بعد الفحص المجاني تعال شوف كم الفاتوره وشاركنا الراي

السلام عليكم ورحمة الله وبركاته

مساكم / صباحكم خير <<< مره ماله في المقدمات :d

رحت اليوم الوكاله فرع خريص عشان افحص مجاناً وما شاء الله على الزحمه ربعنا يحبون ابو بلاش ولا الومهم مع عبدالله هاشم

المهم بعد الفحص طلع لي فاتوره

* فحص وتبديل اذا لزم فلتر زيت المكينه

* فحص وتبديل اذا لزم فلتر الهواء

* فحص وتبديل اذا لزم زيت ناقل الحركه اتوماتيك

* فحص وتبديل اذا لزم المساعد الامامي كامل الجانبين

* فحص وتبديل اذا لزم لمبة ، شمعة النور الامامي

* فحص وتبديل اذا لزم ذراع ، المساحات الاماميه الجانبين

* فحص وتبديل اذا لزم نصل ، مساحه امامي يسار

* عطل في اسطب الفرامل الخلفي

* غيار برغي تثبيت الشداد

* وزن فرامل اليد

بالنسبه للمساعدات انا قلت للمهندس عندي صوت على اليسار من يوم ما طلعت السياره من الوكاله ورحت لفرع الخالديه وفحصوا وقالوا

مافيها شي ومع تشييك ال 40 الف فحصتها في فرع خريص وبرضوا قالوا مافيها شي هذا الكلام من خمس سنوات تخيلوا مروق على

الصوت كل ذا المده واخرها اغير المساعدات على حسابي... طولت عليكم

الفاتوره القطع 3.554

اجور 720

المجموع 4.701 ريال اعذروني على اللفظ بس ما كان الموضوع فيه زرفه :confused:

وش رايكم في السعر انا اعرف ان الي مكبر المبلغ سعر المساعدات

مع اني اتوقع الثنين ما يتعدون 1200 ريال

سيفيك نص فل 2006

ارائكم ونصايحكم

توضيح زرفه = اخذ ما لا يستحق << الولد خطير في التوضيح

وسلامتكم

الله يكون في العون

* فحص وتبديل اذا لزم فلتر زيت المكينه

* فحص وتبديل اذا لزم فلتر الهواء

* فحص وتبديل اذا لزم زيت ناقل الحركه اتوماتيك

* فحص وتبديل اذا لزم المساعد الامامي كامل الجانبين

* فحص وتبديل اذا لزم لمبة ، شمعة النور الامامي

* فحص وتبديل اذا لزم ذراع ، المساحات الاماميه الجانبين

* فحص وتبديل اذا لزم نصل ، مساحه امامي يسار

* عطل في اسطب الفرامل الخلفي

* غيار برغي تثبيت الشداد

* وزن فرامل اليد

* انا عندى اضافه قبل السعر يخوى الحين لو تلاحظ كذبهم يقولون بيفحصون اكثر من 36 نقطه تزيد او تقبل ماشى طيب الشغلات الى فوق تقريبا 10 نقاط اشلون كذا ؟ هاذى واحد
التانيه الحين اجور ب 700 وشوي لييييييييييه وش فايده الفحص المجانى
الثالثه قطع حدود 5000 تستهبل هالوكاله
انا ما اقول والله ماالوم الوكاله وغيرها من الوكالات او التجار انا الوم وزاره التجاره الطيبه
وبس |.

الله يكون بالعون
رحت لهم وياليتني مارحت

موديل سيارتي 2009 وطلعو بلاوي بس كلها نصب يبون يزرفون

طلعو البطارية قالو منتهيه قلتله وش تقول قال البطارية قلت وهذا البوري طاااااااااط وهذي السويك واشغل الا الامور تمام
قالو فلتر المكية يبي تتغيير قلت ماشي
قالو فلتر المكيف قلت ماشي
قالو المساحات قلت لا المسحات شغلها تمام
قالو القماشات (الفحمات)
الامامية والخلفية قلت ماشي
قالو وزن الجلنط
قالو زيت الدرقسون قلت ماشي
قالو زيت المكينة قلت وقف توه جديد واورية الفاتوره

بس والله ياشباب انهم يبون يلهفون لهف

^^^^^^^^^^^^^^
حميد انت فاهم الموضوع غلط

هذي النقاط اللي تم اكتشاف الخلل فيها بعد الفحص

بالإضافه الى انه أسعار القطع + شغل اليد غير مجانية

الفحص فقط هو اللي مجاني

:)

حتى لو شغل يد مو بفلوس ..
بس تقريباً اذكر السنه اللي طافت سعر القطع يمكن عليه خصم 65 % ..
يعني لازم في خصم بعد ما تفحص عندهم ..
اما فاتورة قريب توصل 5000 ريال .. يمشّو بوزهم ياخذوها ..
أما اخونا صاحب السيفيك 2009 ..
والله لو انا منك ما أغير ولا حاجه فيها هذولا نصابين وكذابين ..
السيارة اتدوم وياك يمكن 3 سنوات بدون ماتحط فيها غير زيت قير ومكينه وفلتر مكيف مرة وحده فقط و 3 فلاتر للمكينه كل سنه واحد ..
مو كل شي يقولوه لك اتغيره ..
انا بعد بكرا بروح لهم وباشوف وش عندهم ..

طيب السياره كم تجلس وقت عندهم لاني ناوي اروح الاثنين ولا الثلاثاء

اقتباس:

---

المشاركة الأصلية كتبت بواسطة ابو حمدان

طيب السياره كم تجلس وقت عندهم لاني ناوي اروح الاثنين ولا الثلاثاء

---

بعد اذن صاحب الموضوع .. أخوي أبو حمدان تخلص في وقتها وتاخذ سيارتك معاك لأنهم يفحصون السيارة بشكل سريع وما تاخذ وقت.. أما بخصوص موضوعك أخوي exi فأنا أشوف المبلغ جدا عااااالي وما أظن كل الشغلات اللي ذكروها لك يحتاج لها تغيير وأنصحك تغير الضروري فقط..

:eek::eek:
بصراحه غالي بقوووه أنصحك تغير الأشياء الازمه فقط.

مشكور على ردودكم وتفاعلكم في الموضوع

وما راح اغير عندهم الا المهم

واكيد سعر القطع والاجور غير والفحص المجاني السنوي غير

والمشكله ان ما فيه مثل الوكاله اضمن للسياره

اقتباس:

---

المشاركة الأصلية كتبت بواسطة ابوزكي

حتى لو شغل يد مو بفلوس ..
بس تقريباً اذكر السنه اللي طافت سعر القطع يمكن عليه خصم 65 % ..
يعني لازم في خصم بعد ما تفحص عندهم ..
اما فاتورة قريب توصل 5000 ريال .. يمشّو بوزهم ياخذوها ..
أما اخونا صاحب السيفيك 2009 ..
والله لو انا منك ما أغير ولا حاجه فيها هذولا نصابين وكذابين ..
السيارة اتدوم وياك يمكن 3 سنوات بدون ماتحط فيها غير زيت قير ومكينه وفلتر مكيف مرة وحده فقط و 3 فلاتر للمكينه كل سنه واحد ..
مو كل شي يقولوه لك اتغيره ..
انا بعد بكرا بروح لهم وباشوف وش عندهم ..

---

تدري اني ما قد غيرت فلتر الهواء ولا مره

وعموما معاكم ان شاء الله وقت حتى يوم الاربعاء

انا لو بدخل سيارتي

احس بيطلبون مني اقل شي 5ألف ريال هههههههههههههههههه

مساعدات هوبات عكوس يايات جلد مقصات وغيره

اسويها خارج الوكالة ارحم واصرف لي

والله يكون بالعون

يارجال لو سيارتك سليمه اقل شي 3000 ريال

سبحان الله امس في التشييك واليوم البطاريه انتهت هههههههههه

الحمد لله على كل حال

لا تعلييييييييييق

http://store2.up-00.com/May10/j2Q12698.jpg

طبعا اكورد 2007


http://store2.up-00.com/May10/0uT12698.jpg

10294 ريال :eek: خخخخخخخخخخ

اما انا رحت اول يوم لفرع الدمام والسياره اكورد 2007 ماشيه 100650 تقريبا وبعد الشيك طلع عندي على كلام المهندس :
3 كراسي للمكينه والقير
الدينمو والربله اللي ترفهع القزاز حق الراكب
واسوي صيانه 100000 ( وبعد نقاش قال وزن بلوف - سير الخارجي حق المكينه - بوجي )

وطبعا رحت عند مهندس استقبال هندي وجاك يبي ينصب علي وانا طبعا غاسل يدي منهم من مبطي وطلع لي فاتوره بقطع مألفها من راسه:
* الكراسي حقت المكينه والقير و عددها 6 كراسي ب 3200 ريال (( المفروض انها ثلاث )
* صيانة ال100000 الف كامله بالرغم اني مغير كل شي من قبل وما بقى الا وزن بلوف - سير الخارجي حق المكينه - بوجي
* البوري ( الهرن ) العالي والواطي مع ان الوطي شغال تمام التمام
* الدينمو والربله اللي ترفهع القزاز حق الراكب
كلها تكلف 5700 ريال بعد التخفيض....

( يا لبى قلبك م/ يا عبدالله الشريف بس بلا هندي بلا فلبيني )

ياهلا والله


توي جاي من الفحص المجاني :)

والله ياهو زااااحمه طابور طويييل

بس الحمدلله خلصت

ابشركم ماطلع في سيارتي الا العافيه
بس يقول غير زيت القير لاكملت 60 مو الحين :)

ويقول فيه مشكله وحده اللي هي انه فيه صوت بالرمانات :d
الصراحه انا ماسمعت شي يوم كنت عنده مدري من وين سمع :confused:

بس اللي قهرني شي واحد

الحين مشغليننا فحص مجاني وبالأخير يقولي فيه صوت بالرمانات.. رح قل للمهندس يقولك
واروح انطق على شان اقابل الباش مهندس وآخر شي يقولي فيه صوت لكن ماندري وشو الخلل بالضبط
تعال بالصيانه الجايه لسيارتك هههههه :d!! > بيلهفون مني حدود 500 ريال على الصيانه الجايه ويمكن يطلع فيها شي ويمكن لا :p

انا شخصياً مخلي الوكاله لشي واحد .. اللي هو تغيير الزيت والسيفون لأن سعرهم مو بعيد عن برى وأريح لي برضو :d

في أمان الله

كنت ناوي اروح بس هونت
زحمة ونصب

أكورد 2003 ،،
بروحلهم بكره واتوقع يعني يمكن من دون المكينة والقير ،، يعني يمكن تصفي الفاتورة على 13، 14 ألف وعليها بعد الخم ،، <-- منتهيه أكورده :mad:
بس إن شاء الله أعطيكم الفاتورة لما أرجع من عندهم

الله يعين الجميع والله يرزقنا بوكيل ثاني<<< معليش خلونا نحلم

مشكور لمروركم

ياحبيبي فحصهم زي وجههم ..

فحص نظري ووووين ..

انا على بالي كمبيوتر ..

لو داري ماراحت لهم ..

يعطيك العافية ... يا مجوووووووووووووووووووووووووودي

والله من النصب الي في الوكالة :mad:

قالولي زيت القير يحتاج تغيير<<< انا مغيرة قبل شهر ونص يعني الحين ماشي عليه 3000 كيلو
زيت المكينة يحتاج تغيير <<< انا مغيرة قبل شهر ماشي عليه 2000 كيلو
فحمات خلفية مع خرط هوبات <<< قبل 3 اسابيع غيرت الفحمات وخرطت الهوبات ورجلي (محشومين) خفيفة على الفرامل
كراسي قير تلفانه <<< انا مغيرها قبل شهر ونص
..................... الخ الخ من النصب
طلعوا فاتورتي بدون شغل يد 9000 بدون خصم
مع الخصم 7000 وعليها

سيفيك 2006 قطعها نفس سعر سيفيك2010 من كل النوواحي بس البدي يختلف الاسعاار

السلام عليكم مستغرب أنا من هذي المبالغ المرتفعه بزياده وخاصه اصحاب الأكورد 2007 الله يعينهم
أنا سويت فحص مجاني عندهم ومعي سيفيك 2006 الحمد لله ما فيها شي بس يبغالي تغيير جلد مقصات
ولا سجلها في الفاتوره مع اني لعن ابو الموتر بس الحمد لله المطلوب
تغيير زيت القير-تغيير زيت المكينه-فحمات-قماشات-سير المكينه-فلتر مكيف.
والباقي حجرتهم مثل بوتجي وغيرها قلت لهم مغيرها
طلع علي كل شي 900 ريالا مع شغل اليد أعتبره السعر رخيص وحلو عشان أكثر القطع المطلوبه غاليه مثل فلتر مكيف والسير
مع شغل يدهم سعر حلو بس ماني مغير عندهم والسياره ماشيه 110 ألف مشاء الله تبارك الله.

اقتباس:

---

المشاركة الأصلية كتبت بواسطة الاكوادوري

لا تعلييييييييييق

http://store2.up-00.com/May10/j2Q12698.jpg

طبعا اكورد 2007


http://store2.up-00.com/May10/0uT12698.jpg

---

هههههههههههههههههههههههههههه
من جد لا تعليق ..
ليش ماقالو لك توضيب مكينه وقير بعد ..
هذا اللي ناقص

والله ياخوان انا رحت يوم الاربعاء الماضي وحقيقة ندمت اني ضيعت ساعتان في الانتظار وفي النهاية فحص استعباطي ﻻ يمت الى االاتقان ولا الى الاحتراف بصلة
كلها فحص ماء الرديتر ورفع السيارة والنظر السريع من اسفلها

وعند التسعير قام الموظف باعطائي تسعيرة للفحص الدوري 50000 متناسيا قطعتين وردت في الفحص


ﻻ حول وﻻ قوة الا بالله

انا قالو لي يبوني اجيبها صيانة 110 ألف كيلو ..
وقالو في بعض التغييرات بيغيروها واتكلف كامله 1805 ريال