يغلط عالثاني ونتعب نفسنا والكلام ببلاش ونزعل بعض انزل معي بتصوييير ونزله على المنتدى !! اش قلت!؟ وهذا رقم جوالي 0555614511 والميدان ياحميدان_ وكل كلامي على الـ6.0 وترى حتى الـ LS1 فيه كلام كبير بس تجي الحين تقولي طرحت كابرس قديم ومن دا الكلام ماهتم فيه لأنو في كتيييير تعبااااااااانيييين وعزمهم سيء _ بس الجديد بدري عليييك

اقتباس:

---

المشاركة الأصلية كتبت بواسطة h.s.j

يا شباب عندي صاحبي عنده كابرس اس اس 09 طلع مع هوندا سيفك موديل قديم يعني من 92 الى 95 و عطا الكابرس مسافة 3 عواميد تقريباً

---

يعطيك الف عافية والله .. وبالنسبة لصاحب السيفيك .. معاه انتيقرا مو سيفيك ..
او اذا كنت تقصد .. هذاك برضو من القروب .. صاحب الانتيقرا الحمرا هوا افضل واحد فيهم
ومنزل مكينة ومغير جيربوكس وسيارتو 4 سلندر .. واسمو عبده ..
قدام عيني بين اس اسات يمين ويسارو وهوا في النص وطالع عليهم في القير التاني بدأ يسحب عبده .. وهذا وهوا من غير تيييربو ..
واقسسسسسم بآيات الله اني جربت معاه .. ونزلنا من 40 قسم بآيات الله ما وصلنا 100 الا وانا طالع عليه وربي اللي خلقني يا شيخ ..

ويديك الف عافية على الرد

اقتباس:

---

المشاركة الأصلية كتبت بواسطة بطوط

السلام عليكم ..... ما شاء الله على موترك و كلشي ممكن ليه لا :)

بس أحب اعلق على كلامك بخصوص البرمجه لا تعتقد ان الفرق اللي راح يجيك من البرمجه مثل الشقر


لان البرمجه بالأكورد رفع شراره + توزين فيول <---الفرق الي يجي منهم سياره وانه السياره تكون موزونه


الشفر يفرق كثير لأن فيه التوركـ منجمنت حق المكينه ينلغي وهذا لحاله يعطي فرق كبير والتورك منجمنت حق القير يتخفف وهذا يفرق بعدين ينرفع شراره وينوزن البنزين عشان كذا تشوف فرق كبير



بعدين عندي استفسار اخير انت تقول في بدايت الموضوع انك معدل تعديل يد شغل في البيت :d <<< ما شاء الله عليك

بعدين قلت ان التعديل و القطع كلفك 12 اللف :cool: << ما شاء الله

السؤال انت شريت قطع بقيمت 12 أللف و ركبتها في البيت ؟؟ اذا كان كذا انا انصحك تفتح ورشه ما شاء الله عليك الله لا يضرك

واااصل و الى الامام :)

---

يعطيك الف عافية يا غالي
والله 90% من الشغل اللي سويته كان في البيت وشغل يدي :) الحمد لله
وبالنسبة لحكاية الورشة ومني عارف ايش .. انا طالب جامعي وهدفي اتخص طب .. وما عندي وقت فاضي الصراحة افك ورشة
صح ميولي في الهندسة الميكانيكية بس ما اقدر اضيع وقت كثير فيها وخاصة التخصص هذا رواتبو ضعيفة :)

يديك الف عافية

طيب انا برد على بعض النقاط اللي قلتها اوكي بس لاتقول تعصب ترا قاعد ارد عليك وجنبي كاسة نيسكافيه وانواع الروقان:d
وبالنسبة للاثنين اللي في بالي :d احب اقول لواحد فيهم (( اللي ما يطول العنب .. الخ ))
وش هو اللي ما يطول العنب؟؟ ابيك توضحلي
الشي الثاني ترا والله وربي ما عمري جربت اقاوم بالكابرس بس صراحة انت حمستني بزيادة
الشي الثالث !! ليش اخدتها رويال ما اخدتها اس اس ؟
لأن السيارة حق الوالد مو حقي يعني ماله داعي رجال كبير ومعاه اس اس
الشي الرابع ياليت تقرأ ردي اللي كتبته انا فوق ترا قلتلك الهرجة ودية ووناسة وسعة صدر:)
أنتظر منك رد:rolleyes:
برايفت صغير لكـ>>> لاتقول هذا متعصب او انه يحقر سيارتي ترا انا توقيعي فيه نفس سيارتك وكاتب عليه يالبى قلبك:d

اقتباس:

---

المشاركة الأصلية كتبت بواسطة Accord07

عزيزي اول شي نحنا حبي بنتكلم لاتحقير ولاشي وعندي هوندا اكورد واحترم السياره هذي واحسن من الكابرس في حاجات جداً كثييير بس يوووم تجي تتكلم عن عزم حبيبي ترى والله الاكورد الموديلات الاخيره مالها اسم في الخط يعني يادوب تلعب مع اللي قدها _ لو قلت سيفيك انا معك مايحتااااج السيفيك تربببي وحوووش _ ولو الكابرس سيارة شيبان خلها سيارة شيبان اهم شي 6.0 !!! صدقني لو تشبك انبوبه ماتوصل للكابرس !!_ وترى مايحتاج تعلمني في الهوندات!! وبالنسبة لو اخدت كابرس اس اس ولا رويال ياخي مادخلك هذي مسأله شخصيه!!!_ ترى الكابرس بمستواه الستوك حتى 6.0 انا اعترف مو هالقد انفينيتي g37 يتعبه في النمر الاولى _ بس اكووورد ترى جداً قووويه _ يعني اشبك انبوبه وتعال ويادوب توصل_ياحبيبي تكلم بالعقل لاتتهيأ وتغالط نفسك ! يالطيف ترى انا ماعمري شفت عنصريه اكثر من كذا _ انا ترررى معيي اكووورد وعندي ولااااء لهوندددا بس صدقننني كعزم والله الاكورد على قددددها على سيارات من مستواها فقط !!طيب انا اقولك شي من دون زيادة كلام ومهايطه ويجلس كل واحد يغلط عالثاني ونتعب نفسنا والكلام ببلاش ونزعل بعض انزل معي بتصوييير ونزله على المنتدى !! اش قلت!؟ وهذا رقم جوالي 0555614511 والميدان ياحميدان_ وكل كلامي على الـ6.0 وترى حتى الـ LS1 فيه كلام كبير بس تجي الحين تقولي طرحت كابرس قديم ومن دا الكلام ماهتم فيه لأنو في كتيييير تعبااااااااانيييين وعزمهم سيء _ بس الجديد بدري عليييك

---

والله ادري الهرجة اكتر من حبّي والله .. بس ياخي كفاية عجرفة :D وهرجة انبوبة وما انبوبة .. ياخي سلامات !!!!!
تفكر عزم الهوندات زي عندكم ؟؟؟ تدري لو جربت مع لومينا 6 سلندر حقكم كم اعطيه ؟؟؟ تفكر انو بيمسك معايا شوية ؟؟ هههههههههههههههههههههههههههههههه ياخي سبحان الله بس :D
بعدين ايش هرجة يا لطيف ؟؟؟؟ شايفنا قدامك عريانين !! ههههههههههههههههه
وما بيننا شئ عشان ازعل منك والا تزعل مني

احب اقلك شئ بس
لو انتا ركبت انتيك واعطاك + 5 HP و رفعلك التورك +5 مثلا
في الهوندا +15 hp وبيرفع التورك 15-20 !!
فهمت قصدي ؟؟؟؟ الهوندات لها قابلية عالية للتعديل اكثر مما انتا تتخيلها .. ولا تبررلي وتقلي كوابرس 2006 مستواها طايح ومني عارف ايش .. عز الله كل الكوابرس عزمها معفن بكلامك هذا

ومدااااااااااام تبغاااااااااها فضيييييييييييييحة من جد للكوابرس ويكون لك الشرف انك تتصور وانتا مطرووووووووح
اكلملك عبده اللي معاه انتيقرا 4 سلندر قير عادي :D والله مو مسوي الا انو مركب مكينة b16 والله بس وتعديل مره بسييييط
ايش رأيك تجرب معاه ؟؟؟؟ هههههههههههههههههههههههههههه

عقبال ما اخلص اختبارات
وانتا تكون جربت مع عبده وبعد ما تنطرح يكون عندك فرصة تفكر اذا تكلمني والا لا ههههههههههههههههههههههه

وبعدين ايش قصدك سيفيك ايوا واكورد لا ؟؟؟ هههههههههههههههههه ترى الاكورد هوندا !!
ومستواها مستوى ألتيما وخاصة الكوبيه وخاصة خاصة لمن تتعدل !!
يعني بتقول عزم الألتيمات والاوريون ابو كلب وعلى قدهم ؟؟؟؟؟؟؟؟؟؟؟؟؟؟
وبعدين انا ما غالط نفسي .. انتا اللي مغالط نفسك ههههههههههههههههههههههه
ترى اللي معاه مهي سيارتي عشان تحكم :D

كـــــــــــللل اللللللي معاااااااااك اكورررررررررد 4 سلندر و 2006 !!!!!!!!!!!!!!
وجاي تحكم على 3.5 ؟؟؟؟؟؟؟ ومعدّل !!!!!
لا تغالط نفسك بس ههههههههههههههههههههههههههههه والله الهرجة حبّي :D

ياخي والله صاحي من النوم ومالي نفس ادرس مادة بكره .. بعد ما كتبت الرد هذا والله نفسي انتفحت :D :D ههههههههه

ادخل اليوتيوب مره ثانية وشوف ألتيما قير عادي vs اس اس
ولو تعرف تعد العواميد يكون كويس عشان تجي تكتبلنا متوسط عدد العواميد في الفيديوهات هههههههههههههههههههههه

اقتباس:

---

المشاركة الأصلية كتبت بواسطة كلاس وولد ناس

طيب انا برد على بعض النقاط اللي قلتها اوكي بس لاتقول تعصب ترا قاعد ارد عليك وجنبي كاسة نيسكافيه وانواع الروقان:d
وبالنسبة للاثنين اللي في بالي :d احب اقول لواحد فيهم (( اللي ما يطول العنب .. الخ ))
وش هو اللي ما يطول العنب؟؟ ابيك توضحلي
الشي الثاني ترا والله وربي ما عمري جربت اقاوم بالكابرس بس صراحة انت حمستني بزيادة
الشي الثالث !! ليش اخدتها رويال ما اخدتها اس اس ؟
لأن السيارة حق الوالد مو حقي يعني ماله داعي رجال كبير ومعاه اس اس
الشي الرابع ياليت تقرأ ردي اللي كتبته انا فوق ترا قلتلك الهرجة ودية ووناسة وسعة صدر:)
أنتظر منك رد:rolleyes:
برايفت صغير لكـ>>> لاتقول هذا متعصب او انه يحقر سيارتي ترا انا توقيعي فيه نفس سيارتك وكاتب عليه يالبى قلبك:d

---

يا قلبووووووووووووو مو عليييييييك ولا رد هههههههههههههههههههه
ما قصدتك يوم قلت اللي ما يطول العنب .. حامضٍ عنه يقووووووووول :d
ولا قصدتك لمن قلتلك رويال ما اخدتها اس اس
بس ياخي بثبت للاخد اللي معاه نفس سيارة والدك اللي طاير فيها :d داري انو اخدها رويال عشان فخامة ما اخدها اس اس
لانو ما بتفرق كلها في النهاية سيارة مهي شبابية حق كباااار سن حق عاقلين عشان كده سموها سيارة شيبان
:d

يا قلبو عليك انت يا شيخ:o
كيف الخميس طيب لك نزلة لطريق الملك ولا؟؟؟
حتى لو ما فيه قومة اهم شي شوفتك
انتظر ردك
وموفق ان شاء الله في دراستك

اقتباس:

---

المشاركة الأصلية كتبت بواسطة كلاس وولد ناس

يا قلبو عليك انت يا شيخ:o
كيف الخميس طيب لك نزلة لطريق الملك ولا؟؟؟
حتى لو ما فيه قومة اهم شي شوفتك
انتظر ردك
وموفق ان شاء الله في دراستك

---

والله يا عسل ما اعرف على حسب المزاج .. لان عندي اختبارين بكره .. اخر واحد اخلصه الساعة 9ونص
والماديت جدا جدا صعبة والى الان ما خلصت الظاهر بروح مواصل :s
اذا المزاج كان كويس والاختبار مية مية :d شدييييييييينا واخر حلاوة لعيوووووووووونك يا شيخ

ونتفاهم على الخاص احسن :)

:cool::cool:


ماشاء الله تبااااااارك الله

الله يعطيك خيرها ويكفيك شرهاااااااااااا

حبيبي تركي ...

انا مصدق انك طلعت على ss وبفرق حلو ويرفع الراس ..

ماشاء الله عليك سيارتك باين انها نشيطه ,,,

والفيديو مافيه شك وواضح وضوح الشمس ,,

دا المقطع لو نزلتوا في منتدى اس اس فور ايفر ولا حتى تويوتا العربيه راح تشوف العجب العجاب وانوااع التكذيب :rolleyes:

وروح ذاكر ارجلك بكره الساعه 8.30 عندك اختبار :d

وبعدين في الليل امرلك بالاكورد حقي اعطيك كم عامود كدا زي كل مره وتتوكل على الله :d


نصيحه جرب مع كلاس وولد ناس او مع Accord07 وخليهم يشوفوا عزم الكوبيه ,,

وقولي عشان بكون المصور للفيديو والمخرج ,,

بكره الخميس في طريق الملك اي وقت ,, << احس اني قاعد ابلف الشباب عليك :d

..................

ياخي اثبتلي ان لساعك توك داخل عالم التلغيم ودوبك مشتري سياره وفرحان تبي تنزل لأي احد _ انت يوم تجي تتكلم ماقلت عبده ولا قلت حمووده ولا قلت خلف ( وحوش الهوندات ) حبيبي انت قلت انت بنفسك بسيارتك السته سلندر الاكورد تبي تنزل مع الكابرس ولا لأ؟ هذا اللي اعرفه غييير كذا انا ماعرف تخيلني انساااان ضعيييييييف وانزل معايا ياخي دام مستهون في عزم الكابرس _ انززل بنفسك ولو تبي اجبلك وحوش الهوندات والله اعرفهم اكثر منك ياحبيبي وبالنسبه للهوندا سيفيك او اكورد تختللللف في مرااااحل كبيييييييييره في التعديييل والسيفيك بحر مايحتاج !! الزبده هذا رقم جوالي مره ثانيه 0555614511 وننزل بتصوير والشباب يشهدو وبسيارتك طبعاً لأني اعرف مستوايا مع السيفيكات والانتيقرا والبريليود وإلخ انا ماتكلمت عن الهوندات عامةً انا تكللمت عن الاكورد في مو ديلاتك فقطططط ياذكي

الفيديو.... روعه يا pink وهارد لراعي الكابرس

لكن دئما المفروض في روح فيما بينكم .... حنا نبقى اخوان في المنتدى وهذا الكلام ماينفع واانا غير مشجع للحساسيه هذي .... لو تتبغو جربو مع بعض ....لكن برا المنتدى


اتمنى اقفال الموضوع وذللك للحد من النقاش ....والحساسيه ... واللتي قد تسبب الى مشاحنات اكبر...

قولو ما شاء الله ع السيارة ترى العين حق

[ame]http://www.youtube.com/watch?v=_2EaoUF-qhs[/ame]

[ame]http://www.youtube.com/watch?v=TjLQxWUa97Y[/ame]

[ame]http://www.youtube.com/watch?v=vTJUk2l8EOU[/ame]

[ame]http://www.youtube.com/watch?v=OxEZOSd2uT8&feature=related[/ame]

[ame]http://www.youtube.com/watch?v=5jXst1CMiOI[/ame]

[ame]http://www.youtube.com/watch?v=WK7kWWf4wsM&feature=related[/ame]

[ame]http://www.youtube.com/watch?v=TsYhZKrnfyA[/ame]


هذي المقاطع اهداء الى الي ما يعرف الاكورد النشيط زين وبس لا يحكم على اكورد وحدة مخصيه

^

ارجو عدم اقتباس اي شي , لان ما لي خلق ارد والي مو مصدق مشكلته يرد على نفسه

اقتباس:

---

المشاركة الأصلية كتبت بواسطة A-C-C-O-R-D

^

ارجو عدم اقتباس اي شي , لان ما لي خلق ارد والي مو مصدق مشكلته يرد على نفسه

---

انا اقتبست يعني وش بتسوي بتضربني :d
خلاص تعال من الرياض وتفاهم:d>>>حاس اني بنجلد خخخ
المهم المقاطع حق الاكورد والكابرس اللي انت حطيتها هاذي حق واحد اسمه غير الناس في منتدى تويوتا ابي اعرف وش اسمه هنا
وما شاء الله عليه على موتره
اعذرني عالإقتباس

والله كفوووووووووو

يوم شفت عنوان الموضوع قلت بتقوم حرب

تعالوا كلكم , دحدروا معايا 120 و راح تشوفوا غبرة الـ BMW 745 بس :d <<<< شاري حرش .
بشغل أنوار الضباب الخلفية عشان تعرفوا السيارة بس .

باسل , روّق ياخي ترى الموضوع حبي و أنا أخوك يعني في النهاية كلها حدايد و كلنا أخوان و أصحاب و ما تفرقنا 3.5 أو 6.0
و أكوردك أنا اشهدلها و الله , صح جربت معاك مرة و طلعت عليك بفرق بسيط بس بعد ما شفتك أخر مرة تجرب مه السيفيك العادي قلت ذا أكيد مسوي طعّة بس الله يبعد عنها العين و يباركلك فيها .

تركي ياخي قلبنا الموضوع ترى و الله , خلاص نزل الفيديو و طلعنا على الـ SS يعني وش فيها خلاص هدّوا اللعب يا شباب .

أنا أقلكم شي , الميدان يا حميدان . أنزلوا و جربوا في القاعدة أو المحرقة و أو في خط المشروع ياخي خط ما يخلص عند باسل هناك . كلها مقاومات تقلب في الليل و نظيف الخط أتوقع .

^
ولعتها بزيادة :d

والله ياخالد قدااااام ماعندي مشكلللله ننزل انا وهوا محل مايبغى صاحبنا حتى في المشروع الله يحيه والله يمدحووه _ انا اشهد ياخالد انو بتعديييل الهوندا توصل وتوصل فوق الـ 6.0 بس مو اي تعديل _ عموماً انا مابغى استهون بالرجال ونزعل من بعض يعني انا قد شفت اكورد سته سلندر في الملك مدري اذا هوا ولا لأ عموماً هو فيه نشاط بس مايوصل للـ 6.0 _ الزبببده حدد مووعد انزل معاك فيه وبتصوير عشان يشهدو الشباب_ وبالنسبة ياخالد عن سيارتي ترى مافيها طعه ولاشي بس فكة دبه وتنشيط مو اكثر ممكن ان شالله مشاريع جايه بس خلي الرجال شويه يحقر يقول 2006 واربعه سلندر خخخخ عاادي اعطيه جووه ماعندك مشكله _عموماً رقم جوالي للمره الثالثه 0555614511 عشان تدق بس ونحدد موعد او حط رقم جوالك ياخي ادق عليك :d

^^^^^^^
وين صاحب الموضوووع ! ترى ويك اند خلينا ننسق موعد سوا !!!

اقتباس:

---

أنا أقلكم شي , الميدان يا حميدان . أنزلوا و جربوا في القاعدة أو المحرقة و أو في خط المشروع ياخي خط ما يخلص عند باسل هناك . كلها مقاومات تقلب في الليل و نظيف الخط أتوقع .

---

فين هذا المكان