ناوي على هوندا civic 2009
السلام عليكم و رحمة الله و بركاته
عندي جيب باثفايندر 2008 و ناوي أخليه للعيال و للمدارس و آخذ لي سياره لي و للدوام تمشي حالي ما يهمني غير المشوار و أنها عمليه و مكيف و مثبت سرعه
كل ما دخلت وكاله لقيت سياره تشدني بقوه
إذا دخلت فورد شدني الفيوجن و سعره و مواصفاته و سعره
و إذا دخلت هونداي سياراتهم كأنها مخدرات ما تقدر تشيلها من راسك من رخصها و مواصفاتها
تيوتا سيارات حلوه بس ما لي نفس فيها مدري ليه
المهم لقيت هوندا سيفيك بقايا 2009 (نص فل) بسعر 64 ألف تقريباً مخفض بسبب نزول 2010 و لقيت المواصفات اللي أبياه بدون زياده و لا نقصان (ما أحب جنوط و لا كشافات و لا فتحه و لا جلد و لا أزرار لمس و لا جناح و لا تهمني السماعات) و في نفس الوقت (قزاز كهرباء, مثبت.... الخ) يعني بالضبط اللي أبيه
و السياره شدتني بقوه خصوصاً أني لقيت اللون اللي دائم أحلم به أبيض من الخارج و رمادي من الداخل
و لقيت مبيعاتها عاليه و دخلني المندوب الى المستودع و وراني كمية كبيره جاهزة للتسليم بلوحاتها و قراطيسها قلت أكيد ما عليها كلام
بس قبل لا أعطيه الشيك مصدقو جاهز خلوني أكتب موضوع هل تنصحوني بها
أنا خوفي الوحيد هو النظام الكهربائي للطبلون كلها بالإناره و هذا يعني احتمال أي خراب بالطبلون يكلفني كثير قطع غيار.. و مندوب المبيعات طبعاً عطاني من الكلام المعلب الجاهز (سيارات هوندا ما تخرب أبد فلا تخاف) هههه
عطوني رأيكم
